Суд ходимлари ўзлари шикоят бериб, муқаддам камайтирилган жарималарни ўз ҳолига келтирмоқдалар❗️

Generalissimus каналида 2025 йил 22 апрель куни эълон қилинган постда - суд ходимлари радар орқали келган жарималарни судга мурожаат қилиб камайтирганликлари, лекин Олий суд раиси 1-ўринбосари И.Муслимовнинг топшириғи билан шу жарималарни ҳозирда тўлиқ тўлаётганликлари ва суд қарорларига кассация шикояти бераётганликлари баён қилинган эди.

Шу каналнинг ўзида Олий суд матбуот котибининг билдириши ҳам эълон қилиниб, суд ходимларига жаримани камайтириш ҳақидаги қарорларга кассация шикояти бериш хусусида топшириқ берилгани тўғрисидаги хабарлар асоссиз эканлиги кўрсатилган эди.

Интернет тармоғига жойланган суд қарорларидан кўринишича, 2025 йил 23 апрелдан 8 майга қадарли Самарқанд, Тошкент, Хоразм, Қашқадарё, Сурхонардарё вилоятлари ва Тошкент шаҳар суди жиноят ишлари бўйича судлов ҳайъатларида 100га яқин маъмурий ҳуқуқбузарилк тўғрисидаги ишлар кассация тартибида кўриб чиқилган (МЖтКнинг 128-3(прим3)-моддаси, тезликни ошириш).

Уларнинг аксарияти ҳуқуқбузар шахсларнинг 1-инстанция суди қарорини бекор қилиш ва ЙҲХХ органлари қўллаган жаримани ўз ҳолига қайтариш тўғрисида берган кассация шикоятлари асосида кўрилган.

Шу билан бирга айрим ишлар прокурорларнинг кассация тартибидаги протестлари (масалан, 3-1-1102-2402/520, 3-1-1102-2402/566, 3-1-1104-2402/768 сонли ишлар), баъзилари ЙҲХХ органларининг кассация шикоятлари асосида кўриб чиқилган.

Бунда:

ЙҲХХ органлари кассация тартибида шикоят беришга ҳақли бўлмасаларда, уларнинг шикояти қаноатлантирилган (масалан, 3-1-1802-2301/556 сонли иш);

Кассация шикоятини (протестини) суд қарори чиқарилган кундан 6 ой ичида бериш мумкин бўлсада, 2019, 2022, 2023 йилларга оид суд қарорлари ҳам қайта кўрилган ва бекор қилинган (масалан, 3-1-1801-2203/345, 3-1-1401-2205/573, 3-1103-1901/379 сонли ишлар).

Ҳуқуқбузар ҳақидаги анкета маълумотлари имкон қадар яширилган бўлсада, айримларида суд ходимларининг лавозимлари қолиб кетган (масалан, 3-1-2205-2401/774 сонли ишда фуқаролик ишлари бўйича Боғот туманлараро судининг АКТ ходими, 3-1-1401-2301/1427 сонли ишда Самарқанд вилоят судининг судья катта ёрдамчиси, 3-1-1809-2301/730 сонли ишда Қашқадарё вилоят маъмурий судининг бош консультанти ва ҳоказо)

Адвокат Беҳзодбек Ғаниев

@generalissimo_marshal

⛈ДХХ Call-маркази ишга тушди!

Ўзбекистон Республикасининг “Давлат хавфсизлик хизмати тўғрисида”ги Қонунига мувофиқ, ДХХ ваколатларига киритилган масалалар юзасидан жисмоний ва юридик шахсларнинг мурожаатларини тезкор равишда қабул қилиш мақсадида Call-марказ фаолият юрита бошлади.

Call-марказга 1520 қисқа рақами орқали қўнғироқ қилиш мумкин.

