​#ramazon
#hikmat
#psixotrening
☪️ Рамазон кундалиги

❇️ ПЛАЦЕБО ВА НОЦЕБО ❇️

✅ Шукр, кундан-кун яхши бўляпман деб ўзингизга кўп такрорланг. Ҳеч қачон “Энди фойдаси йўқ, кеч бўлди” деманг. Аксинча “шукр, дарҳақиқат яхши бўлиб боряпман” деган сўзларни кўп ишлатинг. Инсон касал бўлганда яхши ва ижобий ўй-фикрда бўлиш керак. Чунки фикр руҳиятга ҳам соғликка ҳам таъсир кўрсатиши кўп бор тасдиқланган. Албатта зарур муолажаларни қилиш, шифокорни айтганларини бажариш керак. Аммо фикрни ижобий томонга ўзгартирмаса, буларнинг ҳам таъсири нол бўлиши мумкин.

✅ Тиббиётда “плацебо эффекти” деган тушунча бор. Агар дорига ўхшаш бир конфетни касалга “мана шу кучли таъсир кўрсатадиган дори” деб берилганда ўша конфетни ичаганда тузалиб кетиш ҳолати плацебо эффекти дейилади. Дорилар самарадорлигини кўрсатиш учун ишлатилади. Худди шу эффектнинг тескариси “ноцебо” дегани ҳам бор. Бунда аксинча кучли дори ичса-ю, тузалишига ишонмаса, шубҳа қилса дорининг таъсири ва фойдаси ҳам бўлмайди. Булар тажриба ва кузатишлар натижасида исботланган фактлар. Аслида булар “шукр неъматни зиёдалаштиради, шикоят мусибатни” деган қоиданинг тасдиғидан бошқаси эмас.

✅ Баъзилар айтади, “мана, ман яхши ният, яхши гумон қилгандим ўхшамадику ишим”. Мана шу сўзнинг ўзи − нолиш. Яъни натижага ҳирс қўйиб яхши ният ва яхши гумон қилгансиз. Ҳолбуки холис бўлганда натижа қандай бўлишидан қатъи назар розилик билан уни қабул қилардингиз. Натижага боғлиқ ҳолда сиз муносабатингизни ўзгартираяпсиз. Ва сизга бошқа сабаб билан келишига бир қадам қолган нарсани ўз салбий муносабатингиз билан йўққа чиқаряпсиз. Натижани Яратувчи зот истаган сабаб билан ҳам уни келтириб қўйиши мумкин-ку. Сиз қаердан биласиз, орзуингиз мана шу ўхшамаган ҳолатга бўлган муносабатингизни орқасида тургандир. Лекин сиз охиригача позициянгизни сақлаб қололмаяпсиз.

✅ Буни кўп синаганман. Бир нарсага эришмоқчи бўлганимда муваффақ бўлолмасам, ўша пайт “майли хайрлиси шудир” деб ҳолатни ризо билан қабул қилганимда ҳеч кутилмаган жойдан мақсадим ҳосил бўлган. Қачонки “уф, нега бўлмади” деб нолиган бўлсам ўшандоқ қолаверган натижа. Биз охиригача сабр қилолмай кўпинча бир қадам қолганда қайтиб кетамиз. Умид инсонни тарк этган заҳоти у маънан ўлган бўлади. Чунки ноумид фақат шайтон-да...

Ифторда дуолариингиз ила.... 🤲🏻


АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#ramazon
#hikmat

☪️ Рамазон кундалиги

❇️ ВЕРНИКС МЎЪЖИЗАСИ ❇️

✅ Туғруқ вақти гўдак ёпишқоқ оқиш-кулранг елимсимон моддага ўралиб туғилиши мумкин. Бундан асло ҳавотир олмаслик керак. Бунинг мутлақо зарари йўқ. Аксинча у жуда фойдали ва керакли суртма. Ҳомиладорликнинг 21-ҳафтасидан бошлаб ишлаб чиқариладиган бу модда таркибида 50 га яқин оқсиллар бўлиб, болани амниотик суюқлик ичидаги турли зарарлардан ҳимоя қилади.

✅ Верникс деб аталувчи бу ажойиб елимсимон модда бачадон ичида ҳомилани ортиқча намликдан сақлаб туради. Ҳомиланинг туғруқ йўлидан ўтишини ҳам осонлаштиради. Туғруқдан кейин ўзи терига шимилиб кетади. Уни тозалаш ҳам шарт эмас. Ушбу модданинг таркибида бир неча антибактериал олигопептидлар мавжуд бўлиб, болани бактерия ва микроблардан ҳимоя қилади. Аммо фойдали бактерияларга зарар бермайди. Теридаги яраларнинг битишни тезлаштиради.

✅ Бола янги муҳитдаги ҳароратга мослашиши учун вақт керак. Верникс эса бу борада терморегулятор вазифасини бажариб беради. Шунинг учун Жаҳон Соғлиқни Сақлаш Ташкилоти болани туғилгандан кейин дарров ювинтирмасликни тавсия қилади. Бундай моддани сунъий усулда олишни олимлар ҳали ҳам уддалай олишмаган. Ҳатто ҳосил бўлишининг биологик механизми ҳам тўлиқ аниқланмаган. Устасига қойил қолмасдан илож йўқ.

