أكبر كذبة صدّگها الشعب للاسف …

إنه هذا المال مال الدولة !

مو صح ..

هذا المال مالكم أنتم الشعب .

ومن 2003 إلى 2026…
حكومات راحت ، والي بقى يتحمّل المعاناة هو الشعب .

رواتب ماكو.
أدوية ماكو.
تعيينات ماكو.

هاي الفلوس فلوسكم، والدولة دولتكم، والحلال حلالكم.

انت بشغلك اذا شفت واحد مؤتمن على حلالك ودا يضيّعه أو يسرقه تسكت ؟
ليش ساكتين ؟!

ياناس …يمعودين

فلوس النفط هاي فلوسكم تدرون لو يحتاج اكلكم شون ؟

شنو المانع لمرة وحدة تروح للبنى التحتية ؟ تروح لمعالجة المي ، للمستشفيات والعلاج ، للمدارس الكرفانية … بدل ما تروح لجيب عدنان وحسين وكنعان !!

انتوا ليش ساكتين ؟
تخاف تحچي أخاف يكتلوك وتموت؟

مو هو انت اذا ماحجيت … هم راح تموت ، بس بمي ملوث او حريق مدرسة كرفانية أو عدم وجود علاج او حادث طريق !!

هذولة الحرامية صارو من نحجي بفلوسنا يهددون ، لانه انتوا ساكتين فصار عدهم اعتقاد هذه الفلوس فلوسهم !!

اني اضمن الكم اذا توحد الصوت …
وحق علي ( ع ) ترجع فلوسنا وتعيش العالم بخير !

إنتوا شنو ناوين ، متى تحجون ؟

أكو أحد يقدمنا خدمة ويترجمها للفارسي وللإنكليزي؟

خلي العالم كله يعرف…
الشعب العراقي وين يريد تروح فلوس نفطه

نريدها للشعب مو لعدنان وحسين وكنعان

إلى أبطال قواتنا الأمنية … حماة الأرض والوطن .

بالتعاون مع إخوانا في لجنة الأمن والدفاع النيابية ، راح نبذل كل جهد حتى ناخذلكم استحقاق مخصصات الخطورة .

ولدنا في محافظات الوسط والجنوب يستحقونها مثل أخوتهم الابطال في المحافظات الغربية والشمالية . الزخم بالزيارات ، والسهر ، والتعب ، والخدمة … ما يصير يروح ببلاش

عندي سؤال …
إذا صار عليك أو على ابنك شي ، تعرف أحد يعوضك ؟!
إذا ما تعرف … ليش ساكت؟!
شو تعال خلي أراويك …

سامعين واحد بقى بمنصبه 50 - 70 سنة؟

بس ممكن الواحد يشيل إثم موقف سواه 70 سنة وأكثر .

هي تسوى ؟

دقة نقل المعلومة أمانة ، خصوصاً لما تتعلق بأرواح الناس.

وإذا تريد تخلّص رقبتك ففكّر شلون تخلّصها باچر من سؤال رب العالمين من يسألك
ليش؟

عندك جواب ؟

العراق ما ينصلح محافظة محافظة…

العراق ينصلح يوم نصير كلنا محافظة وحدة … اسمها العراق. 🇮🇶

هؤلاء ما تأخروا عن الدولة، بل الدولة هي التي تأخرت عنهم

تابعنا، والقضاء أنصف المال العام … فشكراً لقضائنا على رأسه استاذنا الدكتور فائق زيدان رئيس مجلس القضاء الأعلى
بس عندي سؤال: المدير المُعاقَب والمحال للتحقيق يبقى مدير ليش؟ عجزت هاي الگاع تولّد مدراء

قبل لا تنطي رأيك… تخيّلها أمك، أختك أو بنتك.

بعمليات النساء أكو نساء يتحرّجن يكون مساعد الجراح أو طبيب التخدير رجل… بس شيسوّن إذا هو هذا الموجود ؟

كوادرنا الرجال على الراس، والضرورة إلها حكمها…
بس إذا البديل من النساء موجود وبنفس الكفاءة، احترام حياء وخصوصية المرأة يصير واجب.

أخذنا موافقة معالي وزير الصحة، والعمل جاري حتى تكون النجف نموذج ومنها لباقي المحافظات

حق خواتنا أن يُعالَجن وتبقى حرمتهن مصونة

الإنسان يقاتل حتى يحمي مصدر رزقه
إلا إذا عجز ، وانكسرت أدواته ، وصار ينتظر الموت سقط عنه التكليف

البصرة مصدر رزق العراق الاقتصادي ، ليش هذا حالها
ماؤها ملوث ، هواؤها يختنق ، وأهلها يدفعون الثمن

المفروض ان نستثمر بالبصرة قبل لا نصرف أضعافه على إنقاذها بدون فائدة الا اذا سقط التكليف !!

العراق يمرض بس مايموت والبصرة ام الخير .

جنت اول متبرع وهاي اول من اوفى بعهده 🤲🤲🤲

مو منّة مني، هذا واجب عليّ…
النجف بيتي، وأهلها عشيرتي الجبيرة.

من حرّ وحلال مالي، والله حلال…
إلى مركز الأورام، وأسأل الله بحق ضلع الزهراء القبول، ولمرضانا الشفاء. 🤲

وهذه مو النهاية…
الخطوة الجاية صندوق النجف، وهنا أحتاج وگفتكم وياي.

وعدنا… ووفّينا، ونكمّل سوه.

أنا لستُ حُلماً… أنا ما يجب أن يكون، وما يحدث الآن كابوسٌ سيستيقظ منه العراق.

معكم … حتى يصير الحبر فعل، والورق سِدريّة بالمستشفى

بعض الحجي جوابه فعل