لو رأيت ما في داخلها لذُهلت ..
لا تدري كم خريفاً مَرّ على قلبها وما زالت تزهر ..🌸🍃

‏أحبك بقدر التشتت الذي بيننا الآن، أحبك بقدر السكوت المفاجىء بيننا، أحبك رغم هذه العقد التي بيني و بينك، أحبك حتى و إن ظهر لك عكس ذلك.

احببتك بالطريقه التي عشق ادم حواء بها منذ القدم 🖤🍬

/هلاو كليباتي شلونكم انكمل قصتنه متواجدين👍

الحادي عشر

#مساء المحبة ..❤️
#خيال #الكحيلة

ضحكت ساره كالت يولي شبيج ... تحجين صدك
صاح ضرغام يله يمنال فضينا الزلم ينتظرون
بلعت ريگي وصفنت وكلت لا ... شنو اوفق واني بعدني حتى دراسه مامكمله وشلون اوافق على انسان
اني مااعرفة لازم مااوافق.. سلطان كال اني بظهرج
رفعت راسي على ضرغام كتله اخويه اني......
سلطان على كيفكم وياهه ... شبيكم يايابه
منال ادحك الكل وراي وجدامي واكفين ينتظرون
اكول موافقه ... رفعت راسي .. سلطان خله ايدو على
جتافي كال ابوي انتي لا تخافين التريدي يجرالج

هزيت راسي اي ... كتلو اي اني موافقه...
سلطان ... متأكده اكف يضرغام .. حاجيني لا تخافين
_ دنجت راسي مستحية من الكل وجسمي يرجف
كتلو لا ابن عمي موافقة ...
ضرغام ... خل. يسمعج الشيخ تكلطي... يايابه
سحبني من ايدي وكفت بسد الباب.. سألني الشيخ
يبنيتي موافقه عالزواج ... كتلو نعم اي موافقه
عجل توكلنا على الله روحي يمه...
ضرغام ... ارجعي اخيتي .. اخذيها يساره...
رجعت امشي اني وساره .. تلكوني نسوان ... واكفين يدحكوون عليه...
صاحت بنيه كطعو المهررر كطعووو...
واني امشي صارت الهلاهل... حجيت بصوت ناصي
كتله ساره اني راح اموت من خجلي ... حبابه اخذيني جوووه ماكدربعد...
_شلون يولي مهرج والدنيا ههههه والله وكبرتي وصرتي عروسه... اكعدي هين يم هالبنوات ...
صديت عليها كتلها بس المهر ونكطع شتريدون مني...
لا لا مايرهم اكعدي هين تعرفي عليهم شوفي هالبنوات
واكعدي احجي وياهم...
_ زين والزلمة راح يجي هين يكعد لو لا...
_ مادري ليش تريدي يجي..!!
لاااااا وين يجي يمكن اموووت ماعليه كليلهم ماحاجه يجي...
_ ههههههه شلون عروسة عدنا خجوله...
منال.. هههه شسوي والله احس راح اموت .. تعاي تعاي
اليوم انتي العروسة مو اني... شهل جمال طالعه كيكة
منال... عجل شعبالج اني اليوم متحمسة للمهر اكثر منج
وفرحانه بيج يالغاليه...
_سراب... شفتهم يحجون ... جريت زهراء... وكعدت بسد العروسة كلت احم احم ...
زهراء... شكو اتنحنحين سولفي....
سراب... اصبري غراب البين هل اتسولف صديت عليها وهمه يضحكون ... كتلها مبارك عروستنا... رفعت راسها وكالت اشكرج
ساره... وهاي البنوات جو ليمج اني اروح اكمل شغلي وياهم

سراب.... اممممم خل اعرفج بنفسي... وياج .. ميناس السهيل
هههههه لا اشاقه وياج سررررراب بنت عمو الذياب ..
زهراء... واني وياج اخت العريس شخصيآ.. هههه
منال... هههههههه هلا بيكم حبيباتي....
سراب... بالمهلي لا تستحين سولفي واعتبرينا اهلج
زهراء... ماشاء الله كلش حلوه انتي .. شكد عمرج
_ منال... اشكرج حبيبتي .. كملت ال 18 سنة
سراب... هااا تقريبا نفس الاعمار احنا... خوش راح انشكل ثلاثي
_ زهراء... اكول شو اخوي ماجة لهين ... امي مايطلت هلاهلها
هسه غير يجي ذياب...
منال... دنجت راسي ... كتلها لا خلي هناك يمهم ...
_ لااااااا شنو يمهم خل يجي ... ول ميناس كومي خل نجيبو
سراب... منين نجيبو ولج بنص الزلم... صديت على امي ادحك عليها مخبوصه وتسولف ويا مره جبيره ...
كتله كومي زهراء خل نكول الخالي ادهام يجيبه ليمنه
لا اكفي امي تخابرهم ويجي...
عجل دكومي عليش مكابلتني...
منال... يعني الزلمة راح يجي لهين...
_ سراب... زلمة شنو .. كولي ذياب ذيوووبي...
خرب ذكرتيني بوادي الذئاب ههههههه.. اكلج عيني
سمي بأسمو لا تكولين الزلمة هساع انتي وياه واحد
مو تحجين وكأنو غريبييب
_ منال ابتسمت الها وكتلها ان شاءالله ..
_ ياعيني انتي شكد خجوله ... مال اكوم امي وياج انتكابل
هز لا هززز يولي زهراء كومي كابليني
_ هو وينه المسجل خيه شو بس حس الهلاهل تركع
منال.. لا عدنا مسجل .. بس خاف ذياب مانقبل نشغلو
_ سراب... فتحت عيييني وكتله ذياااب اشعليه يحضي
_ لا لا دقيقه والله اقصد ضرغام....
سراب.... اهلا .. بعدنا تونا .. ههههههه شغلج بالج ذيوبي...
اكول عيني .. منهو ضرغام الضرب ذياب.. مو
_ زهراء... يولي شبيج شلج بهالحجي...
_ المحزم يولي المحزم وينج لمياااء....
زهراء... خرب وجهج ولج كافي شمفضوحة
_ منال...ادحك عليهم يخبلون دمهم عسل كتلها دقيقه هسه اخلي ساره تجيبه....
كحلاء... بقيت كاعده وحدي .. الوب مدي طير واطير وياهم
يعني اليوم كلها تشوف سلطان الا اني ... هسه لو بس اعرف الرقم
منين اجيبه .. ياربي... كمت الحيلي افتر بالبيت روحي لايبه
اريد بس اسمع صوته اريد بس اشوف مسج من عنده
هسة لو رايحة وياهم شصار يعني... صفنت اتذكرت تلفووووني
اي تلفوني ... بغرفه امي... ركضت عالغرفه .. يارب كون
مامقفوله ... فتحت الباب انفتح... اييييي واخيرا ... طبيت للغرفه
بس شلون التلفون وينه ... مشيت رفعت المخدات .. شلت الدوشك
دورت ماكو ... معقول بالخزن... لا ماتصور
دورت بالبقج بالجنط ماكوووو ... فتحت الكنتور
ستر ابويه معلگة ... امي كبل تضم فلوس بالجيوب...
اي يمكن هناك ... يارب وينه ... كمت اطلع بالستر.

وافتش واعلگ
مديت ايدي بالجيب... حسيت اكو شي ..، اي هو التلفوووون
اي لكيته ... جريته ... تلفووووووني يمه شلته وكمت اكمز



