የኔ ክረምት

የከረረን ጽልመት
በምናቤ ሳክም
በከረረ ክረምት
በነጠላ ሳዘግም
ጽልመቱም አልነጋ ክረምቱም አልባተ
ልቤን ከገላዬ መለየት አቃተ

@seifetemam
#seifetemam

አንዷ መንገድ

አንዲት መስመርብቻ
በዓይኔ ፊት አለች
ደሞም ከሷ ውጪ
ችክችክ እና ድልዝ
ለንባብ አይመች
ይቺ ደማቅ መስመር
ይቺ ደማቅ መንገድ
እራሷን ዘርግታ
ወደራሷ ምትወስድ
እራሷን አንድዳ
ነድዳ ‘ምትማገድ
ይኧው ከሷ ውጪ
ቅዠት ነው ድንብርብር
ሰልፍ የሳተ ጉንዳን
የማይቀድስ ደብር
ጭስ የሌለው እጣን
የሚያሳስቅ ቀብር
የሚታለም እውን
የሚላፋ ነብር

እውነትን ፈለኳት
እንኋት ደማምቃ
አየኋት ሳልለፋ
በመስመሯ መጥቃ
በጉልህ ተጽፋ

ማተርኩ ወደ ፍቅር
ትታያለች ዘልጋ
ክረምቱንም በጋ
ሌሊቱን ቀን አርጋ
መስመሯን አፍቅራ
ፍቅር መስመር ፈጥራ

ባ’ለም ካለው ሁሉ
በጎውን ተመኘው
በአንድነት አንድ ሁኖ
አንዲት መስመር ላይ ነው
ከዛች መስመር ውጭ
ሁሉ ችክችክ ሁሉ ድልዝ
ለንባብ አይመች
እውን አልባ ውጥንቅጥ
የ’ልም አለም አደንዛዥ
ያለ መስሎ ሚያጥጥ
ሰው በቁም ‘ሚያስቃዥ
ያባይ ስጋ ቅጥቅጥ
የበረሃ ሚራዥ
2008
@seifetemam #seifetemam

✍...ብዕር ለ ግጥም

እጆች ሁሉ ይፅፋሉ
ዓይኖች ሁሉ ያነባሉ
ጆሮዎች ሁሉ ይሰማሉ
Join ያርጉ
☞ https://t.me/joinchat/C_70PQ0-ZY4kCH214gXV2Q

Seife Temam:
እንዋዋል

ስንቱን ውሎ
ስንቱን አዳር
ስንቱን ፍቅር
ስንቱን አሳር
ስንቱን ገድለን
ስንቱን አስረን
ስንቱን ቀብረን
ስንቱን አምነን
በአንዲት ቅጠል እንጠለል
ከማን አብረን እንገንጠል
ከማን እንሂድ ከማን እንዋል
ማን ይፈርም እንዋዋል?

@seifetemam #seifetemam

አወይ አንቺ አወይ እኔ

አንቺ ማለት’ኮ የሌሊት ጨረቃ
ሰስቼ የማይሽ እንደ ድንቡሽ ጮርቃ

… አንቺ ማለትማ የቀትር ፀሃይ
ደፍሬ ‘ማላይሽ ያላንቺም አላይ

..እያልኩኝ ሳወድስ እኔ ማለት ለካ
ምድጃ ሟቂ ነኝ
የነደደ ክሰል ባመድ በተተካ

@seifetemam #seifetemam

ኋላ የቀረን ኋለኞች

“ፊተኞች ኋለኞች … ‘’
ልክነው አምነናል
ከፊት የነበርነው
ከኋላ ቀርተናል
ግና ይህ ሰልፍችን
ምነው ግፉ በዛ
መጨረሻ ስንቆም
ፊት አንሆንም ‘ሳ

@seifetemam #seifetemam
2008

ስህተቴ

ያለፈውን ትቼ ከአሁን ጋር ለመኖር
ከራሴ ስማከር
'አሁን' ጣዕም አለው ልብን የሚያሰክር
'አሁን' እውነታ ነው አለምን የሚያስር
ብዬ ፎከርኩና ትናንትናን ትቼ
ወደ ዛሬ መጣሁ ካለፈው ወጥቼ
የሰበሰብኩትን ሳልይዘው በእጆቼ
ግን በግዜ ቀመር ከቀደመው ሁሉ
ዕልፍ እና ዐዕላፍ ጥቅሞች ነበሩ
… … … ስህተት የሚባሉ

