وغدوا ولا الجمعة بعون الله تكونوا قاريينه ونديرو فيه كوِز كان لقيت وقت🥲

الإحصاء لاحظت أغلبنا نشكو منها
أقروها من الشيت والحاجة للي ما تفهموها أبحثو عليها في اليوتيوب بالإسم فهمتو مثلا تبو الوسيط ابحتو ؏ الوسيط خصيصاً وﺣ تفهموها أول محاضرة ساهلة غر هما عقدوها🦦

اللهم إن عبادك في غزة قد ضاق بهم الحال واشتد بهم الكرب وزلزلوا في سبيلك زلزالاً شديدًا حتى زاغت الأبصار وبلغت القلوب الحناجر وبلغ بهم الخوف والجوع مبلغه.
اللهم فرج عنهم وارحم ضعفهم واجبر كسرهم وتولى أمرهم فقد خذلهم القريب والبعيد ولا ناصر لهم إلا أنت ولا مولى لهم سواك يارب💔

السلام عليكم ورحمة الله
شن جوكم وكيف الحال 💗

أول أسبوع كمل على خير شن درتو فيه قريتو المحاضرات للي خديناهم؟! 🌚

بنقوللكم ما تراكموش المواد لكن حِسه ما فيش فائدة لأن حتى أنا مش واخدة بيها النصيحة🦦😂😂

شوفو هادو....

نتكلموا اول شي ع prefixes البادئات...

وزي ما نعرفو إن هيا للي نحطوها في بداية الكلمة وتعطي معنى معين.

ونعطيكم أمثلة فيه منهم تلقوهم في الجداول ومنهم في الأسئلة نهاية الشابتر✨
Intra = داخل
Iter = ما بين
Hyper = فوق المستوى الطبيعي
Hypo = تحت المستوى الطبيعي
Tachy =بسرعة
Brady = بطيئة
Micro = صغير
Macro= كبير
Pan = يعني شي كلي
Peri = محاط او يحيط
Endo = داخل
Ecto = خارج
Re = تعني اعاده
Pre = تعني قبل
Term = حراره
Anti = ضد او مضاد للشيء
Mono= احادي
Bi/di = ثنائي
Tri = ثلاثي
Tetra = رباعي
Poly / multi = متعدد
Un/dis/in/im = تعني النفي

ثاني شي بنشوفو شي اسمه suffixes

اللي هيا اللاحقات وتنحط في نهاية الكلمة وتعطي في معاني مختلفة.

نعطيكم عليهم أمثلة طبعاً مش موجودات في الشيت بس ﺣ تلقوهم في المصطلحات بعدين وتبدو عارفين معناهم


Logy = علم او دراسة
Logist = المختص
Pathy = مرض
Oma = ورم او كتله
Itis = التهاب
Algia = الم
Cyte = خليه
Ase= انزيم
Phagia = ابتلاع
Therap = علاج
Peina = نقصان
Lysis= تكسر

توا اخر شي هيا word root

يعني كلمات لاتينية تعطي معاني ممكن تكون Body part جزء من الجسم أو body system جهاز في الجسم أو organ عضو

نعطيكم أمثلة برضو نفس الشي مش كلها في الشيت بس ﺣ تلقوهم قدام

Cardio= heart = قلب او اي شي يتبعه
Dermo or dermato = skin = الجلد
Hemato =blood = الدم
Myo=muscle = العضله
Vasculo = vessel = وعاء

نعطيكم مثال تجمعهم في مصطلح

Pericarditis
ينقسم إلى
Prefixe
Peri تعني محيط

Word root
Cardio تعني القلب

Suffixe
Itis تعني التهاب

pericarditis وهو إلتهاب التامور

نزيدكم مثال تاني للتوضيح

acrodermatitis

Prefixe
Acro تعني طرفي

Word root
Dermato تعني الجلد

Suffixe
Itis تعني التهاب

وهو إلتهاب الجلد acrodematitis

متفاهمين ل اهني وله؟! 😂💙

وتوا نجو للكتاب.....

جمعت المصطلحات للي كانت في أول محاضرة وبعون الله كل مدة نحاول نجمعهم لن نكملوهم.

نتوكلوا على الله 💙

Diagnosis التشخيص

Examination الفحص

ويتضمن 4 خطوات:

1/inspection النظرة

2/Palpation اللمس

3/Percussion الطرق

4/Auscoltation الاستماع

Prognosis أو prediction التكهن أو التنبؤ

Therapy علاج

Drug or medicine دواء بنفس المعنى

Surgery الجراحة

Transfusion نقل بلازما او دم في الوريد

Transplant زراعة الاعضاء

Dessection تشريح

Vein وريد

Blood الدم

Organ عضو

Bone العظم

Tissue نسيج

مصطلحات 2✅