🇦🇲🇦🇲🇦🇲 Հօգուտ Հայաստանի Հանրապետության կբռնագանձվի շուրջ 131 միլիոն դրամ. Դատախազության՝ պետշահերի պաշտպանության հայցը բավարարվել է

📌Վճռով անվավեր է ճանաչվել 2005 թվականի ապրիլի 26-ին Հայաստանի Հանրապետության անունից Հայաստանի Հանրապետության պաշտպանության նախարար Սերժ Սարգսյանի լիազորված անձի և «Արարատ Մոթորս» ՍՊ ընկերության միջև կնքված՝ Երևան քաղաքի Մալաթիա-Սեբաստիա համայնքի Ծովակալ Իսակովի 16/4 հասցեում գտնվող՝ 0.40935 հա մակերեսով հողամասի առուվաճառքի պայմանագիրը:

🇦🇲🇦🇲🇦🇲Պետշահերի պաշտպանության շրջանակում՝ Հայաստանի Հանրապետությանը վերադարձվեց Երևան քաղաքի Կենտրոն վարչական շրջանի Աղայան փողոցում գտնվող 2 անշարժ գույք:

📌 Դատախազներն ընտրական հանցագործությունների վերաբերյալ 13 քրեական վարույթ՝ 40 անձի վերաբերյալ, հանձնել են դատարան:

‼️‼️‼️ Դատախազությունը, պետշահերի լիազորության շրջանակում, ուսումնասիրել է 2002 թվականին օտարված՝ «Արարատցեմենտ» ընկերության մասնավորեցման գործընթացը:

📌 Օտարման գործընթացում հայտնաբերված խախտումների հիմքով՝ Դատախազությունը հայցադիմում է ներկայացրել Վարչական դատարան՝ ՀՀ կառավարության 2002 թվականի որոշումն առ ոչինչ ճանաչելու և հետևանքները վերացնելու պահանջով։

‼️‼️‼️ Դատախազն իր նախաձեռնությամբ 2026 թվականի հունիսի 5-ին, 2008 թվականի մարտի 1-2-ին Երևան քաղաքում տեղի ունեցած իրադարձությունների վերաբերյալ նախաձեռնված քրեական վարույթի շրջանակում, հանրային քրեական հետապնդում է հարուցել 2004 թվականի նոյեմբերի 8-ից մինչև 2016 թվականի փետրվարի 11-ը ՀՀ Կառավարությանն առընթեր Ազգային անվտանգության ծառայության տնօրենի պաշտոնը զբաղեցրած Գ.Հ.-ի նկատմամբ՝ պաշտոնեական կեղծիք կատարելու, ինչպես նաև ենթակա աշխատակիցների կողմից պաշտոնեական կեղծիք կատարելը կազմակերպելու համար:

‼️‼️‼️ Արմավիրի մարզի Նորակերտ համայնքի նախկին ղեկավարը համայնքից հափշտակել է շուրջ 40 անշարժ և շարժական գույք, կատարել է փողերի լվացում. դատախազը գործը հանձնել է դատարան:

Համայնքի նախկին ղեկավար Շ.Կ.-ն համայնքից հափշտակել է՝

🔴Համայնքապետարանի նախկին վարչական շենքը և դրան կից հողատարածքը,
🔴Ամբուլատորիայի նախկին շենքը և դրան կից հողատարածքը,
🔴0,43 հա մակերեսով գյուղատնտեսական նշանակության վարելահողը,
🔴260 քմ մակերեսով բնակավայրի նշանակության հողատարածքը,
🔴0,02 հա մակերեսով հասարակական կառուցապատման նշանակության հողամասը,
🔴0,78 հա մակերեսով գյուղատնտեսական նշանակության վարելահողը,
🔴0,4 հա մակերեսով գյուղատնտեսական նշանակության վարելահողը,
🔴33 հա մակերեսով հողամասը,
🔴5,5 հա մակերեսով գյուղատնտեսական նշանակության վարելահողը,
🔴0,6 հա մակերեսով արոտավայրը,
🔴8,11 հա մակերեսով վարելահողը,
🔴60,9 հա մակերեսով արոտավայրը,
🔴5,4 հա մակերեսով վարելահողը,
🔴1,7 հա և 2,7 հա մակերեսով վարելահողերը,
🔴7,2 հա մակերեսով վարելահողը,
🔴0,22 հա և 0,195 հա մակերեսով արոտավայրերը,
🔴0,1 հա և 0,15 հա մակերեսով հողամասերը,
🔴3,7 հա և 0,23 հա մակերեսով հողամասը,
🔴4,2 հա մակերեսով արոտավայրը,
🔴0,3185 հա մակերեսով գյուղատնտեսական նշանակության վարելահողը,
🔴1,18 հա մակերեսով գյուղատնտեսական նշանակության հողամասը,
🔴0,64 հա մակերեսով գյուղատնտեսական նշանակության հողամասը,
🔴2,44 հա մակերեսով գյուղատնտեսական նշանակության հողամասը,
🔴0,51 հա մակերեսով վարելահողը,
🔴0,95 հա մակերեսով հողամասը,
🔴0,36 հա մակերեսով վարելահողը,
🔴0,36 հա մակերեսով վարելահողը,
🔴0,3187 հա մակերեսով արոտավայրը,
🔴0,1 հա մակերեսով վարելահողը,
🔴Համայնքին Պաշտպանության նախարարության կողմից նվիրատվությամբ տրամադրված և որպես Նորակերտ համայնքի սեփականություն հաշվառված «ԳԱԶ 66» մակնիշի ավտոմեքենան,
🔴«Նորակերտի բժշկական ամբուլատորիա» ՀՈԱԿ-ին հանձնված՝ «ՎԱԶ 21214» մակնիշի ավտոմեքենան,
🔴Համայնքապետարանի հաշվեկշռում հաշվառված «Toyota Land Cruiser» մակնիշի ծառայողական ավտոմեքենան:

🇦🇲🇦🇲🇦🇲Հրազդանի նախկին քաղաքապետ Արամ Դանիելյանից հօգուտ ՀՀ-ի կբռնագանձվեն անշարժ և շարժական գույքեր, դրամական միջոցներ. Դատախազության՝ ապօրինի գույքի բռնագանձման հայցը բավարարվել է:

Վճռով հօգուտ Հայաստանի Հանրապետության ենթակա է բռնագանձման.

✅Երևան քաղաքում գտնվում 2 բնակարան:
✅Երևան քաղաքի Կենտրոն վարչական շրջանում գտնվող բնակելի տան 80%-ը:
✅Կոտայքի մարզի Մեղրաձոր համայնքի Աղավնաձոր գյուղում գտնվող 2 հողամաս:
✅Կոտայքի մարզի Հրազդան քաղաքում գտնվող բնակելի տան 10%-ը:
✅Կոտայքի մարզի Հրազդան քաղաքում գտնվող բնակելի տան 81%-ը:
✅Կոտայքի մարզի Աղավնաձոր գյուղում գտնվող 1 անշարժ գույքի 82%-ը:
✅Ավտոմեքենաների տեխզննում իրականացնող ընկերության 50% մասնակցությունը:
✅«RANGE ROVER SPORT SC 4.2» մակնիշի և «MERCEDES-BENZ S550» մակնիշի տրանսպորտային միջոցները:
✅Երկու անշարժ գույքի և մեկ տրանսպորտային միջոցի բռնագանձման անհնարինությամբ պայմանավորված դրանց արժեքը՝ 25 միլիոն 18 հազար դրամ:
✅85 միլիոն 430 հազար դրամ:

🇦🇲🇦🇲🇦🇲Հայաստանի Հանրապետությանը կվերադարձվի Երևան քաղաքում գտնվող՝ 12 հազար 860 քմ մակերեսով հողամասը. Դատախազության՝ պետշահերի հերթական հայցը բավարարվել է:

‼️‼️‼️ Հայաստանի Հանրապետության դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ:

📌 Մասնավորապես՝ Քրեական օրենսգրքի 462-րդ հոդվածի 1-ին մասով քրեական պատասխանատվություն է նախատեսված հայտարարված վարժական հավաքից խուսափելու համար, եթե այն, ի թիվս այլնի, դրսևորվել է անձի կողմից իր հաշվառման վայրի զինվորական կոմիսարիատ ներկայանալու պարտականության խախտմամբ: Այս արարքի համար որպես պատիժ նախատեսված է նաև ազատազրկում՝ 1-3 տարի ժամկետով:

✅Ըստ Դատախազությունում ստացված և մշակված տվյալների՝ 2026 թվականի փետրվարի 7-ից՝ Ազգային ժողովի հերթական ընտրությունների գործընթացի մեկնարկից մինչև այսօր՝ 13:00-ն, ընդհանուր ստացվել է ընտրական գործընթացին խոչընդոտող առերևույթ հանցանքների վերաբերյալ 293 հաղորդում:

