هل ممكن يتم فصل كل طلاب طب البصرة ؟
اذا جان هذا الشي ممكن
فياريت يصير لمرة واحدة فقط

على الاقل كل المفصولين
راح يعيشون بكرامة مدى حياتهم الباقية

عكس اغلبية الشعب العراقي
عكس الي ينتخب الفاسد
عكس الي مينتخب ويخلي فرصة للفاسد ان يصعد
عكس الي ساكت وراضي بالظلم
عكس الي يهوس لاي شخص عنده سلطة او منصب
عكس الي يعبد الي يخدم مصلحته

والكثير

السلام عليكم ورحمة الله وبركاته.

الصدقة جنة عظيمة، وحجاب للمؤمن من النار، استنزلوا الرزق بالصدقة، داووا مرضاكم بالصدقة.

ان شاء الله القادم افضل اكيد.

السلام عليكم
سولفنا سابقا عن ( فوز )
ولو جان نشر متأخر عنها

بس ربحنا منها
يعني مصداقية جيدة

لكن، عندي مشكلة وية سوبر كي
وما كاعد احصل الدعم مالتهم
وهذا شي جدا سيء بخدمة الزبائن
انك تخابر وتظل انتظار وتخسر رصيد
ومتحصل جواب

ما هذا؟
انت كاعد تتعامل وية اغبياء؟

هو واقعا اي
هيج شعب غبي راضي بالفساد
وهو الشعب اصلا فاسد

يخلون الواحد يحس ان ما لازم يمشي عدل
لان العدل ما كاعد نشوفه بحياتنا ابد

اولا الفلوس ما رجعت
ثانيا مال شنو تحجز اكثر من المبلغ المدفوع؟

عظم الله اجورنا واجوركم بذكرى استشهاد السيدة فاطمة الزهراء (عليها السلام).

#فاطمة_الزهراء
#مؤسسة_الصبح_المستنير_الانسانية
#ذات_نفع_عام
https://t.me/alsobhalmustanir

السلام عليكم
بعد نقاشات كثيرة وتضليل كثير

عمولة زين كاش عند الدفع الالكتروني للمواقع العالمية

1.75%
بحد ادنى 75 سنت

وراها تضيف
0.6%
على المبلغ


يعني تريد تدفع 100 دولار
العمولة تكون دولار و 75 سنت

101.75 + 0.6% = 102.3605
وهيج طلع المبلغ الكامل

السلام عليكم

راسلني شخص عنده جهاز ابل
يظهر اله اشعار ان لازم تكتب الباسوورد بالاعدادات
من يكتبه يكول اله غلط

من تصير عدكم هيج مشكلة
لا تحاولون وياها
مباشرة راسلوني

لان لازم تسوون طلب استرجاع للباسوورد
خاف الحساب يكون محظور اصلا

المشكلة جانت معقدة كلش
وقد تخسر جهازك بسببها

السلام عليكم
ارجع اكرر هذا الموضوع

واهم فقرة
انك تسجل شكد عندك فلوس كلما تصرف منهن
سواء عن طريق اخذ سكرين للاشعارات
او تكتبهن بورقة
او باي مكان

لان هواي صايرة تفتح التطبيق تلكة فلوسك ناقصات

السلام عليكم
قصة قصيرة حزينة

تدخل رابط بوتات الهكر ( اي كان نوعها )
بس كلها تتبع اسلوب واحد
شارحه سابقا هنا
https://t.me/generaltutorial/1604

مباشرة يدخلون حسابك
يضيفون تحقق بخطوتين او يغيرون الحالية
ويغيرون الايميل بحيث متكدر تعدل عليها بعد

ومرات حتى لو تسوي تسجيل خروج للهاكر
يرجع يفتح الحساب مالتك
ما اعرف شلون بس صارت باحد الضحايا

وبالاخير تضطر تحذف حسابك
وهاي ثاني شخص خلال يوم واحد يسوي نفس الشي

ونفس ما كلت سابقا
حتى اني
من ادزلك رابط
هم احذر منه
يمكن اني متهكر
يمكن واحد منتحل صفتي
يمكن اني قررت اغير طريقي في الحياة
كلشي يصير

السلام عليكم
من واحد يحول الك على تطبيق سوبر كي
لا تكتفي برؤية وصل التحويل
ادخل التطبيق وتاكد الفلوس وصلت

عن تجربة شخصية حقيقية
مو بس عندي

يدزلك وصل حقيقي ومضبوط
والفلوس تطلع من المرسل
بس متوصل النا ( متوصل نهائيا )

السلام عليكم
من تفتح تطبيق سوبر كي
يمكن يكول الك طفي خدمات امكانية الوصول
وخدمات المطور وما الى ذلك

انت افتح اعدادات الجهاز
وابحث عن الكلمة الي يكول الك طفيها
وطفي شكو شي شغال داخلها

وراح يشتغل طبيعي

السلام عليكم
بعض حسابات ChatGPT
حاليا يظهر الهم عرض تفعيل مجاني

حتى تشوف اذا حسابك مشمول او لا
افتح متصفح وادخل موقع ChatGPT.com
وسجل دخول بحسابك

وشوف تظهر كلمة عرض مجاني لو لا

في حال ظهرت
لازم تكتب معلومات بطاقة دفع ( ماستر او فيزا )
ولا تنسى كون ما بيهة فلوس ( اكثر من 3 الف لا تخلي )
ولازم تكون مفعل الحركات الدولية ( من داخل تطبيق سوبر كي )
وكون تلغي التجديد التلقائي ( من نفس الموقع بعد التفعيل )

السلام عليكم
دوما نحجي عن حسابات الابل الي تشتروها جاهزة
وحتى لو مو جاهزة
فبعض الحسابات كاعد تنغلق للاسف
وبسبب جهل المستخدم
يسبب باغلاقها نهائيا
بدل مترجع بسهولة

طبعا الجهاز انتهى
يردون 200$ حتى يحلون المشكلة مالته
او يشمروه باقرب حاوية ( يبيعوه تفصيخ )

السلام عليكم
شلون تتجنب هذا الشي؟
بكل بساطة
سجل خروج من الكلاود و FIND MY

افتح الإعدادات (Settings) واضغط على اسمك الموجود بالأعلى.
اخر شي تلكة تسجيل خروج
اختارها
بس انتبه
سوي تسجيل خروج بدون حذف لمحتوى الجهاز

شنو ضرر هاي الخطوة؟
اذا انسرق جهازك او ضاع
يكدرون يتصرفون بيه بكيفهم


الحل الامثل شنو ؟
حسابك يكون رسمي 100%
بايميل حقيقي ورقم هاتف حقيقي
( وهم ما راح تكون بامان 100% من هيج مشاكل )