✅ Шу оддий елимга шунча вазифани тайинлаган Зот, ўша елим билан ҳаёти муҳофаза қилинган инсонни вазифасиз, ҳикматсиз бор-йўғи ўткинчи дунёда яшаб ўлиб кетиш учун яратган бўлиши мумкинми? Асло! Ҳар нарсани ҳикмат билан қилгувчи Ҳаким Яратувчимиз бизни шубҳасиз абадий ҳаёт учун яратган.

Ифторда дуолариингиз ила.... 🤲🏻


ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#ramazon
#hikmat

☪️ Рамазон кундалиги

❇️ ҲОМИЛА СИЗНИ ЭШИТАДИ ❇️

✅ Бугун айтмоқчи бўлганим воқеа бир аёл билан содир бўлган. Бир куни газетада мақола ўқиб қолибди. Болалар нега тили чиқишида “мама”, “баба” “нана”, “папа” сўзаларини талаффуз этишдан бошлашади деган саволга мутахассис: “Чунки “м”, “б”, “п” бу лаб товушлари ва энг осон товушлар саналади. Ҳатто қўй, сигир ва бошқа уй ҳайвонлари ҳам шунга ўхшаш товушлар чиқара олади” деб жавоб берган экан. Ростдан ҳам шундай.

✅Лекин уни ўйлантирган нарса бошқа эди. Ўша ман айтган аёлнинг боласи тили чиқа бошлаганда, аниқ эсида, энг биринчи товушлари умуман бошқача эди. Масалан, чой ичгиси келса “қо” дерди, сўрғични истаса “ла” дерди. Бува, бувилари ҳам ҳайрон қолишарди, бу ғалати гапиради-я, дея. Ўзи ҳам тушунмасди сабабини. Юқоридаги мақолани боласи кап-катта бўлганда ўқиганди. Фақат ўшандагина нимага боласининг тили бундай ғалати чиққанини тушуниб етган экан.

✅ Ахир “Қ” ва “Л” товушлари лаб товушлари эмас ва уларга нисбатан талаффузи анча қийинроқ. Шундай бўлгани ҳолда нимага айнан шу товушларни маъқул кўрган экан деган саволга эндигина жавоб топибди. Сабаби ҳомиладорлик даврида ҳам, боласи туғилгандан кейин ҳам ҳар куни адаси унга “Ёсин” сурасини ўқиб бераркан. Ухлашидан олдин ҳам албатта “Ёсин” эшитиб ухларкан. Суранинг бошларига эътибор берса “қола”, “қолу” сўзлари кўп такрорланар экан. Ана шунда жумбоқ ечилибди. Ҳа, бу воқеа айнан шундай содир бўлган эди. Чунки ўша аёл мен эдим, тили "қо" ва "ла" билан чиққан бола эса ҳозир 17 ёшга кирган ўғлим ...

Ифторда дуолариингиз ила..... 🤲🏻
 

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#ramazon
#hikmat
#psixotrening

☪️ Рамазон кундалиги

❇️ “ҚОЛИП”ИНГИЗГА ФАҚАТ ЎЗИНГИЗ СИҒАСИЗ ❇️

✅ Инсон кўпинча ўзига бир қолип ясаб олади (шаблон). Ўша ясаган қолипига, ишонинг, ўзидан бошқа ҳеч ким тушмайди. Лекин у ўжарлик билан ўша “қолип”га атрофидагиларни, яқинларини ҳам тиқмоқчи бўлади. Аммо беҳуда ҳаракат қилгани қолади. Натижада бошқаларга ҳам, ўзига ҳам дискомфорт (ноқулайлик) пайдо қилади. У бу ноқулайликни ҳеч қачон тушунмайди. Чунки у ўз қолипида жуда лойиқ ва роҳатда-да. (Айниқса қайнона−келин, овсинлар, қайнопа, қайнсингил ва ҳ.к. орасидаги муносабатларда бу кенг тарқалган!)

✅ Ҳар бир шахс ўзига хос яратилганини, бармоқ излари каби бетакрор эканини, Аллоҳнинг минг бир исми борлигини, ҳар бир мавжудот Унинг қайсидир исмларини жилвалантириши учун яратилганини, ҳар кимда турли исмлар устунроқ тажалли этганини асло тушунмайди. Яратган уни шундай яратганини тушунмай доим атрофидагилардан, нимадандир норози бўлиб, шикоят қилиб юраверади. Ҳолбуки шу оддий қоидага риоя қилса ҳаммаси жой-жойига тушади. “Беш қўл баробар эмас” деган тушунчада кўп маъно бор.

✅ Агар ҳамма бир хил бўлса ҳаётда ранг-баранглик бўлмасди. Табиат нега гўзал? Чунки ҳар бир ўсимлик, жонзот ўзига хос, оригинал ва бетакрор яратилган. Инсонлар ҳам шундай. Уларни борича қабул қилишни ва инсон бўлгани, Яратганнинг санъати ва ижоди бўлгани жиҳати билан севишни ўрганинг.