@seifetemam #seifetemam

ገራገር ገል

የተሰበረ ገል
ለጋ ገር ገራገር
ያልቦረቀ ግልገል
ካ'ለም ጋር ሲታገል
'ራሱን ያገኘው
በመከራ ነበር
መከራም ያጠናው
አልነቃም ሲነከር

ሰይፈ 2008
@seifetemam #seifetemam

መምጣትሽን ሳስስብ

ህይወቴ መምጣትሽ እኔኑ አምጥቶኝ
መምጣትሽን ሳስብ እኔው ነኝ የመጣሁ
ደረጃ ወልውዬ ኩሽናውን ኮሻኝ
እዚህ እሚያመጣኝ ፈልጌ እንዳላጣሁ
መምጣትሽን ሳስብ መምጣትሽ ተሰማኝ
አገር እንደሰጡት
አደብ እንደነሱት
ከሰማያት መርጠው አንዱን እንደቸሩት
ለዛውም በጥምቀት
እንዳሽሞነሞኑት
́ሚያደርገኝ ፍቅርሽ ሲመጣ ተሰማኝ
አቴጂበት ነገር ውጅንብር ጎዳና
ካይኖችሽ ታየቶኛል ያለሽበት ቀና
መጣሁ ስትይቀርቶ ሳትመጪም ነይና
መምጣቴን ላምጣልሽ ቀና በዪቀና
ስትመጪም ነይና ከከንፈርሽ ላውጋ
ስትመጪም ነይና አይንሽን አይኔጋ
ጣ́ምሽን ጣ́ሜ ጋ
ጎህ እስከሚናጋ
መምጣትሽን ሳስብ እንደዚህ ነው ሆዴ
መምጣትሽ አይደል ወይ መምጣትሽን መውደዴ


@seifetemam #seifetemam

መሄድሽን ሳስብ

ከህይወቴ መሄድሽ እኔን ግን አመጣኝ
ከፍቅር መዝገብ ላይ ሰው ሁሉ እንዳላጣኝ
መሄድሽ አልከፋም ፍቅር ላይ ካሰጣኝ
ማነው ያለው ሆዴ?
ከህይወቴ ስቴጂ ይጠፋል ወይ ገዴ?
ያላንቺ ተሳትፎ አይደምቅም መውደዴ?
ማነው ያለው ከቶ ኧረ ማነው እንዴ?
መምጣትሽን ሳስብ የፀዳው ደረጃ
ላንቺ ክብር ነፅቷል በያ በሱ ሂጃ
ሰው አለምድም አልል የነገን እኔእንጃ
መምጣትሽ ያመጣኝ መሄድሽ ያልገታኝ
የመውደድ ታላቁ የፍቅር ኩረጃ
ሆኜልሽ አለሁኝ
መሄድሽን ሳስብ መታነበር ያልኩኝ
ስትሄጂ ቀርቶ ሳቴጂም ነይና
መውደዴን ላስኪደው ቀና አርጊኝ ቀና
በሰማይ በምድሩ እንዳንቺ ባይኖርም
በሳር በቅጠሉ ስምሽን ባትምም
መሄድ አስደስቶት እግርሽም ቢያዘግም
መምጣትሽ ባነቃው ይህ ቀጥቃጣ ቀልቤ
መሄድሽ ሊያሰኬደኝ እጅግ ተቃርቤ
ስንብት በእጄ ፍቅርን ግን በልቤ
…..
መሄድሽን ሳስብ እንደህ ነው አንቺ ሴት
መሄድሽ አይደል ወይ ያረጋገጠለት
የኔም ልብ እንደሰው ፍቅር እንዳለበት


@seifetemam #seifetemam

መመለስሽን ሳስብ
(በ ሰይፈ ተማም)