بالغرفه ... دحكت عليه طافي... شاحنتي وينها ... اتذكرت
شاحنتي بالغرفة ... صعدت اركض للغرفه ... دورت بالجرارات
اي لكيته ... يمةةةة گلبي اهجس دكاتو اتطاير... شكلت الشاحنه
وخليت التلفون عااشحن...صفنت لا ... راح تجي رساله للكل متاح
عزززززه ذياب خاف ماخذ رقمي ... واني صافنه اشتغل التلفون
يمةةة منين يطفى ... خل اطفي... اريد اطفي جان اتذكر ..
اي طيران ... سويته طيران... هفففف يمة گلبي انتهى... بيدي تلفون
سراب... بسرعه طلعت رقم سلطان ... ورجعت طفيت التلفون
شلت التلفون وحدرت... اركض ... طبيت للغرفه رجعت التلفون
بمكانه ورجعت الستر علكتهم ... طبكت البوب وطلعت....
اركض واكمز ... يمه اليوم اشوف حروفة ...
تربعت وكعدت عالقنفه... طبيت عالرسائل... صفنت ..
شراح اكتب... ممممم ... خل اشوف يعرفني...
كتبتله ..مساء الخير .. ممكن نتعرف... وضغطت إرسال الرساله...
كمت الحيلي ... اهجس روحي مخبوصه خبص... اكوم واكعد وافتر
بالبيت ...انتظرت ماكو رد...
طبيت ع الواتساب... ضغطت على اسمة .. اخر اتصال ...
منذ 49 دقيقة... سميت بسم الله وكتبت الووو...
مساء الخير...
انتظرت شوي وهم ماكو رد...
كتبتله ... شو ماكو رد .شدعوة ..،
دزيت سمايل 😑 ورجعت كتبت الووو...
يالوووو الوووو ممكن جواب ...
ادحك ماكو ماقراهم .... ظغطت اتصال...
دك دكتين ... طلع رنين ... سديته ...
شوي وصار مكتوب جوه الاسم متصل الان... قراهم ...
اي قراهم ... يمة گلبي... انتظرت ... ماكو رد ...
اخر ظهور منذ دقيقه... هسه شلون ياربي...
دزيتله .... يمكن ماعرفتني....
وضغطت اتصال حتى انبهه...
فتح الوات .. وطال جار الكتابة... بحزتها اهجس گلبي يريد يكف ... كتب ... منو ويايه...
يمة ... رد رد ..... كتبت...
نسيتني....!
رد...تفضل ... ! تره مشغول .
-... ممممممم .. ويشغلوك عني...
جار الكتابه ....
ردلي ... هلا بيعد حيلي..... هلا بالعمر كله
كتبت عرفتني....!
ايييييي عجل شلووون منهو الي يكول مممم غيرج ... شلونج
يبعد عيوني عيونج ...
_ اني بخير بشوفة حروفك ... اعرف مشغول بس حبيت اتطمن عليك ..
_ اكفي ،..وين رايده ابوي انتي ... هذا رقم منو...
_ هذا رقم اختي لا تكتب الي اي شي الا اني اكتبلك
_ ماكتب لا تخافين ماسوي بعد شي يالعمر... بس حاجيني
انتي شلونج ...
اني ناقصني شوفتك ... والله ...
حبيبي ... اني شوي وارجعلج خلي التلون يمج انتضرج بالليل
تره گلبي معتلج بنارو...
لا اعرف ملتهي بالمهر ... احاول بالليل اتصل بيك ...
ماشي ابويه اتتي كاعد يم الزلم ... خل اكمل وارجعلج

منال...جابوا الديجي ... وشغلوا ... اغنية ..التفاحة ...
والبنات صفكة وهلاهل ... واني عيني بالكاع مستحية من نفسي
اهجس روحي نار وتطلع من وجهي... واني صافنه صاحو
اللبسن الحجابات جة ذيااااب... كامن النسوان الحيلهن
والكل كام يهلهل... والكل انخبص اني مدنجة راسي وادحك على رجليه يتراجفن... طبت من كبالي ساره... جريتها كتله تعاي..
ساره.. اصبري هسه اجي... لا تستحين
بهالحجي... طب ذياب... لابس دشداشه بيضه ...دحكت عليه ودنجت اسمعو يسلم عالنسوان .. فات يمشي باس راس امه ..
وكال اشكركم رحم الله والديكم ...
سراب... مبروووك يذياب شايف الخير ابن عمي
ذياب... الله يبارك بيج يم اللسان...
سراب... هههههه اهووو كلكم هيج ماخذين نظره عليه ام السان وان السان... تعال عجل ماتريد تسلم على عروستك
ذياب... لا نسلم ليش لا ... هي وينها شو شفتج ماشفتها ..
يحجي ويضحك ... النسوان كبالي واكفات هو مايشوف شي
وخرن كلهن على صفحة... وصار هو جدامي...
جت اخته تمشي عليه كادرتني من ايدي كالت كومي ...
رفعت راسي عليها كتلها .. وين
كالت .. كومي شبيج ...
دحكت عليه منال اشرتلي كومي ...
كمت وكفت الحيلي وهو يدحك عليه ... دنجت راسي...
وهو واكف يحاجي امه وعماته ... اسمعهن يكلوله
شلون تطلع مايرهم سلم عليها .. مدري شيكلهم حسيته ضايج
جرته امه وجت تمشي .. كلتله دشوفها العروستك مو گمر
دحك بوجهي .. واني نوب اباوع عليه ونوب اصد ..
كال ... بالمبارك يالعروسه ... يحاجيني وصاد ومايدحك بوجهي
واني مدنجة راسي كتله شكرا ...
كال .. اني اروح ... هسه
صاحن بي وين يمعووود اكعد شوفها ....
_ لا الزلم جوه غير مره ... يحجي ومايدحك بوجهي صاد غادي
وامه مدري شتشاوره... عافها ومشه ... ركضت وراه جرته من ايده
صاح يمة شبيج كتلج غيرررر مره .... سحب ايده ومشه ...
دحكت عليهم الكل يضحكون كالو يله جوز مستحي من كثره النسوان
يله يجي النوب عود ... مارديت اني رجعت كعدت بمكاني ...
بس ماحسيته فرحان ...
سراب. هسه شبي مطيور ...
ساره ... طبيت وبيدي صينية الشربت ... افتر بالهول واضحك
احس روحي طايره ... صوت ادهام بالربعه... يهوسون واني بالي
يمة ...

شوكت اشوفك شوكت عيونك تصير كبالي...
وصلت جدام ام كحلاء ... داقدم الشربت ... وجان اتكول
ا.... راح هناك عوفو عدنا مهر ثاني... ان شاءالله تحجي وادحك عليه ومبتسمه ...
سراب... يمة يمة.... تعاااااااي اسمعي....
يكولون مشو الخالي ادهام ....

ساره ... من جابت اسم ادهام وكالت يمشوله...اهجس گلبي
عصرني ... خليت الشربت عالطبلة وماكدرت اكف الحيلي كعدت بسد ام كحلاء....

_ ابو كحلاء... هساع احنا كطعنا مهر ذياب ...بس رايدين مره منكم لدهام....
حامد... والله انتشرف وعالراس... بس منهي..!
ادهام... النا الشرف اخوي ماعليك زود يالغالي..
ابو ذياب... عجل كبل ردانا منكم ومانطيتونا ... مايصير
هالمره تردونا...
يتبع

الثاني عشر
#خيال #الكحيلة

_ابو كحلاء..هساع احنه كطعنا مهر ذياب..بس رايدين مره منكم لدهام...
حامد_والله انتشرف وعالراس..بس منهي..!
ادهام..النا الشرف اخوي ماعليك زود يالغالي
ابو كحلاء..عجل كبل ردنا منكم ومانطيتونا مايصير هالمرة تردونا..ماطلع من هين الا وانتو راضينا
حامد...لا والله حگ بس منهي يخوي
ابو كحلاء...ما غيرها اخيتي ردناها كبل لدهام ومانطيتونا وهساع نرد نطلبها منكم لدهام واللي تطلبوه احنا حاضرين
حامد..والله انتشرف عالراس بيكم وبدهام
ادهام..ما عليك زود يالغالي
حامد..عجل نسأل بنيتنا الشرع يگول نسألها اول مو يخوي ابو كحلاء
ابو كحلاء_والله حگ وواجب
ول تعال هين يسلطان حدر يمنا عوف عنك التلفون هساع
...هلا يخوي كول اسمعك ...
حامد..دحگ الجماعة طلبو سارة لدهام انتشرف بيهم والشرع يكول نسأل البنيه ها يابه
سلطان...والله ونعم من ادهام عجل عونو بالله خير واللي بي خير الله
يقدمو
حامد كوم شورها ... دان مجموعين جمعه خير
ادهام... ادحگ الزلم يسولفون واني انخبص حالي ياويل گلبي بحزتها اهجس الكاع ماتشيلني كون تبقى
ساره العرفتها من اسنين وتوافق وماتعوف هاگلب مولع بنارها