✅ Сиз ҳам ўзингизга хос ва мос яратилгансиз. Сиз ҳам бетакрорсиз. Ўзингизни борича қабул қилинг, сизга инъом қилинганларнинг шукрини адо қилиш ҳақида қайғуринг, берилмаганидан нолигандан кўра. Яъни бу ўз устингизда ишламанг дегани эмас, аксинча фитратингизни эмас, ўз одатларингизни яхши томонга ўзгартириш устида ишланг. Бошқаларни ҳам ўзларига ўхшашларига имкон беринг.

Ифторда дуолариингиз ила.... 🤲🏻


АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#ramazon
#hikmat

☪️ Рамазон кундалиги

❇️ ПЛАЦЕНТА ВА ДУНЁ ❇️

✅ Эътибор берганмисиз, эмбрион она қорнида қандай озиқланади. Ҳомила она танасига плацента (киндик найчаси) орқали йўлдоши билан боғланган. Она еган овқатлар болага шу палцента орақли ўтади. У ерда на оғиз, на қорин, на қулоқ, на кўз керак бўлмайди. Чунки қоп-қоронғу зулмат. Аммо туғруқдан кейин, эмбрион ўша тор дунёдан кенг ёруғ оламга чиққанда, 9 ой давомида уни озуқлантиришда асосий рол ўйнаб турган плацента кесиб олиб ташланади. Энди у ҳеч нарсага ярамайди. Аксинча у ерда кераксиздек кўринган оғиз, қорин, кўз энг керакли аъзоларга айланади.

✅ Биз ҳам гўё шу эмбрионга ўхшаймиз. Қорнимиз билан Она-Ерга “ризқ найчаси” билан боғланганмиз. Аммо бу ўткинчи ва ҳақиқийсига нисбатан тор бўлган бу дунёдан боқий ва чин кенг дунёга чиққанимизда, биз керакли ва энг муҳим деб билган ўша “киндик” кесиб отилади, ҳеч нарсага ярамайди. Лекин ҳозир биз эътибор бермаётган имон, аҳлоқ, маърифат, ибодат, эҳсон ва солиҳ амаллар у ерда энг керакли нарсаларга айланади.

✅ Вақтинча керак бўладиган аммо бир кун кесиб отиладиган киндик найчаси, бутун умр керак бўладиган аъзолардан аҳамиятлироқми?... У ҳолда дунё мол-мулкига ҳам худди шу “плацента”га, эзгуликларимизга эса “кўз-қулоқ”, “қўл-оёқ”, “бурун-томоқ”қа қарагандек назар билан боқишимиз керакмасмикан...

Ифторда дуолариингиз ила..... 🤲🏻
 
ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#ramazon
#hikmat
#psixotrening

☪️ Рамазон кундалиги

❇️ ЗАВҚ МЕҲНАТНИНГ ИЧИДА, ТАШҚАРИСИДА ЭМАС ❇️

✅ Ҳаётдаги завқ меҳнатдан, хизматдан, амалдан кейин ва унинг ташқарисида эмас, балки унинг ИЧИДА яширинган.

✅ Ҳайвонлар ва ҳашаротлар ҳар куни бир хил иш қилишса ҳам зерикишмайди, чунки улар бу ишларидан завқ оладилар. Чарчадим, зерикдим, нафақага чиқаман деган ҳолатни уларда кўрмайсиз. Шахснинг ҳаёти давом этиши учун ризқланиши, жамият ҳаёти давом этиши учун оила қурилиши каби хизматлар ичига ҳам ўзига мос завқ қўйилган, токи инсонинг ва жамиятнинг ҳаёти давом этсин. Акс ҳолда овқатни худди дори истеъмол қилгандек еганимизда ҳаётимиз давом этмас, ёки оилавий муносабатларда ва фарзанд боқиб катта қилишда завқ бўлмаганда одамлар ўзганинг ташвишларини зиммасига олиб оила қурмаган бўларди.

✅ Худди шунга ўхшаб ҳар бир меҳнатда, таълимда, хизматда ҳам ўзига яраша завқ бор. Ўша завқни топа олса инсон, ўз ишидан ҳеч ҳам зерикмайди, нафақага чиқаман чарчадим, демайди. Аксинча ўша ишини тўхтатса унга азоб бўлади. Шунинг учун нима билан шуғуллансангиз ҳам, албатта фойдали бўлиш шарти билан, унинг ичида завқ топа олишингиз мумкин. У шундай завқ бўлсинки, ҳеч тугамасин.

✅ Масалан, дейлик фаррошлик. “Мен фаррошлик билан тозаликкка риоя қиляпман, Аллоҳ ҳам тозаликни яхши кўради ва буюради. Демак мен унинг розилиги ва муҳаббатига лойиқ иш билан машғулман ва унга хуш бўлган ишни қиляпман, абадий ҳаётимга катта сармоя тўплаяпман”, деган ниятда ишласа ҳеч ҳам зерикмайди. Оддий фаррошлик шундай бўлса, бошқалари учун ўзингиз хулоса қилаверинг.

