البوت يهكرك
اذا عندك قنوات ينشر البوت بيهة
واذا لا

يدز رسائل بالكروبات ولاصدقاء،
وهم ينشر امور اباحية

السلام عليكم
مهم جدا جدا …

لمن شخص يستخدم رقمك حتى يسجل دخول للتليكرام ، حساب التليكرام راح يدزلك كود الدخول ، ويكول الك اذا انت ما طلبته ، اهمل الرسالة .

فحاليا احد طرق اختراق الحسابات ، شخص يستخدم رقمك ويسجل دخول ، و لمن حساب التليكرام يدزلك الكود 


يراسلك حساب

قد يكون حساب صاحبك
زميلك
شخص من اهلك

يكول الك دزلي سكرين او اي سبب يخليك تدزله الكود

قد يراسلك حساب اسمه ( تليكرام ، فيسبوك الخ ) و يكول الك احنا الادارة و راح نغلق الحساب او حمايتك ضعيفة او اي شي اخر .

المهم يردون منك هذا الكود لا اكثر

و بس تنطي الكود و حسابك ما محمي
بكلمة سر
يتم الدخول الى حسابك وراها يبدون يهكرون كل جماعتك باستخدام حسابك ( الي متكدر ترجع تفتحه بعد ) .


دقايق بسيطة لتعلم طرق الحماية ، تنقذ نفسك و اصدقاءك و اهلك .

السلام عليكم.

تفعيل الحماية الثنائية في التليكرام
( وضع باسوورد اضافة الى كود التحقق )

https://t.me/generaltutorial/79

السلام عليكم
تحذير من نوع من الانفلونزا
يبدو حاليا انتشر

هو يمكن مو خطر على الاطفال
مجرد ارتفاع قوي بدرجة الحرارة

لكن اذا صارت عدوى للكبار
يكون مؤلم الهم


فاذا عدكم طفل بمدرسة او روضة
لا تخلوه يروح هاي الايام

واذا تمرض
لا تخلوه قريب من الكبار
وانتم احتموا ايضا

وعدكم العافية

السلام عليكم ورحمة الله وبركاته.

نعزي سيدنا ومولانا الامام المهدي عجل الله تعالى فرجه الشريف
بذكرى استشهاد سيدة نساء العالمين الصديقة الطاهرة الزهراء فاطمة بنت محمد
اللهم صل على محمد وال محمد.

عظم الله لنا ولكم الاجر وتقبل اعمالكم.

عن النبي (صلى الله عليه وآله) انه قال لها: أي شئ خير للمرأة؟ قالت: أن لا ترى رجلا ولا يراها رجل. فضمها إليه وقال: ذرية بعضها من بعض.

السلام عليكم.
شرح عن اهم شغلات بتطبيق سوبر كي

ملاحظة: رقم الحساب الي حولت اله الف
هو تبرع لطفل مصاب بمرض SMA

عمدا خليته بالملف
عسى ولعل الي يستفيد من الملف
يتبرع اله ايضا.

#الدفع_الالكتروني

السلام عليكم
راسلوني شخصين
اجاهم هذا الاشعار

طبعا حساب الابل مالتهم مشتريه بشكل بطاقة
وما مغيرين المعلومات

فيبدو صايرة عملية تسريب بمعلومات الحسابات.

انتبهوا

السلام عليكم.

شرح تغيير معلومات حساب apple id

يعني اذا مشتري الحساب ( خصوصا البطاقة )
لازم تغير الايميل الى ايميل حقيقي وشغال
كذلك تغير الباسوورد وايضا تضيف رقم موبايل

وتدخل على devices
تتاكد بس اجهزتك موجودة.

رابط الموقع : هنا

اني مقصر بحقكم
لو انتم مقصرين بحقي؟
او هل انتم مقصرين بحق الاشخاص الي تعرفوهم؟

الجهل التقني
كارثة من الكوارث صراحة
فليش تقبلون زملاءكم واهلكم واصدقاءكم
يبقون عايشين بهذا الجهل؟

لحد ما يتم اختراقهم وابتزازهم

السلام عليكم.
وصلتني رسالة على البريد

تم تجديد اشتراكك ( في موقع ما ) ودفع كذا مبلغ
وهاك هذا الملف وصل الشراء

غالبا الملف هو فايروس او لغم بحيث يتهكر جهازك.


زين ليش هيج اكول؟
1. اني ما مشتري شي ( ولا عندي فلوس بالبطاقة اصلا )
2. ايميل المرسل عادي مو مال شركة

فانتبهوا كلش زين من هيج سوالف.

وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ

أَلَا إِنَّهُمْ هُمُ الْمُفْسِدُونَ وَلَٰكِنْ لَا يَشْعُرُونَ