متبقي اسبوع وتبدأ الدفعة الرابعة من دورة تصميم وبناء الهويات البصرية (بتاريخ ٤/٢١) 🌟

متبقي ٣ مقاعد

تقييمات المتدربين السابقين

للتفاصيل والحجز 🌹
www.ghonimyarts.com/huwiya

واحدة من اهم طرق بناء براند شخصي قوي "بصرياً" مش مجرد تكرار للألوان او الشعار، ممكن يكون تكرار لطريقة العرض، لعناصر تميّزك، اللغة واسلوب الكلام، جودة تصويرك لما خلف الكواليس وستايل الصور التي تستخدمها 👨🏻‍💻

- مش مهم يكون عندك شعار بحروف إسمك، صورتك تكفي 👤

- ألوان العالم انتهت، الألوان لم تعد المعيار الأساسي لتميزك، سواء براند شخصي او تجاري 🎨

دا كله طبعاً "بصرياً" فقط، بجانب الجزء الأهم من هويتك الشخصية اللي هو قيّمك، مبادئك، اسلوبك في العمل .. الى آخره

مساء النور تم اضافة مقعدين اضافيين للدُفعة القادمة من دورة تصميم الهويات البصرية 🩵

الدُفعة الرابعة هتبدأ يوم الأحد القادم بإذن الله 🗓️

للتفاصيل والحجز 🌹

صباح النور 🌟
اللي انضموا للدورة "الدفعة الرابعة" ولم يتواصلوا معي ممكن يبعتولي بشكل خاص عشان ينضموا لمجموعة التقييم والمتابعة، هنبدأ غداً الأحد
بإذن الله 🩵

t.me/M7ghonimy

كلمات مفتاحية لتوجهات بصرية مختلفة يمكنك الإستلهام منها خلال عملك على مشروع هوية بصرية 💡

بوست جديد على انستجرام من هنا 🔗

بدائل اللون الأبيض النقي للخلفيات ⬜

درجات مختلفة يمكنك استخدامها في خلفية تصاميمك او محتواك بديلاً عن الابيض النقي الذي "احيانا" يزعج العين مع بعض الألوان 🌟

البوست على انستجرام من هنا 🔗

كيف تحسب سُمك كعب الكتاب؟ 📙

في البداية، الكتب والمجلات يمكن تصفيها الى حالتين:

1️⃣ دبوس حصان: وفي الحالة دي بيكون الكتاب او المجلة بدون كعب، لإن سُمك الكتاب لا يشكل مساحة كبيرة لقلة عدد الصفحات

2️⃣ دبوس الكعب: وفي الحالة دي سُمك الكتاب بيُشكل مساحة بالتالي بيظهر معانا كعب الكتاب

وعشان نحسب السُمك دا، محتاجين نعرف حاجتين:
الاولى هي سُمك الورق المُستخدم في الطباعة، الثانية هي عدد صفحات الكتاب 📃

العملية الحسابية:
لحساب سُمك كعب الكتاب، بنقسم عدد صفحات الكتاب على 16، ونضرب الناتج في واحد من مائة من وزن الورق، والناتج يكون سُمك كعب الكتاب بالملليمتر 📏

مثال:
إذا كان عدد صفحات الكتاب 400 صفحة، ووزن الورق الداخلي 80 جرام، يكون سُمك كعب الكتاب:
400÷16=25
25×0.8=20 مم

ولو الرقم طلع كسر، وليكن "26.76" بنقربه لأقرب رقم صحيح لأعلى "27 مم"

بالتوفيق 🩵

"كم عدد الخيارات التي تقدمها للعميل؟" 🔢

كنت بفكر في موضوع عدد الخيارات اللي بقدمها للعملاء، خاصة ان السؤال تكرر من طلابي في الدورة 👥

في البداية لازم نفرق بين طريقة عمل الاستوديوهات، وعمل الفريلانسر المبتدأ، وعمل "الخبير" 🕵🏻‍♂️

في مشاريع تصميم الهُويّات البصريّة، اغلب الاستوديوهات بيقدموا خيارات كتير وفرص اكتر للتعديلات “معاك ٤ اختيارات شعارات، كلها ممتازة لأسباب مختلفة، اختار اللي تحبه، محتاج تعديلات؟ تحب نعدل ايه؟ طب حابب نختار اي من لوحات الألوان دي؟ أي خط عاجبك اكتر؟ 🅰️

وكذلك العامل الحر المبتدأ في الأغلب بيشتغل بنفس الطريقة، اعتقاداً منا اننا كدا بنحترمهم وعايزينهم يحسوا بملكية الشيئ اللي بنقدمه ليهم، تقديم الاختيارات على طول الطريق بيسمح ليهم يصنعوا حاجة يحسوا إنها بتاعتهم، صحيح؟ في الأغلب لا. الحقيقة، إن لو طلبنا من العميل يختار ممكن دا يخليه يحس بالحيرة او بالعجز، خاصة لو مش مجال خبرته.

اللي أغلب العملاء محتاجينه هو "خبير" يتولى المسئولية ويقولهم إيه الأحسن، لو انت بتصمم شعار، وعميلك مش عارف هو محتاج ايه، امشي معاه في المنهجية وفي النهاية قدم له حل واحد، او اتنين بالكتير ممكن مع خيارات تخصيص صغيرة او variations من نفس الفكرة.

قدم نصيحتك كخبير "الاتنين هيبقوا ممتازين، لكن أنا ممكن أختار ده لأن [التبرير]، وممكن أختار دا لأن [التبرير] .” ومن هنا تسيب العميل يختار، في الحالة دي التوصية بتكون من متخصص بدل ما يختاروا بأنفسهم من الصفر، العملاء مش هيشغلوا بالهم إذا كانوا اتخذوا القرار الصحيح ولا لا، خليهم واثقين ان المنتج النهائي هو الأنسب لمشروعهم.

في النهاية، كل دا بيختلف حسب طبيعة المشروع وطبيعة العميل، ولكن انت اللي بتحدد دا، عن طريق تمركزك في السوق على اساس انه انت “الخبير” مش مُجرد “مُنفّذ” 🩵