Хусусан, қуйидаги масалалар юзасидан мурожаатлар қабул қилинади:

- Ўзбекистон Республикасининг конституциявий тузуми, суверенитети ва ҳудудий яхлитлигига бўлган тажовузлар ҳақида;
- Давлат чегарасини қўриқланиши ва ҳимоя қилинишига бўладиган таҳдидлар;
- Қуролли Кучлар ва мудофаа-саноат мажмуасида давлат хавфсизлигига бўладиган таҳдидлар;
- терроризм, экстремизм, уюшган жиноий гуруҳларга оид;
- қурол-яроғ, гиёҳвандлик воситалари ва психотроп моддаларнинг ноқонуний айланмасига доир жиноятлар ҳақида;
- давлат манфаатларига таҳдид солувчи коррупция ва иқтисодий жиноятлар юзасидан;
- миллий, этник ва диний адоватни тарғиб этиш;
- давлат манфаатлари ва хавфсизлигига таҳдид солувчи ҳуқуқбузарликларнинг содир этилишига доир бошқа ахборотлар.

Шу билан бирга, Жиноят-процессуал кодексининг 345-моддасида белгилаб қўйилган ва тергови ДХХ ваколатига киритилган Жиноят кодексининг 150-163, 182, 223, 246-моддаларида назарда тутилган жиноятларга доир масалалар юзасидан мурожаатлар қабул қилинади.

Ҳурматли фуқаролар, эслатиб ўтамизки «Жисмоний ва юридик шахсларнинг мурожаатлари тўғрисида»ги Қонуннинг 38-моддасига асосан, мазкур қонунни бузганлик, худди шунингдек, туҳмат ва ҳақоратдан иборат мурожаат берганлик белгиланган тартибда жавобгарликка сабаб бўлади.

Азиз юртдошлар атрофингизда бўлаётган қонунбузарликларга нисбатан бефарқ бўлманг, 1520 рақамига қўнғироқ қилинг!

Мурожаат қилган фуқароларнинг шахси сир сақланиши кафолатланади.

Унутманг! Ватанимиз тинчлиги ва осойишталигини сақлашда ҳар бир фуқаронинг иштироки муҳим ҳисобланади.

@generalissimo_marshal

✅Адлия вазирлиги ҳузуридаги агентлик раҳбари ўринбосари ва бош мутахассис 850 млн сўмга яқин пулни талон-торож қилгани айтилмоқда❗️

Улар паспорт ўқиш ускунасини сотиб олиш учун ажратилган давлат маблағларини растрата йўли билан ўзлаштиришган.

2025 йил 6 май куни Тошкент шаҳар суди жиноят ишлари бўйича судлов ҳайъатининг тафтиш инстанциясида судланувчи Р.М.га оид иш кўриб чиқилди.

Маълум бўлишича, Р. М. Адлия вазирлиги ҳузуридаги Персоналлаштириш агентлиги (Вазирлар Маҳкамаси ҳузуридаги собиқ Давлат персоналлаштириш маркази) маъмурий ва хўжалик ишлари бўлими бош мутахассиси лавозимида ишлаган. Унга нисбатан аввал 1 йил муддатга моддий жавобгарлик ва мансабдорлик вазифаларида ишлаш ҳуқуқидан маҳрум қилган ҳолда иш ҳақининг 30 фоизини давлат даромади ҳисобига ушлаб қолган ҳолда 2 йил муддатга ахлоқ тузатиш ишлари жазоси тайинланган.

Р.М. Адлия вазирлиги ҳузуридаги Персоналлаштириш агентлиги бошлиғи биринчи ўринбосари Н.Н. билан тил бириктирган. Жумладан, марказнинг “Хўжалик шартномаларини кўриб чиқиш ва хулоса бериш комиссияси”нинг баённомасига мувофиқ, марказ учун 100 дона “Desco” русумли паспортни ўқиш ускунасини сотиб олиш бўйича бошланғич нархни пасайтириш учун ўтказиладиган аукцион юзасидан эълон жойлаштирилган. Улар шартномадаги товарнинг ўзига хос хусусий параметрларини ифодаловчи шартлари, шу жумладан техник топшириғи ўзгартириб, ўртача бозор нархи 8 292 740,5 сўмни ташкил қилувчи (Стандартный SMARTCARD считыватель ISO/IEC7501) “Desco” русумли паспорт ўқиш ускунасини қабул қилишиб, жами 845.805.950 сўм миқдоридаги давлат маблағларини растрата қилиш йўли билан талон- торож қилишган.

