السلام عليكم ورحمة الله وبركاته.

نعزي سيدنا ومولانا الامام المهدي عجل الله تعالى فرجه الشريف
بذكرى استشهاد سيدة نساء العالمين الصديقة الطاهرة الزهراء فاطمة بنت محمد
اللهم صل على محمد وال محمد.

عظم الله لنا ولكم الاجر وتقبل اعمالكم.

عن النبي (صلى الله عليه وآله) انه قال لها: أي شئ خير للمرأة؟ قالت: أن لا ترى رجلا ولا يراها رجل. فضمها إليه وقال: ذرية بعضها من بعض.

السلام عليكم.

خوش طريقة حتى تسوي Mind map
بشكل مجاني

https://t.me/kufa40/1322

السلام عليكم
فد منشور مؤقت

طلاب لمن تقرون
اقروا بالكيفية مو بالكمية

يعني قراءة ساعتين بتركيز وفهم
احسن من 10 ساعات تطلع وراها كلشي ماكو

وتعلموا طرق الدراسة الحديثة بما يناسب النشاط العقلي والوقت المناسب
والنفسية المناسبة
وكمية الراحة مع كل سشن دراسي

استخدموا الخرائط الذهنية وتطبيقات انكي
واستخدموا التكرار المتباعد

ايضا استخدموا التلخيص واكيد واهم شي الكلمات المفتاحية

وحلوا اسئلة كثيرة يومية
حتى تعرفون مواطن القوة والضعف عدكم

هذني كلهن ميحتاج الهن جهد ولا دراسة 10 ساعات باليوم

المهم بالدراسة هو الاستمرارية
قليل دائم خير من كثير منقطع


وبالاخير هاي النصيحة اني ما مطبقها
بس لعلها تفيد
😶😶😶😶😶

السلام عليكم

طبعا هاي الطريقة تشتغل حتى لو الحساب عراقي
وتدفعون عن طريق بطاقة ماستر او اي بطاقة دفع عراقية


بس اهم شي تلغون التجديد التلقائي

السلام عليكم.

لمدة شهر فقط
التحويل في زين كاش بدون عمولة

السلام عليكم.

اذا تطبيق chatgpt ميشتغل عدكم ويظل جامد
تكدرون تضغطون النقاط المؤشرة وتختارون ثالث اختيار ، اطار منبثق او عرض متراكب او slide over


او تحدثون الجهاز والتطبيق.

هاي الحلول الي جربتها واشتغلت

اكو جربوا vpn واشتغل وياهم

السلام عليكم.

تعبئة بطاقة زين والت من زين كاش
صارت بدون عمولة.

جانت ب 500 دينار.

السلام عليكم.

تحديثات زين كاش بشكل سريع حسب ما شفتهن.

1. عمولة تعبئة المحفظة من الوكيل
من يوم 31/10/2025
صارت الف فقط

2. عمولة السحب
0.7% بحد ادنى 750 دينار

3. عمولة التحويل
0.25% بحد ادنى 250 دينار

حاليا اكو عرض
بدون عمولة ( الى 3/11/2025 )

4. عمولة تعبئة بطاقة والت كارد
مجانا

5. عمولة الدفع الكتروني الخارجي
1.75% بحد ادنى 0.75$


كل المعلومات موجودة بالتطبيق او الموقع
ضمن خانة الحدود والرسوم

السلام عليكم

https://youtu.be/1HDmibhInGU?si=E_BLEj5Q2D3Rlk4k

دزولي هذا الشرح عن الموقع الي ذكرته مسبقا

شوفوه، اكيد يفيدكم.

السلام عليكم.

هاي غير سالفة سيئة

الشركات تتنافس في تقديم خدمة بيهة خير
وهذولة ياخذون فلوسك لان مخليهن بالبطاقة بدون متستخدمها.

السلام عليكم
تحذير

يمكن هواي منكم سامعين بتطبيق بيور الي يوصل بضاعة من الخارج
حاليا التطبيق صار فاشل جدا


لهذا لا تستخدموه بعد

السلام عليكم.

احنا بهاي الدنيا نعيش
علمود نتحاسب وراها بيوم القيامة
وننتقل للاخرة.

فيعني لازم واحدنا لا ينسى هذا الشي
ويعيش كأن ورة الموت راح يبدي دنيا جديدة او ينتقل للعدم.

دوما خلي ببالك، ان الزرع هنا لاجل الحصاد هناك.

والله ترة موجود.
حتى لو كل الدلائل والامور العقلية والتجارب العلمية والناس كلها يكولون الك غير هذا الشي.

خاف تسمعلك كم كلمة عن العقول النيرة الي اكتشفت ان الجهل هو الخضوع لرب العالمين، والعقل انك تفكر وتلحد كبل.

السلام عليكم.
نصيحة صغيرة

اذا متعرف تحمي حسابك
لا تصير ادمن بقناة جبيرة وبيهة متابعين

تعلم اول شي الاساسيات
وراها تصدى للمسؤولية.

واذا بسبب ثغرة تهكرت، فعلى الاقل مو صوجك.

https://t.me/unhew


هاي القناة تهكرت غالبا
حسب ما وصلني
ومن دخلت البوت المنشور بيهة
يريد يخترق حسابي

يعني الهاكر كاعد ينشر بيهة.

تخيل القناة يكون بيهة 24 الف بنية
كم وحدة متعرف راح تدخل البوت وتتهكر ؟

هيج انلاصت لو بعدها؟

مرات من حقي اعتب على الكل

اني ما اعرف كم شخص غيري عنده نفس فكرة قناتي
ولا كم شخص ممكن يبدي وية الي محتاج شغلة من الصفر


لكن حاليا اني موجود وقناتي موجودة
فليش بعدكم متعرفون اساسيات هاي الامور؟

دخلوا بلغوا على القناة
خلي تنحذف

اختاروا انها احتيال

محتوى قناتي حلال نشره ونسخه
حتى بدون تحويل

بس يبقى موضوع انك تنسبه لنفسك
فهاي يم رب العالمين نخليها

فيعني ما اريد منكم تخلوني اطش
انما حذروا الناس الي تعرفوهم
وخليهم يتعلمون شلون يسوون حماية للحسابات وهيج.

السلام عليكم.
تحذير من بوت الاختراق

في حال دخلت البوت مسبقا وما شاركت وياه رمز الدخول
فانت لحد الان بامان.

بس تاكد من الاجهزة النشطة وخلي باسوورد لحسابك مع ايميل استرجاع آمن.
وتاكد من رقم الهاتف مال حسابك، ان يكون شغال وتستخدمه.

مو تعوفه ينتهي الصلاحية والشركة تبيع الرقم ( ولو المفروض حاليا بعد متنباع الارقام ).