#ለ_እግዜር_የተላከ_ደብዳቤ
.
.
.እንደምነህ እግዜር
ሰማይ ቤት እንዴት ነው
እመጣለሁ ብለህ ቆየህሳ ምነው?
እኛማ...
ለእልፍ አዕላፍ አለቃ
ማመልከቻ ፅፈን፣
ለወፈ ሰማይ ህዝብ
መድረክ ላይ ለፍፈን፣
ፆለት ቤታችንን
እኛው ላይ ቆልፈን፣
የምድር አተካራ
ህግጋቱን አልፈን
ደብዳቤ ላክንልህ፤
አይንህን ካየነው
ሁለት ሺህ ዘመን
እንደቀልድ አለፈ
የመምጣትህ ተስፋ እየኮሰመነ መቅረትህ ገዘፈ...
እንደውም እንደውም...
"በእመጣለሁ ተስፋ
ሁለት ሺህ ዘመን
ገትሮን ከጠፋ፣
በቀጠሮው ሰአት
መምጣት ከተሳነው፣
እግዜር አበሻ ነው"
እያሉ ያሙሃል...
እኔ ምን አውቃለሁ...
አመስግነው ሲሉ እልልታ የማቀልጥ፣
ቃሉን ስማ ሲሉኝ...ሰባኪው እግር ስር በደስታ እምቀመጥ፣
'እግዚኦ! በሉ' ሲባል...እንባዬን የማፈስ፣
ሃሌ ሉያ ሲሉኝ...በሳቅ ልቤ 'ሚፈርስ፣
ምናምኒት እውቀት ውስጤ ያልፀደቀ፣
እንበረከክበት ጉልበቴ ያለቀ፣
እኔ ምን አውቃለሁ...
ግን አንተ ደህና ነህ?
ከምር እንደሚያሙት ምፅአት ቀረ እንዴ?
የሰናፍጭ ቅንጣት ታክል ጥርጣሬ አትከፋም አንዳንዴ!
የሆነስ ሆነና ሰማይ ቤት እንዴት ነው?
አብረሃም ሰላም ነው...?
እዛስ ቤት ገነባ ዛሬም በድንኳን ነው?
እኛማ ይሄውልህ...
በቤት ኪራይ ችንካር እየተሰቀልን፣
"ኤሎሄ" እንላለን ጎጆ እንድትጥልልን....
ወደላይ ገነባን ወደጎን አሰፋን፣
ወደላይም ከላይ ወደጎንም ከጎን
እንደጉድ ተገፋን...
ቤት ለእንግዳ ማለት ጭራሹኑ ጠፋን!!
አባታችን ሙሴ እንዴት ነው ለክብሩ፣
ውቂያኖስ መክፈያው ደህና ናት በትሩ?
እኛማ ይሄውልህ...
እንጀራ ፍለጋ ባህር ስናቋርጥ፣
የተስፋዋን ምድር አሸዋ ሳንረግጥ፣
የትም ውሃ በላን የትም አሳ ላሰን፣
ንገርልንና በትሩን ያውሰን...
እናልህ እግዜር ሆይ...
ከተስፋዋ ምድር ወደሌላ ተስፋ አለን እየኳተን
መሄጃው ሲገርመን መመለሻ መንገድ መቆሚያ ቦታ አጥተን...!
ላባታችን ሙሴ እንደምትልልን..