✔️293 հաղորդումներից 174-ով նախաձեռնվել է քրեական վարույթ:
✔️297 անձի նկատմամբ հարուցվել է հանրային քրեական հետապնդում:
✔️14 քրեական վարույթ՝ 42 անձի վերաբերյալ, հաստատված մեղադրական եզրակացությամբ, հանձնվել է իրավասու դատարան:
✔️Պատգամավորի 12 թեկնածուների վերաբերյալ Կենտրոնական ընտրական հանձնաժողով են ներկայացվել քրեական հետապնդում հարուցելու և ազատությունից զրկելու համաձայնություն ստանալու վերաբերյալ միջնորդություններ, որոնցից 11-ի վերաբերյալ միջնորդությունները բավարարվել են, 1 անձի վերաբերյալ միջնորդությունը կքննարկվի առաջիկայում:

ℹ️ Տեղեկատվություն՝ 2026 թվականի փետրվարի 7-ից մինչև 2026 թվականի հունիսի 7-ը՝ ժամը 24:00-ի դրությամբ ընտրական հանցագործություններով ստացված դիմումների, հաղորդումների և արդյունքների վերաբերյալ:

‼️‼️‼️ Դատախազը հանրային քրեական հետապնդում է հարուցել Կոտայքի նախկին մարզպետ Կ.Գ.-ի նկատմամբ՝ արգելանքի տակ գտնվող գույքը վնասելու համար:

📌Նախաձեռնված քրեական վարույթով պարզվել է, որ Կ.Գ.-ն տեղեկացված է եղել, որ ապօրինի ծագում ունեցող գույքի բռնագանձման գործով Հակակոռուպցիոն դատարանի կողմից կիրառվել է հայցի նախնական ապահովման միջոց՝ արգելանք, դատարանի կողմից արգելվել է գույքի տնօրինման հետ կապված գործողություն կատարելը, սակայն կազմակերպել է վերոնշյալ բնակելի տան արտաքին և ներքին, ինչպես նաև նկուղային պատերի վնասումը: Մասնավորապես՝ կազմակերպել է բնակելի տան արտաքին և ներքին պատերի երեսպատված սալիկների ապամոնտաժումը, դռների ու պատուհանների տեղահանումը և այլն:

🇦🇲🇦🇲🇦🇲 Հայաստանի Հանրապետությանը կվերադարձվի Գեղարքունիքի մարզի Մարտունի համայնքի «Մուշ» կինոթատրոնի շենքը. Դատախազության՝ պետշահերի հերթական հայցը բավարարվել է:

Դատախազությունում ստացված տվյալների համաձայն՝ օտարման գործընթացում հաշվի չի առնվել նաև այն հանգամանքը, որ 2005 թվականի դեկտեմբերի 2-ին Մարտունու քաղաքապետը, քաղաքի բնակչության պահանջով, համայնքի ավագանու անդամների անունից դիմել էր այդ ժամանակ գործող ՀՀ վարչապետին՝ խնդրելով քաղաքի միակ կինոթատրոնի շենքը հանձնել համայնքին՝ մշակութային կյանքն ու երիտասարդության ժամանցը պատշաճ կազմակերպելու նպատակով։

Նշենք, որ, ի թիվս այլ խախտումների, 2006 թվականին գույքն օտարվել է շուրջ 8 անգամ ցածր գնով:

Դատախազը դատարան է հանձնել հանցավոր կազմակերպություն ստեղծելու, մասնակցելու և առևանգում կատարելու համար մեղադրվող անձանց վերաբերյալ քրեական վարույթի նյութերը:

📄🖊️Գլխավոր դատախազի հրամանով` 2 դատախազի նկատմամբ նշանակվել է կարգապահական տույժ:

🇦🇲🇦🇲🇦🇲 Անվավեր է ճանաչվել Ծաղկաձորի ճոպանուղու տարածքի՝ 36,4 միլիարդ դրամ արժեքով, 225,1 հա մակերեսով հողամասի նկատմամբ սեփականության իրավունքի պետական գրանցումը. Դատախազության՝ պետշահերի հերթական հայցը բավարարվել է:

ℹ️ Դատախազներն ընտրական հանցագործությունների վերաբերյալ 17 քրեական վարույթ՝ 60 անձի վերաբերյալ, հանձնել են դատարան: