رجاليه لمصاب الزهراء
على وزن النصاري


صعب ماينحمل فكد الزجيه
بعد هيهات طبتها عليه
امي الدللتني
راحت ضيعتني
بعد هيهات طبتها عليه
-------------------
صعب ماينحمل فكد الحنينه
وبعد هيهات طبتها علينه
ماترجع بعد امنه وتجينه
ظلت دارها وحشه وحزينه
دارج بقت ظلمه
يم الحسن يمه

بعد شيعودنه ونكعد سويه
------------------
وحشه الدار من يوم المشيتي
ييمه بحالتي مافكريتي
لا كلتي ابنيتي اولا حجيتي
بساع بساع يمه حمليتي
عفتني ييمه
بس الدمع يهمه
انوح اعليج والدمعه جريه

--------------
على مصابج ييمه يهل دمعنه
وافراكج ترى غير وضعنه
وين الوالده الجانت تلمنه
بعد مترد بعد ماترجع النه
عافتنه الحنينه
بعد ماترد لينه
وماتدري وراها شصار بيه
------------
وين الكه بعد مثلج ييمه يالرحتي ومشيتي بليله ظلمه
وطشرتي الشمل ياهو اليلمه
وخليتي الكلب كثران همه
كثر همي بغيابج
يالرحتي بشبابج
وعندج بالنزل ظلت ابنيه
----------------

اشلون اصبر على افراكج يزهره
وضلت بالكلب يايمه جمره
عليج انحب واجر يحبيبه حسره
واعلى امصيبتج اُهمل العبره
عليج الكلب محزون
ودوم اتهل العيون
والنار بوسط كلبي سريه
--------------
يم حسين هد حيلي مصابج
يالرحتي غصب باول شبابج
لو تدرين لوعتنه بغيابج
وماننسه ييمه حرك بابج
مصابج مانسيناه
عليج انصيح اويلاه
شفتي امن العده ضيم واذيه
--------------
ام حسين الهلالي
اسالكم الدعاء لي ولوالدّي بالرحمه
https://t.me/gjjyfko

طور يخيمات

ورى الباب
عصروا فاطمه الزهره ورى الباب
صاحت صوت فضه صدري انعاب
ومحسن سكط من عندي بالعتاب
▪️▪️▪️▪️▪️▪️▪️▪️▪️▪️▪️
بس غمضت عين النبي /الكوم اهجموا عليها

حركوا الباب بكل حقد /واخذوا علي وليها

عصروها والضلع انكسر /طاحت ميدري بيها

وعالعتبه محسنها وكع /
وتنطر علي يجيها

يكرار
صاحت وين ياحيدر يكرار
ترضه اشلون وجوا داري بالنار
ضلعي انكسر وبصدري البسمار
▪️▪️▪️▪️▪️▪️▪️▪️▪️▪️▪️
يابويه ماتدري اشجرى /واشعملت الرعيه
ما رعوا كدري وحرمتي /هجموا سوى عليه
ماجني بنت المصطفى /وعزيزته الزجيه
شنهوا الذنب مني صدر /
وبيتي احترك عليه

على العين
صابوني وسطروني على العين
وانه اصرخ وانادي يالابوا وين
عفتني ابين هالكوم الملاعين
▪️▪️▪️▪️▪️▪️▪️▪️▪️▪️▪️
هاي الجليله الطاهره /بس ماغبت ولوها
وصيتهم بيها اشكثر /
بعدك ولا رعوها
للدار اجوها بالحطب /
والبابها احركوها
وهيه تمانعهم غدت /من خلفه واعصروها

على الكاع

عصروها العده وطاحت على الكاع
صاحت بويه منها الكلب مرتاع
ماواحد حضر للزهره فزاع

▪️▪️▪️▪️▪️▪️▪️▪️▪️▪️▪️
ضلت عليله بالنزل /
زادوكثر وجعها
تنوح وتون ام الحسن /
سكته ويهل دمعها
عن حيدره تخفي الوجع /تخفي الم ضلعها
مايدري حماي الحمه /
ولاتشتكي وسمعها

بالاهات
تكضي الليل بالحسره والاهات
وتبجي عالجنين الي كضه ومات
مهظومه وعليه تهمل الدمعات
▪️▪️▪️▪️▪️▪️▪️▪️▪️
▪️▪️▪️
بضعه الهادي فاطمه /والطاهره الجليله
ماعدها والي او لا حمه /
بس الدمع تسيله
مالومه بفراش المرض /
ضلت تون عليله
مجتف خذوا من النزل /حامي الحمه دخيله