سلطان عجل ارخصوني اسأل البنت
ابو كحلاء..مرخوص
سارة..من جابو طاري ادهام والمشية اهجس گلبي يريد يطلع من مكانو كعدت يم ام كحلاء ورجليه تصفك وحده بالثانيه ما چني متزوجه ومخلفة اهجس روحي تريداطير جو مشو علي من جديد
صاح علي اخوي سلطان ونبهتني ام كحلاء كالت يصيحوج
كتلها اني ... ادحك عليهم ورجليه يتراجفن
ام كحلاء عجل منهو. كومي يمه كومي
كمت ورحت ليمو كتلو هلا يخوي أأمر
...حدري هين اكفي يجي حامد
...هزيت راسي اي وكفت بسد الحايط بقيت انتظر حامد يجي واهجس نفسي اريد اگع هناك وجان يكول حامد
حامد..يا الله السلام عليكم
..
هلا يخوي وعليكم السلام
..يابه خيتي اعرف الوقت مو مناسب بس الناس الظاهر مستعجلين وانتي خيتي ما نسوي شي يخصج بدون موافقتج
... يحاجيني واني مدنجة كتلو شنهو يخوي شصاير
...
عم ذياب طلبج لدهام على سنة الله ورسولة ورايديج مره لدعام والشور شورچ خيتي والموافقة يمج تكولين اي بيدي ازفج الو والله ادهام خوش ادهام والنعم منو واذا كلتي لا محد يجبرچ
سارة..اسمع اخوي واهجس نفسي كوووه يطلع مني وگلبي يدك سريع صرت ارجف بس اخوي سلطان حس علي
كال اخذي راحتج خيتي وفكري چثير واني اكول تاخذين شور عمتچ الحچية ام ضرغام لا تنخبصين
...هزيت راسي وكتلو ان شاء الله وراحو اخواني للربعة
رحت غسلت وجهي وشربت ماي اهجس الحرارة بوجهي ماعاد اگدر اگف على حيلي
جيت اطلع من المطبخ ولاكتني عمتي الحجيه ام ضرغام كالت حدري هين يمة بعيد عن الهوسة
..هلا بيج عمه
ام ضرغام..اسمعيني يمة انتي بنتي مثل منال ومافرقت يوم بينكم يشهد علي الله ودوم ضرغام يوصي بيج انتي وبنتج ييمة سمعت من
النسوان مشو عليج هساع يعز عليه تفارگيني يمه وانتي ساكنه عندي كل هاي السنين حتى من مات المرحوم ابني ماعفتيني من هيج اني چثير احبج عبن ما طلعتي من الدرب والاصول
سارة..واني عمه احبج مثل امي ما يوم حسبتج عمتي ام رجلي حسبتج امي الله ينطيج الصحه يمه
...الله يسعدج بنيتي اني ما اگف بطريقچ ولا امنعچ من الزيجة هذا شرع الله وحلالو وانتي بعدچ و جثير ناس يتمنوچ وحرام علي امنعچ
ييمة روحي گلبي وربي راضين عليچ بنيتي بس لا تحرمينا من ليلى بنت المرحوم الغالي
...كمت ابچي على حچي عمتي لزمت ايدها كتلها عمه ليلى قطعة منكم ومني شلون احرمكم منها واني بعدني ماوافقت ماصار دقايق ساعة من حاچوني اخواني
...لا ييمه لاتضيعين شبابچ وافقي واتوكلي على الله بنيتي عالزلمة نعرفو من دور عمي .. خوش ادهام
كتلها الله كريم عمه الله يقدم البي صالح كالت كومي عيب عفنا النسوان وحدهن .. كادتني وطلعنا للهول
رجعت كعدت يم النسوان ورحت لمنال ماحس الا وحده دغتني بخاصرتي واني صافنه جفلت صديت عليها كالت
هاااا يالعروس شلونچ...عجل انتي هم عروس اليوم وياي
...يبووووووه ماتنظم سالفة بهل بيت بعد منهو يكوز وافقت
منال...اي بلچي نتزوج بيوم واحد اني وياج وافقي وافقي
قاطعنه صوت زهراء اخت ذياب
..يولن عرس منهي انووب
منال..مو مشو على سارة بيت عمج لدهام عجل انتي منهم ومتدرين
...هلا هلا عرسين عدناااا هلا بيج بيناتنا ام ليلى
سارة.. اني هساع ماوافقت وانتن زوجتني وسويتن عرس واني بعدني مانطقت كلمة داحجي انتبهت الباب انفتح
دخل ضرغام واخوي حامد
كمت الحيلي ارتبكت كمت اعدل بشالي
اشرلي حامد كال الحكيني للمطبخ
صديت على منال كالت روحي روحي كامت ادفع بيه. والكل يدحك عليه وسراب واكفه بالنص وتصفك والكل يضحك. دنجت راسي ومشيت وراهم طبيت اثنينهم واكفين كبالي كمت اتبلعم اهجس صوتي شكل ماعاد يطلع
حامد كال خيتي فكري براحتج ومثل ما كالج سلطان اخذي شور الحجية
..كتلو واني مدنكة اااا الحجية تكلي تزوجي اني ما اكف بطريقج

ضرغام..عين العقل خيتي نكول مبارك !!
بقيت ساكته مارديت مستحية من نفسي بعد هالسنين اتزوج
حامد ها يخيتي شتكولين ...
ضرغام خيتي ماتلكين احسن من ادهام
واني صافنه وجان تحجي عمتي..
صاحت يمه موافقه توكلووووو
دحام هاااا هيج تشوفين عمتي صد عليه كال نكول موافقه
هزيت راسي واني مدنجة ... بس الفرحة والصدمة الي بكلبي ياكبرهاااا
دنچ عليه حامد وباس راسي وكال بالمبارك بالمبارك الفرحه فرحتين اليوم يله خير البر عاجله .. مشو جدامي
وماسمع بس حس الهلاهل من ام كحلاء طبت للمطبخ حضنتني تبوس بيه وفرحانه چثير كالت
بالمبارك يابعد گلبي والله ادهام تعذب چثير تستاهلينو ويستاهلج يالغالية .. تعاي تعاي كامت تجر بيه اهذتني من المطبخ للهول
اني امشي واحس نفسي بحلم ..
..يولييييي سرااااب تعالي هين راح يكطعون مهر لخالج عليمن صافنه
عالمحزم يمه ... احو يانار كلبي
شنهو يولي ....
يمة اكلج عرس ادهام هيل وطش بالولايه وعرس ادهام هيل وطش بالولاية كلووووووووولووووووش تعالو المن خطب صدك
ساره ادحك عليها وعلى سوالفها وميته ضحك
ام كحلاء الساره يولي ... اوف يمه والله مو مصدكة بعد كل هالسنين
اريد عاد بس اشوف حال ادهام
كتله ... لو بس منطيني خبر... والله اتفاجأت
والله ادهام بالطريق وكال بعد مابيها عجل ينطون لذياب حرمة واني المحروك كلبي من سنين مامحصل شي
دنجت راسي كتلها الله قاسم النا هيج والحمدلله
.هسه عوفكم مني ليش عرسين نسيتو اخوي سلطان طلب كحلاء
ام كحلاء..لا والله يبعد گلبي بس فرحتج انتي وادهام اكبر
دخل علينا ضرغام كال ام ليلى تعالي هين يم باب الربعة الشيخ يريد يسألج على موافقتج بس بسرعه الجماعة يريدون يردون لأهلهم
...هااا ااا اي اي ...
بدون شعور مشيت عالسريع وكفت صديت على حس
ام كحلاء تهلهل والنسوان كلهن ... الله شعور بداخلي ماينوصف
جن انولدت من جديد ..
رحت يم باب الربعة ووياي الحجيه ام ضرغام وام كحلاء وسراب
وزهراء وحرمت اخوي حامد بس اني اهجس كللللل مشاعري ردت لذيج السنين رديت لحبي الاولي اهجس نفسي اول مره راح اتزوج
مشاعري متضاربه وحسيت الروح بدت تردلي ولا جنت عايشة تمنيت اشوف وجهو لدهام بهاي اللحظة
اسمع الشيخ يردد وسألني موافقة ؟؟
بقيت صافنه وصار هدووووووء
ورد سأني انوب كال يا بنتي موافقة ؟؟
نعم..كلتها وكال الشيخ على بركة الله .. صديت وعيوني مليانه دموع
دنجت على بنتي حضنتها.
وكطعو المهر اسمع يباركون لدهام اني بي بس دموعي تصب حظنتني ام كحلاء هي تبجي واني ابجي وكامت تدبج وتغني
والبنوات يركصون ويصفكون واني صافنه كأني بحلم
لشوي كالو راح الشيخ

