السلام عليكم ورحمة الله وبركاته.

نبارك لمولانا الامام المهدي صاحب العصر والزمان ( عجل الله تعالى فرجه الشريف ) بذكرى ولادة جده النبي الاعظم محمد بن عبد الله بن عبد المطلب
وجده الامام الصادق جعفر بن محمد

اللهم صل على محمد وال محمد وعجل فرجهم

نبارك لكم هذا اليوم العظيم

يطلع واحد يحجي كلام معسول يوافق القانون ويحمي المواطنين من الضرر والاستغلال

ليش؟

حتى يغطي على شغلة صارت او يوهم الناس ان هاي الشغلة هي لاجل مصلحتهم.


اني مو كلش اهتم بالاخبار
ولا اتابع

لكن شفت منشور عن اغلاق صيدلية في محافظة ما
والصورة الماخوذة عن الصيدلية انها مزدحمة.

سبب الاغلاق ما مذكور بالمنشور
لازم ندور عليه باماكن اخرى او بين السطور او من تعليقات الوادم غير المختصة او المختصة.


لكن بشكل مختصر خلي نسولف عن اسباب غلق اي صيدلية

1. تجارة الممنوعات
2. عدم وجود كادر مرخص
3. ادوية تالفة او غير صالحة
4. ممكن سوالف الديون وكذا
5. عدم الالتزام بالقوانين

اتوقع هذني الاسباب
لكن كلش ممكن يتم اغلاق صيدلية لان ما عدهم ظهر ولان كاعد ينافسون بالسوك ويصير عدهم زبائن.

او بسبب السعر اذا جان اقل من الباقين
وهاي الفقرة يحتاج الها توضيح بسيط
راح انشره بالرسالة الاخرى

انت لمن تفتح صيدلية
خلي نحجي بعيدا عن التكلفة الاولية ( ايجار المكان والامتياز وراتب الكادر والديكور )

نحجي عن سعر الدواء فقط وسعر البيع

الدواء يجي من المذخر وتقريبا اسعارهم متقاربة جدا، او متساوية.

خلي نحصر الموضوع بدواء موجود بمذخر واحد فقط وسعره لنفرض 5 الف

النقابة المفروض تخلي قانون
بحيث ابو الصيدلية لازم يبيعه ب 6000 ( بحد ادنى )

حتى السوك يكون بسعر موحد تقريبا
وماكو صيدلية تبيع بسعر اقل

فتبقى المفارقة يم الكادر وترتيب الصيدلية
هم الي يجذبون الزبائن بالعلمية والنصيحة


يجي مثلا ابو صيدلية حرامي او شخص يريد يسوي غسيل اموال
شيسوي ؟

يبيع الدوا ب 5500
ممكن ب 5000
وحتى ب 4500 ( يبيعه بخسارة )
لان اصلا امواله الي يشتري بيهن غير شرعية
فلمن يبيعه ب 4500
راح تكون هاي الاموال شرعية ( بس مو شرع الله )

المفروض القانون يمنع هاي الصيدلية من العمل
كونه راح يضر الصيدليات الاخرى ( الي يشترون الدوا اصلا ب 5 )

او قد يريد يروج لصيدليته بهاي الشغلة
وهم راح ينضرون البقية
فالترويج ما لازم يكون بهاي الطريقة

لهذا النقابة لازم يكون الها دور
والقانون يكون اله دور بحماية اصحاب الصيدليات من هيج اساليب

لهذا كاعد يحاولون يطبقون نظام التسعيرة الدوائية
بحيث يخلون السعر موحد بكل مكان وعلى العلبة مكتوب
حتى الكل يربح بالدوا بنفس النسبة

ويبقى ربح الصيدلية حسب كمية البيع وحسب رواتب الكادر وسعر الامتياز والايجار والخ


فيعني السالفة تطول
الي بالفيلد يفتهم شنو احجي
او قد ميفتهم لان ما عنده اطلاع

بس هو الفيلد بعضه وسخ صراحة
وحيتان
وسوالف كثيرة

وبس الله الي يستر

فهاي مرة شركة حلويات
جانت مسوية اعلان توزعه على المحلات وهيج

فاجوا انطوني البكج مال اعلان
عبالي بيه حلويات
طلع دفتر عليه شعارهم فقط
😐😐😐😐😐😐

زين اني اتذوق حلوياتكم من الدفتر مثلا؟
لو انت تبيع دفاتر؟ وتريد تراويني الجودة مالتهن؟

غير تنطيني شي انت تبيعه
حتى اقرر اشتري منك 😂😂😂

السلام عليكم
هذا الكروب تهكر
ويمكن حتى حساب الادمن وياه

لا تدخلون على الروابط الاخيرة الي منشورة بيهة

السلام عليكم
ملاحظة صغيرة لعلها تفيد

اني نادرا ادز روابط للمتابعين
ونادرا جدا جدا اطلب منهم رمز حساب ( مرات يجوني على مشكلة بحساب معين، فاحتاج الرمز حتى اني اشتغل عليه )

فمستقبلا تحسبا لاي شي
خاف اني هم اتهكر ( مو شي مستبعد بسبب ثغرات التليكرام ) يعني مو بسبب قلة وعي واحتياط من المستخدم.

انتم لا تدخلون على روابط انشرها وتطلب منكم باسوورد او شي
ولا تدزون الي معلومات خاصة

واحذروا مني اكثر من حذركم من شخص يريد يهكركم فعلا

السلام عليكم
الي يكدر يمليهن متفضلا
وشكرا

سبحان الله
كأن اجة بوقته

اني لمن اشتغل وية شخص ومنكون متفاهمين

فالتعب يكون 95% نفسي بسبب العصبية و 5% جسدي

منو سمع بقصة الحيوان ( البشري ) الي قتل بنية اوكرانية بالقطار؟ بدون اي سبب.

برأيكم هل القانون القوي بالبلدان المتطورة والعالم الاول مثل امريكا
هو احسن النا من الدين الاسلامي؟


القاتل هو مجرم اصلا وعنده هواي سلسلة من الجرائم والاتهامات
بس القضاء العادل دوما يحكم اله بالسجن مقابل اطلاق الصراح بكفالة
ويدفعون كفالته ويطلع
ويستمر الاجرام مالته.

لكن بدين الاسلام حسب معرفتي
ان القاتل
ينحكم عليه بالقتل.

وتنتهي المسألة.


لكن تطبيق قوانين الاسلام في بلادنا المسلمة غير موجود
فلا السارق تقطع يده
ولا القاتل يقتل
ولا المعتدي ينال عقاب يخليه بعد ميسوي الجريمة

انما السارق والمغتصب
تلكاه يدخل السجن شهرين
وراها يطلع بعفو عام
حتى يكمل سلسلة الاجرام مالته

خوش سالفة عن التداول


للتذكير
https://t.me/generaltutorial/1119

Obr تكسي

مو شرط يشتغل عند الجميع

حاليا اكو احد نشر اعلان بقناتي ( مو بكيفي )

فلا تدخلون عليه

مشكلة لمن الوادم تتحكم بينا غصب عنا
وفوكاها المشكلة الاكبر هو كوننا جهلة

السلام عليكم
الي مشترك يمي chat gpt ويريد يجدد
خلي يبلغني قبل فترة من انتهاء المدة

حتى احجز اله مقعد ( باحدث حساب افعله )