'አሁን ይብቃን' ብለሽ ተነስተሽ ስትሄጂ
ልቤን መች ዘጋሽው በሬን ነበር እንጂ
አንቺ የሌለሽበት ይህ የሰብ ስብስብ
ምንም እንኳ ባይስብ
አብዝቼ እኖር ጀመር መመለስሽን ሳስብ
የቤቴ ደጃፉን ደረጃ ባፀዳ
አቆሽሾ ሂያጅ ነው አይዘልቅም እንግዳ
ኩሽናው ቢኮሸን
ኦልፍኙ ቢፈለኝ
ተመኝታው ላይ ነው እንቅልፌን የማገኝ
መመለስሽን ሳስብ መምጣቴ እየታየኝ
አይጠረቃም ሃሳብ ጭንቅላት ቦርጭ የለው
መጣች ሄደች ብዬ ያልሆነ ምራየው
መመለስሽን ሳስብ እንደው ቀድሞነገር
አለመሄድሽ ነው
ለልቤ ሚታየው

እግርሽስ ባዳ ነው ይመጣል ይሄዳል
ፍቅርሽን ወደድኩት መች ከልብ ይወጣል
. . . . . . . .
መመለስሽን ሳስብ እንዲህ ያረገኛል
መመለስሽን ሳስብ ባሳብ ይበልጠኛል
ያላጣሁት ልቤ እንዳዲስ ይገኛል


@seifetemam #seifetemam

እንኳን አደረሰኝ

ከሰማዩ ጓሮ መላክ የቀደሳት የውሃ ጠብታ
ከምድሩ ወለል የሰው ጥሬ እቃ የአፈሩ ሽታ
መሬቴን ሳጸዳ ሳሳጥብ ከርሜ ሳሳሽ በበረዶ
ክብሬን ሳንደባልል ባልነቃው ሃሳቤ ተሻግሮ ከማዶ
የመራስ ወራቴን አሳልፌው ኖሮ ቀን ጨረስኩ እያለ
በጉማጅ ወር አዝሎ ከነባዶ ቤቴ ልቤን ቀንላይ ጣለ

. . . እንኳን አደረሰኝ!

እንኳን አደረሰኝ እያወዛወዘ ደሞ እያገጫጨኝ
አመት አለሁ ብሎ አመት እያሸሸኝ

ውስኪ በብርሌ ብርንዶ በካቻፕ አደይ በግራፊክስ
ቤት ሆኜ ቤት ጠፋኝ ቤት መምቻዬን ሳስስ
ቤት ሆኜ ቤት አሻኝ ደግሞ ቤት መቀለስ
ልጆቹን በትኜ ከመስኩም ከወንዙ ከጫካው ከጨፌ
በረጠበ ሙዳይ ትንሽዬ ተስፋ ከቀን ላይ ጨልፌ
እጠባበቃለሁ 'አበባ አየሁ' የሚል ለማበብ ነጥፌ

አመት አለሁ ብሎ አመት እያሸሸኝ
እያወዛወዘ ደሞ እያገጫጨኝ
እን ኳን ደረሰብኝ እንኳን አደረሰኝ

@seifetemam #seifetemam

የአዲስ ቀን አብሳሪ ለብሩህ ተስፋ ዘማሪ የእንቁጣጣሽ ለዛ እና ጣእም ያለው የስንኝ ቋጠሮ በ @Seifdman ስማችሁን አክላችሁ ላኩልኝ ግጥም ሲጥም ላይ በብዙ ሰው የተወደደው የ15 ብር የሞባይል ካርድ ይሸለማል። ብዙ ሰው የ👎 ምልክት የሰጠው ደሞ የ5 ብር ካርድ ያገኛል ። እስቲ በአሉን አድምቁት ። እንኳን አደረሳችሁ!

እሺ..... እስካሁን ምንም ባለመቀበሌ ሽልማቱን ለማሳደግ ተገድጃለሁ ለ'👍' 25 ብር ለ'👎'ግን እዛው 5 ። በሏ....!

እንቁጣጣሼ የኔ በአል
እጓጓልሻለው እንደ እንቁላል

ቅድስት በ.

እባካችሁ ድምጽ በመስጠት የ👍 አና የ👎 አሸናፊዎችን እንለይ

መልካም የበአል ቀን ለሁላችሁ ። ውድድራችን 10 ሰአት ላይ ያበቃል ።

አበባዮሽ ስል ለምለም በል ደሃ
ብንሸለም መብራት ብንሸለም ውሃ

ፍሰሐ ተ.