፡
‎ከልቧ ነው መውደድ ልኳ
‎ፀጋነት ነው ያላት ፍቅር
‎ከሁሉም ነገር ይልቃል
‎ድምቀት ነች ለኖረችበት
‎እሷነት ቤትን ያሞቃል
‎
‎እጅጉን ለፍታ ብትደክም
‎ህያው ነፍስ ልትገነባ ነው
ብትዝል ብትንገላታ
‎ጎሎባት ሙሉ ልታደርግ
‎ለልጇ ስትል የምትኖር
እናት ነች ድንቅ ስጦታ
‎
‎እናት እኮ ......
‎ቢርባት ከራሷ ቀድማ
‎ለልጇ ሰጥታ የምታጎርስ
‎ጥረቷ ከቶ የማይላላ
‎መውደዷ የማይደፈርስ
‎
‎ፍቅር ነው ሁለ ነገሯ
‎ሁልጊዜም ትታወሳለች
‎ጠብቃ ለማኖር ስትል
‎እሷነት ዋጋን ከፍላለች
‎
‎ህያው ነፍስ ልትገነባ ነው
ብትዝል ብትንገላታ
‎ለልጇ ስትል የምትኖር
እናት ነች ድንቅ ስጦታ

✍ Mekdi
@getmtg
@getmtg

፡
ላንተ ብዬ ምንም ያልሆንኩ
‎           ለኔ ሲሆን ሙሉ ልብህ
‎አለሁ እያልኩ ከአንተ ጠፋሁ
‎           መጣሁ እያልኩ ቀረሁብህ
‎
@getmtg
@getmtg

፡
ነጠብጣብ ሀሳቦች
(በእውቀቱ ስዩም)

በዘመን አየር ጫጫታው ከብሮ
በጩኸት መሀል ዜማ ተቀብሮ
ጆሮ ግንባር ላይ
ቤቱን ለመስራት እንዳልፈለገ
ወደ ማጅራት አፈገፈገ

የሞሰቡን ወግ ፌስታሉ ወርሶት
ለምለሙ እንጀራ ረድኤት አንሶት
ቢጎርሱት እንባ ቢውጡት ብሶት!

መንገዱ ሁሉ የሚያሰናክል
ቁልቁለት ሲያዝል የዳገት ያክል
ስኬት በስኒ ላባችን በጋን
በወግ ለመሞት ሁሌ እየተጋን
መኖር ዘነጋን፡፡

@getmtg
@getmtg

:
።።።።። ዝክረ አነ ።።።።።

ሱታፌ ዘወርቅ የእሳት ተራራ
ጌራ ዘቅኔ ድጋም ደብተራ

መዊዕ ዘአስማት ፀጉር ሰንጣቂ
ረዋተ ቋዕ ጥበብ አፍላቂ

ሀብተ ተፋቅሮ እንደ ቅቤ አቅላጭ
ሰያጢ ተስናን አከራክሮ ሻጭ

ከነዚሁ ሁሉ ከጸጋዎቼ
አንዱም አልረዳኝ እንዳልቀር ሙቼ !

✍️Zemed
@getmtg
@getmtg

፡
እንደዘበት .......
‎ቀንና ሌት ሲፈራረቅ ነጋ መሸ
‎ልቅ የሆነው ልኩን ሲይዝ
‎ ልክ ያለው ሰው ተበላሸ
‎
‎በክፋቱ ልቡ ያበጠው
‎የጎደፈ ነፍሱን ሲያርም
‎ በጎ ያሉት እያጠፋ
‎ሞትኩኝ ያለ ነፍስ ዘርቶ
‎ አለሁ ያለው ሳይኖር ጠፋ
‎
✍Mekdi
@getmtg
@getmtg

፡
ናፈቅሽኝ

በእውነት ናፈቅሽኝ
በቃ! ከመሬት ተነስቶ
ያ ውበትሽ መጥቶ
ውልብ አለ በአይኔ ከሀሳቤ ገብቶ

ፈገግታ ሳቅሽም ደምቆ እየታየኝ
ያ የሚያምረው ጉንጭሽ
ሳመኝ ሳመኝ ሲለኝ
አይኖችሽ ታወሱኝ
የፍቅር ፍላፃ ጨረር እየተፉ
ጮቤ የሚያስረግጡኝ
ከአይኖቼ ላይ ሲያርፉ

