السلام عليكم ..

موضوع عن خصوصية المستخدم .

في حال جنت مسجل دخول الى حساب كوكل داخل المتصفح ، فاي نشاط تسويه بالمتصفح يتم تسجيله داخل الحساب .

يعني سواء بحثت عن موضوع معين
او شفت فيديو باليوتيوب او دخلت موقع معين .

كل هذني يكونن محفوظات بالسجل .


وهذا رابط مكان السجل :

https://myactivity.google.com/myactivity

تكدر تحذف السجل كاملا او جزء حسب الوقت او تخلي وقت محدد ينحذف تلقائيا .
او تلغي عملية حفظ النشاط نهائيا ....

السلام عليكم :
هاي طرق تحويل ملف الوورد الى
Pdf
عن طريق برنامج مايكروسوفت وورد ..

نفس الخطوات تشتغل على pptx , excel ( بوربوينت و اكسل ) . لكن داخل البرنامج المخصص لكل صيغة .


كمبيوتر :
-نفتح ملف الوورد
-ملف
-تصدير
-انشاء مستند pdf
-اختار مكان الحفظ
-نشر


ايباد ، ايفون :

- نسوي شير للملف
( بشكل علامة سهم )
Share
- نختار ارسال نسخة
Send a copy
-نسوي الصيغة pdf
Format : pdf
- نختار ارسال عن طريق تطبيق اخر
Send with another app

ونختار التليكرام
او قارئ ملفات
او نحفظه مباشرة بالجهاز ...



موبايل سامسونك ( مو اكيد تشتغل عند الكل ) :
-نفتح ملف الوورد
-اعدادات (شكلهن 3 نقاط )
-طباعة
-ننتظر شوية
-تطلع علامة سهم و pdf
-نضغط عليها و نختار مكان الحفظ
-وتم

السلام عليكم
كيفية دمج ملفات pdf .

اكو برامج لهاي العملية
واكو مواقع بالنت ..

برنامج صغير الحجم مثل pdf it all

برنامج بحجم 50 ميكا
وهو قارئ ملفات و ايضا يدمج و يعدل الترتيب مالتهن ، يحذف صفحة ، يضيف صفحة . يعني كلش ممتاز للاستخدام بشكل مستمر.. وهو
Xodo


راح اشرح عن الموقع :

ادخل الموقع

https://www.ilovepdf.com/merge_pdf

اختار select pdf files
راح يفتحن مجلدات جهازك
اختار الملفات الي تريد تدمجهن حتى لو بدون ترتيب ..

راح ينرفعن و يطلعن اسمائهن
هنا تكدر ترتبهن براحتك
مجرد اسحب ملف وخليه بالترتيب الي تريده ..

او اذا جانت اسماء الملفات متسلسلة
مباشرة سوي A-Z


اضغط.
Merge Pdf

انتظر قليلا ...

اضغط
download merged PDF

انتهى ...

السلام عليكم

تحذير و تنبيه مهم جدا جدا..

جماعة الايباد و الايفون ..

لمن تريد تفتح حساب اب ستور ماخذه من صديق او قناة او مكان عشوائي ،،
لا تفتحه من الاعدادات

فتحه داخل المتجر فقط
App store ....

واخرج منه اول ميبدي التطبيق يحمل ..
لا تتركه مفتوح داخل جهازك ..



وهذا شرح بالصور عن الطريقة ...

لمن تضغط على تحميل التطبيق و يبدي يحمل ..
سوي تسجيل خروج ..

نفس اول خطوتين

تضغط على صورة الحساب و تنزل لجوة و تسوي sign out...

السلام عليكم ،
ملاحظة هنا :

التطبيقات الي منزليهن عن طريق حسابكم السابق ،
لمن تردون تحدثوهن راح يطلب باسوورد الحساب السابق ..


اما اذا ردتوا تتخلصون نهائيا من الحساب ،

فمسحوا التطبيقات و رجعوا حملوهن بالحساب الجديد ...

بشكل مختصر :

عدكم خيارين
اولا : تسوون حساب بيدكم و تستخدموه داخل الكلاود و المتجر

او

ثانيا : تسوون حساب بيدكم و تستخدموه داخل الكلاود فقط

اما المتجر تبقون على حسابكم القديم الي مشتريه ..

مع التاكيد على الغاء عملية رفع الصور بالكلاود ...

السلام عليكم
سواء ايباد او لابتوب ..
لمن تفتح الوورد و تسوي ملف جديد
لازم تحفظه بشكل يدوي
وراها يبدي يحفظ بشكل ذاتي ..


بالنسبة للايباد :
اول متفتح الوورد وتسوي ملف
اتبع هاي الخطوات ...

Settings — Save — Files apps — on my ipad — move .

Settings - enable auto save .

شرح بالصور ...



اذا عدكم ملف مفتوح حاليا و كاتبين بي وما مسوين حفظ
عادي هسة سووا اله حفظ ، ماكو مشكلة ...

السلام عليكم ،
شرح تقسيم ملف pdf

يعني عندك مصدر عدد صفحاته 1500
وانت محتاج جزء منه فقط
مثلا من صفحة 400 الى صفحة 900 ..

الشرح لكل الاجهزة ..

كمبيوتر :
كلك ايمن على الملف
Open with : Browser
تفتحون الملف داخل المتصفح
( Chrome , Firefox , opera … etc )

تضغطون على علامة الطباعة ..

Destination : Save as PDF
Pages :
تخلوها Custom
وتحددون الصفحات الي تريدوها
مثلا
400-900

تضغطون Save.
تختارون مكان الحفظ و save .

وهيج صار عدكم بس الجزء الي تحتاجوه …