السلام عليكم.
طريقة مراسلة دعم ابل ( خدمة العملاء )
لحل بعض المشاكل المتعلقة بالحسابات وغيرها

يعني المهم تنفتح دردشة وياهم
حتى تبلغوهم بالمشكلة
حتى لو جانت مختلفة عن المواضيع الي اختاريتها بالشرح

هذا رابط الموقع
https://getsupport.apple.com/products

والشرح جان عن مشكلة ( تم تعطيل حسابك في المتجر ) ، تكدرون تختارون طلب استعادة وراح يتنشط بدون الحاجة الى فتح دردشة، واذا ما عرفتوا، عادي راسلوهم هم يفتحوه من يمهم.

للتواصل، الروابط في وصف القناة.
( مسموح بمشاركة الشرح )

ملاحظة الصورة احتيال ورابط وهمي

السلام عليكم.

التحذير الدائم من الروابط الوهمية
او الروابط الي تكون مشابهة لاسم موقع رسمي

حتى لو اقرب شخص الك يدزلك رابط، اول شي اقراه زين او خليه بموقع فحص روابط، وراها اذا جان رابط سليم وما بي شك ودخلت عليه،
كون ميطلب منك تسجيل دخول او كتابة معلومات مهما كانت بسيطة.

ملاحظة الصورة احتيال ورابط وهمي

السلام عليكم.

هاي الصورة كذب وخدعة

لا تدخل مواقع مشبوهة
ولا تضغط استمرار ولا تسوي اي شي يكولون الك عليه

السلام عليكم.

نبارك للامام المهدي صاحب العصر والزمان ( عجل الله تعالى فرجه الشريف )
بمولد سيدة نساء العالمين فاطمة الزهراء (اللهم صل على محمد وال محمد وعجل فرجهم).

نبارك لكم جميعا هذه الولادة الميمونة.

السلام عليكم

ولو زحمة
احد مجرب قلم momax tp9
على ipad 7 ?

@Generaltutorialadmin_bot

السلام عليكم.

يعني شيصير اذا فتحنا حساب عشوائي داخل اعدادات الجهاز مالتنا؟

قابل الجهاز يتفرمت كليا وينقفل وبعد منكدر نفتحه؟

اي ينقفل وبعد متكدر تفتحه الا تدفع مبلغ محترم يعادل نص سعر الجهاز يمكن.

مثل هاي المشكلة كبالكم ( اخذت الصورة من النت )

السلام عليكم
محتوى القناة بعد اخر تعديل

https://t.me/generaltutorial/557

السلام عليكم.

بحثوا عن شي اسمه
Airtag ( Apple )
Pintag ( Momax )

او اي شي مشابه الهن

هاي عبارة عن قطعة صغيرة
تنحط بالمحفظة او بالميدالية

وعن طريقها اذا ضاع منكم شي
تكدرون تلكوه من الموبايل

يعني حتى تكدرون تخلوها بالغلاف مال ايباد او الموبايل

السلام عليكم.

النصب والاحتيال موجود بكثرة كلش
والاختراق باستخدام معلومات انت تنطيها او صور تدزها او روابط تدخلها وغيرها.

هنا متكدر تكول صوج الشركة او الموقع ما بي حماية، لان العملية صارت بارادتك.

https://t.me/generaltutorial/761
قبل شهر نشرت هذا، لان كثرن فعلا الاعلانات الممولة مثل هاي وغيرها

وحتى اكو خابروهم اتصال على الموبايل يكول الهم اني موظف وانطيني معلومات.

ترة ماكو هيج ابد، ماكو اي شركة بالعالم تسألك عن رمز او باسوورد او رقم بطاقة دفع او اي شي ممكن يؤدي الى الوصول لحسابك، اذا يريد معلومات يكول الك روح المركز الرئيسي او الوكيل، او ادخل تطبيقنا الرسمي وارفع النا المعلومات، مو روابط ثانوية ولا اتصال ولا رسائل واتساب.

انتبهوا كلش ولا تلومون الشركات والمواقع، لان النصب بارادتك، وانتم تنطون معلوماتكم الخاصة.

السلام عليكم.

انشاء حساب مجاني لمدة 3 ايام في تطبيق
Complete Anatomy

رابط الموقع: هنا

رابط الايميل الوهمي: هنا

السلام عليكم ورحمة الله وبركاته.

اللهم صل على محمد وال محمد

نبارك لمولانا صاحب العصر والزمان الامام المهدي المنتظر عجل الله تعالى فرجه الشريف
بذكرى ولادة مولانا امير المؤمنين علي بن ابي طالب عليه السلام

اسعد الله ايامنا وايامكم وجعلنا واياكم من شيعته

السلام عليكم.

للتواصل الروابط في الوصف
حسابي او بوت مجهول

اذا عدكم مشكلة تقنية او سؤال معين
او تعقيب على احد المنشورات

السلام عليكم.

تحذير مهم

يتصل بيك شخص او يراسلك
وينطيك كل معلوماتك بشكل دقيق وصحيح

هذا شي كلش عادي وطبيعي
لان كل مواطن اله قاعدة بيانات سواء بالدولة او بشركات الاتصال او بالمصرف

يعني يمكن الي يتصل بيك هو موظف هناك بس يريد يسرقك بشكل نظامي

فلمن يتصل بيك قد يطلب منك رمز او باسوورد
او تدخل رابط وتسجل معلوماتك
او يطلب مواليدك
او رقم بطاقتك وهاي الامور

فانت لا تكول لان يعرف معلوماتي فهو موظف حقيقي

السلام عليكم.

اكو ملازم طب اطفال اسمهن محجوبيات
او هيج شي لدكتور محجوب النداوي الله يرحمه

احد عنده؟

@thetechadmin

السلام عليكم.

بالايباد

مرات تريد تحذف تطبيق بدون متحذف البيانات مالته، يمكن حتى تنزله من حساب اخر او لاي سبب كان

الطريقة هي:
تفتح اعدادات الجهاز Settings
تختار عام General
تختار مساحة التخزين Ipad storage
تختار التطبيق
وتنطيه ( ازالة ) ( Offload )

وراها تفتح المتجر وتفتح حسابك وتنزل التطبيق من المتجر ( حصرا ).


الطريقة مو مؤكدة 100%
لهذا اذا تكدر تسوي نسخة للملفات
يكون افضل