ቅኔው ንግግርሽ አንደበትሽ ማሩ
ደርሶ ንፍቅ አለኝ
ድምፅሽን አድምጦ በፍቅር መስከሩ
መአዛሽ ታወሰኝ ጠረንሽ ናፈቀኝ
በሀሴት መንኮራኩር
ሰማይ የሚያመጥቀኝ፡፡

ከአንገትሽ ስር ውትፍ
በእጆቼ እቅፍ
መአዛሽን ስቤ ወደ ሰማይ ክንፍ
ማለት ሲናፍቀኝ ላይሽ ሳስብ ግና
       መቼም አላገኝሽ የሌላ ነሽና፡፡

ናፍቆቴም ቅዠት ነው
ህልም እልም ብያለሁ
ሳይተኙ ማለምን ባንቺ አግኝቼዋለሁ
ባይሆን በምትኩ
በውኔ እያለምኩ በህልሜ ኖራለሁ።

✍Abosina
@getmtg
@getmtg

፡
ከዝምታ ሰርቀሽ ለአፍታ
‎            በፈገግታሽ በይ አጫውቺኝ
‎ባዶነቴን ከእኔ ወስደሽ
‎                  ሙሉነትሽን ለኔ ስጪኝ

.... ጨረቃ ....
‎
@getmtg
@getmtg

፡
When I Go
(by Donna Ashworth)

When I go
Don't learn to live without me
Just learn to live with my love
In a different way

And if you need to see me
Close your eyes
Or look in your shadow
When the sun shines

I'm there.

Sit with me in the quiet
and you will know
That I did not leave

There is no living
When a soul is blended
With another

When I go
Don't learn to live without me
Just learn to look for me in the
moments.

I will be there!

@getmtg
@getmtg

፡
ላንቺ
(ኤፍሬም ሥዩም)

ቅጠሎች ታውቂያለሽ
ቅጠል
ለምለም ቅጠል
ከግንድ የነበሩ
ንጹህ አረንጓዴ ሆነው የነበሩ
ውብ አበባ ሆነው ተፈጥሮን ያበሩ
ቅጠሎች ታውቂያለሽ?
ቅጠል
ለምለም ቅጠል፡፡

(እነዚያ ቅጠሎች) • • •
ግንድ ላይ እያሉ አንቺን ይመስላሉ
ለምልመው እያሉ አንቺን ያክላሉ
'ርጥብ ፅጌ እያሉ ካንቺ እኩል ነበሩ
በንፋስ አለንጋ ሳይሰባበሩ
ለምለሞች ነበሩ፡፡

ቅጠሎች አይተሻል
በነፋሳት ንዴት ከግንድ የወደቁ
ወድቀው የደረቁ
ባ'ላፊ አግዳሚው እግር የደረቁ
ቅጠሎች አይተሻል
አበቦች አይተሻል
ማንን ይመስላሉ ምንን ያወራሉ?
የእርጅናን ስጋት ለማን ይነግራሉ? • • •
ውበት አልነበሩ
ለምለም አልነበሩ
ቅጠል አልነበሩ
ከጊዜ ዋልካ ላይ
ተገፍተው ሳይወድቁ ሳይሰባበሩ
እንዳንቺ አልነበሩ፡፡

የሚገርምሽ ነገር
የጊዜ ተአምር • • •
ቅጠሎች ከጣለው
ታላቁ ግንድ ላይ
አዳዲስ ቅጠሎች ማበብ ጀምረዋል
ቅጠል የሚረገጥ
አረንጓዴ 'ማይወድ
አላፊው አግዳሚው ባ'ይኑ ያሻቸዋል
ከግንዱ ስር ካሉት
ደረቅ ቅጠሎች ላይ
ሁለት ፍቅረኛሞች ተኝተውበታል፡፡
መሬት ላይ የተኙት
ቅጠል ላይ የተኙት ሁለቱ ፍቅረኞች
እርጋፊ ቅጠል
ከመሬት አንስተው ባ'ውራ ጣት ሲሰብሩ
የጊዜን ምንነት
ልብ ባለማለት ካንቺ እኩል ነበሩ፡፡
ምንም እንዳይገርምሽ፡፡