Ифторда дуолариингиз ила.... 🤲🏻
 

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#ramazon
#hikmat

☪️ Рамазон кундалиги

❇️ ЭМБРИОНДА ҚОШ ❇️

✅ Тадқиқотларга кўра эмбрион танасида илк туклар қош соҳасида пайдо бўларкан. Қизиқ, лекин эътибор берганмисиз соч ва тирноқларимиз умр бўйи ўсишда давом этса-да, қошимиз маълум чегардан ўтолмайди. Соч қанча кесилса, неча марта калталатилса ҳам барибир ўсаверади.

✅ Соч ва тирноқ ўстириб рекорд қўйганлар бор, аммо қош ўстиришни имкони йўқ. Қошингизни қириб ташласангиз, улар яна чиқади, бироқ ўша белгиланган ўлчовдан ошмайди. Ҳолбуки уларнинг озуқаси ҳам соч ва тирноқлар оладиган озуқа билан бир хил. Таркиби ҳам шундай. Бор йўғи битта пешона ажратиб турибди қуюқ ва ўсишда давом этаверадиган сочлардан.

✅ Хўш, бу энг биринчи пайдо бўладиган, аммо белгиланган чекловдан ошмайдиган оддий қошга шундай ўлчов ва чегарани қўйган ким? Албатта тананинг барча аъзо ва фаолиятидан тўлиқ хабардор бўлган Ческиз Илм соҳиби Роббимиз эмасми?

🕌 Унда қаерга кетяпмиз, ундан қочиб? Қош ва соч орасини ерга қўйиш вақти келмадимикан...

Ифторда дуолариингиз ила..... 🤲🏻
 

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#ramazon
#hikmat
#psixotrening
☪️ Рамазон кундалиги

❇️ БАХТ ГОРМОНЛАРИ ❇️

✅ Ишим кўпайиб кетди, деб ўзингиз ва оилангиз учун вақт ажратмаслик, аслида вақтни бой беришдир. Оилага, ота-онага, фарзандга, яқинларга қанча кўп вақт ажратсангиз шунча кўп вақтингиз унумдор бўлиб, қўшимча вақтлар ўз-ўзидан пайдо бўлади. Бу – аниқ исботланган ҳақиқат.

✅ Ҳадисларда ҳам қариндошлик ришталарини боғлаш умрнинг баракали ва узоқ бўлишига, дуоларнинг қабул бўлишига энг кучли сабаблардан экани кўп бора таъкидланган. Ҳатто ғарблик олимлар ҳам ўз тадқиқот ва изланишларида буни тасдиқлашгани ҳақида кўп ўқиганмиз. Чунки инсон яқинларидан холис тарзда ўзаро меҳр, далда, кўмак, руҳий ва маънавий қувват олади. Сабаби инсон яқинларини манфаат ёки қандайдир фойда учун яхши кўрмайди. Бу эса ўз навбатида ҳам соғликка, ҳам ишларимизга унум беради.

✅ Яқинлар, кекса ва кичиклар орасида бўлиш, уларни бағрига босиш инсондаги эндорфин ва дофамин каби бахт ва хурсандчилик гормонларининг кўпроқ ишлаб чиқарилишига сабаб бўлади. Улар эса ўз навбатида соғлигимизга ижобий таъсир кўрсатади. Фариштали уйни кулфатлар айланиб ўтади. Кексалар – уйнинг фариштларидир.

✅ Ҳа, кексалар ва гўдаклар доимо меҳрга кўп эҳтиёж сезадиган, ожизлик ва заифликни ўзларида намоён қилган бандалар бўлишгани учун ҳам улар ўзларига илоҳий марҳаматни кўпроқ жалб қилишади. “Ораларингизда бели букилган кексалар бўлмаса эди, бошингизга балолар селдек ёғилган бўларди” деган мазундаги ҳадис ҳам шуни ифода этади. Уларни қанчалик асраб авайласак, шунча кўп балолар бошимиздан аришига ҳеч шубҳа йўқ. Бунинг акси ҳам ҳақиқат!

Набийнинг минг бора меҳри тошган ой,
Етим, мискинларга меҳри жўшган ой,
Муҳаббат устига меҳр қўшган ой,
Хайр, ойлар султони моҳи Рамазон!

Бир йилда бир бора йўқлаган ойим,
Қоринмас, кўнглимни тўқлаган ойим,
Кўриш насиб эстин яна Илоҳим,
Хайр ойлар султони моҳи Рамазон!

Ифторда дуолариингиз ила.... 🤲🏻

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

☪️ Ассалом алайкум! Барчага муборак Рамазон ҳайити қутлуғ бўлсин!💚💚💚

✅ Бир ой рамазон кундаликларини ўқиб биздан айрилмаганингиз учун раҳмат. Агар озгина бўлса ҳам манфаати теккан бўлса хурсандман.