"የመሄድ ዘመን ነው ባህር የመሻገር
ዱላህን ላክልን" ብሎሃል በልልኝ...
"ሰማይ ቤት እንዴት ነው?
ዳዊትስ ደህና ነው?
ዛሬም ይዘምራል?
ዛሬም ይፎክራል?
ሰላም ነው ጠጠሩ?
ሰላም ናት ወንጭፉ?
እዛስ አቅል ገዛ ጎሊያድ ተራራው ጎሊያድ ግዙፉ?
እልፍ አዕላፍ ጎሊያድ ከቦን ሲደነፋ፣
ወንጭፉን ጠቅልሎ ምነው ዳዊት ጠፋ?
ብሎሃል በልልኝ!!
ለረከሰ ጠጠር ለሞላ ወርዋሪ፣
"ወንጭፍህን ስጠው ለዚህ ታሪክ አውሪ"
ብለህ እዘዝልን...!!
እንዴት ነህ ጌታ ሆይ? ሰማይ ቤት እንዴት ነው?
የሙሴ አልጋ ወራሽ እያሱ ሰላም ነው?
ያቆማትን ፀሃይ ግቢ ቢላት ምነው?
ያው እንደምታውቀው፣
አስራ ሶስት ወራት ነው ፀሃይ የምንሞቀው
ኧረ ፀሀይ በዛ፣ኧረ ፀሀይ በዛ
የመጣው ወር ሀሉ ፀሀይ እያዘለ፣
የተሾመው ሁሉ "ፀሀይ ነኝ" እያለ
የአስራ ሶስት ወር የግዜር ፀሃይ፣
የአስራ ሶስት ወር የሰው ጀምበር፣
ባቃጠላት ምድጃ አገር፣
ምን ታምር ሊኖር ይችላል ፀሀይ ሁኖ እንደመፈጠር
ኧረ እግዜር በናትህ በጭንቅ አማላጇ፣
ባዘለህ ጀርባዋ ባቀፉህ እጆቿ፣
ወይ ዝናብ ላክልን ወይ ዝናብ ሁነህ ና፣
ሙቀት ገደለና!
እናልህ እግዜር ሆይ ማጣፊያው አጥሮናል፣
ስም ያለው ሞኝ ነው ሁሉም ይጠራናል
ጳውሎስ ሲሉን...አቤት
ጴጥሮስ ሲሉን...ወይዬ
ይሁዳ ሲሉንም አቤት እንላለን፣
ስማችንን ሸጠን...ሰላሳ ጭብጨባ እንቀበላለን
ተወው የኛን ነገር...ሰማይ ቤት እንዴት ነው....
ሄዋንስ ደህና ናት?
ያው የልጅ ልጆቿ በእግሯ ተተክተው
የፍሬው ሲገርምህ ግንዱንም አንክተው
ለፍጥረተ አዳም ባይኑ ያገምጡታል፣
ሰይጣንም ደህና ነው ኑሮ ተስማምቶታል...
ሰውን ለማሳሳት ላይ ታች ማለት ትቷል፣
ሳይጠራው የሚጎርፍ ህዝብ በዝቶለታል...!!
ኧረ እግዜር በናትህ በጭንቅ አማላጇ፣
ባዘለህ ጀርባዋ ባቀፉህ እጆቿ፣
ወይ ዝናብ ላክልን ወይ ዝናብ ሁነህ ና፣
ሙቀት ገደለና...
✍ #አሌክስ_አብርሀም

@getamiyan
@getamiyan
@getamiyan

፨ባትመጪም ቅጠሪኝ፨

(ቴዎድሮስ ፀጋዬ)

የመውደድን ቅኔ ማህሌት
የፍቅርን ጥዑም ዜማ፡
አብረን ሆነን ልንቀኘው
ተጣምረን ልናንጎራጉር
ቀልባችን እንደተስማማ፡
ለብዙ ቀን ብዙ ዘመን
እየቀጠርሽኝ ባትመጪ
ሲያዝንብሽ ቢኖርም ሆዴ፡
ዛሬ ግን በመሪር ኃዘን
"ለምን አልመጣሽም ?" ብዬ
አልነተርክሽም ውዴ፡
ባይመችሽም ቅጠሪኝ
መንገድ ቆሞ መጠበቁ
አይቅርብኝ ይህ ልማዴ፡
ከሰርክ መቃጠሪያችን
" እንገናኝ" ብለሽ በዪኝ
ሰዓትና ቀን ቁረጪ
ደቂቃ ሰከንዱን ቆጥረሽ
እለት ቀኑን አስልተሽ
ግን ከዚያ ስፍራ እንዳትመጪ፡
ብትፈልጊ በኃያል ወበቅ
ካሰኘሽም በዶፍ ዝናብ፡
ዝም ብለሽ ቀጠሮ ስጭኝ
"ለማልመጣው ነገር" ብለሽ
እንዳይገባሽ ስጋት ሃሳብ፡
ጎህ ሲቀድ ጠዋት ማለዳ
ወይ ማታ ቅጠሪኝና
እንደምትመጪ ቃል ግቢ፡
"ቀጠሮ ላክብር" ብለሽ ግን
ከዘወትር መቃጠሪያችን
መገኘትን አታስቢ፡
እባክሽን ልለምንሽ
ልማፀንሽ ጆሮ አውሺኝ፡
ውለታ ዋይልኝና
እንዳትመጪ! ግን ቅጠሪኝ፡
ስጠብቅሽ ስትቀሪብኝ
ተደግፌው ስንሰቀሰቅ
በዝምታው ከሚያፅናናኝ፡
ወረትን ጨርሶ ባያውቅ
ጧት ማታ ስሄድ ባላጣው
ከአንቺ በእጅጉ ቢሻለኝ፡
ከሰርክ መቃጠሪያችን
ከአጥሩ ፍቅር ስለያዘኝ፡
"ግዑዝ ወደደ" ተብዬ
በለበጣ እንዳልቀጣ፡
በአንቺ እግር የተካሁትን
ግዑዙን ፍቅሬን እየሳምኩ
ጥልቅ ናፍቆቴን እንድወጣ፡
ባትመጪም ቅጠሪኝና
በሰበብሽ ከግንቡ ስር
ሃያ አራት ሰዓት ልሰጣ፡፡

@getamiyan
@getamiyan
@getamiyan

#ኤዶማዊ_ውበት

ኤዶማዊ ውበት ፍኖተ ገሞራ
እንዲህስ አላየው ውበት ከዚህ ጎራ
በአውደ ሲመቱ መርቆ ሲፈጥራት
ከስምም ስም ሰጥቶ ኢትዮጵያዊት አላት
✍ ሲራክ
@getamiyan
@getamiyan
@getamiyan

#እኔ_ልሙት_ፍቅሬ

ያኔ እንዲህ ሳንሆን ያሰርሽልኝ ማህተብ
እንኳንስ መበጠስ በወጉም አይረግብ
ያኔ ያጠለቅሽው የጣቴ ቀለበት
አይደለም ሊያወልቁት ዙረውም አላዩት
እናልሽ ፍቅሬ ሆይ ሁሉ እንደሆነ
እንደተከደነ
ቆየ ሲጠብቅሽ
ምን ታዝቦ ይሆን እኔን ያጣው ቤትሽ
እኔ ልሙትልሽ
ሁሉም እንዳለ ነው
ጀምበር መጥለቂያዋ
ፀሀይ የመውጪያዋ
አንድ ነው ጊዜያቱ
መሽቶ የመንጋቱ
ግና
የማልዋሽሽ
እኔ ልሙት ብዬ ሀቁን የማልሸሽግሽ
አለኝ አንዳች አማን እስኪ ዛሬ ላውጋሽ
መላው አካላቴ አንቺን ይመኛሉ
ሁለቱ አይኖቼ እምባ ያግታሉ
ልቤ ካንቺ ደርሶ አንቺን ይመኝሻል
ሊሄድም አስቦ ትቶ ድክም ይላል
ይኸዋ አለሜ
እግዜሩ ሲያኮርፈን
ክፉ ቀን ጣለብን
ኑሮን አጉድሎብን
አንቺን አራቀብኝ
ልብ በይ አለሜ
እንዲህ ተራርቀን ምንዘልቅ አይምሰልሽ
እንገናኛለን እኔ ልሙትልሽ
ጨክኚ ሆድ አይባስሽ
ደግሞ እወቂልኝ
ይህቺን ሀቅ ያዚልኝ
አላንቺ አልቦ ነው ድሮም የመኖሬ
ካንቺም ሌላ አላውቅ አንቺ ነሽ ሚስጥሬ
አፈቅርሻለሁኝ እኔ ልሙት ፍቅሬ
እንገናኛለን እኔ ልሙት ፍቅሬ
ስትናፍቂኝ ጊዜ ፊደሉን ደርድሬ
በአረፍት ቀምሬ
ደብዳቤ ልካለው ናፍቆቴን ቋጥሬ
ትዝታን ሰፍሬ
እኔ ልሙት ፍቅሬ
እኔም ስናፍቅሽ ፊደሉን ደርድረሽ
በአረፍት ቀምረሽ
ደብዳቤ ላኪብኝ ናፍቆትሽን ቋጥረሽ
ትዝታሽን ሰፍረሽ


