السلام عليكم.

القناة لم ولن تقف على عدد متابعين ورقم معين
كلتها سابقا واظل اكولها
اذا شخص واحد كال استمر راح استمر.

صح احاول هواي واظل اكول لكل شخص اشوفه كبالي انشرها، مو لاجل فائدتي الشخصية واصلا الاغلبية العظمى متدري منو صاحب القناة اصلا ولا فد يوم راح يهمني تعرفون.

لكن بسبب الجهل التقني الفظيع عند مستخدمي الهاتف الي ميعرفون غير التيكتوك والانستا وببجي، الي قد يؤدي الى مشاكل كبيرة جدا.

اني قد اكون مخير ( كما يظن البعض ) بين جعل منشورات القناة فقط تقنية، او نشر امور دينية وياها.

لكن فهمي للامور والواقع يكول اني مجبر على نشر الدين ومحاولة الامر بالمعروف والنهي عن المنكر، والا شنو الفرق بيني وبين الي يساند المنكر واني موقفي حيادي؟

كل منشور ديني يسبب نقصان 100 متابع؟ ان شاء الله ينقصون الف، روحة بدون رجعة والله يهديكم.

ما النا سلطة على احد، بس الناس يكرهون الحق ويحبون التهلكة، وبالاخير نكول:

فَلَعَنَ اللهُ أُمَّةً أَسَّسَتْ أَسَاسَ الظُّلْمِ وَالْجَوْرِ عَلَيْكُمْ أَهْلَ الْبَيْتِ ، وَلَعَنَ اللهُ أُمَّةً دَفَعَتْكُمْ عَن مَّقامِكُمْ وَأَزالَتْكُمْ عَن مَّراتِبِكُمُ الَّتي رَتَّبَكُمُ اللهُ فِيهَا ، وَلَعَنَ اللهُ أُمَّةً قَتَلَتْكُمْ وَلَعَنَ اللهُ الْمُمَهِّدِينَ لَهُمْ بِالتَّمْكِينِ مِنْ قِتَالِكُمْ ، بَرِئْتُ إِلَى اللهِ وَإِلَيْكُمْ مِنْهُمْ وَمِنْ أَشْيَاعِهِمْ وَأَتْبَاعِهِمْ وَأَوْلِيَائِهِم ، يَا أَبَا عَبْدِ اللهِ إِنِّي سِلْمٌ لِمَنْ سَالَمَكُمْ وَحَرْبٌ لِّمَنْ حَارَبَكُمْ إِلَى يَوْمِ الْقِيَامَةِ ، وَلَعَنَ اللهُ آلَ زِيَادٍ وَّآلَ مَرْوَانَ ، وَلَعَنَ اللهُ بَنِي أُمَيَّةَ قَاطِبَةً ، وَّلَعَنَ اللهُ ابْنَ مَرْجَانَةَ ، وَلَعَنَ اللهُ عُمَرَ بْنَ سَعْدٍ ، وَّلَعَنَ اللهُ شِمْراً ، وَّلَعَنَ اللهُ أُمَّةً أَسْرَجَتْ وَأَلْجَمَتْ وَتَنَقَّبَتْ لِقِتَالِكَ.

السلام عليكم.

باي موقع او تطبيق
هاي المفردات حفظوها

Log out or sign out = تسجيل خروج

Log in or sign in = تسجيل دخول
( حساب موجود مسبقا )

Sign up = انشاء حساب جديد

السلام عليكم
فد منشور مؤقت

طلاب لمن تقرون
اقروا بالكيفية مو بالكمية

يعني قراءة ساعتين بتركيز وفهم
احسن من 10 ساعات تطلع وراها كلشي ماكو

وتعلموا طرق الدراسة الحديثة بما يناسب النشاط العقلي والوقت المناسب
والنفسية المناسبة
وكمية الراحة مع كل سشن دراسي

استخدموا الخرائط الذهنية وتطبيقات انكي
واستخدموا التكرار المتباعد

ايضا استخدموا التلخيص واكيد واهم شي الكلمات المفتاحية

وحلوا اسئلة كثيرة يومية
حتى تعرفون مواطن القوة والضعف عدكم

هذني كلهن ميحتاج الهن جهد ولا دراسة 10 ساعات باليوم

المهم بالدراسة هو الاستمرارية
قليل دائم خير من كثير منقطع


وبالاخير هاي النصيحة اني ما مطبقها
بس لعلها تفيد
😶😶😶😶😶

يعز علينا نشوف الطلاب تروح دور ثاني لو ترسب
لو تجتهد وبالاخير متحصل نتيجة
بسبب ان الجهد عشوائي بدون تنظيم

كشخص بعيد عن الدراسة
( وللاسف يعني ويا حسرة على ما فرطنا به )
ما اكدر اتدخل بالموضوع واساعدهم حتى لو عندي معرفة بالطريقة المفيدة

لهذا دائما واحد خلي يستفسر من الطلاب الاوائل ويجمع منهم الخبرة
وايضا يسأل اساتذته بالكلية
اكو هواي متعاونين ويعلمون الاخرين

