السلام عليكم
ما تاكدت منها بعدني
بس لا بأس باخذ الحيطة

لا تحول ملفات لناس غربة وهاي هي

السلام عليكم.

نبارك لمولانا الامام المهدي صاحب العصر والزمان ( عجل الله تعالى فرجه الشريف ) بذكرى ولادة جده الامام علي بن موسى الرضا ( اللهم صل على محمد وال محمد )

ونبارك للامة الاسلامية ولكم جميعا.

اَللّهُمَّ صَلِّ عَلَى عَلِيِّ بْنِ مُوسى الَّذِي ارْتَضَيْتَهُ وَرَضَّيْتَ بِهِ مَنْ شِئْتَ مِنْ خَلْقِكَ، اللّهُمَّ وَكَمَا جَعَلْتَهُ حُجَّةً عَلَى خَلْقِكَ، وَقائِماً بِأَمْرِكَ وَناصِراً لِدِينِكَ وَشاهِداً عَلى عِبادِكَ، وَكَما نَصَحَ لَهُمْ فِي السِّرِّ وَالعَلانِيَةِ وَدَعا إِلى سَبِيلِكَ بِالحِكْمَةِ وَالمَوْعِظَةِ الحَسَنَةِ، فَصَلِّ عَلَيْهِ أَفْضَلَ ما صَلَّيْتَ عَلَى أَحَدٍ مِنْ أَوْلِيائِكَ وَخِيَرَتِكَ مِنْ خَلْقِكَ، إِنَّكَ جَوادٌ كَرِيمٌ.

السلام عليكم ورحمة الله وبركاته.


الصدقة جنة عظيمة، وحجاب للمؤمن من النار، استنزلوا الرزق بالصدقة، داووا مرضاكم بالصدقة.


اول حملة تبرع اسويها، ان شاء الله القادم افضل اكيد.

بلكت نشاركهم بالاجر، حتى لو ما دافعين شي من جيبنا.

السلام عليكم.

باعتبارنا مقبلين على مرحلة الدفع الالكتروني
لازم نحذر، من شنو؟

1- تسريب بيانات البطاقات من المصدر
2- تصوير بيانات البطاقة من قبل شخص او كاميرات المحل او كاميرات اي مكان
3- ضياع او سرقة البطاقة
4- مشاركة معلومات البطاقة مع اي شخص او داخل موقع او تطبيق

الحل الافضل ( حسب رأيي ) لكن ما اعرف شنو التبعات الكلية اله، وهل بيه ضرر او لا.

هو حظر البطاقة بشكل دائم، عدا عند الحاجة لاستخدامها

يعني لمن تريد تدفع، تفتح التطبيق وتفعلها،
تدفع وراها ترجع تحظرها.

وشغلة مهمة جدا هي متابعة الرصيد قبل وبعد الدفع
حتى لو انرفضت العملية، تأكد من الرصيد
وايضا دوما اخذ نسختك من ورقة الدفع.

لان مرات يسحب الرصيد بس ميوصل للمستلم
وهيج يحتاج اما تقدم طلب استرجاع او اكو تفاصيل اخرى منذكرها حاليا.

وهنا حجيت عن البطاقات بشكل عام

#الدفع_الالكتروني

السلام عليكم.

جماعة كل الموبايلات
خلوا باسوورد لجهازكم مو تعوفوه بدون رمز وتالي يضيع ويلكاه واحد ويكدر يوصل لكل صوركم وحساباتكم

وخلوا ميزة القفل التلقائي عند عدم الاستخدام لفترة، يعني اني اذا اعوف جهازي 15 ثانية، كبل ينقفل.


وفعلوا ميزة Find my

اجهزة الابل :
افتح الإعدادات (Settings).
2. اضغط على اسمك (Apple ID) > ثم Find My.

3. اختر Find My iPhone or Ipad
4. تأكد أن الخيارات التالية مفعلة:

Find My iPhone
Find My network
Send Last Location


اندرويد
1. افتح الإعدادات > Google > Find My Device.
2. اختر Find My Device network.
وشوف الاختيارات
اذا اكو اختيار الاتصال بالشبكة في جميع الاماكن
فعله

السلام عليكم.

