السلام عليكم ،
اليوم الشرح راح يكون مهم جدا حسب تقييمي للخطر مالته ، والي واكع بهاي المشكلة يعرف شاقصد ..

اذا جنت مفعل Icloud بجهازك ، وجنت مشتري الحساب فقد تكون معرض لبعض المشاكل مثل

حسابك ينباع لشخص اخر و تصير يمه كل صوركم المرفوعة و معلوماتك ،،

او الايميل تنتهي صلاحيته و شخص يسوي حساب بنفس الايميل و يغير المعلومات و هيج بعد متكدر تخرج من الحساب و جهازك يصير عبارة عن جماد و لازم توديه مصلح قد ياخذ مبلغ جبير ،،

الحساب ينقفل و انت ما حافظ معلوماته ممكن و ايضا تصير مشاكل ،،،



وهسة نبدي الشرح حسب المواضيع ...

اولا نتاكد هل اكو صور مرفوعة داخل الحساب ؟

ندخل على
Settings
Apple ID
iCloud
Storage
هنا نقرا الحجم مالتها و شنو الي مكتوب جوة شريط الحجم ،،

ثانيا ننزل شوية لجوة و نشوف

Photos
يكون بيهة خيارين ( on or off )

هاي خليها off و الغي سالفة رفع الصور ..


ملاحظة ؛
في حال جان شريط الحجم خال من الصور و photos off .

ومتهمك الامور الباقي ( برامج ملاحظات تقويم ، الخ )

اعبر هذا الشرح كله . ( وروح لاخر الشرح مباشرة - تسجيل الخروج -) .

هسة نبدي الخطوات ..

اني هنا عندي صور مرفوعات و لغيت رفع الصور ،،

باقي لازم احذف الصور و اخرج من الحساب ...

ندخل الى موقع الكلاود

Icloud.com

نسجل دخول بمعلومات الحساب
ندخل على photos
نحدد الكل و نسوي حذف ،

وراهة ندخل على Album
نلكة recently deleted
نحددهن كلهن ونسوي حذف

نتاكد ان باقي الالبومات فارغة ..

نخرج من الرابط و نرجع ندخل من جديد و ندخل على photos

علمود نتاكد ان انحذفن ...

My albums .. see all . Edit . Delete them one by one ..

هيج انحذفن كل الصور نهائيا ، ان شاء الله .

حدثوا الصفحة اكثر من مرة
علمود تتاكدون اكثر ،