مرتبكة وتفرك بديها اني من شفتها هيج توترت وياهه صرت اعصر بيدي وسمعت حس ادهام سلم على النسوان
وجة يمشي كايدته ام كحلاء طبت تمشي وتهوس بعباتها وذياب وراهم اني لمحت ادهام من بعيد ودنجت ... ياربي اني بحلم بعلم
يمة گلبي واني مدنجة اشوف رجلين ادهام وهو جاي يمشي
منال كاعده بسدي .. كتله يولي عضامي اهجس يطكن
كالت الله يساعد گلبي اكضبيني يولي صخنت ..
رفعت راسي ادحك ادهام يحاجيهم ويضحكوون ...
اندار عليه وكال... مرحبا..
ابتسمت ودنجت كتله ياهلا ...
جت عليه تمشي ام كحلاء كالت اكعد بسدها ..
جة يمشي وكعد بسدي...جتافه بسد راسي .. اني ناعمه وهو طويل
بقيت مدنجة همس بصوت ناصي والكل ملتهين بذياب ومنال
كال عاب گلبي يولي ..
ضحكت گتلو ليش...
_ لا وتساليني ليش... شيبتيني يولي
_ رفعت راسي عليه .. صديت وعيوني مليانه دموع
كتله ... اني بحلم مو...
_ لا مو حلم .. يبعد ادهام ... شلونج عگب روحي
_ شلوني ... والله اهجس ردتلي روحي... مد ايده وخلها على جتافي
دنج راسه عليه وكال... واخيرا صرتي حلالي
هزيت راسي اي واني اضحك والدموع تنزل سوه ...
همس لا تبجين ماريد هالدموع ... مسحت دموعي
ادحك على ليلى تلعب وتلم بالجكليت ... كتلو هاي بنتي
_ اعرفها يبعد العمر ... صاح عليها تعاي بنيتي
مانتبهت عليه كتلها ليلى ليلى ... صحت وجان تلتفت ..
بقت ادحك بأستغراب ...
راحت ام كحلاء شالتها وجت تمشي .. خلتها بخضن ادهام ..
باسها وكالها شلونج يحلوه ...
كلتله ... شوووف شكد لميت جكليت .. تحجي وياه وعينها عالكاع راحت تركض ويا الجهال تلم...
ضحك كال .. تشبهج جثير... نفس عيونج يبعد عيوني ديحجي وقاطعتنا سراب... خالووو خالووو مو مصدكة واخيرا اقتنعت وتزوجت ...
رفع راسو عليها كال الها يولي فارجيني....
صديت على منال مدنجة راسها وذياب مدري شيحاجيها
وهي خجلانه ... همس وين خلي بالج هين يمي
يهمس بأذني..
_رجفة گلبي عليچ نفسها من سنين كلما اشوف طولچ
رفعت راسي عليه كتلو والله ماجنت احس بنفسي عايشه الا اليوم
..
بعددددد بعد سولفي... يبعدالروح خليني اسمع حسج
..
همست بصوت يرجف ااا شكول!!
__
يولي ارفعي راسج هساع نروح ويبقى كلبي هين خليني اشبع
اني يحاجيني ادحك عمتي ماكو طبت جوه ماردات تشوفني

لشوي وكالو احنا نروح نرد لهلنه



حامد...الجمعة يبو كحلاء الجمعه انريد المره السلطان
...حياكم الله يخوي كل العلا
كامو راحو وادحك على ادهام من الجام الشيب تارس راسه
ياريت كلمن يشيب هيج .. اني سارحة وجان تصيح سراب
كالت خاله سارة رديلي رقمج يريدو خالي ادهام
...هااا ارقني ماحافضته
منال هاج سحبي عندج
سراب.. ماكلي تره بس ادري هذا الرقم يشتري بفلوس. هههههه
ولو ماحصلت منكم شي زين قوطية ببسي
زهراء تره هاي اتشاقه شتسوي بي امشي يولي كون تدري بيج كحلاء
..ههههههههه والله ما تطلعين بدون الكيك اكفي اجيبو ورحت جبت الكيك خليتو بماعون والببسي
هاج اخذي
سراب لا والله شسوي بي اشاقه والاه ماريد رجعي ههههه
...............................
كحلاء...بعدما حاچيت سلطان اهجس ردتلي روحي لوحدهم مسحت وكمت احظر العشا كلت هساع على جيه
رحت للمطبخ حضرت العشا وكملت وكعدت اسوي عصير برتقال طبيعي وتفكيري كلو يم سلطان رديت عزلت البيت وخلصت لين صوت سيارات اهلي رحت فتحت الباب شفتهم يضحكون وخالي ادهام يضحك من كل گلبو ودخلت سراب تصفك
..زوجناه وخلصنه منه كلووووولوووووش امبارك عرسك يالهيبه كلووووولوووووش وشلون ردح العمارة هيچ وهيچ لزمت الجدر بالمطبخ تدك وتغني والكل ميتين ضحك عليها
...هااااا گواكم الله عجل هذا كلو فرحانه لذياب
سراب...ول عجل خالي وين هااااا فرحانه لخالي زوجناه وخلصنه منه
...ول اسكتي خل افتهم شنهو خالي
ام كحلاء..كطعنا مهر لخالج هم
...اللللللللللللله يحيااااا العدل هيييييييي مبارك عرسك يالهيبة هلا هلا
ادهام...يولن حسج على كيفج ههههههههه
تخطبون واني مادري شوووو هيج خالو
كولي مبروك يولي. عالعرس عالعرس
ههههههه الف مبروووووك يارب يتمم على خير
...ول كحلاء سويتي العشااا
..اي يمه سويت يالله بس ارتاحو ونصب
..عجل يالله بس اغير هدومي كومي
...ول سراب تعاي هين
...امممم خليني اخذ نفس صار العشى...
...
وصگع تعالي بس دقيقة
..هففففففف هاااااااا
..موبايلج خلي يمي اليوم حبابه حبابه
...ليش يمممممه موبايلي هذا بعدين اذا عرفو بيج هااا
...ول انتي بس سكتي محد يعرف
..
عجل كولي تمعشقتي انتي والسلطان سليمان
...اوهوووو راح تذلنا بالموبايل
...اخذي بس ماعلي اذا صار شي
..اي اي بس روحي
دزيت رساله لسلطان كتلو بالليل بس اصعد غرفتي اخابرك هساع دا اسوي العشا وبالمبارك لسارة توني دريت
دقيقتين وردلي مسج كاتبلي..ماشي يبعد عمري بس رمشيلي اني اتصل...يوم للنا ونكطع مهر غاليتي
...يبوووووو گلبي كمت صبيت العشا وكعدنه نتعشا ادحك خالي ادهام بغير عاااالم بس مبتسم لين سراب تندس خالي من ايدو شاورتو بس اسمعها تكلو جبتلك الرقم وتضحك
...ياااملعونه هههههه
...عليش ملعونه غير سويتلك زين مو صوجكم صووجي اااااخ مني اني صوجي
...يابا ياااچلمة ردي لمكانج جيبي
...انطيني حگ تعبي
...عمي باجر اجيبلج كيلو بقلاوة
..اي خوش عجل هساع اجيبو كتبتو بورقه
ضحكت على سوالفهم حچه ابوي كال الجمعة الجماعة جايين حظرو نفسكم وسوو ضيافة ترفع الراس
ام كحلاء...اي اكيد بأذن الله
...غصيت بلكمتي يممممه وخالي يضرب ع ظهري يكلي شبيج يولي
..ماابيه شي
..
كمت كلت الحمدلله رحت للمطبخ ركض يمممه الجمعة يكول ابوي
يارب كون تصير صدم شوكت تجي هالجمعه
سويت الچاي وصبيت ووديتو لهلي شفت خالي ادهام يدحك بالموبايل ويبتسم
ابويه كال حدري هين بابا
..نعم بابا
..
دحگي لا عبالچ ناسي سالفتچ ويا الزلمك بس ماصارلي وكت اكعد وياج ماظنيت هيج تكسريلي كلمه يابه وتخليني علچ بحلگ ذياب
...ااا لا بابا بس اسمع مني
...احچي اسمعچ
..
والله بابا ما اظم عليك يمكن انت الوحيد من عمامي هيج تتفهم الامور اني من رحت لبيت سلطان ويه خالي بوقتها كل همي نشوفلك حل
والله واني راسلتو حتى يستعجل ويطلعك من السجن والزلمة ما سمعني كلمة يشهد الله ولا كال كلام مو حلو وحتى من خاطبني من
خالي ادهام قبلها بكم يوم هو يالله يعني مثل الراد يجس نبضي اذا اقبل بي يعني بابا وانت تعرف يعني شسمه
..شنهو كملي لا تستحين ماكاضبلج سيف
..
لا بس اقصد بالنسبة للكلية يشهد الله ماسويت بيها شي غلط اروح لدوامي وارجع للبيت وتعرفني احب دراستي
...خير ان شاء الله..هساع الجمعة يجون ان شاء الله المهم اخذت موافقتچ...مو ؟؟
..دنجت راسي كتلو اي بابا بس اريد اكمل دراستي
..
اي عجل شلون الدراسة اهم شي
...اييي
ادهام..فكينا من الدرامي هاي كومي جيبي فاكهة افتحيلنا اغاني ام كلثوم
جت سراب وتغني وتأسر بديها ( اهل الحبببب صحييييح مساكين صحيح مساااااكين ) تيرااارااارااا
ادهام...الله الله
..هزيت بيدي تهي بهي الحمدلله والشكر
ادهام..انتي شفهمچ كحيلة بالحب كومي تعاي سراب هين بعد خالج
سراب..كحيلةهة هههههههههه هذا منو الطلع الها الدلع
...وصكع روحي اكلي افتحي الثلاجه انتي شجابج ع ام كلثوم

