السلام عليكم .
تحذير عن كم شغلة .

الاولى لمن تريد تشتري جهاز ، حاول تشوف سعره باكثر من محل حتى لا تدفع اكثر مما يستحق .. واهم شي الضمان .
اسماء محلات اشوف بيهن الاسعار ( عالم القلعة ، المملكة 2 للموبايل ، لمسات للموبايل )

الثانية
لمن تشتري اكسسوارات حاول لو تاخذ الاصلي ، لو شركة اخرى موثوقة . وتأكد من الاصدار و تاريخ الانتاج ..و ايضا ركز على الضمان .

الثالثة
بعض الاجهزة حتى لو تسوي الها فورمات وتبيعها ، يكدرون يسترجعون الملفات و الصور .

ممكن اكو طرق حذف نهائي ، بس ما عندي تجربة بالموضوع .

السلام عليكم .

رقم موبايل حساب التليكرام ، قد يكون ظاهر للجميع .
حتى تخفيه او تحدد منو يشوفه ، سوي هاي الخطوات .

- اعدادات
- الخصوصية و الامان
- رقم الموبايل

وتختار من يستطيع مشاهدة الرقم
وايضا ممكن تخلي استثناءات .

-Settings
-Privacy and security
-Phone number

السلام عليكم .
كيفية تغيير صوت و سرعة اللفظ في تطبيق Pdf expert .

اول شي تفعلون خاصية text to speech
وراها تفتحون الاعدادات و تختارون اللغة الانكليزية ، تختارون صوت اللفظ و اللهجة ( بريطاني ، امريكي … الخ )
واكو شريط سرعة اللفظ هذا تحركوه قليلا للامام ( او بما يناسبكم ) .

وراها تلغون خاصية text to speech .

وانتهى .