✅ Аллоҳ барчамизга икки дунёда яхшиликлар ато этсин ва бугунги байрамга етказгани каби охиратда ҳам ҳақиқий байрамга, яъни ўзининг раҳмат ва мағфиратига етказсин! Омин! 🤲🏻

Самимий тилаклар билан ... 🌺🌺🌺

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#homiladorlik
#maqola


ОНА ҚОРНИДАГИ ҲОМИЛА ҲАҚИДА ЭНГ КЎП СЎРАЛАДИГАН 20 ТА САВОЛГА ЖАВОБЛАР
(1-5 саволларга жавоблар)

Биласизми, фарзанд кутаётган оилаларда она қорнидаги бола ҳар доим катта қизиқиш уйғотади. Келинг, ишни ушбу сирли жараённи, яъни илк ҳомиладор бўлган аёлларнинг доимий қизиқиши, масалан, боланинг она қорнида кулиши, йиғлаши, ҳиқичоқ тутиши каби саволларига жавоб беришдан бошлаймиз!

1️⃣. Она қорнидаги бола қачон ҳаракат қилади?
Аслида ҳомиладорликнинг 9-ҳафтасидан бошлаб она қорнидаги ҳомила баъзи ҳаракатларни бажара бошлайди, аммо уларни сезгунча яна бир неча ҳафта ўтиши мумкин. 14-ҳафтада эса у танасини ҳаракатга келтира олади. Бола қўлларини эгиб, оёқлари билан тепиниш ҳаракатини бажара олиши, бош бармоғини оғзига олиб келиши мумкин. Сиз буни сезишингиз учун яна бироз вақт керак бўлиши мумкин.
Ҳомиладорликнинг 28-ҳафтасида ўтирганингизда ёки ётганингизда болангизнинг ҳаракатларини аниқ ҳис қилишингиз мумкин. Аммо 32-34 – ҳафталарда ҳомила каттайгани ва ётган “қароргоҳ”и унга торлик қилиб қолгани сабабли унинг ҳаракатлари анчайин камайганини сезишингиз ҳам табиий ҳолат.

2️⃣. Она қорнидаги бола қандай озиқланади❓

✅ Боланинг она қорнидаги озиқланиши плацента ва киндик найчаси орқали амалга оширилади. Плацента – юмшоқ мочалка тузилишга эга бўлган текис, думалоқ қўшимча аъзо. У она билан бола ўртасида озуқа моддалари ва кислород алмашинувини таъминлайди. Плацентани чақалоқ билан боғлайдиган нарса бу киндик найчасидир. Бошқача қилиб айтганда, она ейдиган ва ичадиган озуқалар киндик найчаси орқали палцентага боради ва ҳомила плацентада заҳираланган озуқалар билан энг ишончли тарзда озиқланади.
Шу ерда ўринли савол туғилиши мумкин: ҳомила она қорнида оч қолганда нима қилади? Биз ҳам шуни айтишимиз мумкинки, ҳомиладорлик даврида она ва бола ўз ҳаётларини мувофиқлаштирилган ҳолда олиб борадилар. Фарзандингиз сиз орқали озиқлангани сабабли, у сизнинг овқатланиш тарзингизга мослашади. Яъни бола очиққанда, сиз ҳам очликни ҳис қиласиз. Шунинг учун бу даврда овқатланиш рефлекси импульсив тарзда ривожланади.

3️⃣. Она қорнида боланинг вазни қандай қилиб ортади❓

✅ Бола 29-ҳафтасидан бошлаб тез вазн ола бошлайди. Яъни катталаша боради. 30-ҳафтасидан эса у ўзида ёғ тўплашга ўтади. 37-ҳафтада чақалоқ вазни ҳар ҳафта 250 граммгача ортади.
Ҳомиладорликнинг 33-ҳафтасида чақалоқ ривожланишни деярли якунлайди. У 37-ҳафтадан кейин ривожланишда яна давом этади, аммо вазн ортиши секинлашади.

4️⃣. Она қорнидаги бола қачон эшитади❓

✅ Чақалоқ 18-ҳафтадан бошлаб товушларни эшитишни бошлаши мумкин. Ички қулоғидаги суяклар қаттиқлашганда товушларни аниқ эшитади, чунки миядан чиқадиган асаб толалари учлари ҳам унинг қулоқларига боғланган. У юрак уришини, ошқозоннинг ғувиллашини, киндик найчасидаги қон оқимини эшитади. Эшитиш қобилияти 19-ҳафтада яхши ривожланади. Aгар сиз унга Қуръон ўқисангиз, билингки, у қорнингизда бўлса ҳам сизни тинглайди. 27-ҳафтада эса у сизнинг ва турмуш ўртоғингизнинг овозини таний бошлайди. Шунинг учун унга фойдали ва ёқимли овозларни эшиттиринг. Кўпроқ Қуръон ўқиб беринг. Ўқишни билмасангиз, чиройли қироатларни болангиз билан бирга эшиттиринг.

🟢 Сизни қизиқтирса ўқинг: Қуръон боланинг тили чиқишига қандай таъсир қилади

5️⃣. Она қорнидаги бола қачон тескари ўгирилади❓

✅ Бола она қорнида қай тарзда туриши энг кўп қизиқилган саволлардан бири бўлиб, унга қуйидагича жавоб берамиз: 20-ҳафтадан сўнг, у асосан боши пастга ва орқаси чап томонга қараган ҳолатда ётади. Бизга маълумки, биринчи навбатда ҳомиланинг боши катталашади. Боши катта бўлгани учун тортиш кучи таъсирида шундай ҳолатга ўтади деб тушуниш мумкин. Бошқача айтганда, боланинг фақат туғилишга яқин боши пастга қараб қолиши ҳақидаги маълумот унчалик тўғри эмас. 24-ҳафтада у амниотик халтачанинг ичида тескари ёки тўғри турганлигини сеза олади, чунки унда тананинг мувозанатини таъминлайдиган ички қулоқ шаклланган бўлади.

