❕❗️#Биласизми❗️❕

Тошкентнинг 12 дарвозаси номлари:

Самарқанд, Бешёғоч, Кўкча, Чиғатой, Сағбон, Лабзак, Тахтапул, Қорасарой, Камолон, Қўймас, Қўқон, Қашқар.

Kanalga ulanish👇
📮@geografiya_JDPI

#Юридик_клиника

Тест натижалари бўйича аппеляция бериш тартиби

Қонунчиликка кўра, тест синовлари натижасидан норози бўлган абитуриентлар 21 августдан 30 августгача (белгиланган иш вақтига мувофиқ) бўлган муддатда апелляция комиссиясига ёзма ёки электрон шаклда апелляция шикоятини бериш ҳуқуқига эга.

Шундан сўнг абитуриентга хабарнома юборилиши, бунда у хабарномада белгиланган кунда паспорти ва абитуриент рухсатномаси билан келиши шарт.

Шикоят апелляция комиссияси томонидан абитуриент иштирокида, унинг ёзма жавоблари асосида кўриб чиқилади.

Абитуриентга жавоблар варақаси нусхаси, тест топшириқлари нотўғри бажарилган жавоблар рўйхати ҳамда тест синовларида берилган тест топшириқлари китоби берилади.

Тақдим этилган ҳужжатлар асосида абитуриент ҳар бир нотўғри тест топшириғига жавобларини ёзма равишда баён қилади.

Комиссия апелляция шикоятини қаноатлантириш ёки қаноатлантиришни рад этиш тўғрисида қарор қабул қилади ҳамда абитуриент мурожаат қилганда унга ушбу қарордан кўчирма берилади.

👉 @geografiya_JDPI 👈

#Биласизми

Дунёдаги энг хавфли аэропорт 🛫 Бутандаги Раго аэропорти. 2 км баландликда курилган учиш куниш йулаги баланд тоглар орасида жойлашган. Аэропортга куниш учун бир бирига якин жойлашган чуккилар орасидан учиб утиш керак. Бутун дунё буйича факат 8 та учувчи 👨‍🚀 бу аэропортга куниш учун сертификатга эга.

👉 @geografiya_JDPI 👈

​#Биласизми

30-йилларда АҚШ да содир бўлган Буюк Депрессия ҳақида юқоридаги постлардан бирида тўхталган эдик. Аҳоли оч ва қашшоқ бўлган, ишсизлик даражаси ошиб кетган...

Ўша пайтларда кўплаб уй бекалари томонидан деярли чиқитга чиқариладиган ун қопларига талаб бирданига ошиб кетади. Бунга сабаб эса ўз фарзандларига кийим тикишда оналар айнан шу қоплардан фойдаланаётгани эди. Бундан хабар топган қоп ишлаб чиқарувчи фирмалар, оналарга қулайлик яратиш мақсадида қопларни янада сифатли ва турли расмлар ва нақшлар босиб, турлича ранглар бериб ишлаб чиқаришни бошлайди.

👉 @geografiya_JDPI 👈

​#Биласизми

2018-йил ҳолатига кўра таннархи энг арзон бўлган энергия манбаси сифатида экологик жиҳатдан хавфсиз бўлган қуёш ва шамол энергияси биринчи ўринга чиқиб олибди. Ҳатто газ ва кўмирдан ҳам арзон. Энг қиммати эса ядро реактори орқали олинадиган энергия. Экологик жиҳатдан хавфли бўлган ядро энергияси яқин-яқингача энг арзон манбалардан бири ҳисобланарди.

👉 @geografiya_JDPI 👈

#Биласизми

Ер юзида 🌏 бугун аҳолиси 100.000 кишидан ошиқ бўлган 4 мингдан ошиқроқ шаҳар бор экан.
Мен кўпроқ деб ўйлар эканман. Начора, статистика шунақа экан.

👉 @geografiya_JDPI 👈

#Биласизми

НОСТРИФИКАЦИЯ ҚИЛИШ ТАРТИБИНИ БИЛАСИЗМИ?

Қонунчиликка кўра хорижий давлатда олий таълим олганлик тўғрисидаги ҳужжатларни тан олиш Таълим сифатини назорат қилиш давлат инспекцияси томонидан амалга оширилади.

Талабгор Давлат хизматлари марказлари ёки Ягона интерактив давлат хизматлари портали орқали мурожаат қилиши мумкин.

Бунда 669 000 сўм миқдорида йиғим ундирилади.

Ҳужжатлар Эксперт комиссияси томонидан кўриб чиқилиб ижобий ёки салбий хулоса берилади.

Ижобий хулоса берилган талабгор таълим олган таълим йўналишлари ва мутахассисликлари бўйича тест синови топширади.

Тест натижалари бўйича минимал балл (55 балл ва ундан юқори) олган талабгорнинг таълим тўғрисидаги ҳужжатлари тан олинади (нострификация қилинади).

👉 @geografiya_JDPI 👈

#Биласизми
Қонунчиликка кўра, кундузги таълим шаклида таҳсил олаётган талабаларга ўқишдан бўш вақтларида (куннинг иккинчи ярмида) меҳнат шартномаси бўйича олий таълим муассасасида ёки бошқа ташкилотларда ишлашга рухсат берилади.

Manba: Huquqiy axborot telegram kanali

👉 @geografiya_JDPI 👈

#Биласизми

18 ноябрь – “Ўзбекистон Республикасининг Давлат байроғи тўғрисида”ги Қонун қабул қилинган кун.

Давлат байроғи Ўзбекистон давлат суверенитетининг рамзидир.

Давлат байроғи ва унинг тасвири катта-кичиклигидан қатъий назар, ҳамма вақт мазкур Қонунда белгиланган рангли ва схематик тасвирга аниқ мос бўлиши керак.

Ўзбекистон фуқаролари, шунингдек Ўзбекистонда турган бошқа шахслар Давлат байроғини ҳурмат қилишлари шарт.

Жиноят кодексига асосан, Ўзбекистон ёки Қорақалпоғистоннинг Давлат байроғига ҳурматсизлик қилиш 5 575 000 сўмгача миқдорда жарима ёки 360 соатгача мажбурий жамоат ишлари ёхуд 3 йилгача ахлоқ тузатиш ишлари билан жазоланади.

Маъмурий жавобгарлик тўғрисидаги кодексга асосан эса, Ўзбекистон ёки Қорақалпоғистоннинг Давлат байроғи тўғрисидаги қонун ҳужжатларини бузиш тегишли маъмурий жавобгарликка сабаб бўлади.

Manba: Huquqiy axborot telegram kanali

👉 @geografiya_JDPI 👈

#Биласизми
🇺🇿 Ўзбекистон Республикаси Конституциясига ҳозирги кунга қадар 14 марта ўзгартириш ва қўшимчалар киритилган:

👉 1993 йил 28 декабрда қабул қилинган Қонун билан Конституциянинг 77-моддаси 1-қисмидаги “150 нафар депутатдан” деган сўзлар “депутатлардан” деган сўз билан алмаштирилди;

👉 2002 йил 27 январда ўтказилган умумхалқ референдуми натижаларига кўра ҳамда унинг асосида 2003 йил 24 апрелда қабул қилинган Қонунига мувофиқ, Конституциянинг XVIII, XIX, XX, XXIII бобларига ўзгартишлар ва қўшимчалар киритилган;

👉 2007 йил 11 апрелдаги Қонун билан Конституциянинг 89-моддасига, 93- моддасининг 15-бандига, 102-моддасининг иккинчи қисмига тузатишлар киритилган;

👉 2008 йил 25 декабрда қабул қилинган Қонун билан Конституциянинг 77-моддаси биринчи қисмига ўзгартиш киритилган;

👉 2011 йил 18 апрелда қабул қилинган Қонун билан Конституциясининг 78, 80, 93, 96 ва 98-моддаларига ўзгартиш ва қўшимчалар киритилган;

👉 2011 йил 12 декабрда қабул қилинган Қонун билан Конституциянинг 90-моддаси иккинчи қисмига тузатиш киритилган;

👉 2014 йил 16 апрелда қабул қилинган Қонун билан Конституциянинг 32, 78. 93, 98, 103 ва 117-моддаларига ўзгартиш ва қўшимчалар киритилган;

👉 2017 йил 6 апрелда қабул қилинган Қонун билан Конституциянинг 80, 81, 83, 93, 107, 110 ва 111-моддаларига ўзгартиш ва қўшимчалар киритилган;

👉 2017 йил 31 майда қабул қилинган Қонун билан Конституциянинг 80, 93, 108, ва 109-моддаларига ўзгартиш ва қўшимчалар киритилган;

👉 2017 йил 29 августда қабул қилинган Қонун билан Конституциянинг 99 ва 102-моддаларига ўзгартиш ва қўшимчалар киритилган;

👉 2018 йил 15 октябрда қабул қилинган Қонун билан 105-модданинг биринчи қисмидаги “икки ярим йил муддатга раисни (оқсоқолни) ва унинг маслаҳатчиларини” деган сўзлар “раисни (оқсоқолни)” деган сўзлар билан алмаштирилган;

👉 2019 йил 18 февралда қабул қилинган Қонун билан 80 ва 93-моддалардаги “Миллий” деган сўз “Давлат” деган сўз билан алмаштирилган;

👉 2019 йил 5 мартда қабул қилинган Қонунга асосан 79, 93 ва 98-моддаларга ўзгартиришлар киритилган;

👉 2019 йил 4 сентябрда қабул қилинган Қонунга асосан сайлов тўғрисидаги қонун ҳужжатлари такомиллаштирилиши муносабати билан 96 ва 117-моддаларга ўзгартиришлар киритилди.

👉 @geografiya_JDPI 👈