السلام عليكم .

4289 متابع بالقناة

المفروض حاليا كلهم عدهم معرفة باساسيات الحماية على الاقل

لان هي هاي غاية القناة
مو غايتها مجرد زيادة عددية

المهم اني ناشر فهرست هنا
https://t.me/takesomecare/2

للاشياء والتحذيرات الي لازم الكل يعرفها
وهي تمثل نقطة انطلاق بعالم النت

كن حذر في هذا العالم
بكل تصرفاتك

السلام عليكم.

مهم جدا
بخصوص دراسة اللغة الفرنسية لطلاب المدارس

صح فيديو متاخر ( لان ما اعرف شوكت ينفتح وينسد التقديم )
لكن يفيد للمستقبل


https://youtu.be/izWs2LNw0Wg?si=tvK1Pn5XhNExKASt

الفرنسي يضيفلك على المجموع 4 الى 8 درجات ( 0.08 من درجتك )

بالسادس الاعدادي

السلام عليكم.

اكيد اكو طلاب مقبلين على الجامعة ويردون يشترون ايباد

ملاحظة بسيطة
جهاز تخزينه اقل من 64 كيكا لا تشتري

السلام عليكم.

اني مو اوائل ولا استاذ ولا خبير بالتعليم ولا عندي معرفة باي شي

لكن برأيي
افساد الطالب يتم عن طريق شغلتين
اولا التدريس الخصوصي
ثانيا اخذ الترجمة جاهزة للمحاضرة


الاولى تخليه ميعرف هو شلون يدرس وشلون يبحث وشلون يطلع زبدة المواضيع

الثانية تخليه اتكالي وغالبا راح يبقى ياخذ ملازم مترجمة حتى وهو بالمراحل الاخيرة

والي يكول وقت ماكو
فهو هذا المطلوب
انت طالب
شغلتك الوحيدة تدرس وتتعلم وتتعود ( تنطحن وتنعجن حتى تصير جاهز )

وهو بس بالمرحلة الاولى هذني
وراها بعد توكف على رجليك وتكمل طريقك

اما اذا ظليت تاخذ التغذية بالملعقة ( Spoon feeding )
شوكت تتعلم تاكل وحدك؟

السلام عليكم.

شايفين شخص عنده ملفات كلش مهمة
وميسوي الها نسخة اخرى؟

نفس وضع الطالب الي معتمد 100%
ان ما راح يصير مشكلة بجهازه او بالبرنامج مال ملفات الي يستخدمه

وتالي بيوم الامتحان الايباد يعطل
لو التطبيق بعد ميشتغل
ويروحن منه كل الملفات والملخصات والخ


ما صايرة؟ لا صايرة وهواي.

لهذا دوما احتفظوا بنسخة من الملازم والملفات
داخل الجهاز اولا وبالتليكرام ثانيا
او تخزين سحابي او هارد خارجي

الي يناسبكم
لكن اهم شي تحتفظون بنسخة
بحيث اي مشكلة تصير
تكدرون تحلوها بلحظتها

ماكو جهاز وماكو تطبيق
100% يشتغل عدل وبدون ميعطل

حتى لو ماكو سبب
فجاة تكعد الصبح تلكة بي مشكلة او عطل

السلام عليكم
في ما يخص شركة زين

لإيقاف استلام رسائل التسلية والترفيه الترويجية ، على المشترك إرسال 2 برسالة إلى 2027.
لإيقاف استلام الرسائل الخاصة بالعروض الترويجية ، على المشترك إرسال 4 برسالة إلى 2027.

مجانا - عروض يوم الجمعة السوداء
Clinical Review Articils Medical Clinics
احصل الان على المجلة الامريكية الطبية بشكل مجاني من خلال التواصل معنا عبر الصفحة
يسري العرض لمدة 24 ساعة

1- An Update in Nephrology
2- Vascular Medicine
3- Current Challenges and new directions in preventive medicine
4- Clinical Psychiatry
5- Womens's Health
6- Hepatiology: An Update

متواجدون للاجابة عن استفساراتكم ولارسال النماذج المجانية عبر الصفحة أو على الرقم:
07859289207
@journal_medical_hub
وخلّوا "جورنال" تكون مصدر معلوماتكم!
#نقرب_العلم_اليكم

السلام عليكم.

ما اعرف اذا حاليا صايرة هجمة على الارقام بحيث يخلوهم يشتركون بدون علمهم اصلا ( ويكدرون يحصلون مبالغ هائلة اذا كدروا يستقطعون مال يوم واحد فقط )

لكن اجتي هاي الرسالة لرقم عندي ما استخدمه اصلا
ولا دازين الي يوم مجاني

مباشرة اشتركوا واخذوا المبلغ

حاولوا تنتبهون لهذا الموضوع
وتنبهون اهاليكم ايضا

السلام عليكم.
سمعوها بشكل مقاطع اذا تشوفوها طويلة
وصية واضحة وبمتناول يد الجميع لتنفيذها

https://www.youtube.com/watch?v=nZy2JzKRjT0

السلام عليكم.

تحديث جديد بالعمولة
صارت 1% تؤخذ من كي

يعني زين كاش ما الهم علاقة.

يعني اذا عندك 101 بحساب كي
لازم تكتب تعبئة 100 فقط.
حتى العملية تتم

السلام عليكم.

ترند النزول من مدرج التخرج عند تشغيل الاغاني،
الفعل بحد ذاته هو صح
لكن الترند هو غلط.

لان الترند هو شي يشتهر فترة قصيرة وراها يختفي، اما النزول فهو شغلة لازم تبقى وتستمر ( والمفروض الها وجود مسبق ايضا )

لان المجاهرة بالمعصية لازم تكون مرفوضة عند كل من ينتمي للاسلام.

صورة التخرج حق لكل طالب، فيعني مقولة ( شعنده راح او راحت للصورة ) هي باطلة.

اما البقاء في المدرج وعدم المشاركة في الرقص، برأيي مرفوض ايضا، لان ما اتوقع مطلوب من المسلم ان يدخل الملاهي لاجل النصيحة او بيان عدم الرضا.

وبالاخير الكثير من حفلات التخرج بؤرة من بؤر نشر الفساد والانحلال الاخلاقي.

وبالاخير لكون الفاسدين هم اغلبية وعدهم مخالفة اوامر الله واهل البيت شي عادي

فهذا لا يمنع ان الاقلية ترفض كل فعل منافي وتبين الصح.

هدانا الله واياكم الصراط المستقيم
وغفر لنا ولكم جميعا.

السلام عليكم.
اذا كل شخص سوة شي صح او خير بالسر
وما نشر

فالوادم راح تشوف الدنيا متروسة سوء فقط.

لهذا اعملوا الخير ونشروا
جمعوا تبرعات ونشروا
زرعوا ونشروا
ساعدوا ونشروا

لكن فقط لا تظهرون الي انطيتوه مساعدة.

السلام عليكم ورحمة الله وبركاته.

نبارك لسيدنا ومولانا الامام المهدي عجل الله تعالى فرجه الشريف
بذكرى ولادة سيدة نساء العالمين الصديقة الطاهرة الزهراء فاطمة بنت محمد
اللهم صل على محمد وال محمد.

متباركين بهذا اليوم العظيم.

عن النبي (صلى الله عليه وآله) انه قال لها: أي شئ خير للمرأة؟ قالت: أن لا ترى رجلا ولا يراها رجل. فضمها إليه وقال: ذرية بعضها من بعض.