✍ ሲራክ
ለአስተያየት👉 @siraaq

@getamiyan
@getamiyan
@getamiyan

ወድቆ መነሳትን
ስቆ ማስለቀስን
የሚያሳየን ጠፍቶ
የሚመራ ታቶ
በዘመን ላይ ዘመን ይኸው ተተክቶ
ትውልድም ሲወቀስ ታሪክን አስታኮ
ሁሉም ከሳሽ ሁሉም ዳኛ ሆኖ
መግባባት አልቻልንም
መስማማት እረስተን
ያም ወቃሽ ይህም ወቃሽ
ሆነን

✍ @heni

@Getamiyan
@getamiyan

.... #ፀሎት ....

ቀለም ተለውሶ ልህቅና ታልሞ
ፈተና ከጅሎ ተማሪ ቤት ከትሞ
ወደ ፈተና አታግባኝ......
ብለው ይሉት ፀሎት
በፊና መዳከር በቀን በቀን ስለት
ደጀ ሰላምክን ደጋግሞ መጎብኘት
በፈተና ቴንሽን...
ባህር ለመሻገር ወደብ የጠበቋት
አውሮፕላን ቀርታ ልብ እንደመከፋት
በበረራ ትኬት መርከብ እንደማጣት
ግራ ገብ ምኞት ነውና ጩኸቱ
ይልቅ በፈቃድህ...
የፈተናው ባህር ሆኖ ልምሻ ከንቱ
እጅና እግሮቼ ለዋና ይፈቱ።

🔈 #መልካም_ፈተና💎

✍ #አብርሀም_ተክሉ

👇👇👇👇
@Abrham_teklu
@getamiyan
@getamiyan

መስመር ተዘርግቶ
መብራቱ ከሌለ
ስልክ በእጃችን ይዘን
ሀሎ ካላስባለ
ቧንቧ ተተክሎ
ውሃ ካልቀዳነ
መብራትም የለንም
ውሃም አላየንም
ስልክ አልገባልንም
ብለን ከከሰስነ
መንግስትን ካማነ
ፍቅር የሌለው ሰው
ለምን ሰው ተባለ????


25/02/11
አቡሽ
@getamiyan
@getamiyan
@getamiyan

፡፡፡፡፡፡፡፡፡፡፡፡ #አልመጣም፡፡፡፡፡፡፡፡፡፡፡፡፡፡
✍ (አቡሽ)