طبعا سالفة تلكة الموبايل حتى لو بدون نت
او مطفي

هاي ما مجربها بنفسي ( ما عندي موبايل يدعمها )

فالي يكدر يجربها، احسن.
يعني لا يعتمد كليا على هذا الموضوع

انما يحاول شوية ان ميضيع الموبايل مالته

السلام عليكم.

مهم جدا
بخصوص دراسة اللغة الفرنسية لطلاب المدارس

صح فيديو متاخر ( لان ما اعرف شوكت ينفتح وينسد التقديم )
لكن يفيد للمستقبل


https://youtu.be/izWs2LNw0Wg?si=tvK1Pn5XhNExKASt

الفرنسي يضيفلك على المجموع 4 الى 8 درجات ( 0.08 من درجتك )

بالسادس الاعدادي

التقديم بالشهر السابع
والامتحان ممكن بالثامن او التاسع

يفيد الطلاب الي راح يداومون سادس
الدرجات هاي ذهبية

من قصر بالعمل، ابتلي بالهم
مضار الفراغ

السيد محمد رضا الشيرازي

السلام عليكم.

محبي الاكل
تطبيق طلبات صار بالنجف
واكو كم مطعم عدهم خصم نص السعر ( بس شرط تطلب ب 10 اقل شي ، واقصى خصم 8 الف )

اجهزة ابل
الاندرويد

تم انشاء نموذج

Obs & Gyne by ten teachers IQ
النموذج يشرح مادة النسائية والتوليد حصرا بالاعتماد على مصدر ten teachers
ويركز على الامور المهمة ويُجيب الاسئلة خاصة الوزارية اعتمادا على المصدر المذكور
وينشئ اسئلة على نمط الوزاري من نفس محتوى المصدر

والي يريد يشترك gpt plus
هم متوفر عند صاحب القناة

اهم شي تدرسون
حتى بعدين لا تظلون تكولون غير كليات يغشون 😆😆

السلام عليكم.

مداخلة بسيطة
اني استغرب من طالب جامعة ميعرف يلزم لسانه عند الكلام عن اساتذته،
بعيدا عن كون الموضوع مربوط بالاحترام
لكن لمن تحجي على استاذ بمواقع التواصل
فتاكد 100% ان الكلام يوصل اله

قد يكون ابن الاستاذ يدرس وياك
او ابن اخوه او كرايبه
او مجرد واحد ذيل، حتى يحصل على درجات سهلة.
او واحد حقير
كلش طبيعي.

فالزم لسانك واعرف شلون تحجي
واكبر واعقل

" وهل يكبُّ الناس في النار على وجوههم إلا حصائد ألسنتهم "

السلام عليكم
توضيح بسيط
انتشر خبر اعادة امتحان كلية طب ومدري شنو

ترة هذولة يحجون عن امتحان مرحلة ثالثة بكلية طب معينة صار بيهة خلل

ميحجون عن الوزاري

هذولة الي ينشرون الاخبار همج رعاع
ميعرفون يوضحون المقصود
ينشرون الشي بدون توضيح علمود اثارة الجدل والتفاعل والمشاركات

السلام عليكم.

للي يستخدم بروكسي
او الي يعاني من تقطيع باتصال التليكرام
او مشكلة ( يتصل connecting )

هذا proxy للتليكرام
صناعة عراقية ومن دكتور ثقة

ضغطوا هنا واختاروا اتصال Connect

جربوه وردولنا خبر ايضا اذا تحبون

السلام عليكم.

سنة مجانية
اشتراك في تطبيق gemini pro

1- نزلوا برنامج vpn يفعل امريكي
اني استخدمت ( setup vpn )

2- دخلوا الرابط
One.google.com/join/ai-student

3- سجلوا باي حساب عدكم
4- اختاروا get student offer

اذا طلع الكم اي شي اخر غيرها
فلا تكملون
غالبا اكو خطأ

وطبعا كون حسابكم مال كوكل
ما مربوط بماستر وما بيه فلوس