🤩Bir vaqtning o'zida ikkita OTMda o‘qish imkoniyati bormi? Bu yuzasidan senator so‘rovi yuborildi❕

Sohada ayrim dolzarb masalalar bo‘yicha aholining murojaatlari soni ham ortib bormoqda. Xususan, fuqarolarning bir vaqtning o‘zida ikki oliy ta’lim muassasasida, masalan, davlat va nodavlat OTMda kunduzgi va masofaviy yoki kechki va sirtqi shakllarda tahsil olish imkoniyatlari cheklangani borasida murojaatlar ko‘paymoqda.

Ushbu masalalarga aniqlik kiritish va qonunchilikdagi mavjud to‘siqlarga izoh berish maqsadida Oliy Majlis Senatining Fan, ta’lim va sog‘liqni saqlash masalalari qo‘mitasi raisi Baxrom Abdullayev tomonidan Oliy ta’lim, fan va innovatsiyalar vaziri Qoʻngʻirotboy Sharipovga senator so‘rovi yuborildi.

So‘rovda ta’kidlanishicha, O‘zbekiston Respublikasi Konstitutsiyasi va qonunlariga muvofiq fuqarolarga ta’lim olish uchun barcha zarur shart-sharoitlar yaratilgan. “Yoshlarga oid davlat siyosati to‘g‘risida”gi Qonunning 5-moddasida esa yoshlar uchun ochiq va sifatli ta’limni ta’minlash, ularning intellektual rivojlanishiga sharoit yaratish asosiy yo‘nalishlardan biri sifatida belgilangan.

Biroq amaldagi tartibga ko‘ra, jumladan,Vazirlar Mahkamasining 2017-yil 20-iyundagi 393-son qarori bilan tasdiqlangan Nizomga asosan abituriyent faqat bitta OTMga asl hujjatini topshirishi mumkin. Shuningdek, HEMIS axborot tizimida bir marta ro‘yxatdan o‘tgan talaba boshqa OTMda qayta ro‘yxatdan o‘ta olmaydi. Bu holat esa yoshlarning o‘z ixtiyori va ehtiyojiga ko‘ra bir vaqtning o‘zida bir nechta ta’lim yo‘nalishida bilim olishiga to‘sqinlik qilmoqda.

Senator so‘rovida shu kabi cheklovlar xorijiy davlatlarda, xususan, AQSh, Yevropa mamlakatlari, Rossiya, Qozog‘iston kabi davlatlarda mavjud emasligi, aksincha, talabalar bir vaqtning o‘zida bir nechta oliy ta’lim muassasasida tahsil olib, ikki va undan ortiq diplomga ega bo‘lish imkoniyatiga ega ekani ta’kidlangan.

Shu munosabat bilan senator Oliy ta’lim, fan va innovatsiyalar vaziridan fuqarolarga bir vaqtning o‘zida davlat va nodavlat oliy ta’lim muassasalarining ikkitasida tahsil olish imkoniyati yuzasidan rasmiy tushuntirish berishni so‘radi.

Oxirgi paytlarda senatorlarimiz juda dolzarb masalalarni ko'tarayotgani meni quvontirmoqda.

@generalissimo_marshal

2 ойнинг бадали 4 млрд сўмми, ҳурматли Олий суд судьялари⁉️

Бир ой олдин адолатсиз қарор ҳақида танқид эълон қилган эдик, Олий суд бугун баёнот берди, бироқ, баёнотга бизнинг эътирозларимиз бор.

Хусусан, Голландиядаги MAN корхонаси — ишлаб чиқарувчи ўзи сотаётган юк машиналарини 2016 йил февралда ишлаб чиқарилган деб шартнома тузган, техпаспортида ҳам 2016 йил деб ёзилган машиналарни Ўзбекистондаги MAN корхонаси 2015 йил декабрда ишлаб чиқарилган деб маълумот берса, қай бири ишончли бўлади?

Албатта, ишлаб чиқарувчиники ишончли бўлади, сабаб уни ўзи ишлаб чиқарган, уни Ўзбекистондаги MAN корхонаси қаердан билади?

Бундан ташқари, суд эксперти ҳам 2016 йилда ишлаб чиқарилган деб хулоса берган.

Қуйи инстанциялардаги ўнлаб судьялар тадбиркор ҳақ деб божхона органи аризасини рад қилган бўлса, Олий суднинг 3 нафар судьяси 3 млрд. 712,5 млн. сўм божхона тўлови, 185 млн сўм давлат божи ундирилишини белгилаган.

Тадбиркорни давлатдан норози қилишдан мақсад не, ҳурматли божхона органи ва Олий суд судьялари?

@generalissimo_marshal

Kибержиноятларни фош этиш йўналишида Марказий банк, тўлов тизими ва ички ишлар органлари вакилларидан иборат тезкор ҳаракатланиш гуруҳи фаолияти йўлга қўйилади❗️

Ўзбекистон Республикаси Президенти Шавкат Мирзиёев “Ахборот технологиялари ёрдамида содир этиладиган жиноятларга қарши курашиш фаолиятини янада кучайтиришга қаратилган чора-тадбирлар тўғрисида”ги қарорни имзолади.