Ҳукм бўйича Н.Н. ҳам судланган бўлиб, ундан шикоят ва протест келиб тушмаган.

Судланган Р.М. шикоятида, биринчи инстанция суди унга нисбатан шубҳа ва гумонга таянган ҳолда асоссиз жазо тайинлагани, унга қўйилган айб ишончга сазовор ва рад этиб бўлмайдиган далиллар билан ўз исботини топмаганлигини ҳамда тўпланган далиллар номақбул эканлигини маълум қилиб, оқлов сўраган. Бироқ юқори инстанция ўрганиш ва далилларга асосланиб, ҳукмни ўзгартиришга асос топмаган.

Якуни ҳукмга кўра, аввалги ҳукмлар ўзгартиришларсиз қолдирилди. Манба.

@generalissimo_marshal

💨 СИА пенсия тизими хусусий секторга берилиши ҳақида тарқалган хабарлар асоссизлигини маълум қилди.

Майли, бу соҳада нима қилса қилишсин, лекин пенсия ёшини кўтаришмаса бўлди, ўзи шундоғам 55/60 ёшга етиш қийин бўлиб қолди.

@generalissimo_marshal

✅Bu xuddi Jasliqni qayta tiklashni talab qilgandek ko'rinadi!

Trampning ‘huquq va tartibot’ ritorikasidan San Fransisko shahri atrofidagi ko’rfazda joylashgan Alkatraz qamoqxonasi faoliyatini qayta tiklash joy olibdi.

Alkatraz qamoqxonasi Amerikaliklar ommaviy tasavvuriga ommaviy madaniyat, ayniqsa, film industriyasi orqali o’rnashib qolgan hamda aynan shu vositalar orqali madaniy jihatdan reproduksiya qilinadi. Dastlab, harbiy fort, keyinchalik harbiy mahkumlar saqlanuvchi qamoqxona sifatida faoliyat yuritgan muassasa 1933-yilda harbiylar tomonidan Adliya vazirligiga topshirib yuborilgan. 1920-1930-yillardagi jinoyatchilik to’lqinining o’sishi fonida federal hukumat jamiyatga ushbu muammo haqida jiddiy o’ylanayotganligi yuzasidan signal yuborish maqsadida maxsus tartibli (maximum-security, minimum-privilege) qamoqxona loyihasini amaliyotga tadbiq etgan.

Qamoqxona atagi 29 yil faoliyat yuritib 1964-yilda xarajatlarning qimmatligi sababli tugatilgan. Paradoksal ravishda, hukumatdagi va jazoni ijro etish tizimidagilarning argumenti sifatida uning izolyatsiyalangan orolda joylashganligi—garchi aynan shunday geografik joylashuv tarixan orol qamoqxonalarining qurilishi uchun asos qilib olinganiga qaramasdan—muassasaning tugatilishiga asosiy faktor qilib ko’rsatilgan.

@generalissimo_marshal

"Заправка" - нефт бизнеси хавфи ҳақида — қамалиб кетиш ҳеч гапмас❗️

Жаҳонгир Ортиқхўжаев ''заправка'' бизнеси билан нима сабабдан шуғулланмаслиги ҳақида сўзлаб берди.

@generalissimo_marshal

😐Surxondaryoda bolalarning bog'chaga qamrovi respublika bo‘yicha eng past darajada !

