هاي الصورة سواها
GPT 6 Luna High

استهلك فقط 1% من الموارد مال 5 ساعات

يعني استهلاكه كلش مناسب

النائب محمد جاسم الخفاجي
يحارب ملفات الفساد وينشر عنهن
ويكول عمي هذا فساد وهذا فساد

التعليقات يكتبون
ليش متحجي عن الدولار والدولار والدولار
ادري شتردوه يصير؟

هو hepiq صارله سنة يمكن يركض وراه ولحد الان ما كدر عليه

ترة هو واحد من 330 نائب
انتم الشعب انتخبهم

الشعب فاسد وراضي بالفساد

السلام عليكم
هذا مثال عن كيفية حساب تكلفة استهلاك الكهرباء

وايضا توضيح في حال ما تم حساب فرق القراءة الشهري بشكل صحيح - وهاي نقطة مهمة -

قد الموضوع يدوخ
بس اني انتبهت ان الكثير من الناس يعانون من هاي السالفة

السلام عليكم

بلغتكم سابقا بتحويل المتجر مال ابل الى عراقي
حتى تكون الاسعار ارخص

بس اكو هواي عدهم اشتراكات شهرية او سنوية
وميكدرون يغيروه

لهذا راح اشوف ارخص تطبيق ممكن تشترون منه
او اني اوفرها الكم
@thetechadmin

السلام عليكم

انتشرت هاي الفترة هواي متاجر توفير خدمات الكترونية واشتراكات تطبيقات

الله يرزق الجميع

لكن شفت بعض منهم مو صادق بعمله
سواء باسعاره المرتفعة
او ضمانه الوهمي
او عدد الاشخاص الي يبيع عليهم الحساب المشترك

مثلا اشتراك ChatGPT
ممكن يتحمل 5-6 مستخدمين وحسب استخدامهم
تشوفلك متجر يخلي بيه فوك 10 نفرات
وهذا راح يسبب قلة الموارد او اخطاء بالاجابة

تفتح التطبيق وراها اعدادات الامان وراح تشوف الجلسات النشطة وتعرف كم شخص يستخدم الحساب

السلام عليكم
بخصوص الايتونز الامريكي

فئة 15 دولار وفوك
تشتروها من موقع امازون الامريكي
تنحسب عليكم بسعر الدولار الرسمي + عمولة بطاقة الدفع

الفئات الاقل
فاني شفت تطبيق اسمه اشحنها
يعني لا بأس بيه
الدولار اقل من 2000 دينار

اي مساعدة او استفسار
@thetechadmin

السلام عليكم
مراسلة دعم ابل من اجل تصفير حساب امريكي باقي بيه سنتات
حتى نحوله الى عراقي

10 دقايق..
الكلفة: بالخاص 😉😉

المهم مجانا
لان ما اعتز بالخبرة مالتي
عادي انشر كلشي اعرفه للوادم

السلام عليكم

بِسْمِ اللَّهِ الرَّحْمَٰنِ الرَّحِيمِ

وَيْلٌ لِّكُلِّ هُمَزَةٍ لُّمَزَةٍ

يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ وَلَا تَجَسَّسُوا وَلَا يَغْتَب بَّعْضُكُم بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ ۚ وَاتَّقُوا اللَّهَ ۚ إِنَّ اللَّهَ تَوَّابٌ رَّحِيمٌ


يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ



مساوئ الموبايل ومواقع التواصل كثيرة
لكن اذا نحجي عن اسوء شي بيهة
هي اطلاق اللسان بدون رقيب
بحيث تشوف ناس يغلطون على شخص ويسخرون منه
وهو لا يمهم ولا عليهم
ولا كأن الملائكة تسجل الاعمال الي واحد يسويها بمواقع التواصل

والله المستعان

السلام عليكم
اعادة نشر لهذا البوت ( تفعيل التليكرام المميز )
https://t.me/generaltutorial/1098

والي ميعرف يسويها بنفسه او بطاقته تنرفض
ممكن يراسلني واني اسويله اهداء

طرق التواصل بالوصف مال قناة

السلام عليكم
طبعا هاي الاشعارات هي كارثة
لان بس تضغط قبول
مباشرة يشترك الك بخدمة معينة
واذا ما جنت تتابع الرسائل
ممكن يظل ياخذ من رصيدك وانت متدري


حاليا اكو يكولون صارت تجيهم هيج رسالة ومكتوب بيهة تحديث للجهاز
من تضغطها يتم تهكيرك
اكو احد فعلا صادف هيج شي ؟


المهم التحذير هو
الانتباه ان من تظهر هيج رسالة
لو تضغط الغاء
لو تضغط السابق

السلام عليكم
في ما يخص شركة زين

لإيقاف استلام رسائل التسلية والترفيه الترويجية ، على المشترك إرسال 2 برسالة إلى 2027.
لإيقاف استلام الرسائل الخاصة بالعروض الترويجية ، على المشترك إرسال 4 برسالة إلى 2027.

السلام عليكم

بهاي الطريقة تلغي الرسائل الترويجية
مثل الي دزيتها فوك

لكن يبقى السؤال عن سالفة التحديث والتهكير

نظام الدفع الالكتروني وخدمة الزبائن
ميمشي الا بهاي الامور

خلي نشوف نتيجة الشكوى
والله يسهل

طلاب طب البصرة


ما طلعوا يردون دور ثالث
ولا طلعوا يردون 15 درجة اضافية على كل مادة
ولا طلعوا حتى معدلات الاهلية تقل
ولا طلعوا حتى تنفتح اهليات جديدة

يعني مو بطرانين

اقروا الرسالتين
https://t.me/aspirinmedical/842

5 دقايق
توضح بيهة سبب مشكلة طب البصرة
وركزولي على نقطة جدا محورية

وهو سبب كلش كافي
ولو جان فقط هذا السبب
جنت راح اشجعهم اكثر

...

هذا الفعل المشين
كافي ان اغير الكادر كاملا بسببه

السلام عليكم

اكيد الكل سمع عن ( فوز )
مسابقة داخل تطبيق سوبر كي

شنو فكرتها؟
كلما تدفع بالبطاقة مالتك ( بحد ادنى الف دينار )
تحصل على تذكرة
تدفع 10 الف , تحصل تذكرتين
تدفع 20 , تحصل 3 تذاكر
تدفع 90 . تحصل 10 تذاكر وهذا هو الحد الاقصى

وكل يوم جمعة يسوون السحب على ارقام التذاكر
وفق الية معينة تربح او متربح


واكو طرق تضاعف بيهة التذاكر
او تدخل بمجموعة وما الى ذلك


صح صارلها 5 اسابيع ( والجمعة الاخيرة 30-10-2026 )
بس اني هسة نشرته
لان بلغوني ان فعلا ربحوا بيهة
مو مجرد اعلان وهمي ( مثل هواي امور )

بس ملاحظة
مو تكعد تشتري اشياء متريدها
حتى تزداد التذاكر وبلكت تفوز

ترة هيج موضوع يدخل باشكال شرعي

المسابقة حلال
لان الموضوع ميطلب منك لا دفع فلوس ولا شي
هو العمليات المعتادة مالتك
بدل متدفع كاش
ادفع بالبطاقة وهاي هي

يكول الك لا تطلع مظاهرة ولا اعتصام ولا انتفاضة

اذا تريد تحل المشاكل وتستعدل
لازم تمشي بكتابنا وكتابكم

الي ينعرض على الفاسد
ووراها الفاسد الاكبر منه
وراها الفاسد الاكبر منهما
وراها الفاسد الكبير بالدولة

النسخة النهائية