(давоми бор...)

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#homiladorlik
#maqola

ОНА ҚОРНИДАГИ ҲОМИЛА ҲАҚИДА ЭНГ КЎП СЎРАЛАДИГАН 20 ТА САВОЛГА ЖАВОБЛАР
(6-10 саволларга жавоблар)

6️⃣ Она қорнидаги ҳомила нима учун нобуд бўлади❓

✅Биринчи сабаб - ҳомила касал бўлса, ривожлана олмайди. Буни табиий жараёндек қабул қилиш мумкин. Чунки ҳали нозик бўлган ҳомила касал бўлса, у она танасида яхши ўрнаша олмайди, натижада у тушиши ва нобуд бўлиши мумкин. Бу айниқса, эрта туғруқларда кўпроқ учрайди, аммо бу ҳар бир эрта туғруқда шундай бўлади дегани эмас.
Иккинчи сабаб - баъзида муаммо плацента туфайли юзага келади. Aгар плацента онанинг танасида яхши жойлашолмаган бўлса, бола етарли даражада озиқланолмайди ва ривожланмайди.
Учинчи сабаб - агар бўлажак онада буйрак, жигар ёки юрак касалликлари бўлса, қони тозаланмаса, бола нобуд бўлиши мумкин, чунки бу қон онадан болага ўтади.

7️⃣ Нима учун она қорнидаги бола ҳиқичоқ тутади❓

✅ а) Она қорнидаги ҳомила 16-ҳафтада ҳиқичоқ тутади. Ҳиқичоқ одатда ҳомила ўпкаси билан нафас олиш учун ҳаракатлар қилишидан олдин пайдо бўлади. Нафас йўллари ҳаво билан эмас, балки суюқлик билан тўлганлиги сабабли бу ҳиқичоқ овозсиз бўлади.
б) 17-ҳафтада ҳиқичоқни эшитмасангиз-да, ҳис қила бошлашингиз мумкин (айниқса, бу 2-ҳомиладорлик бўлса).
в) 30- ҳафтада эса бола диафрагмани маълум бир маромда ҳаракатга келтириб нафас олиш ҳаракатларини бошлагани учун унда ҳиқичоқ пайдо бўлиши мумкин. Бунда сиз енгил оғриқ ҳис қилишингиз мумкин.

8️⃣ Она қорнидаги болада буйрак катталашишига нима сабаб бўлади ❓

✅ Бунинг тиббий номи гидронефроздир. 5-ҳафтада чақалоқнинг буйраги ривожлана бошлайди. Дастлаб сийдик ва буйрак йўллари бир-биридан мустақил ҳолатда бўлади. Чунки бу даврда ҳожат чиқарув тизими ҳали шаклланмаган бўлади. Гидронефрознинг келиб чиқиш сабаблари:
- буйракнинг юқори сийдик йўлларига қўшилиш соҳасидаги стеноз (торайиш)нинг пайдо бўлиши,
- сийдик қопчасига тушган пешобнинг яна буйракка қайтиши каби ҳолатлар ҳомилада буйрак катталашишига олиб келади. Одатда бу вақтинчалик ҳолат. Агар жиддий хавф кузатилса, шифокор сизга керакли тавсияни беради.

9️⃣ Она қорнидаги бола ухлайдими❓

✅ Ҳомиладорликнинг 28-ҳафтасида бола мунтазам равишда ухлайди ва уйғонади. Унинг уйқу тартиби ҳар хил, у ҳар сафар 20 ёки 30 дақиқа ухлайди. 9-ҳафтада одатий деб аташ мумкин бўлган сокин уйқу цикли шаклланган бўлади.

🔟 Она қорнидаги бола эркалашни ҳис қиладими❓

✅ 18-ҳафтадан бошлаб у сизнинг бир қисмингиз бўлиб, барча хатти-ҳаракатларга очиқ бўлади. Яъни, аксарият мутахассисларнинг таъкидлашича, она қорнидаги бола ўзини эркалашларини ҳис қилиб туради. Ҳомиладорлик пайтида стресс болага салбий таъсир кўрсатгани каби, ижобий ҳис-туйғулар ва меҳр-муҳаббат эса ҳомила учун жуда фойдали.

(давоми бор...)

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#homiladorlik
#maqola

ОНА ҚОРНИДАГИ ҲОМИЛА ҲАҚИДА ЭНГ КЎП СЎРАЛАДИГАН 20 ТА САВОЛГА ЖАВОБЛАР
(11-15 саволларга жавоблар)

1️⃣1️⃣ Она қорнидаги бола ел чиқарадими❓

✅ Боланинг ички аъзоларидан бўлмиш ичакнинг ривожланиши у туғилгандан кейин ҳам давом этади. Ел чиқариш ва ич қотиши ҳомиладор аёллар учун катта муаммо бўлса-да, ҳомила учун бу ҳали ҳануз имконсиз нарса.

