‼️‼️‼️ Պաշտոնատար անձի կողմից բռնությամբ զուգորդված լիազորություններն անցնելու դեպքում առկա է վաղեմության ժամկետներ կիրառելու օրենսդրական արգելք.
Հայաստանի Հանրապետության գլխավոր դատախազ Աննա Վարդապետյանն այսօր ՀՀ Ազգային ժողովում ներկայացրել է 2008 թվականի մարտի 1-ի լույս 2-ին Երևան քաղաքում տեղի ունեցած իրադարձությունների առթիվ նախաքննական մարմիններում իրականացվող քննությունը, ինչպես նաև Դատախազության կողմից մեղադրանքի պաշտպանության, պետական շահերի պաշտպանության և այլ, այդ թվում՝ ՀՀ գլխավոր դատախազի բացառիկ լիազորությունների շրջանակներում կատարված գործողությունները:

ℹ️ 2025 թվականին ՀՀ զինված ուժերում սպանության դեպք չի արձանագրվել. Գլխավոր դատախազ Աննա Վարդապետյան

Ագրեսիան կարելի է հաղթահարել միայն համբերությամբ, դաստիարակությամբ, ես միշտ այդպես եմ ագրեսիային պատասխանում. Աննա Վարդապետյան

Գլխավոր դատախազ. «Դատախազությունում կադրային խնդիր չկա: Դատախազ դառնալու համար դիմողների մեծ մասն իրենց կուրսերի լավագույն ուսանողներն են: Դատախազության դռները բաց են պրոֆեսիոնալ և բարեվարք մասնագետների առաջ»:

Աննա Վարդապետյանը՝ 2008 թվականի մարտի 1-ի լույս 2-ին Երևան քաղաքում տեղի ունեցած իրադարձությունների մասին. «Գործ ունենք բռնությամբ զուգորդված իշխանությունների լիազորությունների անցման հետ, որն անժամկետ հանցագործություն է»:

✅ Հայաստանի Հանրապետությունում երկրորդ տարին անընդմեջ գրանցվում է կոռուպցիոն հանցագործությունների թվի նվազում. Աննա Վարդապետյան

ℹ️ Դատախազության՝ միայն ապօրինի գույքի բռնագանձման լիազորության շրջանակում, հօգուտ Հայաստանի Հանրապետության բռնագանձվել է շուրջ 14 միլիոն 464 հազար ԱՄՆ դոլարի գույք և դրամական միջոց. Աննա Վարդապետյան

Գլխավոր դատախազ . «Ընտրակաշառքը հանցագործություն է, որի համար պատիժը ռեալ ազատազրկման ձևով է, անխուսափելի ու խիստ»։

ℹ️Գլխավոր դատախազ Աննա Վարդապետյանն այս պահին ՀՀ Ազգային ժողովում ներկայացնում է Հայաստանի Հանրապետության դատախազության 2025 թվականի գործունեության մասին հաղորդումը:

Գլխավոր դատախազ. «Վեդիում տեղի ունեցած դեպքի վերաբերյալ նախաձեռնված քրեական վարույթը Գլխավոր դատախազության անմիջական ուշադրության ներքո է: Կարճ ժամանակ հետո խափանման միջոցի վերաբերյալ մտահոգությունը դուրս կգա. այս մասով գնում ենք խիստ խափանման միջոցի»:

Վեդիում անչափահաս քույրերի նկատմամբ տեղի ունեցած առերևույթ դեպքի կապակցությամբ դատախազը հանրային քրեական հետապնդում է հարուցել Ա.Ե.-ի նկատմամբ՝ Քրեական օրենսգրքի 198-րդ հոդվածի 2-րդ մասի 2-րդ և 4-րդ կետերով (խոցելի վիճակում գտնվող անչափահասի նկատմամբ սեքսուալ բնույթի բռնի գործողություններ կատարելը) և Դ.Ա.-ի նկատմամբ՝ Քրեական օրենսգրքի 198-րդ հոդվածի 2-րդ մասի 2-րդ և 4-րդ կետերով (3 դրվագ):

✅ Աննա Վարդապետյան. «2025 թվականի ընթացքում արձանագրվել են դեպքեր, երբ բանկային համակարգում առկա անվտանգության թույլ մեխանիզմների հետևանքով քաղաքացիները զրկվել են իրենց դրամական միջոցներից։
Քաղաքացիների իրավունքների պաշտպանության նպատակով Դատախազությունը միջնորդագիր է ուղարկել Կենտրոնական բանկի նախագահին, ինչպես նաև քննարկումներ են անցկացվել Բանկերի միության հետ: Բանկերին ուղարկվել են միջնորդագրեր՝ պահանջելով ուժեղացնել անվտանգության համակարգերը։ Մի քանի ամիս հետո բոլոր այն անվտանգության խոցելի կետերը, որոնք կային այդ բանկերում, կարծես, վերացվեցին»:

🤝 Հայաստանի Հանրապետության գլխավոր դատախազ Աննա Վարդապետյանն ընդունել է առաջին անգամ Հայաստան ժամանած՝ Միջազգային քրեական դատարանի նախագահ Տոմոկո Ականեին։