@getmtg
@getmtg

፡
ልታጠምድ
እንደ ንብ
በትነህ አበባ
ልታስገባኝ ከአፍህ
እንደ አውራ ዶሮ
ብትጭርም ገለባ

በመዋለል ውለህ
በናፍቆት ስታድር ስራን እያበዛህ
እልፍ ጠላት ሳይሆን
ልብ ነው የገዛህ

እመነኝ!😊

@getmtg
@getmtg

፡
ለቀልድ አንተ ስትል
‎              ቃልህን ሳልቆጥር
‎               ስቄልህ እያለፍኩ
‎አንተ ያነሳኸውን
‎       ለቀልድ ባነሳ
‎               መጥፎ ተብዬ አረፍኩ
‎                   
ለምን¿

@getmtg
@getmtg

፡
i know it's hard
believe me
i know it feels like
tomorrow will never come
and today will be the most
difficult day to get through
but i swear you will get through
the hurt will pass
as it always does
if you give it time and
let it so let it
go
slowly
like a broken promise
let it go

"Rupi Kaur"

@getmtg
@getmtg

፡
የኔ እህት አዚህ ሰፈር ነሽ?
(አሌክስ አብርሃም)

አንድ የሰፈራችን ባለሱቅ የሆነ ቀን በበሩ ሳልፍ "ወንድሜ" ብሎ  በአክብሮት  ጠራኝና  እዚህ ሰፈር ነው የምትኖረው? ብሎ ጠየቀኝ! "አወ" አልኩት እንዴት ረሳኝ ብየ በመገረም! የረዢም አመት ደንበኛየ ነበር። ቀጠል አድርጎ
ሲጃራ ታጨሳለህ እንዴ?
አይ አላጨስም
አቁመህ ነው?
አይ ከመጀመሪያውም አላጨስም
ጫትስ ትቅማለህ እንዴ?
አይ አልቅምም
አቁመህ ነው?
ቅሜ አላውቅም! ለምንድነው ግን የምትጠይቀኝ አልኩ ገርሞኝ ። ጥያቄየን ችላ ብሎ

እ...የስልክ ካርድ ከኔ ትወስድ ነበር እንዴ?
አወ (ደግሞ እውነቴን ነው ከሱ ሱቅ ነበር የምገዛው)

ባለስንት ነበር የምትገዛው? 
ባለመቶም ፣ ባለ ሃምሳም ...ባለ ....

ተወው አስታወስኩ! የመቶ ብር ካርድ አለብህ  ስምህን መዝገብ ላይ አይቸዋለሁ
ማነው ስሜ ?
ስምህ ምን ያረጋል ጋሸ? ዋናው ካርዱ ነው ....😀

በኋላ ስሰማ ይሄ ሚስኪን ባለሱቅ አእምሮውን ታሞ አማኑኤል ሆስፒታል ገብቶ ነበር አሉኝ። ሚስቱን ነበር ሱቁ ውስጥ ለረዢም ጊዜ የማያት! እና  ዘለግ ላለ ጊዜ ታክሞ ከአማኑኤል ተሽሎት ወጣ። ሁሉ ነገር ተስተካክሎ አንድ ነገር ብቻ ትንሽ ልክ አልመጣለትም እየተባለ ይወራል። ማንኛውም በሱቁ በር የሚያለፍ ሰው ዱቤ ወስዶ ያልከፈለው  ይመስለው ስለነበር እያስቆመ አጭር መስቀለኛ ኢንተርቪው ያደርጋል። ከምንም በላይ ግን ያሳቀቀን እትየ ማርታን ጠርቶ ጠየቃት የተባለው  ነገር ነው። እትየ ማርታ ዕድሜዋ 40 የተሻገረ ዘናጭ ሴት ናት!
"እህቴ ይቅርታ እዚህ ሰፈር ነሽ?" አላት
አወ ምን ልርዳህ? አለች በሚያምር ፈገግታ
ፔሬድ ማየት አቁመሻል እንዴ  ወይስ ታያለሽ ? አበደች ...
"ስድ ምናባህ አገባህ?" በኋላ ባሏ ተነግሮት ሊያናፍጠው ወደሱቁ ሲሄድ "ሞዴስ በዱቤ ወስዳ ያልከፈለችኝ መስሎኝ ነው ጋሸ ! ግን ከመጣህ አይቀር  ታጨሳለህ እንዴ.....😀"

