السلام عليكم .
حل مشكلة
This Apple ID is not active

بدون تعقيدات
اول شي خلي رصيد بموبايلك
واتصل على شركة ابل فرع الكويت
+96522282292

يحجون عربي و اذا طلع واحد اجنبي كول اله اريد عربي

كول اله المشكلة ،
وانطيه الايميل و اسم الحساب
و انتهى .

طبعا حتى بدون هواي رصيد ممكن تسويها
هم يرجعون يخابروك 😅 ، بس يعني انت خلي ببالك ممكن تصرف 5000 يعني مو اكثر .
وحسب نوع خطك و شكد تكلفة الدقيقة

العملية متاخذ 10 دقايق اقصى شي ان شاء الله .

السلام عليكم .

شرح الطباعة في الايباد و الايفون ( اجهزة iOS )

الطباعة وجه و ظهر .

رابط الموقع : اضغط هنا

ملاحظة : الطريقة نكدر نستخدمها باي جهاز ، يعني بالاندرويد .

للتواصل ، الروابط في الوصف .

رابط الموقع
اصغط هنا

السلام عليكم .
كيفية الطباعة لكل الاجهزة :

بوت دمج سلايدات :

https://t.me/generaltutorial/628

1 - كمبيوتر ( دمج سلايدات + طباعة وجه و ظهر )

دمج
https://t.me/generaltutorial/411

طباعة
https://t.me/generaltutorial/439


2- اندرويد

( دمج سلايدات + طباعة وجه و ظهر )

دمج
https://t.me/generaltutorial/533

طباعة
باستخدام موقع
https://t.me/generaltutorial/532

باستخدام تطبيق
https://t.me/generaltutorial/504


3- iOS ايفون وايباد

( دمج سلايدات + طباعة وجه و ظهر )

دمج
https://t.me/generaltutorial/545
طباعة
https://t.me/generaltutorial/532

عبارة عن زر داخله اوامر للوصول السريع .
اجهزة ابل ( ايفون ، ايباد )

السلام عليكم .
قد نكتفي من الشروحات ، لان احس نشرت كل ما املك من معلومات قد تفيدكم .

بس خلي نسولف شوية ، حاليا الحياة صارت بالموبايل و كلشي بالموبايل ، فانت مجبور ان تحميه و تعرف شلون تحمي حساباتك و تحافظ على خصوصيتك اول و ثم خصوصية الاخرين ، بل قد تكون خصوصية الاخرين اهم ، لان واحد مثلا لمن يسولف وياك او يدزلك صور ، فهو دازهن الك فقط ، مو لغيرك .

فيعني لمن يخترقون حسابك و ياخذون الصور مالته ، فانت تتحمل جزء جبير من المسؤولية .

و شغلة مهمة ، شدعوة واحدكم حاط الموبايل صندوق خصوصيته الى ابعد الحدود ، يحط بي صور فاضحة لنفسه ، حتى لو متزوجين و يتبادلون صور و فيديوات ، شدعوة عليكم ، شنو متتحملون ؟ لو عبالكم الموبايل و حساباتكم محصنة من كلشي ؟

كافي خلي يصير عدكم شوية وعي بالامور التقنية ، مو صفر بيهن ، ترة غصبا عنكم لازم تتعلمون عليهن ، ما معقولة بعد كم يوم واحدكم يصير استاذ لو دكتور لو اي وظيفة و ميعرف يستخدم الاجهزة لو يجي طفل يهكر حسابه و يبتزه ، لو الي يستنكف ينشر القناة لمن اطلب منه ، مال اروح اعلمه شلون يحترم الاكبر منه اولا ، وشلون يكون قدر المسؤولية ان هو ممثل مرحلة كاملة و هو حلقة الوصل بينه و بين المراحل الاخرى ، زعاطيط بهذا الوقت لا يحترمون ولا يعرفون يتصرفون .

اما الي يسرقون مجهود الاخرين و ينسبوه الهم ، فعاشت ايدكم ، علساس حصلتوا الجنة ، يلعن امثالكم تافهين .

و في امان الله
و اعتذر لكل شخص محترم اضطر يقرا الكلام و ينزعج منه .

السلام عليكم .
القناة صار عمرها سنتين 😍

اكثر من 1700 مشترك
بالبداية جنت احسبهم نفر نفر 😄

صح اغلبهم ما مهتمين اصلا و ميشوفون المنشورات ، لكن غايتي هي نشر الفائدة و اذا شخص واحد يستفاد ، فهنا اني اشعر ان القناة وجودها مو لفراغ .

و غاية الفائدة هي ابتعادكم عن الحاجة الى الاخرين او دفع مبالغ مقابل امور بسيطة .

طبعا بديت القناة و جان حسابي ظاهر ( لان جانت بس لجماعتي ) بس بعدين قررت ان اشتغل بشكل مجهول ، لاسباب كثيرة مو مهمة الكم .

و بنهاية المنشور اني ما اطلب منكم شكر على هذا الشي ، و لا مقابل اكيد .

بس الطلب الوحيد ان الثقافة الالكترونية لازم تصير عند كل شخص و خصوصا الحماية و الخصوصية ، لان اكيد كلكم تسمعون بحالات الابتزاز و الاختراق و القتل بسبب هاي الامور .

حتى لو جان نشركم هو نسخ منشوراتي بدون ذكر قناتي . ( الله يغفر لكم ) المهم الفائدة للجميع .

وعذرا عن الاطالة .

السلام عليكم .
شرح دمج سلايدات ملف pdf ، لاجهزة iOS ( ايباد و ايفون )

ملاحظة ، لازم النظام iPadOS or iOS 16

بكل بساطة نفتح الملف ونسوي الخطوات المذكورة بالشرح .

انتهى .

للتواصل الروابط في وصف القناة .

طريقة اخرى للدمج :
https://t.me/generaltutorial/533

السلام عليكم .
باستخدام تطبيق الملاحظات ( Notes ) المجاني داخل نظام iOS ( ايباد ، ايفون ) .

تكتب بالقلم ويتحول الى نص مباشرة ، لمن يفيده الامر .

للتواصل ، الروابط في الوصف .

السلام عليكم
ضمن الايباد ، اعدادات القلم ، فعلوا خاصية Scribble .

لمن تكتبون بالقلم داخل مربع النص باي تطبيق ، مباشرة يتحول الخط الى نص الكتروني .

+ اذا تعرفون شي مفيد و تحبون تشاركوه ، دزولي اياه اشاركه .