📣 Xalqaro iqtisod va Xalqaro geografiya olimpiadalariga saralashning yakuniy bosqichiga start berildi.

Joriy yil fevral oyida o‘tkazilgan saralash bosqichi natijalariga ko‘ra fanlar kesimida har bir hududdan eng yuqori natijani qayd etgan 3 nafar jami 42 nafardan 9-11-sinf o‘quvchilari yakuniy bosqichda ishtirok etmoqda.

Iqtisod va geografiya fanlaridan o‘tkazilayotgan saralash olimpiadasi 2 bosqichda tashkil qilinadi.
Birinchi kun har ikkala fandan ochiq va yopiq tarzda tayorlangan test topshiriqlari o‘quvchilarga taqdim qilinadi. Iqtisod fani bo‘yicha 90 daqiqa vaqt ajratiladi, maksimal 50 bal bilan, geografiya fanidan 120 daqiqa vaqt ajratiladi, maksimal 70 ball bilan baholanadi.

Ikkinchi kuni iqtisod fanidan birinchi kuni eng yuqori natija qayd etgan 10 nafar o‘quvchilar hakamlar tomonidan taqdim qilingan mavzuda 45 daqiqada taqdimot tayorlash talab etiladi va bu 25 bal bilan baholanadi hamda taqdimot ballariga birinchi kunning ballari qo‘shiladi. Jami 75 bal.

Geografiya fani bo‘yicha ikkinchi kuni ishtirokchilarga 6 ta topshiriq taqdim qilinib, 90 daqiqa vaqt ajratiladi hamda maksimal 30 bal bilan baholanadi. Jami 100 bal.

Mazkur bosqich natijalariga ko‘ra, 5 nafar o‘quvchi joriy yil 22-30-iyul kunlari Xitoyda o‘tkaziladigan Xalqaro iqtisod olimpiadasiga, 4 nafar o‘quvchi 19-24-avgust kunlari Irlandiyada o‘tkaziladigan xalqaro geografiya olimpiadasida ishtirok etadi.

Eslatib o‘tamiz, geografiya fani bo‘yicha xalqaro olimpiadada O‘zbekiston terma jamoasi ilk marta qatnashadi, iqtisod fani bo‘yicha 2019-yildan buyon ishtirok etib kelmoqda.

Barcha ishtirokchilarimizga omad tilab qolamiz!

⏺ olympiad.uzedu.uz
🚀 Telegram | 🎬Youtube | 🔵Facebook | 📷Instagram

❓Oʻqituvchi navbatdagi majburiy attestatsiyada ishtirok etmasa nima boʻladi?

Hukumat qarori bilan tasdiqlangan nizomda attestatsiyada uzrli yoki uzrsiz sabablarga asosan ishtirok etmaganlik uchun koʻriladigan choralar belgilab qoʻyilgan.

✅ Pedagoglar attestatsiyada uzrli sababga (vaqtincha mehnatga qobiliyatsizligi, davlat yoki jamoat vazifalarini bajarganligi, respublika va xalqaro musobaqalarda ishtirok etganligi, vaqtincha xorijiy mamlakatda safarda boʻlganligi, yaqin qarindoshining vafoti, vakolatli davlat organi yoki taʼlim tashkilotlari rahbarlarining maʼlumotnomasida koʻrsatilgan boshqa asoslarga) koʻra kelmagan boʻlsa, ularning attestatsiyasi boshqa muddatga koʻchiriladi.

Pedagog kadr uzrsiz sababga koʻra navbatdagi majburiy attestatsiyada ishtirok etmagan boʻlsa, u attestatsiyadan oʻtmagan hisoblanadi hamda uning tegishli malaka toifasi (lavozimi) bir pogʻona tushiriladi.

❗️Uzrsiz sababga koʻra attestatsiyada ishtirok etmagan mutaxassis (oliy maʼlumotli oʻqituvchi) lavozimidagi pedagog kadr attestatsiyadan oʻtmagan hisoblanadi hamda ish beruvchi xodimning malakasi yetarli boʻlmaganligi sababli u bilan tuzilgan mehnat shartnomasini mehnat toʻgʻrisidagi qonunchilik hujjatlarida belgilangan tartibda bekor qilish huquqiga ega.

✅ O‘z xohishiga ko‘ra navbatdan tashqari attestatsiyada qatnashib, attestatsiyadan o‘ta olmagan pedagog kadrlarning malaka toifasi (lavozimi) tushirilmaydi hamda ularga navbatdan tashqari attestatsiyada qatnashishdan oldin amalda bo‘lgan malaka toifasi (lavozimi) bo‘yicha haq to‘lanadi.

✅Ta’lim nazorati rasmiy kanali

#Xushxabar

⚡️Oʻzbekiston Respublikasi Bosh vazirining topshirigʻi bilan:

Umumtaʼlim muassasalarida “Tabiiy fan (science)“, “Tarbiya” va “Informatika va axborot texnologiyalari” fanlarini boshlangʻich sinflarda “Boshlangʻich taʼlim” oʻqituvchilari, “Tabiiy fan (science)“ni 5-6-sinflarda esa “Geografiya”, “Biologiya” va “Fizika” oʻqituvchilari, 5-11-sinflarda “Tarbiya” fanini, Tarix, Milliy istiqlol gʻoyasi va huquq mutaxassisligiga ega fan oʻqituvchilari dars oʻtishlariga:

“Tabiiy fan (science)“ va “Tarbiya” fanidan dars berayotgan boshlangʻich taʼlim, shuningdek, fizika, geografiya, biologiya, tarix, davlat va huquq asoslari fanidan amaldagi malaka toifalariga mos ravishda haq toʻlanishiga rozilik berildi.

Vazirlar Mahkamasining 2022-yil 2-avgustdagi 425-son qarori bilan belgilangan, oliy malaka toifa (bosh oʻqituvchi lavozimi)ga ega boʻlganidan soʻng oliy malaka toifani 15-yil davomida saqlab kelgan va uzluksiz ish stajiga ega boʻlgan pedagog kadrlar navbatdagi majburiy attestatsiyaga jalb etilmaslik tartibi 2022-yil 2-avgustga qadar 15 yillik uzluksiz ish stajiga hamda oliy malaka toifaga ega (bunda oliy toifaga ega boʻlganlik davri muhim emas) boʼlgan pedagoglarga nisbatan tatbiq etilmaydi.

Vazirlar Mahkamasining “Xorijiy tillarni oʻrganishni ommalashtirishni samarali tashkil etish chora-tadbirlari toʻgʻrisida” 2021-yil 19-maydagi 312-son qarorining 9-bandida keltirilgan talablar ikkinchi xorijiy til pedagoglarga nisbatan tatbiq etilmasligi belgilandi.

✅Ta’lim nazorati rasmiy kanali