@getmtg
@getmtg

፡
ሄደሽ ሄደሽ
‎     ሰው መሆን ላይ ስትደርሺ
‎ እየሞተ ያሻገረሽ
‎              ድልድይ ልቤን እንዳትረሺ

‎@getmtg
@getmtg

፡
ን...ቁ...ባ...ይ

ሲጎስሙ ንጉሥ ስሜን
እንኳን ወርቅ አትነካም ሰሜን

አልልም ውርደትን አሜን
ይጎንጩ ይጠጡት ደሜን

አላውቅም ምህረት ፈፅሞ ልንገራችሁ ግልጡን
እናንተ ብትሆኑ ካሳን እኔ 'ምሆነው ሽጉጡን
   
ሲያሻ 'ፈትልሀለሁ እንደ ባዘቶ ጥጥ በ'ጅ እንደቀለለ
     ከፈለኩም ጥሜ አዘፍንሁለሁ   እንደያንጓለለ

✍️Zemed

@getmtg
@getmtg

፡
you ask
if we can still be friends
i explain how a honeybee
does not dream of kissing
the mouth of a flower
and then settle for its leaves

- i don't need more friends

(Rupi Kaur)

@getmtg
@getmtg

፡
የአፍ አትቁጠር
‎ከጆሮ አልፎ ውስጥህ ያድምጥ
‎አይንህ ሳቄን
‎ልብህ ደግሞ
‎       እንባዬን ይይ የጭንቄን ምጥ
‎                        
@getmtg
@getmtg

፡
ቀጨኔ አድባርሽ ማነው
(አስታወሰኝ ረጋሳ)

"ጋራው ሚካኤል ባይሰማን
ጋሽ ቸሬ ባለውቃቢው
የኛን ልመና አይዘነጋም
በጨለማ ሹክ ያሉት ፀሎት
እስኪፈታ ጀንበር አትነጋም"

ብለውኝ ለሊቱን ሙሉ
ካደምኩት ተሰዋ እንቅልፌ
   ሲነጋስ_!? 
ትዝታዋ እንጂ  የለችም እሷ ከቅፌ፤

እግዚአብሔር አብ ከተራራው ጫፍ
ሞገሱን ይዞ ተቀምጧል
ፀበሉን እያፈለቀ
የስንቱን የንባ ሀዘን ውጧል!

ታዲያሳ እግዚሐርዬ
የኔ እና የሷን ነገር ምነው!
በቶሎ ያልፈጠምክልኝ
ጠንቋይ ቤት ሂዷል ብለህ ነው!?

ከእንጦጦ ዳገት እስከ ሾላ ጫፍ 
እሷው ነች በሩቁ ተለጥፋልኝ
እንግዲህ ማምጣት ካቃተህ
በል ቶሎ አይኔን አጥፋልኝ

ማዞሪያን ስዞረው ውዬ
በቅርበት እሷን ካላየው
አይን አለኝ ማለት ምንድር ነው!?

"ሸክላ ሰሪ ናት" ቢሉኝ
  አፈር ሆኜ ምነው ብታፍሰኝ
በማርያም ወንዝ ውሃ አልቆጥቁጣኝ
ክንዷ ላይ ብታንተርሰኝ

ሸማዬን ላንተ አላነጥፍም
ከንግዲስ ግጥም አልጥፍም

/አምጣልኝ አልኩህ አምጣልኝ/

እምቢየው እሷ ከሌለች
ብቻዬን አልባረክም
እንግዲህስ አምላክ ነህ ብዬም
ለክብርህ ዣንጥላ አልልክም

ብትፈልግ ሲኦል ወርውረኝ
አድርገኝ ለሚፋጅ ቅጣት
አይበልጥም እሷን ከማጣት።

@getmtg
@getmtg

፡
የዚህ ቀን ሲሳይ እለቱ
‎ክርስቶስ እሰይ ተወልደ
‎ሀጥያት ስር ጨልመን ሳለን
‎ሊያድነን ምድር ወረደ
‎
‎በሄዋን የደፈረሰው
በድንግል ማርያም ሊጠራ
‎የጥፋት ታሪክ ሊታረም
‎በቤቴልሄም ተወልዷል
‎ክርስቶስ መዳኒ አለም

✨እንኳን ለብርሃነ ልደቱ በሰላም አደረሳችሁ✨

መልካም በዓል🙏
‎
‎@getmtg
@getmtg