‼️‼️‼️ Դատախազը Մարտի 1-ի գործով մեղադրյալ՝ ոստիկանության նախկին պետի վերաբերյալ քրեական վարույթը վերադարձրել է նախաքննական մարմին՝ մեղադրական եզրակացությամբ ավարտելու համար:

🇦🇲🇦🇲🇦🇲 Դատախազական ներգործության արդյունքում՝ Հայաստանի Հանրապետության տիրապետմանն է վերադարձվել Սևանի ափամերձ տարածքում գտնվող 2.5 հա մակերեսով հողատարածք:

Մասնավորապես՝ 2026 թվականի հուլիսի 10-ին ուժը կորցրած է ճանաչվել Կոտայքի նախկին մարզպետ Կարապետ Գուլոյանի վարձակալության իրավունքի պետական գրանցումը: Շուկայականին մոտարկված կադաստրային արժեքը կազմում է 12 միլիոն 870 հազար դրամ։

‼️‼️‼️Նշված տարածքում այլ անձանց կողմից արձանագրվել են հողազավթման դեպքեր: Ներկայում Դատախազությունը, համագործակցելով իրավասու պետական մարմինների հետ, հողն ապօրինի զավթումից ազատելու ուղղությամբ աշխատանքներ է իրականացնում:

🇦🇲🇦🇲🇦🇲 «Լուրեր»-ի անդրադարձը՝ դատախազական ներգործության արդյունքում Հայաստանի Հանրապետության տիրապետմանը վերադարձված՝ Սևանի ափամերձ տարածքում գտնվող 2.5 հա մակերեսով հողատարածքին:

🇦🇲🇦🇲🇦🇲Գոռ Վլադիմիրի Վարդանյանից (մեղադրանքը՝ մարդու թրաֆիքինգը կամ շահագործումը) հօգուտ Հայաստանի Հանրապետության կբռնագանձվի 4 տրանսպորտային միջոց և 128 միլիոն դրամ. Հակակոռուպցիոն դատարանը 2026 թվականի հուլիսի 10-ին մասնակի բավարարել է Գլխավոր դատախազության՝ ապօրինի ծագում ունեցող գույքի բռնագանձման հայցը:

🇦🇲🇦🇲🇦🇲 «Արարատցեմենտ»-ը հանձնվել է Հայաստանի Հանրապետության կառավարմանը

Ապօրինի ծագում ունեցող գույքի բռնագանձման վարույթի շրջանակում, Գլխավոր դատախազության միջնորդության հիման վրա, «Արարատցեմենտ» ՓԲ ընկերությունը Հակակոռուպցիոն դատարանի որոշմամբ հանձնվել է Հայաստանի Հանրապետության կառավարմանն ու պահպանմանը:

Որոշումն ընդունվել է ապօրինի ծագում ունեցող գույքի բռնագանձման գործի շրջանակում, որը հարուցվել է Գագիկ Ծառուկյանի և նրան փոխկապակցված անձանց դեմ։

Հիշեցնենք, որ նույն հայցով Դատախազությունը պահանջում է հօգուտ Հայաստանի Հանրապետության բռնագանձել նաև 75 անշարժ գույք, 42 տրանսպորտային միջոց, 38 ընկերություններում մասնակցություն, ինչպես նաև շուրջ 106 միլիարդ դրամի ապօրինի ծագում ունեցող գույք և միջոցներ։

‼️‼️‼️ Դատախազությունը, պետական (համայնքային) շահերի պաշտպանության լիազորության շրջանակում ուսումնասիրելով «Արարատցեմենտ» ՓԲ ընկերության կողմից իրականացվող հանքարդյունահանման գործընթացը, հայտնաբերել է մի շարք խախտումներ:

Մասնավորապես.
✔️«Արարատցեմենտ» ՓԲ ընկերությունը 2008 թվականից սկսած՝ տրավերտինի և կավի արդյունահանման նպատակով Լիազոր մարմնից ստացել է ընդերքօգտագործման թույլտվություն, որի կոորդինատներում ընդգրկվել են Արարատի մարզի համայնքներում գտնվող տարբեր նպատակային նշանակության հողամասեր:
✔️ Այնուհետև Ընկերությունը, տարեկան վարձավճարները և գույքահարկի գծով պարտավորությունները չկատարելու նպատակով, խախտելով ՀՀ օրենսդրության պահանջները, իրականացրել է ապօրինի ընդերքօգտագործում:
✅ Դատախազը, հայտնաբերելով առերևույթ հանցանքի հատկանիշներ, 2026 թվականի հուլիսի 16-ին հաղորդում է ներկայացրել իրավասու քննչական մարմին:

✅ Դատախազների միջազգային ասոցիացիայի 2026 թվականի հուլիսյան մասնագիտական պարբերականում (IAP News, №101) հրապարակվել է Հայաստանի Հանրապետության գլխավոր դատախազ Աննա Վարդապետյանի հեղինակած «Հայաստանում ընտանեկան և կենցաղային բռնության գործերով քննության մարտավարության առանձնահատկությունները» խորագրով հոդվածը։

✅ Դատախազը 2026 թվականի հուլիսի 16-ին, հաստատված մեղադրական եզրակացությամբ, Հակակոռուպցիոն դատարան է հանձնել ներկայում Նոյեմբերյան համայնքի ղեկավար, 2005-2021 թվականներին Կողբ համայնքի ղեկավարի պաշտոնը զբաղեցրած Ա.Ա.-ի վերաբերյալ քրեական վարույթի նյութերը:

🇦🇲🇦🇲🇦🇲 Դատախազական ներգործության արդյունքում՝ Արարատ համայնքի տիրապետմանն է վերադարձվել քաղաքային զբոսայգում գտնվող՝ 630 քմ մակերեսով, 1 միլիոն 182 հազար դրամ շուկայականին մոտարկված կադաստրային արժեքով ևս 1 հողատարածք:

Գլխավոր դատախազ Աննա Վարդապետյանն այցելել է դատախազական ներգործության արդյունքում Իջևան համայնքին վերադարձված քաղաքային զբոսայգի, որից հետո աշխատանքային քննարկում է անցկացրել Տավուշի մարզի դատախազությունում:

Ապօրինի վաճառվել է Գյումրու «Սև բերդ» ամրոցը. ՀՀ երրորդ նախագահ Սերժ Սարգսյանին մեղադրանք է առաջադրվել. դատախազը քրեական վարույթի նյութերը՝ հաստատված մեղադրական եզրակացությամբ, հանձնել է դատարան:

‼️‼️‼️ Դատախազը դատարան է հանձնել ԱԺ ընտրությունների ընթացքում ընտրակաշառք տալու նախապատրաստություն կատարած՝ «Ուժեղ Հայաստան» կուսակցությունների դաշինքի պատգամավորի թեկնածու Դ.Ղ.-ի վերաբերյալ քրեական վարույթի նյութերը:

‼️‼️‼️ Դատախազը դատարան է հանձնել Երևանում հատուկ պահպանվող կանաչ տարածքների օտարման գործընթացում պաշտոնեական լիազորությունները չարաշահելու համար մեղադրվող Կ.Ա.-ի վերաբերյալ քրեական վարույթի նյութերը:

🇦🇲🇦🇲🇦🇲 Դատախազական ներգործության արդյունքում՝ Սիսիան համայնքի «Մայիսի 28» զբոսայգում գտնվող՝ 0,0451 հա մակերեսով հողամասը վերադարձվել է համայնքի տիրապետմանը:

Այսպիսով, մինչ այսօր դատախազական ներգործության արդյունքում՝ Սիսիան համայնքի տիրապետմանն են վերադարձվել «Մայիսի 28» զբոսայգու տարածքում գտնվող՝
✅ 0,0451 հա մակերեսով հողամասը,
✅ 0,08 հա մակերեսով հողամասը,
✅ 0,02 հա մակերեսով հողամասը,
✅ 0,0402 հա մակերեսով հողամասը,
✅ 0,13 հա մակերեսով հողամասը:

‼️‼️‼️ Դատախազը դատարան է հանձնել ԱԺ ընտրությունների ընթացքում «Միասնության թևեր» կուսակցության օգտին քվեարկելու պայմանով ընտրակաշառք տալու և ընտրակաշառք ստանալու վերաբերյալ քրեական վարույթի նյութերը:

🇦🇲🇦🇲🇦🇲 Գլխավոր դատախազության միջնորդագրի հիման վրա՝ դադարեցվել է Սևանա լճի 1215 քմ մակերեսով տարածքի կառուցապատման իրավունքի պետական գրանցումը:

🇦🇲🇦🇲🇦🇲 Գլխավոր դատախազության միջնորդագրի հիման վրա՝ դադարեցվել է Սևանա լճի 3000 քմ մակերեսով հողամասի կառուցապատման իրավունքի պետական գրանցումը:

🇦🇲🇦🇲🇦🇲 Գլխավոր դատախազության միջնորդագրի հիման վրա՝ դադարեցվել է Սևանա լճի 3400 քմ մակերեսով հողամասի կառուցապատման իրավունքի պետական գրանցումը. հողամասը վերադարձվել է Հայաստանի Հանրապետության տիրապետմանը:

🇦🇲🇦🇲🇦🇲 Հօգուտ Հայաստանի Հանրապետության կբռնագանձվի 1 միլիարդ 150 միլիոն դրամ. Դատախազության հայցը բավարարվել է:

«Արարատցեմենտ» ընկերությունը, որի բաժնետոմսերի արժեքը ավելի քան 3 մլրդ 317 մլն դրամ է (ավելի քան 9 մլն դոլար), ըստ Դատախազության՝ դեռ 23 տարի առաջ ապօրինի ճանապարհով անցել է Գագիկ Ծառուկյանի կառավարմանը՝ ընդամենը 200.000 դոլարով: Ապօրինի ծագում ունեցող գույքի բռնագանձման վարույթի շրջանակում, Գլխավոր դատախազության միջնորդության հիման վրա, ընկերությունը Հակակոռուպցիոն դատարանի որոշմամբ այժմ հանձնված է Հայաստանի Հանրապետության կառավարմանն ու պահպանմանը:

✅ Դատախազությունը պետական շահերի պաշտպանության շրջանակում համայնքներին է վերադարձնում հանրային բարիքը՝ տարիներ առաջ ապօրինի մասնավորեցված այգիները, պուրակները, զբոսայգիներն ու անտառային տարածքները:

✔️ Տարիներ շարունակ համայնքային բազմաթիվ այգիներ, զբոսայգիներ, պուրակներ ու անտառային տարածքներ օրենքի խախտմամբ տարբեր եղանակներով մասնավորեցվել են, որի հետևանքով նախկինում քաղաքացիներին հասանելի կանաչ գոտիները դարձել են մասնավոր տարածքներ՝ խախտելով քաղաքացիների՝ բարենպաստ շրջակա միջավայրում ապրելու իրավունքը: Հայաստանի Հանրապետության դատախազությունը, պետական և համայնքային շահերի պաշտպանության իր սահմանադրական լիազորությունների շրջանակում, վերջին 4 տարիներին հետևողական աշխատանք է տանում այդ տարածքները համայնքներին վերադարձնելու ուղղությամբ։
✅Դատախազության՝ հանրային բարիքը հանրությանը վերադարձնելու աշխատանքների նպատակը միայն իրավական արդարության վերականգնումը չէ։ Այն նաև հանրային տարածքների նկատմամբ յուրաքանչյուր քաղաքացու իրավունքի վերականգնումն է: