اليوم حجيت أكثر من 5 دقايق ، اللي بگلب كل واحد بيكم ، وبالدليل .

تفضلوا هذا كلامي بحضور ممثلين عن الادعاء العام ، هيئة النزاهة ، وديوان الرقابة المالية … وبوجود ممثلي شركات الإدارة المشتركة نفسها .

زين ، ليش أنشره هنا ؟
لأن أريد أستعين بيكم عمي … صوت النائب وحده موقف ، بس ويه صوتكم يتحول إلى مطلب ما ينگدر يتجاوزوه .

بأسم 7500 مواطن انتخبني وحمّلني أمانة صوته ، هذا كان كلامي …
واليوم احتاجكم كلكم اذا اقتنعتوا

إذا دائرة الصحة ما عدها صلاحية بالتعاقد… شلون صار التعاقد من الأساس؟

شكراً لأصوات النجف الشريفة اللي أثارت الملف… إنتوا تحچون، وإحنا ناخذ منكم ونكمّل للنهاية؛ حتى يرجع حق النجف لأهلها

مليارات مهدورة…

دولة رئيس الوزراء، نحتاج نستردها لو نعوّضها من جيب الفقير بجباية كهرباء أصلاً ما موجودة ، وباصات علاج مفقودة ؟

قبل الجباية والتبرع من المواطن حاسبوا الهدر .

دولة رئيس الوزراء اغاتي …
راح تنصدمون من تعرفون شكد عدنا عقارات ومساحات ، إذا استُثمرت صح مردودها يصير فلوس للدولة وفرص عمل للناس وبناء للمدن .

والأجمل ؟ ما نحتاج منكم ولا فلس … نحتاج موافقة ، تنظيم ، وإرادة تحميها من الفرهود والاستحواذ

خلّونا نتعاون نبني نجفنا ، نبني بلد

كل اللي جنت أتمناه … يكون عدكم مردود مالي تكدر مؤسساتنا تنجز بي وتخدم الناس.

وبعد عدنا بيوت وعقارات تابعة لهذه المؤسسات بمكانات مهمة لو تؤجر بشكل صحيح ، ممكن تحقق إلها إيرادات كبيرة.

سؤالي كان بسيط { إذا عدنا أموال وأصول معطلة، ليش أول باب نطرقه هو جيب المواطن بالجبايات !!؟

ارجوكم شوفوا الكتاب المرفوع لدولة رئيس الوزراء

هسّه يمكن صارت الفكرة أوضح…
من البداية قصدي جان: الخير يبقى لمؤسساتنا، والأرض تبقى إلها وعائدها إلها. اختاروا الصيغة الأنسب بما لا يتعارض ويا القانون؛ المهم يكون للمؤسسة مردود حقيقي.

وللتوضيح، حديثي عن تحريف الفكرة كان المقصود بيه ما نُشر وتداولته بعض الصفحات والتعليقات، وربما كان سببه عدم وضوح قصدي بالشكل الكافي… وحق التوضيح والرد مكفول للجميع

وجع الناس مو للتجارة

واستغلال المريض مرفوض.
اتفاق بعض الأطباء ويا الصيدليات والمختبرات على حساب المواطن ما راح يستمر
#التسعيرة_الدوائية

من منطلق قوله تعالى
﴿وَجَعَلْنَا مِنَ الْمَاءِ كُلَّ شَيْءٍ حَيٍّ﴾

بديت بهذا الملف من النجف قبل أكثر من سنتين، وعرفت أن ما نكدر ننقذ ماي النجف إذا ما ننقذ ماي العراق بأكمله … لأن الماي يجري، وأذاه إذا صار بمكان يوصل لأهلنا بمكان ثاني.
لذلك أمد إيدي لكل مسؤول ومختص:
خلونا نتعاون، مو نتخاون.
نختلف على هواي شغلات…
بس المي اللي يشربه أطفالنا، ما يصير نختلف عليه.

متى كان خريجو المهن الصحية والطبية جزءاً من القرار حتى يتحمّلوا اليوم تبعات فشل الحكومات المتعاقبة؟

القانون يقول: يجب تعيينهم.
فالسؤال اليوم واضح:
من الذي يخالف القانون؟

لذلك رسالتي إلى معالي وزير المالية، وإلى كل من يؤيد توجّه عدم شمولهم بالتعيين:
لا تجعلوا الخريج يدفع ثمن أخطاء لم يكن شريكاً فيها، ولا تخالفوا القانون.

وإذا تبحثون عن حلول… استعجلوا ب

#صندوق_الاستدامة_المهنية_لتعيين_جميع_ذوي_المهن_الصحية_والطبية

مقترح لتأمين مورد مستدام لتعيين جميع ذوي المهن الصحية والطبية.

#ذوي_المهن_الصحية_والطبية

الحمد لله… أول الغيث صوتكم أحبتي. 🤍

ملف إنقاذ مياه العراق ينتقل إلى قبة البرلمان لاتخاذ قرارات عاجلة.

رئيس مجلس النواب يوافق على مقترح النائب غيث الكلابي لعقد جلسة خاصة واستضافة الوزراء والجهات المعنية بملف تلوث المياه.

بدأناها من النجف… واليوم أصبحت قضية العراق.

تسأله : دكتور عزيزي، ليش كتبت هذا العلاج وهو بعده ما مفحوص؟
يگلك : خوش علاج !
زين شلون عرفت خوش علاج وهو ما مفحوص؟!

اي دواء بالسوق وهو مو مفحوص معناها دخل بطريقة غير نظامية وتعرض لسوء خزن وتلف شون تقبل يوصل للمريض ؟

ولا تگلي العلاج ما موجود وشنو ذنب المريض…
خير من الله أكو بدائل نظامية ومفحوصة وفعّالة ومتوفرة وبأسعار ارخص ومابيها ( عمولات كومشنات وسفرات وشبهات !! )

إخواني رسالتي الكم مجتمعنا إذا ساعدتوني بوعيكم راح ننجح أسرع
لا تشتري علاج ما عليه الكود والسعر واضح ، وإذا شفت مخالفة بلّغ عنها .
#لا_تخجل_من_واحد_ميخجل_منك.

ولزملائي بالكوادر الصحية:
هذا ملفي القادم إن شاء الله…
وأتمنى منحتاج نزعل واحد من الثاني.

#التسعيرة_الدوائية
#الوصفة_الطبية_المطبوعة

لجنة الصحة تطالب دولة رئيس الوزراء بعقد اجتماع طارئ لضرورة تعيين ذوي المهن الطبية والصحية حسب قانون التدرج الطبي
وطرح بعض مقترحات الحلول .
المكتب الإعلامي