በጋም ሆነ ክረምት
ቀንም ሆነ ሌሊት፤
በፈለግሽበት ቀን
በሚመችሽ ወራት፤
አገር ውስጥም ሆነ
በፈለግሽው አለም
አንቺ ካለሽበት፤
ቅጠሪኝ ግድ የለም
ከቻልኩኝ በእግሬ
አልያም በመኪና
ግፋ ቢል በመርከብ፤
አልሆን ካለኝ ደግሞ
በአየር ላይ በመብረር፤
እመጣልሻለሁ ካለሽበት ቦታ፤
አንድ ቀን ትዝ ብየሽ
የቀጠርሽኝ ለታ።
አንቺ እኔን አስበሽ
ድንገት ከፈለግሽኝ፤
አንቺ ጋ ለመምጣት
ያለኝን በሙሉ እጠቀማለሁኝ።
ገሀነም እንኳን ቢሆን
አንቺ የቀጠርሽኝ፤
በርሬ እመጣለሁ
ቁጭ ብለሽ ጠብቂኝ።
ብቻ ግን አለሜ
ገነት እንዳትቀጥሪኝ፤
እመጣለሁ የሚል
አንዲትም ቃል የለኝ።
በዘረኝነት ቋት በተሞላች አለም፣
በተንኮል ድሪቶ በተሰፋች አለም፤
ሴት ራሷን ጥላ
ጭንቅላቷን ትታ
በሰውነት ብቻ
ማሰብ በጀመረች
በዚች በእኛ አለም።
የሲኦል ደጅ እንጂ
የገነት በር የለም፤
ስለዚህ አልመጣም።

25/12/10
@Getamiyan
@getamiyan

#መሬት_ለላሜ
✍ (ልዑል ሀይሌ)

እኔም ቁማርተኛ
ሚስቴም ቁማርተኛ፤
ቤታችን ተበልተን
በረንዳ ምንተኛ፤
.
እኛ!
ላም ያለን በሰማይ
ሰማይ የታሰረች፤
እኛ መሬት አጥተን
በረት ጠይቃን ነው
ሳናያት ሳታየን እርቃን ያደረች።
.
ሰው ግን እንደያፉ
ፍርድ እያስቀመጠ፤
"ላም ያለው በሰማይ
ወተቷን የማያይ" ብሎ ይተርታል
የያዝኩትን እውነት እየገለበጠ፤
.
እንኳንስ ለበረት
ለኔም የማድርበት
ስንዝር መሬት ነጥቀው ማደርያ እያሳጡ፤
ለምን ይወቅሱኛል
የላሚቷን ወተት አልበው ስላልጠጡ?
.
የመሬቱ ጉዳይ
ከቁማርተኛ ዓመል እየተዛመደ፤
ላሜን ከሰማይ ቤት አርቆ አለመደ፤
ዛሬም እጠይቃለሁ
ጥያቄው አያልቅም ሃገር የወደደ።

@getamiyan
@getamiyan
@getamiyan

#አይን_ወዳጅ

ካላጣሽው ሥፍራ...ካልጠፋ ቀጠና
ሳሎን ግድግዳ ላይ...ድርሽ ያደራና
ሳትበይው ገደለሽ
በቤትሽ የቀና...

✍ #አብርሀም_ተክሉ

@Getamiyan
@Getamiyan

#ለዘላለም_ውብ_ነሽ

ብርትኳኑ ጉንጭሽ በፀሐይ ተጠበሰ፣
ጢስ የጠገበ አይንሽ እንባን አፈሰሰ ፡፡
ለስላሳው ጣትሽም ከድንጋይ ደረቀ፣
ብርቱ ጉልበትሽ ከአመድ ደቀቀ፡፡
ዞማ ጸጉርሽም ሞተ ኮሰመነ፣
ቁመናሽ ወዘናሽ ከላይሽ በነነ፡፡
ሴትነት የሚሉት ውበት ረገፈ፣
ያ መልካም ሴትነት በትርጉም አለፈ፡፡