دحكت الساعه 9 ونص شبسرعه مشه الوكت عفتهم ملتهين و صعدت للغرفة غيرت ملابسي ورحت لفراشي لزمت التلفون صفنت اتصل اي بس خل
اكوم اقفل الباب... كمت الحيلي ركضت قفلت الباب بحزتها مثل الفراشه روحي ترفرف كلبي يدك اللللف اتصلت بي دك مرتين
ونطاني رفض ... كلت جوز نايم .. خليت التلفون بسدي
شلت ايدي وجان يتصل ... هلا والله .. دگ يمة دگ
سحبت نفس... وهمست
الووو
...هلا بهالصوت ...
..
هلااا شلونك
..بخير دامج بخير يغالية..شلونج
..
اممم زينة.. داحجي وجان اسمع حس ضرغام يصيحلو
كالو يولو بعدين بعدين ...
..
اذا مشغول روح عادي
وين اروح يبعد هالروح اسمع هالحس وتريدين اروح
هي ضرغام هي دنيا لو ابوي هسه جي كبالي ماسده ..
ضحكت كتلو هيج غاليه عندك
_ گولي هم اكو احد بغلاتج... يكحيلتي .. شسويتي بيه
ممممم شسويت..!
خرب روحك يضرغام ... شو عيديها عيديها...
ضحكت بصوت عالي كتلو شبيك شعيد...
هاي التكوليها انتي ... فديت منطوگج
مممممم ههههههه هاي مو
انوب تضحك شلون ضحكة ... تاخذ من حيلي حييييل
مشتاگ يبعد الروح
اني اكثر والله ....
انتي شنووو ... دحجي مو حركتي اهلي
نزلت التلفون من ايدي واني اضحك وايدي على حلكي
_ هااااا وينج يولي...
هياني وياك والله
وين وياي ... مو احاجيج ....
كتلووو تدري سلطان ...
ها شدري.......
احبك يابعد عمري...... ولو صوتك يغيب عني صدگني يضيگ
صدري...
شنون تريدني هساع اشغل واطلع اكف جدام عربكم اصعدج بالسياره واطلع

ياااااا ههههههههه
يولي مخبل تره اسويها...
عزززه
هههههه شنو شنو ... حلوه مال عززززه
لا والله تجي...
اذا تريدين احي هساع اشغل واطلع .. ماتحسين الا ولين اني كبالج
لااااااااا
يولي حسسسج ههههه شبيج يبعد عيوني مااسوي شي اشاقيج
مممم اغنية نوال تره هايه...
شنهي يايابه...
تدري والا ماتدري احبك يابعد عمري
هالله هالله .. ريت عمري جدام عمرج
اسم الله عليك ... ...
لا تكول هيج ... .. ....
...
اكول باجر اطلع لبغداد ماارجع للخميس احجيلي وضعج شلونو بالبيت خما احد يغثج بالكلام لو شي
..لا محد يحاجيني ماصار بعد شي شتسوي يوميه بغداد والله الوضع يخوف
..
عوفج من بغداد هسه ... اسألج سؤال بس تجاوبيني الصدك ماتظمين شي
..
سكتت كلت شراح يسأل يالله خير .. كتلو اييي اسأل
..
ذياب بيوم الخطفج ضربج مو ؟؟
..
هاااا لااا هو صح جان عصبي بس
...
لا تحذبين عليه يولي
..
لا سلطان بسس
..
اسمعي اني ينجن عقلي من الجذب مره وحده اكول الكلمة ما اكررها واخر مره اسالج ذياب ضربج ؟؟
..هسه شي فات ليش نعيدو ...
يولو من احاجيج اصدقيني.... شسوالج ذياب..!
سحبت نفس تذكرت لمن كص شعري ... كتلو اي ضربني
وكص من شعري...
.
شنوووو كص شعرج ... وليش سكتي ليش ماحجيتييييييي
..
الله يخليك لاتعصب لاتخليهم يعرفون حاچيتك والله تنگلب السالفة ضدي مابقى شي ليوم الجمعه لاتخرب السالفة بس لأن ماتقبل اظم شي عليك بغلاتي عندك
...ول انتي تعرفين شحجيتيييي ول خالج ماكال هيج عجل ابوج وينو عن ذياب
..
ماادري اتوقع محد كلو
..وانتي عليش ماحچيتي ؟ ليش تسكتين ليش ماكلتيلي اني
..سلطاااااان يعني اخذو مني حتى التلفون وكعدوني من الكلية وماحافظة رقمك شلون اكلك بالله انت تدري شلون مرت عليه
ايام .... داحجي اختنكت ... اريد اكمل ماكدر
...صبرك ربي كافي لاتبچين هالخسيس النذل حسابو عندي
...
احلفك بالله لاتجيب طاري
..
عجل شلووون يولي مو گلبي اعتلج بنااااار
..بغلاتي عندك والله من يدرون اني حجيتلك حتى المشية تخرب
...ماشي بس خل يجي يوم الجمعة سهله
..كام ينفخ ويتنفس حيل ويستغفر كتلو تروح ؟؟
..
لا اصبري،،،،ضرغااااام حدر جيب النرگيله
..هم نركيله عوففها مو زين عليك
..اسكتي
..
سكتت
..كحيلة يلا الوقت تأخر روحي نامي
..
بعد وكت توها عشره وربع
..
لاتسهرين اسمعي الكلمة
..حاضر
..يلا تصبحين على خير
..وانت من اهلو
سديت التلفون حسيت بندم هساع اني شكو كلتلو امداني
بقيت افكر شنو نسوي يوم الجمعة علمااا نمت
الصبح كعدت بدلت ونزلت اتريك صبحت عليهم كلهم كاعدين تريكت وجاني الخط طلعت وجان اسمع ابويه يصيح علي
اندرت نعم بابا ...
..تعاي هاج مبايلج
يعني اخذه الي عادي..!
اي اخذي عجل شنو ...
سويت نفسي طبيعي واني بداخلي طايره من الفرح
مشت دنجت عليه بستو من راسه وكتلو اشكرك بابا
طبطب على جتفي كام الحيله وفات للهول
طلعت اركض واكلب بالتلفون طلعت اركض للخط صعدت طلعت للجامعة من وصلنا فتحت المبايل بي شحن 20 بالمية خابرت مريم ردت كالت
..هاااااا شعجب
..انتي وين
...بالقاعه
هلا هلا واخيرااااا التلفون عندج جاية جايه دحكي وراح اني
..
..صديت لينها وراي كطعت الخط ...
...
ياااهلا شعجب نطوج التلفون
..
مدري بابا نطانياه
...اي زين
...الخميس تباتين عندي
..خيررر ياطيررر شكووو ..
..عجل مو الجمعه خطبتي
... يولي مو مال شقه احجي الصدددك
..

فضحتينا الله يفضحج على كيفج حسج يلگع اي والله شبيج
...يممممه واخيرااااا
..ضحكت كتله اي واخيراً فرحت عليه دانحجي وجان
يدخل الاستاذ وسكتنا،..كملنا محاظرات ومر الوقت
ورجعت للبيت دخلت لكيت امي مطلعه البيت كلو برا وتنظف
...هاااا الله يساعدج
..هلا يمه
..يمه شعندج من هسه
..ول هو اليوم ثلاثاء ماظل شي يلا بدلي وتعاي ساعديني
...ماشي دقيقتين... صديت لين وراي ذياب وجدتي...
يتبع.....

الثالث عشر....