Աննա Վարդապետյանը հետաքրքրություն է հայտնել Միջազգային քրեական դատարանի հետ համատեղ վերապատրաստման ծրագրերի իրականացման, տեխնիկական համագործակցության ընդլայնման և փորձի փոխանակման մեխանիզմների զարգացման վերաբերյալ։ Ընդգծվել է քրեական վարույթներով տուժողակենտրոն մոտեցման կարևորությունը։

🇦🇲🇦🇲🇦🇲 Աբովյան համայնքի նախկին ղեկավար Կարապետ Գուլոյանի օգնականից բռնագանձված գույքն ամրացվեց պետությանը. Գլխավոր դատախազ Աննա Վարդապետյանը մանրամասներ է ներկայացրել, ինչպես նաև անդրադարձել է Կարապետ Գուլոյանի վերաբերյալ՝ ապօրինի ծագում ունեցող գույքի բռնագանձման գործով օրինական ուժի մեջ մտած վճռին ու մեղադրական եզրակացությամբ դատարան հանձնված քրեական գործին:

‼️‼️‼️ 2008 թվականին Ազատության հրապարակում անցկացված հանրահավաքները եղել են խաղաղ, առանց բռնության հրահրման կամ բռնի գործողությունների որևէ նշանի, մինչև 2008 թվականի մարտի 1-ի վաղ առավոտյան Ոստիկանության կողմից իրականացված գործողությունը. Գլխավոր դատախազ Աննա Վարդապետյանն անդրադարձել է ՄԻԵԴ վճռին և ընդգծել, որ գործ ունենք բռնությամբ զուգորդված՝ իշխանական լիազորությունների անցման հետ, որն անժամկետ հանցագործություն է:

‼️‼️‼️ Մեղադրյալ Արթուր Սարգսյանի հետ կապված քրեական վարույթից խոսելուց մոռանում եք նշել, որ դատարանում քննվում է նաև մեր կողմից նրա դեմ ներկայացված՝ ապօրինի գույքի բռնագանձման հայցադիմումը. Գլխավոր դատախազն արձագանքել է ընդդիմադիր պատգամավորի քննադատությանը:

‼️‼️‼️ Դատախազության համակարգի և անձամբ իմ դեմ թիրախավորումների իրական պատճառն ապօրինի գույքի բռնագանձման հայցերով պատճառված «անհանգստությունն» է. Գլխավոր դատախազը թվարկել է Ռոբերտ Քոչարյանից, Արմեն Գևորգյանից, Աղվան Վարդանյանից և Իշխան Սաղաթելյանից պահանջվող գույքերի ցանկը:

💬 «Ինչն է հետաքրքիր, երբ մենք հարցնում ենք ապօրինի ծագում ունեցող գույքի ծագման մասին, երեք բացատրություն ենք լսում՝ «նվեր ենք ստացել, մեր պապիկներն էին հարուստ, մեր որդիներն են տաղանդավոր»: Դատարանները դեռ կքննարկեն «պապիկների ու տաղանդավոր որդիների» հարցը»,- հայտարարել է Աննա Վարդապետյանը և շնորհակալություն հայտնել Վճռաբեկ դատարանին՝ նվերի հարցը լուծելու համար. հստակ սահմանվել են նվեր ստանալու պայմաններն ու դեպքերը։

‼️‼️‼️Բոլոր նրանք, ովքեր կխոստանան, որ նույնիսկ դատապարտման դեպքում, պայմանական դատապարտում կլինի, չհավատաք: Այս մասին այսօր Ազգային ժողովում հայտարարել է ՀՀ գլխավոր դատախազ Աննա Վարդապետյանը և հավելել, որ ընտրակաշառքների, ընտրակեղծիքների դեմ պայքարում իրավապահ համակարգը, և, մասնավորապես, Դատախազությունը խիստ է և հետևողական։

💬 «Ցանկացած փորձ՝ խեղաթյուրելու մարդու ազատ կամարտահայտությունը, հանդիպելու է կոշտ իրավական հակազդեցության»,- հայտարարել է ՀՀ գլխավոր դատախազը և հիշեցրել, որ ընտրակաշառքը հանցագործություն է, որի համար պատիժը ռեալ ազատազրկման ձևով է, անխուսափելի ու խիստ. այս արարքների համար պայմանական դատապարտում չի կիրառվում: Սա Վճռաբեկ դատարանի դիրքորոշումն է:

Իջևանի քաղաքային զբոսայգու տարածքում գտնվող ևս 1 հողամաս վերադարձվեց համայնքին

🇦🇲🇦🇲🇦🇲 Դատախազական ներգործության արդյունքում՝ Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 6 հողատարածք` 1389,7 քմ ընդհանուր մակերեսով:

🤝 Լոռու մարզի դատախազությունում, Լոռու մարզպետարանի միջնորդությամբ կատարված ուսումնասիրությունների արդյունքում, պարզվել է, որ Վանաձորի Հրանտ Մաթևոսյանի անվան այգու տարածքները վարձակալած և փաստացի տիրապետող 22 սուբյեկտների կողմից դրանք օգտագործվում են պայմանագրերի խախտումներով ու ոչ նպատակային: Արդյունքում՝ այգին հայտնվել է անբարեկարգ վիճակում: