#Савол
Савол: Ҳомиладор бўлиш учун бир кунда бир неча марта яқинлик қилиш фойда берадими❓
✅ Жавоб: Йўқ, аксинча ҳар куни ёки кунда бир неча марта бўлса, бу ҳомиладор бўлмасликка олиб келиши мумкин. Чунки бу ҳолатда ҳали тўлиқ етилмаган сперматазоидлар ҳам бачадонга тушгач аёл организми уни бегонадек қабул қилиб, унга қарши антитанача ишлаб чиқариб ҳимояланишга ўтиб олади, натижада номувофиқлик юзага келиб тухум ҳужайра уруғланмайди. Ҳомиладор бўлиш учун энг маъқули 2-3 кунда бир яқинлик қилиш. Узоқ муддатда, масалан, 1-2 ойда бир яқинлик қилишда ҳам сперматазоидлар сифати пасайиб тухум ҳужайрани уруғлантириш эҳтимоли пасаяди. Шунинг учун ўрта йўлни тутиб меъёрни сақлаган ҳолда бўлса, ҳомиладор бўлиш эҳтимоли кўпроқ бўлади.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

​#хушхабар
Яқинда Нилуфар исмли пациентим ўғил фарзандли🤱🏻 бўлгани ҳақида хушхабар олдим. Суратларини ҳам жўнатган экан, жуда хурсанд бўлдим. Ўзининг рухсати билан сизлар билан ҳам баҳам кўряпман (ҳамма ҳам рухсат беравермайди, тўғри тушунамиз). Оллоҳ умри, ризқи билан берган бўлсин, ота-онасининг кўз қувончи ва ҳамиша хурсандчикликлари, саодатлари сабачиси бўлсин🙏🏼!
Кеча эса яна бир бухоролик пациентим (қизиқ унинг ҳам исми Нилуфар) ҳам туғилган ўғил чақалоғи🤱🏻 суратларини жўнатибди. Унинг сурталарини қўйишга ҳали рухсат олмадим.
Албатта бошқа ҳомиладор бўлган🤰🏾 ёки бўлолмай дардига даво излашда давом этаётган барча пациентларимга ҳам шундай кунлар насиб қилишини чин кўнгилдан тилайман. Тўғри, даволаниб ҳомиладор бўлолмаган, ёки ҳомиладор бўлган-у, аммо ҳомиласи тушиб қолган ҳолатлар ҳам бор. (Дунёни ҳеч бир жойида 100% кафолат билан фарзанд эгаси қиладиган марказ ҳам, шифокор ҳам йўқ🤷🏻‍♀️).
Шу фарзандли бўлган пациентим ҳам авваллари бир неча марта ҳомиласи тушиб қолган. Аммо астойдил ҳаракат ниҳоят натижасини берди. Умидингизни ҳеч қачон сўндирманг, тақдирдан нолимай мақсадга интилишда давом этинг. Чексиз қудрат эгаси ҳар нарсага қодир🙏🏼.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

​Муҳтарам канал аъзолари! Ўтган ой мобайнида малака ошириш курсини ўқиб тугатдим. Шунга каналда ҳам, саволларга жавоб беришда ҳам унча фаол бўлолмадим. Ўзбекситонда ЭКУ муолажасига рухсат берувчи қонун қабул қилингани учун махсус малака ошириш курслари ҳам ташкил этилган. Тошкент врачлар малакасини ошириш институтида ана шундай курсни тугатдим. “Эркак ва аёллар бепуштлик муаммоларида ёрдамчи репродуктив технологияларни тадбиқ этиш имкониятлари” мавзуий малака ошириш курси. Яқин кунларда Ўзбекистонда ЭКУ муолажаси ўтказадиган бир неча янги марказлар очилиши кутиляпти, тайёргарлик ишлари бошлаб юборилган. Мен ҳам ҳозир ана шундай марказлардан бири билан ҳамкорликни режалаштирмоқдаман. Насиб бўлса, иншаоллоҳ яқин кунларда бу ҳақида батафсилроқ маълумот берман. Тушуняпман, кўпчилик савол сўрайди. Фикр билдириш учун қўйилган бот орқали ҳам саволлар келиб турибди. Шифокорга мурожаат ботини ҳам ишга туширмадим. Сабаби ҳозирда бироз ишларим кўпроқ. Улгуролмай қолишим мумкин. Шундоқ ҳам телефоним тинмайди. Агар жуда зарур саволлар бўлса @ginekologimuzbot боти орқали йўллашингиз мумкин. Аммо дарров жавоб берман деб айтолмайман. Навбат билан ва бўш вақтимга қараб жавоб беришга ҳаракат қиламан. Саломат бўлинг...🌺

Каналга уланинг:👇
https://t.me/joinchat/AAAAAFBvdBiwu4MpzsQ1zQ

#қисқа_фактлар ☑️
#аёл 👸

Ayollar X xromosomalari 433 geni o'z ichiga oladi erkak Y xromosomalari 29 geni o'z ichiga oladi. Shuning uchun ham insonga ko'p harakterlar onadan o'tadi.

Каналимизга уланиш учун қуйидаги линк устига босинг👇
https://t.me/joinchat/AAAAAEAXSMnk5K5cEMTYKA

@andrology_uz 🚑
www.andrology.uz 🌎

#Савол
Савол: Эмизиш пайтида ҳайз кўрмаслик нормал ҳолатми❓
✅ Жавоб: Ҳа, нормал ҳолат. Сабаби қонда пролактин (сут) гормони меъёридан юқори бўлиши ҳисобига тухумдон фаолияти тўхтайди ёки суст бўлади. Шуни ҳисобига ҳайз цикли келмаслиги мумкин.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

​#хушхабар
Яқинда ёрдамчи репродуктив технологиялар💺 орқали ўтказилган муоалжалар натижасида ҳомиладор бўлган Ҳилола исмли пациентим ҳам қиз фарзандли 🤱🏻бўлгани ҳақида хабар берди. Ўзининг рухсати билан суратлариини сизлар билан баҳам кўряпман. Оллоҳ умри, ризқи билан берган бўлсин, ота-онасининг кўз қувончи ва ҳамиша хурсандчикликлари, саодатлари сабачиси бўлсин🙏🏼. Албатта бошқа ҳомиладор бўлган🤰🏾 ёки бўлолмай дардига даво излашда давом этаётган🙋🏻‍♀️ барча пациентларимга ҳам шундай кунлар насиб қилишини чин кўнгилдан тилайман. Умидингизни ҳеч қачон сўндирманг, Албатта ҳар бир машаққат ортидан бир енгиллик ва хурсандчилик бўлади. Муҳими шукр, қаноат ва холис дуо билан бирга ҳалол йўллар орқали шифо излашда давом этинг. Сиз учун хайрли бўлган натижага рози бўлишни ҳам унутманг. Биз учун нима хайрли эканини олдиндан билиш ёлғиз Яратганнинг Ўзига аён.
Самимият билан...🌺

Каналга уланинг:👇
https://t.me/joinchat/AAAAAFBvdBiwu4MpzsQ1zQ

#фойдали_маълумотлар 🏥

Erkak tarafidan farzandsizlikning sabablari!

Erkaklardagi bepushtlik — homilador qilaolmaslikka jinsiy aʼzolarning tugʻma nuqsoni (masalan. Kriptorxizm), yalliglanish kasalliklari yoki ularning shikastlanishi (masalan. Orxit, Epididimit), jinsiy maylning sustligi, shuningdek endokrin sistema faoliyatining oʻzgarishi, urugʻ suyuqligi (sperma)da spermatozoidlar (jinsiy hujayralar) boʻlmasligi yoki ularning urugʻlantira olish xususiyatining yoʻqligi sabab boʻladi.

@andrology_uz 🚑
www.andrology.uz 🌎

Эркаклар бепуштлиги масалалари бўйича махсус канал

Каналга уланиш учун қуйидаги линк устига босинг 👇

https://t.me/joinchat/AAAAAEAXSMnk5K5cEMTYKA

​#Савол
Савол: Тухумдон кистаси қандай пайдо бўлади❓
✅ Жавоб: Тухумдон кисталари кўпинча туғруқ ёшидаги аёлларда кўп кузатилади ва бу кисталарнинг аксарияти хавфсиз саналади. Ҳар бир аёлда ҳаётининг бир палласида тухумдон кистаси пайдо бўлиши мумкин ва улар бирор даво чораси қўлланмаса ҳам ўз-ўзидан сўрилиб кетади. Тухумдон кистасининг ҳосил бўлиш сабаблари тўлиқ аниқланмаган. Бунда гонадотропин гормонлари ва апоптоз (ҳужайранинг ҳалок бўлиши дастурини тартибга солувчи жараён) фаолиятининг бузилиши рол ўйнаши тахмин қилинади. Ундан ташқари туғруқ ёшида узоқ муддат ҳомиладорликнинг юзага келмаслиги, ўтказилган абортлар, эндокрин тизим касалликлари ҳам сабаб бўлиши мумкин. Мазкур омиллар киста ҳосил бўлиш хавфини орттиради.
Тухумдон балоғат ёшидан бошлаб гормон ишлаб чиқариб ҳайз келишини таъминлайди. Шу билан бирга тухумдон ичида ҳар ой битта тухум ҳужайра пайдо бўлиб етилади ва овуляция натижасида тухум ҳужайрани уруғланиш жойи бўлган бачадон найига чиқаради. Агар ҳомиладорлик юзага келмаса тухум ҳужайра йўқолиб ҳайз кела бошлайди. Тухумдон эса янги тухум ҳужайра етиштиришга киришади. Тухумдонларда тухум ҳужайра фолликула деб номланувчи ичи суюқликдан иборат шиллиқ тузилма ичида жойлашади. Бу фолликула овуляция пайтида 18-20 мм ўлчамларгача катталашади ва гормон миқдори ортиши билан одатда ҳайз цикли ўртасида энг заиф жойидан ёрилади ва тухум ҳужайрани ўзидан чиқариб юборади. Бу тухум ҳужайрадан бўшаган фолликула кейинчалик сариқ танага айланиб, ҳомиладорликни қўллаб-қувватлаш учун прогестерон гормони ишлаб чиқаришда давом этади. Баъзи ҳолатларда фолликула ёрилмай қолади ва ортиқча катталашиб кистага айланиши мумкин. Тухумдон кистаси – ичи суюқлик ёки ярим суюқ бўлган, атрофдаги тўқималардан ажралган қобиқли ҳосила (пуфакча)дир. Бу ҳосилаларнинг аксарияти катталашган тақдирда ҳам ҳайз келиши билан тушиб кетади. Баъзилари эса ҳайз билан тушиб кетмай тана ичида қолиб катталашади ва ҳайз циклининг бузилишига олиб келишидан уни билиш мумкин бўлади. Айримлари эса бирор бир аломатсиз бўлиб, гоҳида муолажа пайтида борлиги қайд этилади.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

​#Ажабо
Кўпинча бизга аллақачон берилган ва доим фойдаланаётган неъматларга шукр қилмаймиз-да, айрим неъматларга ҳозирча эга бўлмаганимиздан, ёки кечикаётганидан нолиймиз. Индонезиялик бир оилда оёқ-қўлсиз бола туғилди. Оёқ-қўлсиз туғилиб кўп муваффақиятларга эришган Ник Войчич ҳақида кўп гапирилган. Аммо бу бола ҳам ундан кам эмас. Нолимай ҳаётда ўз ўрнини топиб шукр қилиб яшаётган бу оила ва бола ҳақидаги видеороликни таржима қилиб сизга илиндим. Ҳаётдан, тақдирдан мамнун ва рози бўлиб, берилган неъматларга янада кўпроқ шукр қилиб яшашимиз учун туртки бўлса ажаб эмас.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

Мана ўша матонатли индонезиялик оила ва оёқ-қўлсиз ҳаётдан мамнун бўлиб яшаётган бола ҳақидаги видеоролик Каналга уланинг:👇
https://t.me/joinchat/AAAAAFBvdBiwu4MpzsQ1zQ