ينوحون
عليها اولاها اللتموا ينوحون
وابعيد البله كلهم يصيحون
وينادون يمه وتجري العيون
▪️▪️▪️▪️▪️▪️▪️▪️▪️▪️▪️▪️▪️▪️▪️▪️

خادمه اهل البيت
ام حسين الهلالي
اسالكم الدعاء لي ولوالدّي
https://t.me/gjjyfko

الوزن نصف بحر الطويل
(فزاعيه)


ام الحسن هذا اليوم
للحاجات ردناها
***
هاي الطاهره الزهره
هم اكلوبنه اتوخره
وتسهل للمحب أمره
وتشملنه بعطاياها
*****
ماخاب الندب بيها
اريد اليوم. انخيها
واريد الحاجه تكضيها
بجاه المصطفى طه
*****
أنخاها واهل العين
دخيله عليج يم حسين
بجاه اولادها الطيبين
كل الشيعه بحماها
***
يزهره لاتردينه
نريد أمراد وانطينه
بجاه حسين والينه
وبزينب اوبلواها
******
الشيعه لايذه بسدها
تريد أمراد من عدها
والتطلبها متردها
نطلب كرم يمناها
*****
الزهره كل وكت تحضر
وللشيعه متتعذر
هاي الطاهره ام شبر
كلنه انريد وياها
**

✍ الشاعره
ام حسين الهلالي
ايالكم الدعاء لي ولوالدّي

https://t.me/gjjyfko

الميمر
وهو على وزن مستفعلن مستفعلن مستفعل

لطميه للزهراء

رحتي امن ايدينه
آ يالحنينه
يمته ييمه تعودين
فراكج صعب بم حسين
ردي علينه آ يالحنينه
▪️▪️▪️▪️▪️
يم الحسن يالوالده حاجيني
فراكج صعب يمه اشكثر ماذيني
وانه عليج امعلمه وتدريني
مااحمل افراك
والوجهج اشتاك
ماذيني يمه فركاك
يم الحسن وين الكاك
لتضعينه آ يالحنينه

▪️▪️▪️▪️▪️
طبيت للدار وشفتها ظلمه نزلت دموعي وصحت وينج يمه
تدرين بيه عليج انه معلمه
ماحمل افراك
ولشخصج اشتاك
منج ترى خالي البيت
وانه وحيده ظليت
بعدج حزينه آ يالحنينه
▪️▪️▪️▪️▪️
ردي ييمه البيت منج خالي
واشلون اشوفه ينمرد دلالي
موحش مكانج يالحنينه كبالي
تغير وضعنه
و اظلم نزلنه
يصعب علينه فركاج
ماريد عمري بلياج
بالهم بقينه آ يالحنينه
▪️▪️▪️▪️▪️

ماريد عمري يالحنينه بلياج
رحتي امن اديه يم حسن وين الكاج
تدريني مااحمل ييمه فركاك
رحتي امن اديه
واشلون بيه
ماكدر احمل فركاج
ماريد عمري بلياج
لتفاركينه اَ يالحنينه
▪️▪️▪️▪️▪️▪️

ردي علينه يالحنينه مشوار
يايمه بعدج مظلمه او وحشه الدار
ولفركتج تسعر ترى بكلبي النار
كلبي شيصره يمه يزهره
بالليل افز يمه انعاج
كلبي ينوح لفركاج
زايد ونينه آ يالحنينه
▪️▪️▪️▪️▪️▪️▪️
ردي علينه يم حسن يازهره
روحي حزينه والكلب شيصبره ماتنطفي تسعر يبمه الجمره
تستعر ناري
ومظلم نهاري
انحب وون ليل انهار
نفسي اشوفج مشوار
بيني علينه آ يالحنينه
▪️▪️▪️▪️▪️▪️▪️▪️▪️

