اللّهُمَّ إِنَّا نَشْكُو إِلَيْكَ فَقْدَ نَبِيِّنا صَلَواتُكَ عَلَيْهِ وَآلِهِ وَغَيْبَةَ وَلِيِّنا وَكَثْرَةَ عَدُوِّنا وَقِلَّةَ عَدَدِنا وَشِدَّةَ الفِتَنِ بِنا وَتَظاهُرَ الزَّمانِ عَلَيْنا ، فَصَلِّ عَلى مُحَمَّدٍ وَآلِهِ وَأَعِنّا عَلى ذلِكَ بِفَتْحٍ مِنْكَ تُعَجِّلُهُ وَبِضُرٍ تَكْشِفُهُ وَنَصْرٍ تُعِزُّهُ وَسُلْطانِ حَقٍّ تُظْهِرُهُ وَرَحْمَةٍ مِنْكَ تُجَلِّلُناها وَعافِيَةٍ مِنْكَ تُلْبِسُناها بِرَحْمَتِكَ يا أرْحَمَ الرَّاحِمِينَ

السلام عليكم ورحمة الله وبركاته.

نعزي الإمام المهدي صاحب العصر والزمان (عجّل الله تعالى فرجه الشريف) بذكرى استشهاد جده النبي الاعظم ابو القاسم محمد بن عبد الله (اللهم صل على محمد وال محمد).

عظّم الله أجورنا وأجوركم، وتقبّل أعمالكم.

السالفة باختصار

شباب رايحين للعمرة ( بالسعودية )
ويقال ان ناشرين منشورات ( يحجون على السعودية مثلا او يحجون بامور شيعية او عن ائمة البقيع )
اثناء تواجدهم هناك، او مخلين خلفية الموبايل صورة ( حسن نصر الله )
المجرم المطلوب من امريكا واليهود ( ال سعود )

فالامن رايح ولازمهم ومخليهم بالسجن.

اللهم العن الظالمين.

اما اني، فانشر عتاب وتحذير.

تصرفكم مو كلمة حق عند سلطان جائر،

تصرفكم مخالفة ل ( ولا تلقوا بايديكم الى التهلكة )

السلام عليكم.

التحويل في بطاقة كي ( مصرف الرافدين )
صارت العمولة مالته
الف بكل مليون

جان مجاني

بعد كم يوم حتى قفل البطاقة يصير عليه عمولة

حتى يجبروك تسحبهن وراها ترجع تعبي على قدر الحاجة

طبعا ليش لازم تقفل البطاقة؟
لان اذا بطاقتك مخلي بيهة ملايين

فانت معرض للسرقة حتى لو انت كلش محتمي
لان متدري يمكن موظف بالشركة مسرب معلوماتها.

هل تعلم ان الشركات الكبرى بالعراق
غالبا اموالها حرام

ليش؟

لان يتعاملون بالاحتكار
وميخلون واحد ينافسهم

يعني مو بالمنافسة القوية والنظيفة والعروض كاعد يصعدون
انما في قتل المنافسين

شفت لقطات من مسلسل
واحد جان يشتغل عامل بمحل مخضر
وراها كدر يبدي ( من الصفر عود )
وصعد وصار هو تاجر وكدر يخلي المنافس ( الي جان مسيطر ) يخسر وكذا

ف اني حسب تفسيري للكيفية مال الصعود من الصفر
جانت بالاحتكار والغش

ما اعرف اذا هذا المسلسل يمجد هذا التاجر الصغير
الي صار عصامي وكذا

لكن لمن ما عندك اساسيات الدين
فانت كلشي ما عندك
حتى لو تملك فلوس الدنيا

ختمة مهداة لرسول الله صلى الله عليه وآله وللأئمة من آله عليهم السلام ولشيعتهم والموالين
https://khitma.net/group/mPmWb3ht7HJQwbROyjZD/dashboard

اذا القانون لا يحمي المغفلين
كما يقولون


فالحق ميضيع عند رب العالمين

استغرب من اكلي المال الحرام
هل ميعرفون اكو الله؟

لمن يكون عندك مصدر دخل
او مشروع
والله رازقك

المفروض تسعى ان يدوم ويكون حلال
عن طريق دفع الحقوق الشرعية واعطاء الصدقات والابتعاد عن اي مال شبهة


اما ان تحاول تدمج وياه اموال حرام واستغلال وغش

فاكيد ما راح يدوم
وحتى لو كثرت هاي الفلوس بالدنيا
راح تكون بدون بركة

وحتى لو صار عندك املاك وسيارات وقصور

فبالاخرة
وضعهم يكون

إِنَّمَا نُمْلِي لَهُمْ لِيَزْدَادُوا إِثْمًا وَلَهُمْ عَذَابٌ مُهِينٌ

السلام عليكم
قد يكون لكل مشكلة اكو حل

لكن اكو مشاكل ما معروفة المصدر
يحتاج الها تجربة حلول
التجربة المفروض تكون من الاسهل والاكثر شيوعا
للاصعب والنادر

وبرأيي واحد عادي يجرب نفس الحل مرتين 🫠🫠

المهم الامور تمشي ببساطة 🙂🙂

ختمة مشتركة مهداة للامام الحسن المجتبى والامام علي الرضا والامام الحسن الزكي العسكري عليهم الصلاة والسلام.
https://khitma.net/group/bly6JVP8oooM7FiYfafo/dashboard

الأمراض النفسية

مع طغيان الرؤية المادية، تزداد الأمراض النفسية يومًا بعد آخر، وهذا ما نلاحظه بشكل خاص بين فئة الشباب، وكثرة الرسائل في هذا المضمون.