#Савол
Савол: Бачадон найларим иккаласи ҳам ёпиқ экан. Рентген қилдирганимда жарроҳ шифокор амалиётдан кейин ёпилмаслигига кафолат бермаймиз, яна ёпилиб қолиши мумкин, деди. Бошқа йўли йўқми дори воситалари билан очишинииложи йўқми? Сунъий уруғлантиришсиз ҳомиладор бўла оламанми❓
✅ Жавоб: Ҳозирги кунда бачадон найлари ўтказувчанлигини тиклайдиган дори воситаси кашф этилмаган. Фақат лапароскопик жарроҳлик амалиёти орқали бачадон найлари ўтказувчанлигини тиклаш мумкин. Шифокор сизга рост айтибди (айрим 100% кафолат бераман деб алдайдиганлар ҳам йўқ эмас). Амалиёт пайтида оча олмаслик ҳолати, ёки амалиётдан кейин яна ёпилиб қолиши мумкин. Лекин бу ҳам бир эҳтимол. Агар яна ёпилиб қолса, у ҳолда ЭКУ муолажаси орқалигина ҳомиладор бўлишга ҳаракат қилинади.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

#Савол
Савол: Турмуш қурганимиз¬га 3 йил бўлди. 5 мар¬отаба ҳомилам тушди. 6 ойлик, 6.5 ойликка етганда тушади кўпинча. Соғли¬гим жойида, текширишг¬анда бачадон икки шохли¬лиги аниқланди. Менга нима маслаҳат бера оласиз❓
✅ Жавоб: Ҳомиладорлик даврида тажрибали акушер-гинеколог назоратида туриб бачадон мушаклари тонусини туширувчи дори воситалар тавсия қилинади. Керак бўлса ётоқ режими, жисмоний зўриқишлардан узоқ туриш керак. Яна бачадон бўйни етишмвочилиги бор ёки йўқлигини аниқлаш зарур. Агар бу ҳолат қўшилган бўлса, ҳомила 14-16 ҳафталик бўлганда бачадон бўйнига чок қўйиб, туғруқ йўллари ёпиб қўйилади.

Каналга уланинг:👇
https://t.me/joinchat/AAAAAFBvdBiwu4MpzsQ1zQ

​#янгилик
Яқинда эски иш жойим - Қоратошдаги клиника биносида Туркиялик шифокор, доцент, гинеколог, репродуктолог, Жихангир Чакижи (Dr.Cihangir Çakici – www.cihangircakici.com) раҳбарлигида ЭКУ (сунъий муҳитда уруғлантириш) клиникаси ташкил қилиняпти. Насиб қилса, тез орада мен ҳам ушбу клиникада фаолиятни бошлайман. Доктор Жихангир Чакижи 36 йиллик иш тажрибасига эга, шу кунга қадар 4900 дан зиёд ЭКУ муолажаси ўтказган. Унинг Бишкек шаҳрида (Қирғизистон) ҳам “Ankalife” номли ЭКУ-клиникаси (www.ankalifebishkek.com) 2015 йилдан бери фаолият юритади.
Якшанба 21 апрел куни унинг таклифи билан ЭКУ клиника фаолияти билан танишиш, иш жараёнини ўрганиш ва малака ошириш учун Бишкекка учиб кетяпман. 24 апрелда қайтаман, иншаалоҳ. Доимий ва бошқа янги пациентларимга айтиб қўймоқчиманки, бу вақтда телефонларга жавоб беролмайман. Бишкекда онлайн бўлсамда, Telegram ёки WhatsApp орқали кундузи саволларга жавоб беролмасам тўғри тушунасизлар. Кечки пайт вақт бўлса жавоб бераман. Фавқулодда зарур ҳолатларда, Telegram ёки WhatsApp орқали қўнғироқ қилиб боғланиш мумкин. Сизлардан дуо сўраб қоламан, ишларимиз хайрли бўлсин...
P.S. Ҳа, дарвоқе, 25-26 апрел кунлари Доктор Жихангир Чакижи ЭКУ клиника ташкилий ишлари билан Тошкентга келади. Ўша кунлари ҳам банд бўламан.

Саломат бўлинглар ... 🌺

Каналга уланинг:👇
https://t.me/joinchat/AAAAAFBvdBiwu4MpzsQ1zQ