واذا كلش كلش متريد تسأل احد
روح لطبيب اعصاب ونفسية ( لان هم يعرفون بهاي الامور خصوصا )
وانطيه كشفية بدون منية احد عليك

وبالتوفيق للجميع ان شاء الله

السلام عليكم

شلون تنصب على شخص؟

اولا تكول اله اكو عمل اونلاين وتشرح اله صيغة العمل الوهمية
وتكول اله جرب تدخل بالف دينار او الفين


لمن يدخل بالعمل بالفين
ورة يومين دزله 4 الف
هيج حصل ضعف المبلغ

هو يفرح
شراح يسوي؟

يحط 25 يمكن
لمن يحط 25
ضربه بلوك
واتونس بالحمرة


تمام؟
يلا انطلقوا وتونسوا بالنصب والاحتيال

عمليات النصب صايرة بكد شعر راسنا
وبطرق مختلفة
وعادي فعلا يخلون شخص يضحكون عليه وينطوه فلوس
بحيث يروح يروج الهم ويجيب جماعته
وهيج بالاخير هم سارقين 10 اشخاص
ومنطين كم فلس لشخص واحد

تسويق شبكي مثالا عن هذا الشي


المهم هسة بالجديد تلكة صفحات ممكن فعلا ينطوك اول يوم فلوس
ثاني يوم فلوس
وانت ما دافع شي

بس انت راح تطمع وتحب السالفة
فتحاول تحصل فلوس اسرع

فتدفع الهم لان وثقت ان راح ينطوك فلوس

فياخذوهن ويكول الك باي ..


النصيحة الاولى والاخيرة
اعمل بيدك محد يفيدك

مو تريد تصير مدرب كرة قدم وانت ما عرگان بدريس .


لا تبحث عن الاموال السريعة غير معلومة المصدر

الف شغلة فعلا ممكن تحصل منها فلوس حلوة وسريعة
بس ابتعد عن سوالف واحد يشتغل مكانك لو فلوس تحصلها بدون عمل حقيقي

سامعين بال drop shipping ?

حتى اشرح الكم اياه بكلمة وحدة

فهو ( الدلالية )

الدلال شغلته يربط بين البائع والمشتري
وياخذ فلوسه بدون تعب

فالي يريد يشتغل دلال
خلي يشتغل
والي يريد يشتغل drop shipping خلي يشتغل

بس لا تخلي الفلوس السهلة
تعمي قلبك وفكرك
وتنسيك ربك ودينك

السلام عليكم

نتائج السادس هنا
https://t.me/Educationiq



التطبيق هذا

https://apps.apple.com/iq/app/rar-sharp/id683270527


والشرح بالصور شلون نفتح الملفات

السلام عليكم
باعتبار النتائج مال سادس اعدادي طلعت
وبعد كم يوم القبولات

راح تلكة اكادميات التعليم الخصوصي
تسوي حفل استقبال للطلاب
ويزرعون براسهم ان اذا متدخل خصوصي ما راح تفهم ولا راح تنجح دور اول ولا راح تطلع اوائل

مو علمود بياض عيونك
انما علمود فلوسهم ومصلحتهم.

وكلامهم اغلبه كذب وخداع
ودمروا التعليم وساعته

وصار الطالب ينتظر الماما ( استاذ الخصوصي ) تنطيه spoon feeding
حتى يقرا

ميكعد هو يبحث ويشغل عقله ويطوره
ويبدي تدريج مثل ما الكلية تبدي بمراحل.

لماذا الإصرار على تعديل قانون الاحوال؟

https://youtu.be/fMYJmoawpDA?si=g4JHrrs7xyDuRKmP

السلام عليكم.

شوفوه جميعا
معارض كنت او مؤيد

حتى شوية تنفتح افق عقلك

https://youtu.be/_2L1f1nBp0k?si=SkUbev2MZst6PHo6

يا كميل بن زياد إن هذه القلوب أوعية فخيرها أوعاها، احفظ ما أقول لك: الناس ثلاثة: عالم رباني، ومتعلم على سبيل نجاة، وهمج رعاع، أتباع كل ناعق، يميلون مع كل ريح، لم يستضيئوا بنور العلم، ولم يلجأوا إلى ركن وثيق.
يا كميل: العلم خير من المال. العلم يحرسك وأنت تحرس المال، العلم يزكو على الانفاق، والمال يزول، ومحبة العالم دين يدان به، وبه يكسب العالم الطاعة في حياته وجميل الأحدوثة بعد مماته، المال تنقصه النفقة، العلم حاكم، والمال محكوم عليه. يا كميل مات خزان المال وهم أحياء، والعلماء باقون ما بقي الدهر، أعيانهم مفقودة، وأمثالهم في القلوب موجودة.



اذا عجبكم الكلام وشفتوا بي بلاغة وحكمة
ابحثوا عن القائل
لعلكم تهتدون.