لنتذكّر إنّ درهمَ في الوقاية خيرٌ من قنطار في العلاج، وإليك بعض النقاط السريعة في الوقاية.

أولاً : لا تنفكّ الوقاية عن تقوية الإيمان، وكثرة الاستعاذة والذِّكر؛ لأنّ القلب إذا سكنه الإيمان أصبح عصيًّا على التأثّر بالأمراض الروحية، والنفسية.

ثانيًا: يتأثّر الإنسان بالمحتوى الذي يستهدف لا وعيه أكثر من تأثّره بما يخاطب عقله الواعي، وأخصّ بالذِّكر المقاطع القصيرة (الريلز) التي تتميّز بقصرها وتمريرها اللانهائي والجاذب؛ فكلّ ذلك يزيد من اضطرابه. والحلّ أن نُقلّل من مشاهدتها ونحدّد أوقات استخدامها.

ثالثًا: إنّ الالتزام بالآداب والمستحبّات، وترك المكروهات، ليس له آثار معنوية تتعلّق بالآخرة فحسب، بل إنّ نمط العيش الإسلامي في المأكل، والملبس، والنوم، واليقظة، وسائر شؤون الحياة، له تأثير بالغ في الجانب النفسي أيضاً.

ومن هنا تجد المؤمن في قمّة الحيوية والعطاء، حتى بعد تقدّمه في العمر، وشتّان بين شيخ يحمل روح الشباب، وشابّ متعبٍ ذو روحٍ خاملة.

فكرة وجود رب عادل وقوي
وراح ينتقم الك وياخذ حقك من الظالمين

هي فكرة عظيمة

تخيل انك تولد ضعيف بالدنيا
ويتم التسلط عليك وسرقتك وظلمك
وبالاخير
لا تحصل حق بالدنيا
ولا تحصل حق بالاخرة ( لان حضرتك لا تؤمن بوجود الاله او عدالته )

وحتى لو نفرض انت مو ضعيف
عادي انولدت بعائلة متمكنة
بس اجة واحد من الشارع وغدرك وقتلك

فشلون بهيج حالة؟

عن رسول الله ( اللهم صل على محمد وال محمد )

"المفلس من أمتي من يأتي يوم القيامة بصلاة وصيام وزكاة ويأتي قد شتم وقذف هذا وأكل مال هذا وسفك دم هذا وضرب هذا فيعطى هذا من حسناته، وهذا من حسناته، فان فنيت حسناته قبل أن يقضي ما عليه أخذ من خطاياهم فطرحت عليه ثم طرح في النار، بل قد يقال: إن المفلس حقيقة هو هذا."

اني هنا
لان الوادم ما كاعد يراسلوني
حتى ياخذون حقهم
مال مشكلة كودنوت 😃😃😃

ولا اكدر انطيهن تبرع بكيفي
لان الصيغة مو مجهول المالك


وتعال شوكت تنحل وتخلص ما اعرف

السلام عليكم ورحمة الله وبركاته.

نبارك لمولانا الامام المهدي صاحب العصر والزمان ( عجل الله تعالى فرجه الشريف ) بذكرى ولادة جده النبي الاعظم محمد بن عبد الله بن عبد المطلب
وجده الامام الصادق جعفر بن محمد

اللهم صل على محمد وال محمد وعجل فرجهم

نبارك لكم هذا اليوم العظيم

يطلع واحد يحجي كلام معسول يوافق القانون ويحمي المواطنين من الضرر والاستغلال

ليش؟

حتى يغطي على شغلة صارت او يوهم الناس ان هاي الشغلة هي لاجل مصلحتهم.


اني مو كلش اهتم بالاخبار
ولا اتابع

لكن شفت منشور عن اغلاق صيدلية في محافظة ما
والصورة الماخوذة عن الصيدلية انها مزدحمة.

سبب الاغلاق ما مذكور بالمنشور
لازم ندور عليه باماكن اخرى او بين السطور او من تعليقات الوادم غير المختصة او المختصة.


لكن بشكل مختصر خلي نسولف عن اسباب غلق اي صيدلية

1. تجارة الممنوعات
2. عدم وجود كادر مرخص
3. ادوية تالفة او غير صالحة
4. ممكن سوالف الديون وكذا
5. عدم الالتزام بالقوانين

اتوقع هذني الاسباب
لكن كلش ممكن يتم اغلاق صيدلية لان ما عدهم ظهر ولان كاعد ينافسون بالسوك ويصير عدهم زبائن.

او بسبب السعر اذا جان اقل من الباقين
وهاي الفقرة يحتاج الها توضيح بسيط
راح انشره بالرسالة الاخرى