O‘zbekiston Respublikasi Oliy Majlisi Senatining Fan, taʼlim va sog‘liqni saqlash masalalari qo‘mitasi raisi B. Abdullayev boshchiligidagi ishchi guruh parlament nazorati doirasida Surxondaryo viloyatidagi maktabgacha taʼlim tashkilotlari faoliyatini o‘rganish davomida bolalar qamrovi 68 foizni tashkil etib, ushbu ko‘rsatkich respublika bo‘yicha eng past darajada ekani maʼlum bo‘ldi. Hozirgi kunda 3 yoshdan 7 yoshgacha bo‘lgan bolalarning 32 foizi maktabgacha taʼlim tashkilotlari bilan qamrab olinmagan. Shuningdek, 28 ta mahallada hali ham maktabgacha taʼlim tashkiloti mavjud emas.

Bundan tashqari, ayrim tashkilotlarda oziq-ovqat mahsulotlarini saqlash talab darajasida emasligi, oshpazlar tibbiy ko‘rikdan o‘tmasdan ishga jalb qilingani va bolalarga belgilangan meʼyorda oziq-ovqat taʼminlanmayotgani kabi holatlar ham aniqlandi.

Mavjud muammolarni bartaraf etish bo‘yicha tegishli tavsiyalar ishlab chiqilib, masʼul idoralarga yetkazildi.

@generalissimo_marshal

🇺🇿ДСБА ҳовлисидаги интервью ёхуд Ўзбекистонда салоҳиятли кадрларни мақсадли тайёрлаш ҳамда уларни давлат бошқаруви ва хизматига самарали жалб этиш ҳақида

Бу ҳақда Ўзбекистон Республикаси Президентининг навбатдаги фармонида маълум қилинди.

"O'zbekiston 24" телеканали ижодкорлари янги фармон мазмун-моҳиятини жамоатчиликка етказиш мақсадида масъул идоралар вакиллари иштирокида интервью ташкил этди.

Унда:

▫️Ўзбекистон Республикаси Президент ҳузуридаги Давлат хизматини ривожлантириш агентлиги департамент мудири Эранов Алишер Абурасулович;

▫️Ўзбекистон Республикаси Президенти ҳузуридаги Давлат сиёсати ва бошқаруви академияси ректори Салихов Жасур Шавкатович;

▫️Ўзбекистон Республикаси Президенти ҳузуридаги Истиқболли кадрларни тайёрлаш бўйича "Эл-юрт умиди" жамғармаси ижрочи директори Исмаилова Гулноза Сайдиғанихўжаевна иштирок этган.

Ушбу муҳим мавзудаги суҳбатни томоша қилишни тавсия қиламиз.

@generalissimo_marshal

🌐Хавфсиз интернет: шахсий маълумотларимиз ҳимояланган бўлади!

Бугун ижтимоий тармоқлардан беминнат фойдаланамиз, онлайн-савдолар қиламиз ва турли хизматларни ишлатамиз. Аммо бу жараёнда шахсий маълумотларимиз хавф остида қолиши мумкинлигини ҳар доим ҳам ўйлайвермаймиз.

Хайриятки, биз ўйламасак ҳам, бизни ўйлайдиганлар бор экан!

Ўзбекистонда "Онлайн-платформалар ва веб-сайтлар фойдаланувчиларининг ҳуқуқларини ҳимоя қилиш тўғрисида"ги янги қонун қабул қилинмоқда.

Нима ўзгаради?

🤔Онлайн-платформалар фойдаланувчиларни рўйхатдан ўтишдан олдин махфийлик сиёсати ҳақида хабардор қилиши шарт бўлади.

🤔Турли платформалар эгалари ёки уларнинг вакиллари шахсий маълумотларингизни сизга билдирмасдан учинчи шахсларга узатиши тақиқланади.

Бу қонун глобал тармоқда шахсий хавфсизликни таъминлашда муҳим қадам бўлади. Бундан буёғига онлайн хизматлардан хотиржам фойдаланаверамиз.

@generalissimo_marshal