የሚያምር አይንሽ ጢስን የጠገበው፣
የሚያምር ፊትሽን ፀሐይ የጠበሰው፣
ያ ውቡ ተረከዝ ሎሚ የመሰለው ፡
እግርሽ ድንዝዝ ያለው ሕዋሱ የሞተው፣
ለማንም አይደለ እማ ስለኔ ነው፡፡
የወጣት ውበትሽ በጊዜው ቢያልፍም ፣
የእናት ውበትሽ ግን ዘላለም አይጠፋም፣
ስምሽ ደስታ ነው ውብነሽ ለዘላለም፡፡

✍#አብርሃም_ደጀኔ
@getamiyan
@getamiyan
@getamiyan

#ሟች
ፍቅር በለሽ ብርርር በለሽ
ትሮጫለሽ .....ትሄጃለሽ
ስታጪ ደሞ ትመጫለሽ
ግቢ ብየ ስከፍት ደሞ
ልቤ ከቂም በቀል ሁሉ ፆሞ
ምህረት ሰጦሽ ሸንጎ ቆሞ
ወዲያው....
ወዲያው ደሞ በሟች ባህሪሽ
በሟች ሳጥን ተከፍነሽ
ልትወጂኝ 'ኔ ስወድሽ
ትመጫለሽ ወደ ቤቴ
መሆን አምሮሽ እመቤቴ
በውን አይደል በ ሞት ሞቴ።

✍@Suuraye

@geTamiyan
@getamiyan

የኤረር ሹም
◆◆◆◆◆◆◆◆©ሲራክ ◆◆◆◆◆◆◆◆◆
ሐመር ነው ፍቅራችን
ወጀብ ነው ኑሮአችን
ከዳር እያወጣ መሀል ሚመልሰን
ውቅያኖሱ እግዜር በወጉ ያልቃኘን
ፍቅር እየራበን
በወግ ያልተዳኘን
አንድነት የጠማን
ወጀብ ያንገላታን
እኛው ሀበሾች ነን
እያለን የተራብን
መውጫ ቁልፍ የጠፋን
ጦቢያ ቅድስት ሀገር
የቃልኪዳን ምድር
የድርሳናት ሰፈር
የእግዜር ጥበብ መናገሻ
እናት ሀገር ኢትዮጵያ
የእግዜር ጥበብ መፈልሰፊያ
ወጀብ አልባ ሐመር ይዘን
ለምን ይሆን ዳር የወጣን
ከኤረር ሹም የተጣላን ።
🚣🔥🚣🔥🚣💡🚣💡🚣

©ሲራክ
ተጦመረ በሲራክ
የካቲት ፪፼፲፩ አ.ም
ሚዛን ተፈሪ ኢትዮጵያ
💚💚💛💛❤❤
@siraaq_bot

@getamiyan
@getamiyan
@getamiyan

#አዳም+ክርስቶስ-ሄዋን

ያኔ አዳምን ከአፈር ስታበጀዉ
ለብቸኝነቱም ሄዋንን ስሸልመዉ
የሰዉነት ወጉ አፈርነት አልነበረም
ለካ ሰዉ ሰዉ የሚሸተዉ
እንደ ክርስቶስ በሴት ማህፀን ስታሳልፈዉ

✍Kaleab
@Getamiyan
@getamuyan
@Getamiyan

#የዘመን_ፍኖት

በሒወት ዑደት ላይ
በዘመን ፍኖት ላይ
እልፍ መቅረዝ አለ
ለኗሪ የታደለ
አንዱ የመቅረዙ ዘይት ተደፍቶበት
ሌላው ተሟጦበት
ጠብታ የ'ሚጠብቅ
ጥቂት ለብርሐን ቦረቦጭ የሚፍቅ
ለይበራልኛል ተስፋ ነገን የሚጠብቅ
ተስፋን እ'ንደ ኖታ እየቃኙ
ከልምድ ተቆራኙ
ልምድ ፈዋሽ ሜሮን
ነገሩን ተላምደን
ነፍሳችንን አደስን
በመንፈስ በረታን
የጨለማ ጨረራዊ ሞገድ
ከሰማይ ተባሮ በምድር ሲሰደድ
ከላይ ከቀላያት
የወረደች አንዲት
ገላዋ ይነዳል
ከውስጥ ደም ግባቷ ብርሐን ሲፈለፈል
መቅረዝ እሷን ሲያይ አንገዱን ይደፋል
አይ የዘመን ፍኖት
አይ የዘመን ዑደት
የልባችንን ጥም ሊ'ያረካ
ጨለማ ብርሐንን አርግዞ
ፀሐይ ወለደና ምድሪቷን አፈካ
ፅናቴ!
መንኮራኩር ቢያንኮራኩሩብኝ
(ሌላም ሌላም )
እንኳን በስጋዬ በነፍሴም ያንቺ ነኝ
ፅናትሽ!
እንዳትፈራ! ከነፍስህ አሎጣም
አንድ ነን ማንም አይለየነም
ልብሽ በልቤ ትርታ
ልቤ በልብሽ ትርታ
ይፈጠር የሒወት ቀና
ይቃኝ!
አንቺም ብርሐን ነሽ እኔም ብርሐን ነኝ

ገጣሚ ሳሙኤል የፍሬ

@Getamiyan
@getamiyan
@getamiyan

#በባዕድ_ሐገር

ቦታው ነበረ ትልቅ
ትልቅ ትልቅ በረት
እንስሳት አራዊት የሚጫወቱበት
ቦታው ነበር ፈረንጅ የሚሰማራበት
ለማየት ትንግርቱን አዳዲሱን ነገር
ትል ወፍ እባብ ሆኖ
ባራት እግሩ ሄደ::
ዝንጀሮ ላይ ሲደርስ ሰውሰው የሆነበት
ወጣቱ ስፍራውን ዞረ ባይኑ ቃኘው
ወጥመዱን ጎበኘው
ዝንጀሮ ነበረ ቁጭ ብድግ እያለ
ወደርሱ እየሮጠ መጣና ዘለለ
ሣቀ ____ተጫወተ______
ከሌሎች መርጦ አተኩሮ ሲያየው
እግዚአብሄር ይይለት
ዝንጀሮ መሰለው?
እንደሰረቀ ሰው በአደባባይ ማሕል
ነጮቹም አፍጠው ይመለከቱታል
ፍንክች ያባሻው ልጅ
ወይ ዐይኑ ሊሰበር
እሱም አተኩሮ ይመለከት ጀመር
ኣተኩረው ሲያዩት
አሳማ አይጥ መሳይ
ነብርም ድመት ነው
እባብ ዘንዶ ቢሆን፡
ፍጥረት ተመሳሳይ ምንግዜም አያጣው
ዐያቸው ነጮቹን ሁሉም አፈጠጡ
የፈሩ ይመስላል በርግገው ሲሮጡ
ልቡን ሣቅ አፈነው::
መኖር አለመኖ ር
ጉሮሮው ሲጨበጥ ምራቁ እያጠረ
ዐይኑ እንባ አቀረረ
ብስጭት አይደለም እልኩ ነበረ
እልኩን መዘነው
የርጎ ዝምብ ____የርጎ ዝምብ
የለቦታው ሔዶ ሰው የሚጋፋበት
“ባዕድ ” አለ “ባዕድ ”
ጥርስ ያልነቀለበት
እትብቱ ዘመዱ ያልተቀበረበት
ባዕድ መሬት ባዕድ
ዓይኑ ውሃ ሁኖ ቦታው ጭጋግ ለብሶ
ባሳብ እየዋኘ ሄደ ተመልሶ
አገሩ ናፈቀው
አሁን ይህን ጊዜ ዓደይ አበባ ነው
ደማቅ ሰማያዊ ወሩ መስከረም ነው
አጭር ነበር ጉዞው የሄደው ባሳቡ
ወዲያው ተመለሰ
ተመለሰ
ዓይኑ እምባ አቀረረ::

ገጣምና ሠዓሊ ገብረ ክርስቶስ ደስታ

@Getamiyan
@getamiyan

የልቤ ትርታ

እኔ ካንች ስርቅ ይሰማሻል ደስታ
ኣይኔን ካላየሽው ይጠፋል ትውስታ?
ከኔ ጋር የሆነው ይቀበራል ላፍታ
አይመስለኝም ነበር የልቤ ትርታ
እኔማ በኔ ቤት
ሃሳብ ኣስሬበት
ምኞት እንደስጋ በውኔ እያየሁት
ላገኝሽ ነው ብየ ጥዋት ካነጋሁት
ሲመሽ ገና ገባኝ ጨረቃን እንዳየሁት

ተፃፈ በከድር
የካቲት 2011

@Getamiyan
@getamiyan

በቀይ ደም
የሒወት ውኃ በልቤ ላይ ሲፈስ
፩አንዴ ደሞ
የመኖር እስትንፋስ በነፍስ ቢተነፍስ
እስከዚህ ብደርስም
ክንዶቼን ለሽንፈት በፍፁም አልሰጥም
ያልኩኝ የነበረው
ያየተስፋዬ ቃል ሞተና አረፈው
ለምን
ተስፋን የሚያስተምሩኝ ኮሳሳ ፍጥረቶች
በመንፈስ ሞቱብኝ
አንዳንዴ ደግሞ
ውኃ የረጨሽኝ ያየጥሜ ዘመን
አሁላይ ታወሰኝ በነፍስ መተዛዘን
በፍቅር መተዛዘል
በገጽ መነጣጠል
በመስመር መዋሸት
በድንበር መጋፋት
ሆነና....
ገላሽ እረከሰ
መልክሽም ፈረሰ
መሐከልሸ ገነት ዳርሽ እሣት እንዳልነበር
ባደባባይ ጥፋት ገጽሽ ጓዳ ሲቀር
ልብን እንዴት ያማል
ቁስልን እንዴት ያማል
አያልቅም ይህ ጉዞ
ከሰማይ ይረቃል ከባህር ይጠልቃል
እጠፈር ይደርሳል
ለምሳሌ
በቀይ ደሙ ያዳነውን አምላክ
በቀይ ቀለም መሳሉን አቁመናል
እንዴት ያሳዝናል
ስለዚህ በቀይ መሳልን እናልም
ቀይ አንድነትን እ'ንጂ
መናጠልን በፍጹም አይሰብክም።

✍በገጣሚ ሳሙኤል የፍሬ


@getamiyan
@getamiyan
@getamiyan

#እኔ_እወድሻለሁ
እንደ ብራና ፅሁፍ
ጥልቅ ምስጢር ይዞ
የተማሪውን አይን
ሌት ተቀን አፍዝዞ
እንደሚይዝ ቅኔ
እኔ እወድሻለሁ !
እንደ ግሩም ቃላት
እንደ ስኬታቸው
እንደመግጠማቸው
ስሜትን ሰብስበው
ቀልብን ሁሉ ስበው
ንጉስ ከዙፋኑ
እንደማውረዳቸው
ሎሌውን ከትቢያ
እንደማንሳታቸው
እኔ እወድሻለሁ!
እንደ ጥሩ መፅሃፍ
ካ‘ለም ነውጥ የሚያርቅ
ከዱኒያ ጋራ የተጣላ ነፍስን
በውል የሚያስታርቅ
ኢማን ቀሊል ውሎን
በትኖ እንደጉም
አውድና ህይወትን
መልሶ ሚገጥም
ልክ እንደዚያ ጥራዝ
ላነብሽ እሻለሁ
ስወድሽ …ስወድሽ…
ውድ እወድሻለሁ!

ገጣሚና ሰአሊ ገብረክርስቶስ ደስታ

@Getamiyan
@Getamiyan