السلام عليكم.

مداخلة بسيطة
اني استغرب من طالب جامعة ميعرف يلزم لسانه عند الكلام عن اساتذته،
بعيدا عن كون الموضوع مربوط بالاحترام
لكن لمن تحجي على استاذ بمواقع التواصل
فتاكد 100% ان الكلام يوصل اله

قد يكون ابن الاستاذ يدرس وياك
او ابن اخوه او كرايبه
او مجرد واحد ذيل، حتى يحصل على درجات سهلة.
او واحد حقير
كلش طبيعي.

فالزم لسانك واعرف شلون تحجي
واكبر واعقل

" وهل يكبُّ الناس في النار على وجوههم إلا حصائد ألسنتهم "

السلام عليكم
توضيح بسيط
انتشر خبر اعادة امتحان كلية طب ومدري شنو

ترة هذولة يحجون عن امتحان مرحلة ثالثة بكلية طب معينة صار بيهة خلل

ميحجون عن الوزاري

هذولة الي ينشرون الاخبار همج رعاع
ميعرفون يوضحون المقصود
ينشرون الشي بدون توضيح علمود اثارة الجدل والتفاعل والمشاركات

السلام عليكم.

للي يستخدم بروكسي
او الي يعاني من تقطيع باتصال التليكرام
او مشكلة ( يتصل connecting )

هذا proxy للتليكرام
صناعة عراقية ومن دكتور ثقة

ضغطوا هنا واختاروا اتصال Connect

جربوه وردولنا خبر ايضا اذا تحبون

السلام عليكم.

سنة مجانية
اشتراك في تطبيق gemini pro

1- نزلوا برنامج vpn يفعل امريكي
اني استخدمت ( setup vpn )

2- دخلوا الرابط
One.google.com/join/ai-student

3- سجلوا باي حساب عدكم
4- اختاروا get student offer

اذا طلع الكم اي شي اخر غيرها
فلا تكملون
غالبا اكو خطأ

وطبعا كون حسابكم مال كوكل
ما مربوط بماستر وما بيه فلوس

السلام عليكم ورحمة الله وبركاته.

نعزي الإمام المهدي صاحب العصر والزمان (عجّل الله تعالى فرجه الشريف) بذكرى استشهاد جده الإمام الجواد محمد بن علي (اللهم صل على محمد وال محمد).
عظّم الله أجورنا وأجوركم، وتقبّل أعمالكم.

اَللّهُمَّ صَلِّ عَلَى مُحَمَّدِ بْنِ عَلِيِّ بْنِ مُوسى عَلَمِ التُّقى وَنُورِ الهُدَى، وَمَعْدِنِ الوَفاءِ وَفَرْعِ الأَزْكِياءِ، وَخَلِيفَةِ الأَوْصِياءِ وَأَمِينِكَ عَلَى وَحْيِكَ، اللّهُمَّ فَكَمَا هَدَيْتَ بِهِ مِنَ الضَّلالَةِ وَاسْتَنْقَذْتَ بِهِ مِنَ الحَيْرَةِ، وَأَرْشَدْتَ بِهِ مَنِ اهْتَدَى وَزَكَّيْتَ بِهِ مَنْ تَزَكّى، فَصَلِّ عَلَيْهِ أَفْضَلَ مَا صَلَّيْتَ عَلَى أَحَدٍ مِنْ أَوْلِيائِكَ وَبَقِيَّةِ أَوْصِيائِكَ، إِنَّكَ عَزِيزٌ حَكِيمٌ.

حدث في مثل هذا اليوم

في السنة الثانية للهجرة ولمّا بلغ الإمام علي (عليه السلام) سنَّ الرابعة والعشرين تقدّم إلى رسول الله (صلى الله عليه وآله) خاطبًا منه ابنته الزهراء (عليها السلام) فجاء يمشي بخطىً مملوءة بالحياء والخجل، ولمّا جلس بين يديه قال له الرسول ماذا تريد ياعليّ؟
فقال أمير المؤمنين: حيائي يمنعني يارسول الله.
فقال حبيب الله: لعلّك جئت خاطبًا فاطمة؟
قال أمير المؤمنين: نعم يارسول الله.
فقال النبي (صلى الله عليه وآله): الله أكبر الآن خرج من عندي جبرئيل يأمرني أن أزوجك منها، فقد قال: إنّ الله تعالى قد زوجكما في السماء قبل الأرض.
فتمَّ هذا الزواج الميمون في اليوم الأوّل من ذي الحجّة، وابتهجت السماوات والأرضون فرحًا وسرورًا باجتماع سادة الأرض وخيارها، وأنتجَ هذا الزواج الميمون النسل المبارك لذريّة رسول الله (صلى الله عليه وآله).

السلام عليكم
يبدو تطبيق كي راح ينغلق رسميا
ويتحول كليا الى سوبر كي

الميزة الي تعجبني بسوبر كي
هي محفظة التطبيق
يعني نفرضها مثل حساب مصرفي
محد يكدر يحول منها بس اني

اني حاليا مخلي الفلوس بالمحفظة
وكلما اريد استخدم البطاقة
احول على حسب الحاجة


الفلوس داخل رقم حساب كي
هي نفسها داخل البطاقة مال كي

السلام عليكم.

شوفوا هذا الفيديو
حتى تعرفون يعني حجم الخطر
https://www.instagram.com/reel/DKPkI8ZAXCS

اما الي عدهم المليون خردة
فالله يرزقكم اكثر واكثر

لان مرة نشرت تحذير بكروب معين
التعليقات تكون استهزاء
ان المبلغ مليون لو 2 مليون
عادي خلي ينسرق

عليمن واحد يكعد يحذر ويخبص روحه
( لان الي يستلم 30 مليون شهريا، مو مثل الي راتبه 500 الف )

السلام عليكم.
Vpn
لمن يهمه الامر

الحمدلله
تم نشر مقطع اليوتيوب الخاص بالتعريف عن انكي وطريقة استخدامه المثالية
المقطع يحتوي على العديد من الامور المهم منها
شنو انكي كمختصر؟
اهم ملف انكي بالطب؟
طريقة الاستفادة الامثل من البرنامج؟
كيفية انشاء بطاقات انكي
الازرار الموجودة وكيفية استعمالها؟
للوصول الى المقطع اضغط هنا
شاركوا المقطع مع اصدقائكم ولكم اجر العمل.

السلام عليكم ورحمة الله وبركاته.

نعزي الإمام المهدي صاحب العصر والزمان (عجّل الله تعالى فرجه الشريف) بذكرى استشهاد جده الإمام الباقر محمد بن علي (اللهم صل على محمد وال محمد).
عظّم الله أجورنا وأجوركم، وتقبّل أعمالكم.

السلام عليكم.

احد من خريجي طب 24
كاعد يحاول يدفع وميصير ؟

تردون اجرب الكم؟ 🙂🙂

@thetechadmin

السلام عليكم ورحمة الله وبركاته.

عيد اضحى مبارك وكل عام وانتم بخير
اسعد الله ايامكم بكل خير وهدانا الله واياكم الصراط المستقيم.

طبعا مجانا
يعني فقط تحول ال 5000 الي الموقع ياخذها 😁😁