✍️الشاعره
ام حسين الهلالي
اسالكم الدعاء لي ولوالدّي
https://t.me/gjjyfko

فائزي(شده) للزهراء

يالشايله من النزل ردي عليه
مااكدر احمل فركتج ا يالزجيه
********
يالشايله من النزل ردي ارد احاجيج
تدربن بيه مدلله ومعلمه اعليج
لو رحتي عني يم حسن جاوين الاكيج
عن بيتنه تغيبين والغيبه بطيه
*******
زينب بجت وتصيح يازهره ييمه
تدرين بيه مدلله يم الايمه
الدنيا بغيابج موحشه وصبحت ظلمه
والله فراكج كدر الدنيا عليه
*******
زينب تنادي يم حسن ردي علينه
ماينحمل فركاج يمه يالحنينه
بعد المعزه والدلال اتضيعينه
خلينه نشبع شوف منج يالزجيه
**********
زينب بجت وتصيح والدمعه تهلها
ياناس والله الوالده ماكوا مثلها
ياحيف راحت وأنه خلتني
بنزلها
ابجي اعلى فركاها بكل صبح ومسيه
**********
ابجي واون لفراكها طول الليالي
واشلون اشوفن بيتها مظلم وخالي
اصرخ واصيح بصوت يايمه تعالي
كلبي انمرد يالوالده ردي عليه
*******
يالوالده ردي ردي عليه وفرحيني
ولاتكطعين الوصل مابينج وبيني
ولا تخليني بهاي حسراتي أو ونيني
يايمه ما احمل هظم تدرين بيه
*******
تمت ✍ الشاعره
ام حسين الهلالي
اسالكم الدعاء لي ولوالدّي بالرحمه
https://t.me/gjjyfko

لطميه للزهراء
الوزن بحر طويل

يايمه الدهر خوان
من غدره اشعمل بيه
خلاني انوح اعليج
يم حسين يوميه
----------------------
يايمه الدهر خوان
انوح اعليج خلاني
يماي العين يازهره
فراكج حيل اذاني
تسعر بالكلب يمه
ابد ماتطفي نيراني
من رحتي وتركتيني
زادت لوعتي اعليه
------------------------
من رحتي وتركتيني
اوونن والكلب دامي
الدنيا موحشه بعيني
يزهره عمري وايامي
ومصابج يبعد الروح
مردني وزيد الامي
تعّبني الدهر يمه
وبعدج حيل مابيه

------------------------
تعّبني الدهر بعدج
وعليه كثر همي
وخلاني انوح اعليج
اا يم الحسن يمي
فراكج صعب يحبيبه
افراكج يكتل ويعمي
يهون اعليج يايمه
رحتي وعفتي البنيه
-----------------------رحتي ابعيد عن عيني
يايمه ونضر عيناي
ومن بعدج يالحبيبه
شنهي لذتي بدنياي
اذكر ضلعج المكسور
وتكثر لوعتي وبلواي
يومج صعب ماذيني
واعلى الفركه مابيه
--------------------
يومج صعب اذاني
وخلاني اهل العين
وتوج نيران بضلوعي
من فركاج يم حسين
واصيحن صوت يايمه
يمته لدارج تعودين
وانه وياج يايمه
بلكن نكعد اشويه
-----------------------
ياريت الزمان يعود
وترد الوالده ويانه
بشوفتها تسليني
وكلبي تنجلي احزانه
وترد ايامنه الحلوه
وتزهي بيج دنيانه
لجن ياحيف ماترجع
راحت وانكطع بيه
-----------------------
تمتتتتتتتتتتتتتتتتتتتتتتتت

خادمه اهل البيت
ام حسين الهلالي
اسالكم الدعاء لي ولوالدّي
https://t.me/gjjyfko

نعي مجاريد للزهراء


انه حنيت ليام الحنينه
ترى الوالده خيمه علينه
ومثلها ابد لا مالكينه

---------
شالت احبيبتنه النودها
ونحجي اسرار الكلب عدها
غدار الوكت عنه بعدها
---------
شالت غصب ام المحنه
وبعد ماترد وتعود النه
وطول الحلو وين اشوفنه

----------
بعد ماترد ام كلب الحنين
على فراكها بس تهمل العين
وكلبي ورها صار نصين
-----------
امي اشلون اصبر بلاها
ازغيرونه وبعازه رباها
شالت غفل امي شجاها
-----------
نبجي ونصيح بصوت يمنه
مهي الوالده وتشيل همنه
بعدها اشكثر صاير هظمنه
----------
من يوم عفتينه ومشيتي
شبعنه هظايم مادريتي
ناديت يمه او ومااجيتي
-----------
ردي صحت يايمه وينج
اسمله ييمه فاكدينج
والبيت ظلمه اخلاف عينج