Қарор билан кибержиноятларнинг барвақт олдини олиш ҳамда уларни фош этиш самарадорлигини ошириш бўйича амалдаги қонунчилик ҳужжатларини такомиллаштириш ва қатор ташкилий-техник чораларни кўриш белгиланди.

Жумладан, кибержиноятларга қарши курашиш йўналишида ягона ишлаш амалиётини йўлга қўйишни назарда тутувчи алоҳида қонун лойиҳасини ишлаб чиқиш ҳамла юридик шахслар томонидан киберхавфсизлик талабларига риоя этмаганлик учун, шунингдек ахборот технологиялари соҳасидаги барча жиноятлар юзасидан жавобгарликни кучайтириш бўйича қонунчиликка ўзгартиришлар киритиш топширилди.  

Банклар, тўлов тизими операторлари, тўлов ташкилотлари ва бошқа ташкилотларнинг ахборот хавфсизлиги ва киберхавфсизлик талабларига риоя этмаганлиги натижасида йўл қўйилган кибержиноят оқибатида келиб чиққан моддий зарарни улар ҳисобидан ундириш тартибини жорий этиш белгиланди.

Шу билан бирга, бундан кейин кибержиноятни содир этишда ўз номидаги банк картасидан, банк ҳисобрақами, электрон ҳамёнидан ва бошқа шахсига доир маълумотлдаридан (SIM картаси, электрон аккаунти) фойдаланишга йўл қўйган шахслар учун маъмурий ва жиноий жавобгарлик чоралари ўрнатилади.

Кибержиноятларнинг олдини олиш йўналишида ахборот тизимидаги заифликлар ва камчиликлар натижасида кибержиноят содир этилишига йўл қўйган  банклар ва тўлов ташкилотлари рўйхатини оммага эълон қилиш ҳамда аҳоли пул маблағларини жалб қилишга қаратилган онлайн фирибгарлик схемалари (“молиявий пирамида”)ни барвақт аниқлаш амалиёти йўлга қўйилади.

Шунингдек, қарор билан шахсларнинг банк карталаридаги пулларини талон-торож қилинишини тўхтатиш мақсадида банклар, тўлов тизими операторлари ва тўлов ташкилотларига замонавий антифрод ва антивирус ҳимоя тизимларини жорий этиш ҳамда фирибгарлар томонидан сохта рақамлар орқали фуқароларга қўнғироқ қилишларини техник (имконсиз қилиш) чеклаш каби чоралар белгиланди.

Қарорга мувофиқ кибержиноятларни фош этиш йўналишида Марказий банк, тўлов тизими ва ички ишлар органлари вакилларидан иборат тезкор ҳаракатланиш гуруҳи фаолияти йўлга қўйилади ва мазкур гуруҳ томонидан шубҳали пул ўтказма амалиётларига алоқадор банк карталарини тезкорлик билан аниқлаш ва блоклаш каби чоралар кўриб борилади.  

@generalissimo_marshal

Ва ниҳоят, 5 йил деганда ДБАда магистратура тикланди❗️

Замон талабларига мос мутахассислар тайёрлашда Давлат сиёсати ва бошқаруви академиясининг ҳам ўрни катта. У ерда “Ҳокимлар мактаби”, “Раҳбар аёллар мактаби”, “Келажак лидерлари” каби курсларда илғор таълим дастурлари йўлга қўйилган. Ўтган ўқув йилида 13 мингдан зиёд тингловчиларнинг малакаси оширилган.

Янги тизимга асосан, энди давлат хизматчилари учун 3 та дастур – малака ошириш, қайта тайёрлаш ва магистратура йўлга қўйилади.

Барча узоқ ва ўрта муддатли ўқувлар хорижий ҳамкорлар билан қўшма таълим дастурлари ҳамда Иқтисодий ҳамкорлик ва тараққиёт ташкилотининг таянч тавсиялари асосида ташкил этилади.

Магистратурада “Давлат бошқаруви”, “Давлат сиёсати”, “Ҳудудларни комплекс ривожлантириш”, “Инсон ресурсларини ривожлантириш” ва “Давлат молиясини бошқариш” йўналишларида 18 ойгача муддатда чуқурлаштирилган билимлар берилади. Давлат буюртмасидан ташқари тўлов-контракт шаклида ҳам талабгорлар қабул қилинади.

Академияда таълим дастурлари ва илмий тадқиқотлар сифатини ошириш бўйича тавсиялар бериш, нуфузли хорижий илмий-таълим муассасалари билан ҳамкорлик ўрнатиш учун Халқаро академик маслаҳат кенгаши тузилади.

Шунингдек, академия ҳузурида 4 та янги марказ ташкил этилмоқда. Мисол учун, Давлат бошқаруви муаммоларини илмий-амалий тадқиқ этиш маркази давлат хизмати самарадорлигини ошириш, хусусий сектордаги илғор амалиётларни давлат бошқарувида жорий қилишга қаратилган тавсиялар бериб боради.

@generalissimo_marshal