كلمات مفتاحية لتوجهات بصرية مختلفة يمكنك الإستلهام منها خلال عملك على مشروع هوية بصرية 💡

بوست جديد على انستجرام من هنا 🔗

بدائل اللون الأبيض النقي للخلفيات ⬜

درجات مختلفة يمكنك استخدامها في خلفية تصاميمك او محتواك بديلاً عن الابيض النقي الذي "احيانا" يزعج العين مع بعض الألوان 🌟

البوست على انستجرام من هنا 🔗

كيف تحسب سُمك كعب الكتاب؟ 📙

في البداية، الكتب والمجلات يمكن تصفيها الى حالتين:

1️⃣ دبوس حصان: وفي الحالة دي بيكون الكتاب او المجلة بدون كعب، لإن سُمك الكتاب لا يشكل مساحة كبيرة لقلة عدد الصفحات

2️⃣ دبوس الكعب: وفي الحالة دي سُمك الكتاب بيُشكل مساحة بالتالي بيظهر معانا كعب الكتاب

وعشان نحسب السُمك دا، محتاجين نعرف حاجتين:
الاولى هي سُمك الورق المُستخدم في الطباعة، الثانية هي عدد صفحات الكتاب 📃

العملية الحسابية:
لحساب سُمك كعب الكتاب، بنقسم عدد صفحات الكتاب على 16، ونضرب الناتج في واحد من مائة من وزن الورق، والناتج يكون سُمك كعب الكتاب بالملليمتر 📏

مثال:
إذا كان عدد صفحات الكتاب 400 صفحة، ووزن الورق الداخلي 80 جرام، يكون سُمك كعب الكتاب:
400÷16=25
25×0.8=20 مم

ولو الرقم طلع كسر، وليكن "26.76" بنقربه لأقرب رقم صحيح لأعلى "27 مم"

بالتوفيق 🩵

"كم عدد الخيارات التي تقدمها للعميل؟" 🔢

كنت بفكر في موضوع عدد الخيارات اللي بقدمها للعملاء، خاصة ان السؤال تكرر من طلابي في الدورة 👥

في البداية لازم نفرق بين طريقة عمل الاستوديوهات، وعمل الفريلانسر المبتدأ، وعمل "الخبير" 🕵🏻‍♂️

في مشاريع تصميم الهُويّات البصريّة، اغلب الاستوديوهات بيقدموا خيارات كتير وفرص اكتر للتعديلات “معاك ٤ اختيارات شعارات، كلها ممتازة لأسباب مختلفة، اختار اللي تحبه، محتاج تعديلات؟ تحب نعدل ايه؟ طب حابب نختار اي من لوحات الألوان دي؟ أي خط عاجبك اكتر؟ 🅰️

وكذلك العامل الحر المبتدأ في الأغلب بيشتغل بنفس الطريقة، اعتقاداً منا اننا كدا بنحترمهم وعايزينهم يحسوا بملكية الشيئ اللي بنقدمه ليهم، تقديم الاختيارات على طول الطريق بيسمح ليهم يصنعوا حاجة يحسوا إنها بتاعتهم، صحيح؟ في الأغلب لا. الحقيقة، إن لو طلبنا من العميل يختار ممكن دا يخليه يحس بالحيرة او بالعجز، خاصة لو مش مجال خبرته.

اللي أغلب العملاء محتاجينه هو "خبير" يتولى المسئولية ويقولهم إيه الأحسن، لو انت بتصمم شعار، وعميلك مش عارف هو محتاج ايه، امشي معاه في المنهجية وفي النهاية قدم له حل واحد، او اتنين بالكتير ممكن مع خيارات تخصيص صغيرة او variations من نفس الفكرة.

قدم نصيحتك كخبير "الاتنين هيبقوا ممتازين، لكن أنا ممكن أختار ده لأن [التبرير]، وممكن أختار دا لأن [التبرير] .” ومن هنا تسيب العميل يختار، في الحالة دي التوصية بتكون من متخصص بدل ما يختاروا بأنفسهم من الصفر، العملاء مش هيشغلوا بالهم إذا كانوا اتخذوا القرار الصحيح ولا لا، خليهم واثقين ان المنتج النهائي هو الأنسب لمشروعهم.