----------
يم حسن يمه فجعتيني
يومج صعب ياماي عيني
وللموت مايبطل ونيني
------------

✍️ام حسين الهلالي
اسالكم الدعاء لي ولوالدي
https://t.me/gjjyfko

لطميه تجليبه
(مربعه)
نحوه للزهراء

نخيتك يااللهي بحرمه الزهره
وبسمار الصدر والضلع وبكسره
********
الللهي اعليك انادي بحرمه ام شبر
بجاه امصابها والضلع المعور
للشبعه اريد ابكل وكت تحضر
هم اكلوبنه هيه الذي توخره
********
يربي انخاك بالزهره ومصيبتها
بجاه اجنينها وبجاه ونتها
كلمن عدها حاجه تكضي حاجتها
ما خاب النخاها جده العتره

*******
ماخاب النخاها جده الساده
يربي كل موالي تفرح أفاده
هذا اليوم كون يحصل امراده
تكضي حاجته وتسهل بامره
*******
يربي ابجاها اقضي حوايجنه
بجاه اولادها سهل مطالبته
اهل البيت الك همه
وسيلتنه
وغايبنه نريد اعيونه تنظره

*********
غايبنه نريد عيونه اتشوفه
لجيته الناس تدري اشكر ملهوفه
نريده يصلي بينه بمسجد الكوفه
واعلينه ترفرف رايته الخضره
*****
يرب الكون عجل فرج والينه
طالت غيبته ياسيدي علينه
نريده يكوم ويفكنه من اعادينه
نشكي الحال الك ياصاحب القدره
********
بكثر الجور كل الشيعه مرتاعه
بمته الفرج يامعبود ياساعه
نشوف المهدي يمته ينور
اشعاعه
يرب الكون عجل بالفرج أمره
**********

✍الشاعره
ام حسين الهلالي
اسالكم الدعاء لي ولوالدي
لا اجيز شرعا حذف الاسم او التلاعب بالقصيدهhttps://t.me/gjjyfko

نعي الزهراء

رحتي ييمه ويا ضوه البيت
يزهره يبمه الج حنينت
وعليج أنه اشكثر ونيت



اذكرج وتجري ادموع عيني
ييمه صحت ماسمعتيني
شلون انطاج كلبج تخليني



تعالي ييمه بيوم ليه
وشوفي وراج اشصار بيه
انه بعازتج ردي عليه



علوه تجيني فرد ليله
واحجيلج اهمومي الثجيله
ييمه الحمل مكدر اشيله



اثاري الدهر ميلاته ميلات
من بينه شال الحنينات
وبعد مايردن بعد هيهات



راحت احبيبتنه النحبها
بعد ماترد للدار وتطبها
مدري الوالده شبدل كلبها



دردي يالحبيبه لبناتج
يبجن عليج ورايداتج
ردي ولمي امدلالتج



بناتك يزهره ردي ليهن
يصيحن ييمه جاوبيهن
كلبج انطاج اتضيعيهن



ارد اصيحن ورى امي العايفتي
اللراحت وياها ماخذتني
الدنيه وراها دولبتني

✍✍✍

شاعره اهل البيت
ام حسين الهلالي اسالكم الدعاء لي ولوالديhttps://t.me/gjjyfko

تجليبه (مربعه)
للزهراء البتول

ازغيره وبالكبر غابت معانيها
بعدجاوين اشوفنها واحاجيها
--------------------------
شنهو العاجلج عالكبر يايمه
وخليتيني انوحن والدمع يهمه
على افراكج ييمه الروح منعدمه
شلون يهون لج بتج نسيتيها
--------------------------
شنهو العاجلج عفتيها ويلادج
يمه البيت اظلم صار بفكادج
مردتي ارويحتي يم حسن بغيابج
وبعد ارسوم وجهج وين الاكيها
--------------------------
يمه شعاجلج رحتي وتركتيني
اهنا يالوالده فركاج ياذيني
عليج امعلمه يايمه تدريني
ونارج بالكلب ياهو اليطفيها
--------------------------
اهنا يم المحنه اشلون عفتينه
يالبعدج زغيره اوفاركيتينه
شلون يهون لج رحتي ونسيتينه
يالعندج ابنيه اشلون عفتيها
--------------------------
اشلون يهون لج خليتي البنيه
تنوح اعليج يم حسين يوميه
تكول امي الحنينه وكطعت بيه
تروح الروح لمن يمر طاريها
--------------------------

عافتنه الحنينه او وين نلكاها
بعدني ابشوكها وارد اكعد وياها
روحي امعلمه واتريد ملكاها
اشلون تروح وانه امعلمه اعليها
-------------------------
✍️الشاعره

ام حسين الهلالي
اسالكم الدعاء لي ولوالدّي https://t.me/gjjyfko
---------------------

نعي مجرد للزهراء على هجوم القوم عليها

ابجوا على مصابي يشيعه
انه الطاهره الزهره الشفيعه
وانه الضايعه واشلون ضيعه
******
ياشيعتي ابجوا عليه
انه الجليله الهاشميه
وذكروا الجرى والصار بيه
*********
انه الذي كسروا ضلعها
يوم الرجس بابي دفعها
ومحد لوناتي سمعها
**********
ورى الباب من كسرو اضلوعي
صحت ياهلي وهلت ادموعي
يامحنتي اوياكثر لوعي

***********

ونت وهلت دمعت العين
ومن طاح فوك الكاع الجنين
وتكسرت من عدها ظلعين
*********
ابجوا على الاذت ورى الباب
وهجموا عليها الكوم الاصحاب
سكطوا حملها والكلب ذاب

**********
يامن تحبها ابجي عليها
تون والضلوع امكسريها
وطاح الحمل واغشى عليها
*******
حملها وكع والعين حمره
سطرها اللعين اشلون سطره
طاحت تون والدمع يجرى
********

بقلم ✍
الشاعره
ام حسين الهلالي
اسالكم الدعاء لي ولوالدّي
https://t.me/gjjyfko

بحر طويل بحق الزهراء

يم حسين يايمه
بغيابج. مرديني
ليل انهار انوح اعليج
يالرحتي ونسيتيني
********

ليل انهار انوح اعليج
ا يالوالده يمه
ما اكدر على افراكج
روحي اعليج منعدمه
شلون اصبر يماي العين
واشوفن حجرتج ظلمه
ولمن انظر امجانج
يظل يجري دمع عيني
********
هم اتعود ايامي
واشوف امي واحاجيها
واكلها عزيزتج زينب
هان عليج عفتيها
اهنا يالرايحه لبعيد
وبنيتج تركتيها
ردي للنزل ساعه
احاجيح وتحاجيني

********
ردي للنزل ساعه
روحي اعليج مشتاكه
ما اكدر على فراكج
اونارج نار حراكه
بعد جاوين يايمه
أنه وياج نتلاكه
اون اعليج يم حسين
واصيح وما سمعتيني
*******
وين الكاج يايمه
واخبرج بالجره اعليه
صوبني الدهر بعدج
ييمه اوحيل مابيه
فكدج حيل اذاني
اوخله ادموعي مجريه
اني عزيزتج زينب
هان عليج عفتيني
********
انه عزيزتج زينب
عليج يهلن اعيوني
اوبمصابج يماي العين
يزهره اهواي اذوني
اومن عندج يالحنينه
ييمه ليش حرموني
عليج الروح حزنانه
اولا ينشف دمع عيني

*********

✍الشاعره
ام حسين الهلالي
اسالكم الدعاء لي ولوالدّي
لااجيز حذف الاسم والتلاعب بالقصيده
https://t.me/gjjyfko

موشح حماسي للزهراء

اه يا زهراء اه يا زهراء
عليج ونينه صحته وبجينه
الضلع ماننساه اه يا زهراء

*********
اشلون ننسه يالزجيه امصيبتج
عليج دوم اتنوح ظلت شيعتك
كلوبنه ممروده والله لمحنتج
نبجي ونعين العقيله ابنيتج

انوح وياها اونبجي لبجاها
نصيح واويلاه اه يا زهراء

**********
عليج يمحسين نجري هالدمع
وابد ماننسه ابد كسر الظلع
وكل موالي اعليج كلبه منفجع
وابد ماننسه يزهره هالوضع

نذكر اولادج تبجي لمصابج
ومحسن اذكرناه اه يا زهراء

**********
ابد ماننسه الباب اللي حرقوه
والجنين العلى العتبه سكطوه
وظلعج الطاهر يزهره كسروه
وحيدره مجتوف ياويلي خذوه
امصابج اذانه ابنوح خلانه
بالحزن ننعاه اه يازهراء

*********
هاي بضعه طه خلوها تنوح
طايحه عالكاع واهواي الجروح
امكسره ضلعين ودماها تفوح
امن المصاب امنحله وماعدها روح
تبجي وتنادي وتندب الهادي
هالوضع ترضاه اه يازهراء

**********
تصرخ الزهره اولا رحموها
مارعوا حرمتها ماهابوها
الباب ياويلي بحقد دفعوها
والزجيه اضلوعها كسروها

سكط محسنها عالترب منها
وسفه وفكدناه اه يازهراء

*************

عليج يازهره اشكثر ونينه
والمصابج كلنه اتاذينه
والجرالج ابد ماناسينه
بالقيامه انريدج اتحظرينه

انصيح حضرينه لاتخلينه
للمحب وياه اه يازهراء

********

الشاعره
ام حسين الهلالي
ذكروا امواتنه بسوره الفاتحه مع الصلوات
لا اجيز حذف الاسم
https://t.me/gjjyfko

رجاليه للزهراء وسقوط جنينها الوزن تجليبه

لمصابج يزهره
ماتبرد الحسره
عليج اشكثر ونينه
مصابج يصعب اعلينه
ماتبردالحسره
▪️▪️▪️▪️▪️▪️▪️▪️▪️▪️▪️
هاي الطاهره والكوم ظلموها
من بعد الابو لوعات راووها
تعنوا دارها والباب عصروها
او وجوا نارهم والدار حركوها

راووها المصايب
منها الكلب ذايب
واحنه اعليها نادينه
مصابج يصعب اعلينه
▪️▪️▪️▪️▪️▪️▪️▪️▪️▪️▪️
هاي الطاهره بنت النبي الهادي
وعنها يكول روحي ولبه افادي
خلووها تصب الدمع وتنادي
يابويه اصحابك بجوا اولادي

اولادي روعوهم
وخذوا مجتوف ابوهم
صاحو يمه يحنينه
مصابج يصعب اعلينه
ماتبرد الحسره
▪️▪️▪️▪️▪️▪️▪️▪️▪️▪️▪️▪️
عصروها العده يالهادي خلف الباب
لمّن طق ضلعها والجنين انصاب
طاحت من وجعها والصدر منعاب
اووكع محسنها من عدها على الاعتاب
طاحت من الآمها
ومن همها وهظمها
واحنه نصيح حاجينه
مصابج يصعب اعلينه
ماتبرد الحسره
▪️▪️▪️▪️▪️▪️▪️▪️▪️▪️▪️▪️
يالهادي متدري اشصار بالزهره
طاحت عالارض من شده العصره
وزينب تنضرلهاوالدمع يجره
وتنادي ييمه وبالكلب حسره

مالومه عليها
ولافتر بجيها
صاحت لا تخلينه
مصابج يصعب اعلينه
ماتبرد الحسره
▪️▪️▪️▪️▪️▪️▪️▪️▪️▪️▪️▪️
على افراش المرض ظلت المظلومه
ومن ذاك المصاب ولوعته ويومه
وعليها العقيله تنوح مهظومه
تون لضلوعها البا الباب مهشومه

يابضعه الهادي
تصد الها وتنادي
ييمه لا تعوفينه
مصابج يصعب اعلينه
ماتبرد الحسره
▪️▪️▪️▪️▪️▪️▪️▪️▪️▪️▪️▪️
تلوج امن الالم والحسره تخفيها
ولزينب تصد الها اوتحاجيها
تسمعها تون والدمعه تجريها
و تنادي بناتج لا تخليها

بس تهمل دمعها
ومالومه لوضعها
على حالج تاذينه
مصابج يصعب اعلينه
ماتبرد الحسره
▪️▪️▪️▪️▪️▪️▪️▪️▪️▪️▪️▪️▪️
خادمه اهل البيت
ام حسين الهلالي
اسالكم الدعاء لي ولوالدّي بالرحمه
لا اجيز شرعا حذف الاسم والتلاعب بالقصيده
https://t.me/gjjyfko

نصاري للزهراء البتول

مظلومه كضت بضعه نبينه
وزينب صبحت تنحب حزينه
-----
مظلومه كضت ويلي عليها
راحت والظلوع امهشميها
وزينب عالحنينه اشصار بيها
تنادي امنه راحت من ايدينه
-----
زينب تنحب الليله اوتنادي
مظلومه كضت بضعت الهادي
مصاب الوالده صوب افادي
وعليها الكلب زايد ونينه
------
على مصاب الجليله تهمل العين
وتنادي ييمه لا تبعدين
مانحمل افراكج يم الحسين
لا ترحين واحنه تضيعينه
-------
يضيعن من بعد عينج بناتج
يصيحن ا ييمه ورايداتج
بعدنه ما شبعنه من رباتج
يخيمتنه الذي تفيي علينه
-------
الام خيمه وابد ماكوا مثلها
ومن تروح يتطشر شملها
بعد ياهو اليروح او يوصللها
مثل الوالده لا مالكينه
-------
مانلكه بعد مثلج ييمه
طشرتي الشمل ياهو اليلمه
حتى الدنيا من بعدج مظلمه
غايب نورج اليضوي علينه
------
نورج يالجليله علينه غايب
ونشبع من بعد عينج مصايب ماعدنه بعد غيرج حبايب
شلون اتفاركينه يالحنينه
---------
خادمه اهل البيت
ام حسين الهلالي
ذكرواامواتنه بالفاتحه مع الصلوات
لا اجيز حذف الاسم عن قصايدي

نعي مجاريد للزهراء


انه حنيت ليام الحنينه
ترى الوالده خيمه علينه
ومثلها ابد لا مالكينه

---------
شالت احبيبتنه النودها
ونحجي اسرار الكلب عدها
غدار الوكت عنه بعدها
---------
شالت غصب ام المحنه
وبعد ماترد وتعود النه
وطول الحلو وين اشوفنه

----------
بعد ماترد ام كلب الحنين
على فراكها بس تهمل العين
وكلبي ورها صار نصين
-----------
امي اشلون اصبر بلاها
ازغيرونه وبعازه رباها
شالت غفل امي شجاها
-----------
نبجي ونصيح بصوت يمنه
مهي الوالده وتشيل همنه
بعدها اشكثر صاير هظمنه
----------
من يوم عفتينه ومشيتي
شبعنه هظايم مادريتي
ناديت يمه او ومااجيتي
-----------
ردي صحت يايمه وينج
اسمله ييمه فاكدينج
والبيت ظلمه اخلاف عينج

----------
يم حسن يمه فجعتيني
يومج صعب ياماي عيني
وللموت مايبطل ونيني
------------

✍️ام حسين الهلالي
اسالكم الدعاء لي ولوالدي
https://t.me/gjjyfko

فزاعيه للزهراء

على طور اويلاه يكربله


اويلاه يم الحسن

🖤🖤🖤
يفاطمه يم الطهر
ماننسه يومج للحشر
ويلاه يضلع المنكسر
مالومه من غدر الزمن
▪️▪️▪️▪️
دفعوا الباب اعليها
وضلوعها امكسريها
ابجوا يشيعه اعليها
ويلاه ياغدر الزمن

▪️▪️▪️▪️
بالباب عصروها العده
هاي الجليله الطاهره
وضلوعها المتكسره
بالباب ويلي اتهشمن
▪️▪️▪️▪️
بالنار حركوا دارها
وصاب الصدر مسمارها
تبجي عليها ازغارها
اعليها البنات اتناحبن
▪️▪️▪️▪️
هالكوم ماعدهم رحم
عصروها والضلع انهشم
ضلت تلوج امن الالم
اتنوح ومدامعها جرن

▪️▪️▪️▪️
ويلاه يابت النبي
بالليل شيعها علي
وزينب مدامعها تهلي
اوياها البنات تناحبن

▪️▪️▪️▪️▪️▪️▪️▪️▪️▪️
ام حسين الهلالي
اسالكم الدعاء لي ولوالدّي رحمهما الله
لا اجيز حذف الاسم ولا التلاعب بالقصيده

