"ፒፒ ገብርኤል"

ልጅነት በጣም የተለየ አለም ነዉ።
ምንም ነገር የማይታወቅበት ዝም ብሎ መኖር።
ጠዋት ተጣልተን ከሰአት መታረቅ።
አንዳንዴ ባላደግን ምንልበት ጊዜ አለ።
ባደግን እና ባወቅን ቁጥር
ንጹህ የልጅነት ህሊናችን እየደበዘዘች ቀስ ብላ የሆነ ሰአት ላይ ትቀየራለች።
ግራጫ ትሆናለች።
አፋችን መኮላተፍ ሲያቆም ጭንቅላታችን መኮላተፍ ይጀምራል።

"እስቲ ባባ ዘምርልኝ"
"ምን የሚለዉን?"
"የምትወደዉን"
"እንትን የሚለዉን....ፒፒ ገብርኤል አባቴ
ከደጅህ አልጠፋም እስከ እለተ ሞቴ"

✨

'የበቅሎ ስንክሳር'

ከእለታት አንድ ቀን እንዲህ ተነገረ
ፈረስ ከአህያ ሲማግጥ አደረ
ታድያ በዚህ መሀል ጽንስ ተፈጠረ
ተወላጁም ህጻን በቅሎዬ ነበረ
በማያቀዉ ነገር 'ዲቃላ' ተብሎ ልጅ በቅሎ አፈረ
'ራሱን ነጥሎ 'ራሱን ገልሎ ከሴት ሳይገናኝ ሞቶ ተቀበረ።

YOHANS