السلام عليكم

( الطريقة انلغت ، صارت فقط لعملاء خدمة امتياز )


لمستخدمي تطبيق ( كريم Careem )
تطبيق سيارات اجرة ( تكسي )

كيفية الحصول على 4 تخفيضات بنسبة 25% بحد اقصى 1500 دينار للرحلة .
كل شهر تكدر تحصل 4 تخفيضات .

( الطريقة انلغت ، صارت فقط لعملاء خدمة امتياز )

السلام عليكم
هذا برنامج للايباد
قارئ ملفات pdf
و بي خواص لا بأس بيهة باعتباره مجاني

تضيف صفحة فارغة ، تكتب بالقلم و يتحول الى نص الكتروني ، تضيف صور ، تسجيل صوت ( لكن للاسف تسجيل واحد بشكل مقاطع ، مو مثل pdf expert )
خاصية التعرف على النص من الاوراق مباشرة
بي ستكرات للي يحبون هذا الشي .

https://apps.apple.com/iq/app/collanote-note-journal-pdf/id1540956268

السلام عليكم .
تفتح حسابك مال تليكرام
تلكة روحك بقنوات و كروبات هواي و انت متدري شنو الموضوع ،
بكل بساطة سوي هاي الخطوة .

السلام عليكم . رجعنا وية سالفة تجميد حسابات ابل ، بس هاي المرة الرسائل وية الشركة ما فادت لحل المشكلة . لهذا جان لازم نتصل ، الحلو بالموضوع ان صاحب المشكلة هو اتصل بيهم دوليا ( يعني ما احتاجني و هذا شي كلش جيد ) .
يمكن لو ماخذه صيانة جان اخذوا منه مبلغ محترم .

طبعا الحساب مشتريه جاهز من محل و الايميل وهمي .

لمن الحساب يتجمد ( و انت فاتحه بالايكلاود ) ، جهازك بعد متكدر تحمل بيه تطبيقات و ممكن متكدر تحدث التطبيقات الحالية . واذا صار و ردت تفرمت او انجبرت على فورمات ، ف ايضا تدفع مبالغ حتى يسووه اهل الصيانة . لان يستغلون عدم معرفة الاغلبية

السلام عليكم .
حل مشكلة
This Apple ID is not active

بدون تعقيدات
اول شي خلي رصيد بموبايلك
واتصل على شركة ابل فرع الكويت
+96522282292

يحجون عربي و اذا طلع واحد اجنبي كول اله اريد عربي

كول اله المشكلة ،
وانطيه الايميل و اسم الحساب
و انتهى .

طبعا حتى بدون هواي رصيد ممكن تسويها
هم يرجعون يخابروك 😅 ، بس يعني انت خلي ببالك ممكن تصرف 5000 يعني مو اكثر .
وحسب نوع خطك و شكد تكلفة الدقيقة

العملية متاخذ 10 دقايق اقصى شي ان شاء الله .

السلام عليكم .

شرح الطباعة في الايباد و الايفون ( اجهزة iOS )

الطباعة وجه و ظهر .

رابط الموقع : اضغط هنا

ملاحظة : الطريقة نكدر نستخدمها باي جهاز ، يعني بالاندرويد .

للتواصل ، الروابط في الوصف .

رابط الموقع
اصغط هنا

السلام عليكم .
كيفية الطباعة لكل الاجهزة :

بوت دمج سلايدات :

https://t.me/generaltutorial/628

1 - كمبيوتر ( دمج سلايدات + طباعة وجه و ظهر )

دمج
https://t.me/generaltutorial/411

طباعة
https://t.me/generaltutorial/439


2- اندرويد

( دمج سلايدات + طباعة وجه و ظهر )

دمج
https://t.me/generaltutorial/533

طباعة
باستخدام موقع
https://t.me/generaltutorial/532

باستخدام تطبيق
https://t.me/generaltutorial/504


3- iOS ايفون وايباد

( دمج سلايدات + طباعة وجه و ظهر )

دمج
https://t.me/generaltutorial/545
طباعة
https://t.me/generaltutorial/532

عبارة عن زر داخله اوامر للوصول السريع .
اجهزة ابل ( ايفون ، ايباد )

السلام عليكم .
قد نكتفي من الشروحات ، لان احس نشرت كل ما املك من معلومات قد تفيدكم .

بس خلي نسولف شوية ، حاليا الحياة صارت بالموبايل و كلشي بالموبايل ، فانت مجبور ان تحميه و تعرف شلون تحمي حساباتك و تحافظ على خصوصيتك اول و ثم خصوصية الاخرين ، بل قد تكون خصوصية الاخرين اهم ، لان واحد مثلا لمن يسولف وياك او يدزلك صور ، فهو دازهن الك فقط ، مو لغيرك .

فيعني لمن يخترقون حسابك و ياخذون الصور مالته ، فانت تتحمل جزء جبير من المسؤولية .

و شغلة مهمة ، شدعوة واحدكم حاط الموبايل صندوق خصوصيته الى ابعد الحدود ، يحط بي صور فاضحة لنفسه ، حتى لو متزوجين و يتبادلون صور و فيديوات ، شدعوة عليكم ، شنو متتحملون ؟ لو عبالكم الموبايل و حساباتكم محصنة من كلشي ؟

كافي خلي يصير عدكم شوية وعي بالامور التقنية ، مو صفر بيهن ، ترة غصبا عنكم لازم تتعلمون عليهن ، ما معقولة بعد كم يوم واحدكم يصير استاذ لو دكتور لو اي وظيفة و ميعرف يستخدم الاجهزة لو يجي طفل يهكر حسابه و يبتزه ، لو الي يستنكف ينشر القناة لمن اطلب منه ، مال اروح اعلمه شلون يحترم الاكبر منه اولا ، وشلون يكون قدر المسؤولية ان هو ممثل مرحلة كاملة و هو حلقة الوصل بينه و بين المراحل الاخرى ، زعاطيط بهذا الوقت لا يحترمون ولا يعرفون يتصرفون .

اما الي يسرقون مجهود الاخرين و ينسبوه الهم ، فعاشت ايدكم ، علساس حصلتوا الجنة ، يلعن امثالكم تافهين .

و في امان الله
و اعتذر لكل شخص محترم اضطر يقرا الكلام و ينزعج منه .

السلام عليكم .
القناة صار عمرها سنتين 😍

اكثر من 1700 مشترك
بالبداية جنت احسبهم نفر نفر 😄

صح اغلبهم ما مهتمين اصلا و ميشوفون المنشورات ، لكن غايتي هي نشر الفائدة و اذا شخص واحد يستفاد ، فهنا اني اشعر ان القناة وجودها مو لفراغ .

و غاية الفائدة هي ابتعادكم عن الحاجة الى الاخرين او دفع مبالغ مقابل امور بسيطة .

طبعا بديت القناة و جان حسابي ظاهر ( لان جانت بس لجماعتي ) بس بعدين قررت ان اشتغل بشكل مجهول ، لاسباب كثيرة مو مهمة الكم .

و بنهاية المنشور اني ما اطلب منكم شكر على هذا الشي ، و لا مقابل اكيد .

بس الطلب الوحيد ان الثقافة الالكترونية لازم تصير عند كل شخص و خصوصا الحماية و الخصوصية ، لان اكيد كلكم تسمعون بحالات الابتزاز و الاختراق و القتل بسبب هاي الامور .

حتى لو جان نشركم هو نسخ منشوراتي بدون ذكر قناتي . ( الله يغفر لكم ) المهم الفائدة للجميع .

وعذرا عن الاطالة .