السلام عليكم

القناة الي جنت انشر بيهة كتاباتي

انباعت 😂😂😂😂😂😂

الي يعرفها ومتابعها
خلي يطلع منها

او بكيفكم

( مو اني بعتها )
هي مو مالتي من الاساس

يلا ناخذ ريست من الكتابة العشوائية

السلام عليكم.

طبيعي الكل يحب الفلوس

لكن لمن نريد فلوس
غير نسأل عن مصدرها؟

لو ما عدكم ايمان بمصادر الاموال الحرام ؟
غسيل الاموال ؟

عدنا دين وضوابط
عدنا مراجع وعلماء
وعدنا فتاوى واستفتاءات

مو نتصرف بكيفنا وحسب اهواءنا

السلام عليكم.

تحذير: لا تنخدع بالتسويق الهرمي!
التسويق الهرمي هو نظام احتيالي يتطلب منك دفع مبلغ مالي للانضمام، مقابل وعد بأرباح كبيرة إذا جلبت أشخاصًا آخرين يدفعون مثلك.

شلون يصير الاحتيال؟
يقنعوك إنك "تستثمر" وتربح بسرعة.
تطلب منك تجيب ناس يسجلون ويدفعون.
الأرباح تجي من تسجيل غيرك، مو من بيع منتج حقيقي.
كلما تتوسع الشبكة، الناس الجدد يخسرون لأن ماكو أرباح حقيقية.

النتيجة؟
قلة قليلة تربح، والأغلب يخسر أموالهم.
تذكّر:
أي شغل يطلب فلوس بالبداية ويعتمد على دعوة غيرك فقط = احتيال!

السلام عليكم
مهم جداً طلاب تدخلون للفيديو وتتعلمون طريقة الدخول لمنصة الإمتحان

https://youtu.be/i4QonXrP_Gk?si=QJ3zn2EKQbJssyTX

واكو طريقة لتكبير الصفحة
عن طريق ضغط
( Ctrl + )

وهيج خط السؤال يصير اكبر

السلام عليكم ورحمة الله وبركاته.

نعزي الإمام المهدي صاحب العصر والزمان (عجّل الله تعالى فرجه الشريف) بذكرى استشهاد جده الإمام الصادق جعفر بن محمد (اللهم صل على محمد وال محمد).
عظّم الله أجورنا وأجوركم، وتقبّل أعمالكم.

السلام عليكم.
تحذير مهم جدا
يعني فوك ما يتصور اي شخص حجم خطورته ( ولو كلشي عادي )

لكن بعيدا عن الي تسوي قناة بالتلي وتخلي بيهة صور خاصة
اكو مصورات اعراس وهيج
يدزن الصور مرات بالتليكرام للزبونة

التلي ( والنت بشكل عام )
مو مكان آمن لحفظ الصور الخاصة
الصور الخاصة تنحفظ اما بجهاز ما مربوط بالنت كليا
او بشكل ورقي

لان حاليا احد جماعتنا وهو شخص متمكن بالتقنية
تعرض للاختراق
ممكن عن طريق ثغرة معينة
يعني مو بالطرق الاعتيادية

فالحذر من هاي الامور
والحذر من حفظ معلومات حساسة داخل التليكرام وغيره من مواقع النت

حكم التعامل بالعملات الرقمية

السيد صباح شبر

السلام عليكم.
حتى حياتنا تمشي بخط صحيح
فلازم نستفتي بكل شي نريد نسويه

وراها نقرر
هل نتبع اهواءنا لو نلتزم بكلام علماء الدين والمجتهدين

السلام عليكم
نذكركم بهذا المنشور

لعله يكون مفيدا

السلام عليكم.

تفعيل تطبيق micromedex

انغلق الحساب
بين ما اشوف حساب اخر

السلام عليكم.
ترند وضع دعاء الصباح مع فيديو لشخص يريد يحجي كلام غلط او سب وهيج

ما هو الا هجمة فكرية مثل غيره من الترندات الي تخص الدين تحديدا

فبعد التعود على هيج منظر مع الدعاء

راح تقل الروحية الي تحصلها من تسمع الدعاء هاي اذا سمعته بعد اصلا

احذروا شوية
خليكم واعين

السلام عليكم.

اليوم شفت فيديو
ان شخص ناسي الايفون مالته داخل التكسي ( من نفس الشركة )
وابو التكسي غالق التلفون

وبعد تهديدات بالامن الوطني والعشاير
يلا رجعه

فنرجع نذكر بنفس الملاحظات
وطبعا الملاحظات تنطبق على كل الشركات وعلى كلشي
لان الخطأ الاكبر على الزبون

https://t.me/generaltutorial/1025

بسم الله الرحمن الرحيم

نحن جمع من طلاب كلية اشور قسم الصيدلة ونريد بهذا المقال ان نبث شكوانا الى الله سبحانه وتعالى والى معالي وزير التعليم العالي المحترم
بصفتنا مواطنين اولا وطلاب ثانيا
لان الموقف الذي حصل اليوم المصادف الثاني من ذي القعدة ٢٠٢٥/٤/٣٠
ينبغي ان يؤخذ بنظر الاعتبار، فان اليوم عند مجيء قسم من الطالبات المرتديات للعباءة لاداء الامتحان النهائي النظري، منعهن رئيس الجامعة الدكتور محمد الاعرجي من اداء الامتحان  الا بعد ان ينزعنها ويرتدين اللابكوت والثابت ان اللابكوت او الصدرية الطبية يرتدى عند المختبرات والامتحانات العملية

وحجته كانت ان العباءة تخالف الزي العام للجامعة رغم ان لباس الجامعة عشوائي ومن يدخلها يرى ذلك بام عينه
هذا وقد امهلهن مدة من الزمن،اما ان ينزعنها واما ان يحرمهن من اداء الامتحان باخلاق مجحفة واسلوب متميز في قساوته فقد نعت العباءة بنعوت فاحشة وتجاوز على الذات الالهية امام مرأى الطلبة والاساتذة والكاميرات تشهد ان لم يغيرها احد.

وهذا بحد ذاته اعتداء وتجاوز على معتقد الاغلبية الساحقة الذي هو مدان ومستنكر بحكم القانون العراقي النزيه
وبالاضافة الى ذلك فانه ارعب الطالبات بصوته العالي واوامره غير الرسمية تلك، وزاد من توترهن الذي ينبغي ان يقلله المربي الفاضل.

فنرجوا من الجهات المعنية الغيورة ان تتخذ الاجراء المناسب.

السلام عليكم.

عند الكلام عن هيج موقف
( طرد طالبة لان لابسة عباية )

يجي سؤال، شنو رد فعل الطلاب البقية؟ مراقبين الامتحان؟ الاساتذة؟

السكوت عن هيج ظلم واضح وتعدي على الحقوق وعلى رمز من رموز الدين الاسلامي؟

ولاجل شنو؟
امتحان دنيوي لاجل شهادة دنيوية؟

اتوقع لو البقية انطوا رد فعل يرفض هذا الظلم، ما جان تطور الموضوع وصار قضية رأي عام غالبا.

لكن هي بيهة حكمة.

السلام عليكم

جماعة الطب الوزاري

https://t.me/MedGuideHussein

قناة ممكن تفيدكم

السلام عليكم.
طبعا ملاحظة جدا مهمة
بخصوص اي امتحان
باي مرحلة واي سنة من السنين

لازم تحدد شنو راح تقرا ووين
يعني متظل تطفر منا ومنا

ومثل متشوفون اكو عشرات الطلاب الاوائل ومئات القنوات
وكل واحد ممكن مسويله قناة وينشر بيهة

فانت خوما تظل تطفر بيناتهن
وانت ما قاري المادة؟
ترة ما راح يجيبون الاسئلة من المريخ

فتقرا المادة
وتقرا hints
وتقرا اسئلة المصادر المعتمدة
واكو ملخصات مجربة

وهو هذا كافي ان شاء الله والله يسهل للجميع

السلام عليكم
ما بين المصلحة العامة والمصلحة الخاصة
تشوف الاغلبية تفضل الخاصة

الاغلبية تريد تكون السباقة بنشر خبر معين، او بنشر محتوى اكثر، او نسب الفضل الها


بِسْمِ اللَّهِ الرَّحْمَٰنِ الرَّحِيمِ

لَا تَحْسَبَنَّ الَّذِينَ يَفْرَحُونَ بِمَا أَتَوْا وَيُحِبُّونَ أَنْ يُحْمَدُوا بِمَا لَمْ يَفْعَلُوا فَلَا تَحْسَبَنَّهُمْ بِمَفَازَةٍ مِنَ الْعَذَابِ ۖ وَلَهُمْ عَذَابٌ أَلِيمٌ


اتوقع هذا جواب كافي

السلام عليكم.

ليس كل متفوق دراسيا
هو متفوق في الحياة

ليش؟
التفوق في الحياة هو الالتزام باوامر الله

عنه (صلى الله عليه وآله): من طلب العلم ليماري به السفهاء، أو يكاثر به العلماء، أو يصرف به وجوه الناس إليه، فليتبوأ مقعده من النار.