#خيال #الكحيلة

رجعت للبيت لكيت امي مطلعه البيت كلو بره وتنظف
...هااا الله يساعدچ
...هلا يمه
...يمه شعندچ من هسه
...ول هو اليوم ثلاثاء ماظل شي يلا بدلي وتعاي ساعديني
...ماشي دقيقتين..صديت لين وراي ذياب وجدتي
...گواكم الله
...هلا جده الف هلا
...هلا عمه چثير الهلا
ذياب..السلام عليكم
...وعليكم السلام..ردينا السلام اني وامي وجدتي كعدت بالحديقة
... بقى ذياب واكف بالباب يحاجي امي .. دحكت جدتي كعدت مشيت خطوه وهو دحك عليه بنظره قاسية
ترتبكت ودنجت ... اريد امشي وجان اصد عليه كتلو بالمبارك ذياب المهر الله يسعدكم
...دحگلي بنظره مااعرف شنو افسرها وماردلي بكلمة تنهد وراح ومارد عليه .. امي هزتلي براسها واشرتلي عوفي وصاحت عليه
ويييين يمه اشرب چاي
...
تسلمين عمتي لا والله جيت اجيب جدتي واروح ماكو احد يوصلها كالت وانت طالع بطريقك اريد احدر ليم عمامك كتله توكلي وجبتها
يله استودعناكم ... رفع ايده ومشى
حسيته مقهور مني وضايج كسر گلبي مدري ليش انقهرت بس مو بيدي هذي قسمتة ... الله يريح گلبك
مشيت لباب المطبخ كلتلهم اسبح واجي شربت ماي وصعدت فوك
طبيت بوجهي سبحت وبدلت وكعدت امشط شعري وبالي افكر اكول ذياب خاف راح يعامل منال بقسوه بسببي وهي مالها ذنب بقيت افكر وامشط بشعري
دخلت علي سراب تغني كطعت افكاري ( خيروني ابن العم وخيروني ابن الخااااال گلت ليهم ياهلي اني براسي موااااال)
...صگع اسكتي
...ابن عمي ومايحلالي وابن خالي وماهو ابالي وماريد غييير وليفي والگلب هو الميال
...الحمدلله والشكر الله يثبت علينا العقل
...ايييييييه شبيچ غير اغني الجمعة المهر
...بس فارگيني امشي ساعدي امي لما اجي وجدتي جوه
... اهوووووو شغلكم مايخلص زين زين يمكن تريدين تخلصين مني خاطر يخلالج الجو
اهوووو وتالي انزلي عاد فارجيني
نازله عيني نازله يكحيلة ههههههه
شلت المشط اريد اطربها نهزمت اعلمها هالخبلة
صفنت ردت انزل وتذكرت سطان ماگتلو تلفوني رجعو ابويه
دزيتلو مسج(حبيبي التلفون رجعو ابويه ) ضغطت ارسال ولفيت شعري وحدرت والتلفون بيدي شافتني جدتي كالت جيبن چاي
...جده هساع نصب الغدا شلج بالجاي والله مظر واني احاجيها
وصلني مسج بالواتساب فتحتو لين سلطان كاتبلي(
...هلاهلا يبعد حيلي هلا بالغالية
...امممم شلونك
....بخير يبعد العمر
دحگي بال3 خلي على قناة......اكو برنامج چثير حلو دحگي وياي نشوفو سوه
برنامج شنو على ياقناة ...
عالشرقية ...
هاااا ماشي
.....نسيت ول ساره ماخابرتج
....لا والله
....هساع اذكرها
....ليش
....مو ع اساس يجيبهم حامد عليكم
....ها هلا بيهم
...لاتنسين البرنامج يالعمر
...لا ما انسى حبيبي
....عجل هساع اروح يمي ناس نتخابر بالليل غالتي
...اوف دوم مشغول ... يله انتظرك
شسوي يبعد عيونط غير شغل خمو نلعب
لا هذي هي اخذ راحتك...
يولي اعوضج بعدين ....
ههههههه اوكي حياتي اخذ راحتك .. رسلتها وطلعت من التطبيق
سمعت صوت ابويه وامي صاحت صبن غدااا
....رحت سويت زلاطه عالسريع وسراب وياي تحظر العصير صبينا الغدا وكعدنه بالهول فگدت خالي
...عجل وين خالي
...طلع لبغداد لخوالج
...هااا شو ماكال
....راح ينطيهن خبر بخطبتو وعلمود عرسو
...بسم الله بعد تونه شو مستعجل خالي للعرس
....اي شعندو يطولها
بقينا نتغدا خلصنا وكال ابويه اريد چاي لميت السفره والمواعين وسراب تنقل المواعين وتاكل ماتبطل
سويت چاي حطيتو عالنار ودحگت من باب المطبخ خالتي ولمياء اجن
...هلا بيكم
...هلا يمه شلونج
...هلا خالتي بوستها هي ولمياء
...بالمبارك يالعروسه
...الله يسلمج خاله يومن للمياء
حدري كلهم جوه
صبيت الچاي ورحت وديتو الهم كعدت تربعت وكالت امي باجر نروح للسوك ناخذ فستان ونحجز الصالون
كالت خالتي عجل نروح من وكت
ادحك للساعه ب2 ونص والتلفون بيدي واشرب چاي اتصلت علي ساره كتلهم رقم ساره دقيقة ... رفعت الخط وكمت الحيلي
...الووو
...السلام عليكم شلونج كحلاء
...هلا وغلا شلونج ام ليلى
...هلا يحياتي شلون الاهل
...الحمدلله الله يسلمج
...اكول الخميس الصبحيه نجيكم اني وعمتي ام ضرغام
...هلا بيكم چثير الهلا
....سلمي على الكل
...يوصل حبيبتي الله وياج
...ها يولي شرادت ام ليلى
...يمه تكول الخميس الصبح نجيكم
...هلا بيهم يمه .... تحاجيني امي وعيني عالساعه...
يابرنامج هذا الراح يطلع...
كمت شغلت التلفزيون ... تربعت وكعدت ... صارت الساعه 3 الا خمسة
صاحت سراب وين ..

دايرته الشرقيه ديري يمعوده متابعه مسلسل
هي مسلسل لخاطر الله روحي عني
_ اهووو يمه تعاي شوفي كحلاء شافتني متابعه مسلسل حطت وحرها ويايه ...
وج هي مسلسل انتظر برنامج هساع يطلع
يابرنامج ..... يمعوده دبطلي ....
كحلاء.... طلع طلع ....البرنامج ...
سراب.... انوب اخبار يحضي شلج بيهن
كحلاء....يولي اصبري خل نشوف المن مستضافين...
شنو هو لقاء خرب راح ابتلي بيج من يمتى وجاي اتابعين اخبار

يبووووووه وج خل اسمع يمه حاحيهااا واي عني روحي بغرفه
خالي ادهام بس فارجينييييييي
سراب... يوووووولي دحكي شمكتوب
صديت كتله شنووو....
قريت ... برامج ..!!!!! مع عضو المجلس سلطان العليان ....
صحت ياااااااااا وج يمه تعاي سلطان بالتفزيون ....
كمت الحيلي وكفت ... مدري شبيها انخبصت اروح واجي افتر
عليت الصوت كله...
سراب.... هاي رين القاء وشوكت
مادري يمكن مباشر ... اي مباشر يوووولي
حت تركض امي كعدت تربعت اني كبال التلفزيون امي تحاجيني
واني بس صافنه عليه وهو يحجي ... لابس قاط اسود وقنيص ابيض
سراب.... كحلاء كحلاء .... هييييي يمعوده صدي عليه
اسمعه تصيح مانداريت اشرت الها بيدي ولي....
سراب.... صكع شجاج ... خليج لا تندارين راح ادحك عليه
اشوف يدك يمه لو شنو ههههههه
صديت عليه كتله اذببببببحح والله .... خل نسمع خافي بهاته
سواب.... بشرفج كليله خل يقدملي تحية ههههههههه
اسمعي يمه اسمعي خبال بنتج عوفيني عاد خل اباوع

باوعي يمه انتي شوي النوب وتفوتين بالتفزيون ...
عزه عالماتلج مبحلقه عيونج شجااايج ...
عفتهم يحجون واني بس عيني عليه صافنه واتأمل ادحك على كل ذره بي وهو يحجي فديت الشخصيه ... سرررحت بعيونه
ادحك على ايده وهو يأشر ويحجي....
صاحت امي ... دنصي شويه ماجاي افتهم....
جريت الريمونت نزلته شويه... ... صاحت سراب ...
شكد حلو نسيبنه بالتلفزيون .... عجل شبي حضي مايجيني هيج خطيب ... ربي من فدوه العطاياتك ماتكطلي زلم محزمة
_ صديت عليها ضحكت كتله بلجي خبال ... امي وهي تسبح
كالت هاي شتمثرد مافهمت شنو محزمه
سراب... احسن يمه شلج بدوخة الراس ...

يولن عبالجن مافهم عليجن ادري بيجن ...
سراب... عجل يمه مدام تدرين... ارحمي حال بنتج وكولي اميييييين

كحلاء..... ياااااااااااا
صكع شكووو بلجي وجعاااا
ولج خلص هي مثبوره ... حرامات شو ماطول
\ هاااا ماطول تريدين يحجي قصة حياتو ويكول تعرفت علو كحلاء
حذاااائها نكطع يمي مثل السنديلا ههههههههه يايابه والله سالفتج ترهم قصه....
هاااا قصه ولج ماترلين حاجيها ماما خل تولي عني بس ادابل بيه
اهووووو مو صوجج صوجي اني... هل اكوم احسنلي
ويييييين!!؟
اكطع حذائي هههههههههه
غمج الله ههههههههه شكد فطيره.....
.....مر يوم ورحنا للسوگ اني وامي وخالتي وسراب ولمياء
اختاريت فستان بنفسجي فاتح بي ليلو ابيض وعالصدر دانتيل ابيض وليلو وبالردان هم ليلو نازك يخبل واخذت عطر وحذاء ورهمت معاه شال واكسسوارات وبطريقنا بالرجعه حجزنا يم الصالون
مارجعنا للبيت لليل متت تعب من فرة السوگ
صعدت للغرفة البس الفستان اشوفو قفلت الباب وبدلت لبست الفستان والحذاء
يجنن چثييييييييييير حلووووو ظليت ادحگ لروحي بالمراية كلللللش عجبني افتر بالغرفه وتأمل سلطان لو شافني شراح يكول اوف يمته اشوفك بانظر عيني ... سارحة والباب انهجم
يدكن بالباب سراب ولمياء يدكن ويغنن (بين العصر والمغرب مرت لمت خياله)
....هفففففف فكيت الباب هااااااااااااا شبيچن خبلتوني والله اني احجي وهنه مبهوتات عالفستان ... صاحن
....عززززززززززه دحكو الفستان يممممممة خالتي تعالن شوفن كحلاء لبست الفستان يممممممه راح ينشگ الفستااااااان
....صگع سراب شبيچ يولي
....انزعيييي يممممممممه تعااااي
....بس حيلووووو الفستان
...صدددك حلو افتريت بالفستان وفرحانه بي چثير اجت امي وخالتي ....
...اللهم صلّ على محمد يمه عين البارده عليچ صلوات على محمد
....يخبل بعد خالتج بس ديربالج الباب لا ينشگ انزعي
...هزيت راسي وطلعو من الغرفة اجيت انزع الفستان وعلكتو بالكنتور رتبت الغرفة ...
لليل انتظرت سلطان يخابرني ماكو الظاهر مشغول ماكدر يتصل بقيت افكر بفراشي ونمت ما حسيت بروحي كعدت الصبح اليوم خميس الساعه 9 الصبح سمعت صوت نسوان
رحت غسلت وبدلت نزلت لكيت بنوات عمامي ونسوانهم سلمت عليهم وكعدت وياهم اسولف
لل10 جدتي جت طبت المطبخ وكالت ول يمه بيت العليان بالباب نسوانهم
...يمممممه يمكن جت ساره روحي شوفيها
....اجيت يمه صيحي خالتج
...خاااالتي النسوان بره
...روحي غيري هدومج خلي مكياح وانزلي
...اي والله
...ركضت بدلت لبست فستان زيتوني وشال بيج فاتح ورسمت عيوني وخليت مسكاره وحمره فاااتح وعطر ونزلت
كاعدين بالربعة جرتني خالتي كالت اخذيلهم العصير
اخذت العصير وايديه ترجف شجاني يربي
طبيت عليهم واني اسمي بسم الله سراب من غادي تأشر بديها
بلعت ريكي وكلت
السلام عليكم
..دحكت كبالي نسوان شكد ماعرفهم .... ويا مافتت الكل صار يهلهل دنجت راسي دحكت خطيبة ذياب هذي الي شفتها بالصور اي هم هم جايه وياهن بس الباقيات مااعرفهن كامت عليه ساره هي وحجيه .. حكت اريد اتذكر هاي وين شايفتها الحجيه
بوستني وكعدت يمهم
...ماشاء الله تخبلين عين الله عليكم انتي وياه
شنون حلوه جنتنا
...ابتسمت اريدارد ماعرف شراح اكول الها تبلعمت وكلت انتي احلى والله واني احجي بس بالي يمها وين شايفتها ...

المل يدحك عليه ... واني مدنجة هنا وتذكرررررت اييييي هاي الحجيه نفسها اللي انطتني الشحاطة ابيت سلطان من رحنا انتوسط لبابا
.... هااا وين سرحانه يمه ...
...ها لا وياكم...
لاتستحين دحگي هاي عمتي ام ضرغام ومنال و خطيبة ذياب واللي بصفها هاذي حرمة اخوي حامد وبنتها شهد وهاي بنتي ليلى
... ابتسمت كتلها تشرفت بيكم هلا بيكم
...هلا بيج يمه حدري يمي ابوسج
...رحت يم الحجيه بقت تمسح بجتافي كالت تكلطي و گطي الشال يمه خل نشوف ...
...كلت بكلبي شسالفة دخكت الامي كالت كطي هزيت راسي اي و كطيت الشال جان تسحب القراصه من شعري كامت تصلي عالنبي وماشاء الله محروسه يمه من العين لا تكصي الزلم مايحبون المره الكره ....
دحكت عليه كتله شنووو
يعني الشعرها كصير وعلباتها تبين ... ماتكولين الا عبد العليم بسدو نايم




ابتسمت وصديت على ساره كتلها مافهمت شتقصد
ضحكت وكالت هذا ازلمه طول ضخم يمنه تقصد المره بدون شعر جن عبد العليم بسدو نايم
ضحكت كتله والله ماتنلام اني شعري جان حيل طويل بس دخكت اني تأشرلي بيدا المعنى لا تكولين ذياب كصه اتذكرت منال كاعده كتله كام يكع وكصيته
اني احجي بس وجهي احسه نااااار خجلت چثيييير
....دحكتلي ساره وكالت الي ولأمي هاي صوغتچ دزها سلطان بيها فستان المهر وكل احتياجاتچ
... ردت امي كالت يااا ام ليلى ليش هيچ
...
احنا اهل ام كحلاء بس والله اخوي سلطان ما قبل اجي الا الفستان وياي هو جابو وباقي الشغلات اني جبتهن
...سمعت ام شهد حرمة اخوه حامد كالت هاذي بنتنا من واجبنا مانقصر وياها بشي
... دنجت وكتلها يحفظكم الله ربي يزيدكم
...افتحي الفستان
...
ها عذا قصدج
اي حبيبتي شوفي ذوقه يعجبج
اي ماشي ... فتحت الفستان اني وساره
...الفستان لونو بصلي وردان طويلة شغلو حلوووو چثير والتطريز والشغل يشبه القفطان هو حلو مابي شي ابددد ومايتعيب بس حسيته
مايرهم الخطوبه وكطعان مهر. بقيا ساكته
....شاورتني ساره شبيچ كحوله ماعجبج الفستان اجيبلج غيرو والله
...
لا والله يخبل بس اني هم اشتريت فستان
...هااا عجل خلي نشوفو
...
تعالي اشوفچ فستاني اللي جبتو
...
امي كالت كومي انتي والبنوات اخذو راحتكم كمت اني وسارة دحكت لمنال صحتها هي وشهد بنت حامد
رحنا للغرفه وجن سراب ولمياء وزهراء وبنات عمامي 3 الباقيات صرنا خوووش لمه
صعدنا للغرفة كالت ساره دحگي اذا ضايجه من الفستان كولي
...لا والله ابد حلو چثير انتظري لشوفج مالتي كمت طلعت فستاني شافتو
...يولي يخبل الفستان بس سلطان مستحيل يقبل تلبسين هيچ مايقبل نص ردان والصدر مفتوح
...بس الصدر مامفتوح چثير واخذت وياه شال
....
دلبسي هذا اللي جابو هو وتعالي خلنشوف شلون يطلع
...
هساع البسو بغرفة امي واجي
رحت البسو بغرفة امي وابويه لبستو قياسي فيييت يخبل يخبل مثل القفطان المغربي ووياه شال مخمل دحكت العلاگة بيها باكيت فتحتو لين عطر نفسسسس عطري المفضل (ليدي) الله هذا شمعرفو احب هذا العطر عشقي ليدي
طلعت لغرفتي
...يااااصلوات على النبي
منال...يخبل والله
...اي صح
كالت ساره يولي والله يموت عليچ شراح يكول من يشوفج اويلي عليك يابه ...
صاحت سراب اخ يالحب حجتها وخلتنا ... ضحكنا كلنا عليها
بقينا نسولف وامي صاحت على منال اجت كالتلها حدري ذياب جوه انزلي سلمي
..ادحگ على منال خطية وجهها صاررر احمر وارتبكت كلتلها حلوه حلوه انزلي هههههههه
...هاااااه صدك
...
اي والله .. كامت الحيلها رتبت نفسها و
نزلت هي خطية واحنا ظلينا نسولف وسارة راحت جوه يم النسوان كمت اتصلت بسلطان مرتين دك وماكو
نزعت الفستان علگتو وضايجه ليش هيج ليش ماكال جايب فستان واصلا مو مال خطوبه هذا مال زواج ينلبس بقاعه مختلطة لو شي يعني شنو ردان افكر اني واحجي واتصل هو .. جطيت عالتلفون
بسرعه جاوبت...
...الوو
...هاا يالعمر
...هلا عمري
...صباحچ عسل
...صباح النور(رديت بدون واهس)
...شبيچ يولي
...مابيه شي
...لا مو هاي لهفتچ عليه... حاجيتي شبيج يولي
...
لا بس يعني وصلني الفستان
...
ها وصلو اهلنا يمكم
...اي
...اي وشبيچ
...
يعني شسمه ليش الفستان مقفل اني هم اشتريت فستان نص ردان بس مو هيج ...
...نصصص ردان شنو ؟؟؟ دحگي كحلاء اني جبتلچ الفستان من بغداد بنفسي نزلت اخذتو الچ ما اعتقد بي شي مو حلو واذا مو عاجبچ موديلو هساع ادزلج احد ياخذج انتي وساره تجيبون غيرة بس نص ردان وقصير ومفتوح بي شي لا والف لا
...على كيفك بس صبر اني ماكلت قصير بس يعني عالاقل مال خطوبة غير هذا يوم حلو يبقى شي حلو بحياتنه
...وعيونج اسويلچ حفلات ماصارت لبنيه وباچر تشوفين بعينچ بس انه تلبسين لبس مو على مرامي لا كحلاء وانتهى الكلام بالفستان
....اي والله اني يعني عجبني...بس
... تنهد وصاح كحلاااااء ......
...
كتله خلص خلص ها هي صار حبيبي
...
تنهد قوي وكال زين عجل بالليل عندي موضوع وياج اريد اكلچ بي
...خير يعمري
...

كل خير يبعد عيوني عيونچ هساع روحي تونسي ويه البنوات يولي استغلي ايام الفرح افرحي واتونسي مدام راسي يشم الهوا
...الله يطول بعمرك يعمري اي صح منين عرفت عطري هااا ؟؟
...هااااا شفتيه ...
....اي منين عرفت
....انتي وساره نفس العطر يوم الطلع ابوج جنتي حاطه العطر واشتميت يم ساره سالت ساره كالت اسمو ورحت جبتلج بس
اني اجيبلج غيره ...
...هاااا فديت الي مركز حتى بالعطر
عجل شلون يايابه ... اذا هين مانركز وين انركز
اهم شي العطر هههههه
هاااااا اي من حقك

أكول يبعد العطر والصنع العطر ...خليني هساع اشوف شغلي
وغير وكت اخابرج ... لان گوه كدرت اخابرج
ماشي حبيبي ديربالك على نفسك
صار يبعد الروح .. لا توصين
... الله وياك
سديت التلفون ارتاحيت شوي نزلت جوا دورت ساره ماكو سألتهم كالو هي ومنال بالحديقة
...عجل وين ذياب
...جاب امو وراح
...ها
رحت للحديقة لكيت منال هي وساره واكفات ومنال مقهورك حسيتها مخنوكة مدري شتحجي..

عفتهم وطبيت جوه
لكيت حرمت عمي ام ذياب عصبيه شوي وتحاچي امي وجدتي علو صفحها تكللهم
...مايقبل يدحگ بالبنيه ولا يروح عليها عجل شنوو فهموني عيب من اهلها
كتلو يمه روح عليهم مايصير اخذلها هديه
...مايحتاج يمه مصيرها تجي للبيت واشوفها
...
ول يمه مايصير هاذي عروس والها حق يعيط بية ويكول
...يمه لا تلحون وتدكون براسي هي تجي يمي مايحتاج اروحلها شعندي لو هاي مثل مالحيتو عليه اخطبها عوفونييييي
. كتلو عالاقل يمه اتگرب منها تعود عليها مايصير هيچ
... يتنهد ويصفن ويرد الله كريم كتلو
...
الله يهديك يمه ويريح گلبك شسوي والله خايفه يفشلنه ويا نسابتكم
امي وجدتي يكلوله غير وكت انسولف النسوان اني بحزتها عبالك واحد خنكني خفت ونقهرت عالبنيه .. كله مني خرب بحضي
شوكت اتهنى شنو ذنب هالمسكينه .. سحبت نفس وطلعت لكيتها تخابر تحاجي ضرغام ... سدت التلفون كالت وين عمتي خل نروح
سراب كالت شبيها منال شو هين واكفه
منال .. لا بس عبالها تلكه ذياب بس الضاهر مشغول شو بسرعه طلع ....
بقيت ساكته ماعرف شنو اجاوبهم ...
كالت احنا نروح ... سلمت علينا عي والنسوان...
طلعنا وراهم ... لكيت سياره سلطان وياهه سبطاره سوده طابكات
اخذوهن وطلعو... طبيت للبيت عفتهم يحجون بسالفه ذياب
واني اهجس نفسي اختنكت ...
راح اشيل خطية هالبنت ...
كله مني اي والله ... ياربي كون يحبها مثل ماحبني ياااارب

صار الليل ... وخالي ادهام امي كالت جه من بغداد وطلع كبل
يم ذياب معزوم عالعشى ...
اني بيومها حسيت بتعب ... وارهاق بسبب التفكير ...
بس استغربت شعجب خالي جة مم بغداد وكبل راح
الذياب... طبيت للحمام غسلت ... تذكرت ماصليت صلاة العشاء
رجعت للمغسله توضيت ... سمعت الباب البرة نفتح ...
شلت السجاده وطبيت مشيت صحت كتله ها يمه منو الجة
صاحت هذا خالج ...
طبيت للربعه مديت السجاده صليت وطلعت...
واني اريد اصعد الغرفتي شفت امي وخالي بغرفته الباب مفتوح شوي ... صديت اريد اشوف شبيهم ... وكفت وجان اسمع
خالي يكللها ...
لا خيتي جوز ذياب لان عداوه وياه وكال عليه متزوج هل انتاكد
اني هسه ارتاح واخابر منال...
حدرت من الدرج ... كلت عليمن ديحجون ...
الباب مفتوح شوي دفعته بيدي سلمت ...
خالي دخكلي بأستغراب .. صد على امي واثنينهم اوجوهم ماتفسر
كتله خير يمه شكووو... منهو المتزوج
_ كالت لا يمه بس واحد من ولد عمام ابوج متزوج على حرمته
كتله ياااا خطيه الله يكون بعون مرته ... شنو شورمجتمعين ماراح تنامون
هسه انام ابنيتي روحي الغرفتج
كتله اي هو غير لو اكدر بعد افتح عيوني قفلت حيييييل
يمه عود اتاكدي من البوب ... طلعت وطبكت الباب ورايه
صعدت الغرفتي ... الجهاز عالشحن دحكت ماكو مكالمه ولا رساله تمددت بفراشي فتحت التلفون وكمت اكلب بالرسائل القديمه
اكلب وعيوني تنسد من كيفها... من كد النعاس...
دحكت ساعه 12 وعشره صارت ... ماحسيت على نفسي الجهاز بيدي غفييييت....

شوي وجان اجفل على صوت التلفون ... دحكت عالرقم سلطان
فتحت خط .. بصوت ناصي كلا الووو
_ هلا يبعد الروح شلونج شنو نايمه..!
هلا حبيبي اي ماحسيت على نفسي وغفيت
_ اي اتاخرت عليج الربعه جانت مليانه زلم كل عمامي هين
اممممم
فديت الامممم دكعدي حبيبي اصحي اريد اححي وياج
لا كاعده والله اسمعك ...
حبيبي ...
ها حبيبي...
يبعد عيوني راح اكولج شي اني ماخفيته عليج بس الايام هي الي لهتني...
شنو حبيبي كول....
يولي كافي اتثاوبين اكعدي الحيلج

ههههههه كاعده والله ...
سالفه ذياب والمشاكل وكطعان المهر خلتني التهي وماحجيلج
وطبعا هالشي بدون قصد يشهد الله
_ اي شنو هوو دحجي عاد
حبيبي اني متزوووج ....
ههههههههه ضحكت بصوت عالي كتلو تره نعساااانه
خاف عبالك تصحيني بهييييج مقالب....
لا يووولي اني مااتشاقه لني متزوووج ...
من كال هيج اهجس جسمي ثلج .. كعدت الحيلي كتلو لا عليك
الله مابيه انصدم ... شقى لو صدك احجي وصوتي يرررجف

يتبع ....