لطميه فزاعيه سريعه
للزهراء

اويلاه عالشايله مقهوره

*******
عالشايله مهظومه
واضلوعها مهشومه
ام الحسن مظلومه

وأمن العده مجموره

********
اهواي العده ظلموها
والدارها تعنوها
ورى الباب عصروها

وظلوعها مكسوره

********
يالشايله من النزل
وافراكها ماينحمل
زغيره وافاها الأجل
والبيت اظلم نوره

*******
شالت وكطعت بينه
وفراكها ماذينه
وحسين تهمل عينه
اوروحه اشكثر مقهوره

*********
بالبيت خالي امجانها
ماتنطفي. نيرانها
وسط الكلب احزانها
او العده العده مكدوره

*********
الوالده افكدناها
ماينحمل فركاها
وبالبيت ماشفناها

شالت غصب مجموره

*******
شالت غصب محزونه
وحالي وراها اشلونه
بيها العدة فجعونه
بت النبي المنصوره


تمت✍ الشاعره
ام حسين الهلالي
اسالكم الدعاء لي ولوالدّي
https://t.me/gjjyfko

لطميه للزهراء

يمه يالحنينه
شيعودج علينه
عليج الدمع سجاب
خاف يطول الغياب
يالرحتي ام ادينه
شيعودج علينه
*********
يمه يالحنينه
رحتي وين الكاج
يمه خاف تبطين
اوماينحمل فركاج
يالغبتي. عليه
ماكدر ابلياج

هنا يم كلب الحنين
جايمته تردين
لتكطعين بينه
شيعودج علينه
********
شيعودج ييمه
وتكعدين وياي
تظل عيني اربيه
اومني تايه الرأي
بعدج يالحنينه
كلت ماريد دنياي

يالرحتي أمن اديه
لتكطعين بيه
يالزهره الحزينه
شيعودج علينه
*********
شيعودج يزهره
وتردين ليه
وانه وياج يمه
هم نكعد سويه
بالسفره لتبطين
يالعندج ابنيه

جايمته تجيها
يالغبتي عليها
يابضعه نبينه
شيعودج علينه
**********
ماكدر بلياج
يازهره ييمه
كلبي عليج معتام
يمه وزاد همه
والدنيا بغيابج
عليه صفت ظلمه

كلبي اشلون اصبره
رديلي يزهره
وافرح من تجينه
شيعودج علينه
********
امي ونور عيني
مااكدر. بلاها
راحت ضيعتني
شلون اكدر انساها
بعدني بحاجه الها
وبحاجه الرباها

هاي الوالده امي
الها اشكي همي
يالرحتي أمن ادينه
شيعودج علينه

*********
هاي ام المحنه
وين الكه مثلها
اريد اعتب اعليها
وبحالي. اكلها
عافتني حزينه
والدمعه اهلها

حضي ماحواها
مااكدر بلاها
ذاك الطول وينه
شيعودج علينه

*********


الشاعره خادمه اهل البيت
ام حسين الهلالي

اسالكم الدعاء لي ولوالدّي
لا اجيز حذف الاسم ولا التلاعب بالقصيده
https://t.me/gjjyfko

فائزي للامام الجواد
*******


الليله الجواد يلوج بفراش المنيه
ممرود جبده أو ونته صارت خفيه

*********
الليله الجواد يلوج ويعالج بسمه
ياهو الحضر وياه وياهو الكعد يمه
مسموم كطعوا جبدته تاسع اليمه
وتركوه عطشان ويون ابن الزجيه

************

خل تحزن الشيعه على مصابه وتنادي
مسموم ياويلي كظه والد الهادي
والله مصابك سيدي ذوب افادي
والله عظيمه مصيبته و صعبه عليه

*******
والله مصابك سيدي يصعب علينه
هالليله كلها شيعتك تبجي أو حزينه
وتصيح عالمسموم ياعزنه أو ولينه
بالحزن ظلت شيعتك هاي المسيه
*********
الليله حزينه شيعتك ويهل دمعها
والله مصابك سيدي مر وفجعها
الدنيا عليك مكدره اتغير وضعها
وعليك منصوبه يبو الهادي العزيه

*****
هالليله لمصاب الجواد يهل دمعنه
نبجي لشبابه أو غربته هالليله كلنه
والله عظيمه مصيبته وبيها انفجعنه
شذنبه ويسموه العده هاي المسيه
******
لمصيبه المسموم نجري دمعه العين
ونعزي جده المرتضى والهاشمين
وامه البتوله فاطمه وسيد الكونين
نبجي ونساعد بالبجه الزهره الزجيه

***********


الشاعره خادمه اهل البيت
ام حسين الهلالي
اسالكم الدعاء لي ولوالدّي
https://t.me/gjjyfko