1️⃣2️⃣ Она қорнидаги бола катта ҳожат қиладими?

✅ Одатда она қорнидаги бола ахлат чиқармайди. Аммо боланинг ичакларига ёпишган ҳолда қуюк ахлат тўпланиб қолади. Тиббиётда бу меконий деб аталади. Қуйидаги:
- киндик найчасининг қисилиши;
- қийин туғруқ;
- кеч туғруқ;
- онадаги сурункали ўпка, қон-томир ва юрак касалликлари,
- қандли диабет ва юқори қон босими каби ҳолатларда она қорнидаги ҳомила ҳам ахлат чиқариши мумкин.

1️⃣3️⃣ Бола она қорнида ўз ахлатини ютса... (меконий аспирацияси) ❓

✅ Ахлат чақалоқнинг ўпка ва нафас олиш йўларига тушиб қолиши мумкин. Эътибор бериш керак бўлган ҳолат. Чунки бундай ҳолатда “кичкинтой”ингизнинг ривожланиши билан боғлиқ муаммолар пайдо бўлиши мумкин. Шифокорингизга учранг, у сизга даволаниш ҳақида керакли маълумотни беради.

1️⃣4️⃣ Бола нима учун она қорнида ривожланмай қолади❓

✅ Бунинг сабалари она бачадони ўсишининг сустлашиши, плацентанинг ҳомила учун етарли миқдорда кислород ва озуқа моддаларини етказиб бера олмаслиги каби муаммолар бўлиши мумкин. Бошқа муаммоли вазиятлар эса қуйидагилар:
- онада қон босимининг кўтарилиши;
- чекиш ва спиртли ичимликлар истеъмол қилиш;
- онанинг озғинлиги ёки тўйиб овқатланмаслиги;
- 1-даражаи диабет, юрак, жигар ёки буйрак касалликлари каби сурункали касалликка чалиниш;
- преэклампсия ёки эклампсия;
- эгизак ҳомиладорлик кабилар шулар жумласидандир.
Бундан ташқари, инфекция, туғма нуқсон ёки хромосома анормаллиги ҳам сабаб бўлиши мумкин. Шуни билингки, боланинг ривожланмай қолиши сабабларини ҳар доим ҳам аниқлаш имкони бўлмаслиги мумкин.

1️⃣5️⃣ Она қорнидаги чақалоқ совқотадими❓

✅ Ушбу савол ҳомиладорлик пайтида музқаймоқ истеъмол қилиш сабабли тез-тез сўралади. Ҳомиладор аёллар музқаймоқ истеъмол қилса, ҳомиласига таъсир қилмайди, бола совқотмайди. Ёқимли иштаҳа билан тановвул қилаверинг!

(давоми бор...)

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​#homiladorlik
#maqola

ОНА ҚОРНИДАГИ ҲОМИЛА ҲАҚИДА ЭНГ КЎП СЎРАЛАДИГАН 20 ТА САВОЛГА ЖАВОБЛАР
(16-20 саволларга жавоблар)

1️⃣6️⃣ Она қорнида боланинг юрак уриши қандай бўлиши керак❓

✅ 11-чи ёки 12-ҳафтадан бошлаб ҳомиланинг юрак уриши ўртача 140-160 гача бўлиши нормал ҳисобланади.

1️⃣7️⃣ Бачадонда ҳомиланинг жинси ўзгарадими❓

✅ “Кичкинтой”ингизнинг жинси ўзгармайди, аммо шифокорнинг сизга айтганлари ўзгариши мумкин (ўғил дегани қиз, қиз дегани ўғил бола туғилиши мумкин) Ультратовуш аппаратининг техник жиҳатдан яхши созланмагани, сифати пастлиги ёки онанинг ортиқча вазнда бўлиши бу ҳолатнинг асосий сабабчилари ҳисобланади.

1️⃣8️⃣ Она қорнидаги ҳомилада қачон соч чиқади❓

✅ 20-ҳафтадан бошлаб ҳар ҳафта ингичка қошлар ва сочлар пайдо бўлиб, ҳомила одам қиёфасини олади. 26-ҳафтага келиб унинг киприклари, қошлари ва сочлари қалинлашади.

1️⃣9️⃣ Бола она қорнида эзилиб қолиши мумкинми❓

✅ Ҳомила ўсиши билан, албатта, у ётган жой тораяди, аммо бу унинг эзилиб, сиқилиб қолишини англатмайди. Кўпроқ жойга эҳтиёж сезганда шундоқ ҳам ўзи туғилади, ташвишланманг.

2️⃣0️⃣ Онанинг қорнидаги бола қайси ҳафтада кўзларини очади❓

✅ Унинг кўзлари ҳомиладорликнинг 28-ҳафтасида очилиб ёпила бошлайди. Aгар сизда унга қарашнинг иложи бўлганида эди, боланинг кўз рангини ҳам аниқлай олардингиз. Бироқ, шуни билингки, бола туғилгандан кейинги дастлабки 6 ойда унинг кўз ранглари кўк ва яшилдан бошқа рангга ўзгариши мумкин.