في النهاية، كل دا بيختلف حسب طبيعة المشروع وطبيعة العميل، ولكن انت اللي بتحدد دا، عن طريق تمركزك في السوق على اساس انه انت “الخبير” مش مُجرد “مُنفّذ” 🩵

مساء النور 🌟

اليوم انتهت الدُفعة الخامسة من دورة تصميم وبناء الهوّيات البصريّة 🩵

كان في المخطط انها تكون الدُفعة الأخيرة بغرض البدأ في مرحلة جديدة ومستوى اعلى، ولكن الدورة الحالية مازال عليها طلب وردود فعل قوية 💯

بدأنا التجهيز للدُفعة السادسة وبالفعل عدد كبير من المتدربين سجلوا اهتمامهم 👌🏻

الدُفعة القادمة هتبدأ في النصف الأول من الشهر القادم بإذن الله، تقدر تحجز مقعد من هنا:
www.ghonimyarts.com/huwiya

ماذا لو “العميل ليس لديه بريف”؟ 📄

عند البدأ في مشروع هُويّة بصريّة بيواجهك ثلاث سيناريوهات عند طلب معلومات عن المشروع:

1️⃣ الحالة الاولى:
العميل لديه Business Plan أو Brand Strategy او ايّ Brief عن المشروع بشكل عام

2️⃣ الحالة الثانية:
لا يوجد تحضير لمعلومات المشروع ولكن العميل يعرف كل المعلومات

3️⃣ الحالة الثالثة:
لا يوجد تحضير لمعلومات المشروع والعميل لا يعرف كل المعلومات

في الحالة الاولى كل اللي عليك ببساطة هو عبارة عن استخلاص المعلومات اللي محتاجها من الملف مباشرة

في الحالة الثانية بتبدأ تستخلص المعلومات عن طريق الإستبيان او جلسة مباشرة مع العميل، (وعادةً دا اكثر سيناريو نواجهه في مسيرتنا كمصممين)

في الحالة الثالثة التعامل ليس سهل، ويكون هو القيام بدور صاحب المشروع والعمل على ايجاد المنافسين وتحليلهم .. يعني الحصول المعلومات بنفسك وعمل شخصية للبراند وغيره (عادةً تواجه هذا النوع عند التعامل مع المشاريع الصغيرة) .. وفي الحالة دي في الأغلب بيكون فيه تكلفة اضافية على حسب حجم العمل اللي هتقوم بيه .. سواء ابحاث بسيطة مروراً ب بريف متوسط، او عمل استراتيجية كاملة للبراند اذا انت مُتمكن، بالإتفاق مع العميل 👌🏻

من أعمال نايف احد المتدربين في الدورة بالدُفعة السابقة 🌟

متبقي ٦ مقاعد فقط للدُفعة السادسة من دورة تصميم وبناء الهُويّات البصرية 🩵

للتفاصيل والحجز 🌹
www.ghonimyarts.com/huwiya

جاري الانتهاء من الصفحة الأخيرة بالموقع 🔥

بعدها هيتم نقل الدومين على الموقع الجديد بإذن الله بعد اختبار أداءه للتأكد من عمل كل شيء بشكل صحيح 👌🏻

تحديثات جديدة على صفحة هبوط دورة تصميم وبناء الهويّات البصريّة 🌟

✅ تم اضافة احصائيات وارقام من الدُفعات السابقة
✅ بعض من تقييمات المتدربين
✅ تحديث المحاور والدروس

سيتم اضافة اعمال المتدربين السابقين وقسم خاص بالاسئلة المكررة 🩵

تبدأ الدفعة السادسة يوم ١٤ القادم .. متبقي خمس مقاعد فقط

للحجز والتفاصيل:
www.ghonimyarts.com/huwiya 🌹