( 20 та саволга жавоб тугади, аввалги савол-жавоблар юқоридаги постларда)


АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#мақола
#homiladorlik

Ҳомиладор аёлда сут қачон келади?

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#мақола
#homiladorlik

ҲОМИЛАДОРЛИКНИ ҲАФТАМА−ҲАФТА КУЗАТАМИЗ!
31−ҳафтада қандай ўзгаришлар бўлади?


Бошқа ҳафталар:
30-ҳафта
29-ҳафта
28-ҳафта
27 -ҳафта
26-ҳафта
25-ҳафта



АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

​❇️ КОЛА ВА БОШҚА ГАЗЛИ ШИРИН ИЧИМЛИКЛАР БЕПУШТЛИККА САБАБМИ❓

✅ "Биз ширин ичимликларни истеъмол қилиш ва бепуштлик ортиши ўртасида боғлиқлик борлигини аниқладик, бу бошқа кўплаб омилларни ҳисобга олган ҳолда, шу жумладан семириш, кофеин истеъмол қилиш, алкоголли ичимликлар, чекиш ва овқатланишнинг умумий сифати билан боғлиқ эди", дейди Бостон Университетидаги эпидемиология кафедраси етакчи олимаси. Элизабет Хатч. "Ҳомиладорликни режалаштираётган жуфтликлар ушбу ичимликларни истеъмол қилишни чеклаш ҳақида ўйлашлари лозим. Айниқса бу уларнинг соғлиққа бошқа салбий таъсирлар билан ҳам боғлиқ."

✅ “Ҳам аёллар, ҳам эркаклар томонидан шакарли ичимликлар истеъмол қилиш ҳомиладор бўлиш ойлик ўртача эҳтимолининг 20 фоизга пасайтириши қайд этилди. Кунига камида битта газланган ичимлик истеъмол қилган аёлларнинг фарзандли бўлиши 25 фоизга паст бўлган; эркакларда эса бу кўрсаткич 33 фоизга пасайган. Мева шарбатлари ёки парҳезли ичимликларни истеъмол қилиш ва ҳомиладор бўлиш қобилияти орасида эса боғликлик жуда кам бўлган.”, деб ёзади Бостон Университети Соғлиқни Сақлаш Мактаби тадқиқотчилари.

✅ Даниялик тадқиқотчи олимлар ҳам кока-коланинг эркаклар пуштдорлигига салбий таъсири ҳақида таъкидлаб, бу ичимликни мунтазам ичувчиларда сперма миқдори 30 фоизга пасайишини қайд этганлар.

Шунинг учун бепуштликка даволнаётганлар ҳар қандай газли ширин ичимликлардан узоқроқ бўлганлари маъқул. Табиий ва янги сиқиб тайёрланган шарбатларга нима етсин!


АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#savol
#ajabo


❇️ МЕНИ ЧАРЧАТГАН САВОЛЛАР! (ва жавоблари):

Қайта-қайта сўралавериб ростдан ҳам ғалати бўлган саволларга охирги жавобларим шу ерда

АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#мақола
#homiladorlik
#tugruq

ЭРТА ТУҒРУҚ БОРАСИДАГИ САВОЛЛАРГА ЖАВОБЛАР

❇️ Эрта туғруқ нима? У асосан қайси ҳафтада бўлади?
❇️ Эрта туғруққа сабаб бўладиган омиллар нима?
❇️ Эрта туғруқнинг аломатлари қандай?
❇️ Эрта туғруқ рўй бермаслиги учун нима қилиш керак?
❇️ Эрта туғруқни қандай билса бўлади?
❇️ Эрта туғруқда нима қилиш мумкин? Уни қанча вақтга ортга суриш мумкин?
❇️ Эрта туғруқ хавфи билан касалхонага ётқизилган тақдирда нима қилиш керак?

Мақолада ушбу саволларга жавоб берилган.



АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#мақола
#homiladorlik

ҲОМИЛАДОРЛИКНИ ҲАФТАМА−ҲАФТА КУЗАТАМИЗ!
32−ҳафтада қандай ўзгаришлар бўлади?


Бошқа ҳафталар:
31-ҳафта
30-ҳафта
29-ҳафта
28-ҳафта
27 -ҳафта
26-ҳафта
25-ҳафта



АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻

#мақола
#homiladorlik

ҲОМИЛАДОРЛИКНИ ҲАФТАМА−ҲАФТА КУЗАТАМИЗ!
33−ҳафтада қандай ўзгаришлар бўлади?


Бошқа ҳафталар:
32 -ҳафта
31-ҳафта
30-ҳафта
29-ҳафта
28-ҳафта
27 -ҳафта
26-ҳафта




АНКАЛАЙФ КЛИНИКАСИ РАСМИЙ КАНАЛИ

ҲОМИЛАДОРЛИК САҲИФАСИ

КАНАЛ МУНДАРИЖАСИ

TELEGRAM | YOU TUBE | INSTAGRAM
Каналга уланинг: 👉🏻 @ginekologim 👈🏻