Тошкентда 61 ёшли ўқитувчи 10-синф ўқувчи қизга ошиқ бўлиб, унга тегажоғлик қилди

У икки йил давомида қизни кузатиб юрган, унга хабарлар юборган. Эркак ўқитувчи қизга нисбатан жиддий туйғулари борлиги ва унга уйланмоқчи эканини билдирган.

Пойтахтнинг Мирзо Улуғбек тумани жиноят ишлари бўйича суди вояга етмаган қизга тегажоғлик қилганликда айбланаётган 61 ёшли эркакка оид ишни кўриб чиқди.

Физика фани ўқитувчиси бўлган эркак узоқ вақт давомида 10-синф ўқувчисига тегажоғлик қилган. У қизни кузатиб юриб, унга смайликлар ва севги изҳорлари билан хабарлар юборган. Қизнинг снифдошлари орқали унинг йигити бор-йўқлиги билан қизиққан. Қиз отаси вафотидан сўнг мотамда бўлган онасига бу ҳолатни айтишга узоқ вақт журъат қилмаган.

Судда ажрашган 61 ёшли эркак қизни ҳақиқатан икки йил давомида кузатганини ва унга нисбатан жиддий туйғулари бўлганини тан олган. У ўқувчига зарар етказиш нияти бўлмаганини таъкидлади.

Суд эркакни МЖтКнинг 41-1-моддаси (шаҳвоний шилқимлик қилиш) билан айбдор деб топиб, унга 5 суткага маъмурий қамоқ жазоси тайинлади.

@generalissimo_marshal

Oʻzbekiston matbuot erkinligi reytingida 133 oʻrindan 148-o‘ringa tushdi

“Chegara bilmas muxbirlar” (Reporters Without Borders) tashkiloti jahon mamlakatlarida matbuot erkinligini baholab boradi. Mazkur tashkilot 180 ta mamlakatni oʻz ichiga olgan 2025-yilgi reyting jadvalini eʼlon qildi. Oʻzbekiston joriy yilda reytingda o‘tgan yilgidek, 148-o‘rinda qoldi.

Umumiy reyting ko’rsatkichida O’zbekiston o‘tgan yilga qaraganda 2,03 ball kam to’plagan. Ya’ni o’tgan yili 37,27 ball edi, joriy yil 35,24 ballga baholangan.

Qoʻshnilarimizning ko‘rsatkichlari esa quyidagicha:

🇰🇿Qozog‘iston — 141-o‘rin (2024-yil 142-o‘rin edi);
🇰🇬Qirg‘iziston — 144-o‘rin (120-o‘rin edi);
🇹🇯Tojikiston — 153-o‘rin (155-o‘rin edi);
🇹🇲Turkmaniston — 174-o‘rin (175-o‘rin edi);

Oʻzbekistonning soʻnggi 10 yildagi oʻrinlari:

🔹2016-yil — 166-oʻrin
🔹2017-yil — 169-oʻrin
🔹2018-yil — 165-oʻrin
🔹2019-yil — 160-oʻrin
🔹2020-yil — 156-oʻrin
🔹2021-yil — 157-oʻrin
🔹2022-yil — 133-oʻrin✅
🔹2023-yil — 137-oʻrin
🔹2024-yil — 148-o‘rin
🔹2025-yil — 148-o‘rin

2025-yilgi matbuot erkinligi reytingida kuchli oʻntalikka Norvegiya, Estoniya, Niderlandiya, Shvetsiya, Finlyandiya, Daniya, Irlandiya, Portugaliya, Shveytsariya va Chexiya joylashgan. 

Eng oxirgi oʻrinlarni Eritreya, Shimoliy Koreya, Xitoy, Suriya, Eron, Afg‘oniston, Turkmaniston, Vietnam, Nikaragua va Rossiya egallagan.

❗️Yana bir e'tiborga molik jihati, tarixda ilk bor dunyodagi matbuot erkinligi holati “og‘ir” deb tasniflanmoqda ekan.

@generalissimo_marshal

⚡️⚡️⚡️Ҳар ҳафтанинг шанба куни иқтисодий комплекс ташкилотлари (Жумладан банклар ҳам) йиғилишга айтилишда давом этмоқда.

Бугун ҳам 16:00 га барча иқтисодий комплекс ташкилотлари чақиртирилган.

1 март - шанба кунги хабар
15 март - шанба кунги хабар
29 март - шанба кунги хабар
12 апрел - шанба кунги хабар
19 апрел - шанба кунги хабар
26 апрел - шанба кунги хабар.

Меҳнат кодексига риоя этилишини назорат қилувчилар ҳам ҳали ҳамон ўша йиғилишда.

Бу йиғилиш ПҚ-12 ва «Сайхунобод тажрибаси» муҳокамасига бағишланади.

Ривожланиб кетсак керак.

@generalissimo_marshal

2025-yilning 2-may kuni O‘zbekiston Respublikasi tashqi ishlar vaziri o‘rinbosari B.Usmonov Rossiyaning mamlakatimizdagi elchisi O.Malginov bilan uchrashuv o‘tkazdi.

Muzokaralar davomida O‘zbekiston tomoni Rossiya tomonining e’tiborini Rossiya Federatsiyasida O‘zbekistondan kelgan mehnat muhojirlarining huquqlari buzilishi va ularga nisbatan qo‘pol muomala holatlari haqidagi ko‘payib borayotgan xabarlarga qaratdi.

Bunday holatlar Rossiya hududida mehnat faoliyati olib borayotgan O‘zbekiston fuqarolarining huquq va erkinliklarini buzish hisoblanishi, bu huquq va erkinliklar esa yashab turgan mamlakat qonunchiligi asosida ta’minlanishi lozimligi ta’kidlandi.

Shu munosabat bilan, ko‘tarilgan masalani sinchkovlik bilan o‘rganish va O‘zbekiston tomonining xavotirlarini Rossiya Federatsiyasining tegishli vakolatli organlariga yetkazish zarurligi alohida qayd etildi.

Uchrashuv yakunida O‘zbekiston va Rossiya fuqarolarining ikki mamlakat hududidagi huquq va erkinliklarini o‘zaro ta’minlash bo‘yicha yaqin hamkorlikni davom ettirishga kelishildi.

@generalissimo_marshal

Ўзбекистонда Президент Шавкат Мирзиёев раҳбарлигида фикр эркинлигини таъминлаш, ахборот олиш ва тарқатиш ҳуқуқини кафолатлаш тараққиёт стратегиямизнинг муҳим ва ажралмас қисми ҳисобланади. Ушбу стратегия инсон манфаатларини ҳимоя қилишга, давлат халққа хизмат қиладиган очиқ ва адолатли жамият қуришга қаратилган.

Кучайиб бораётган глобал таҳдидларга қарамасдан, биз демократик институтларни мустаҳкамлаш йўлидан бормоқдамиз. Дунёдаги сиёсий ва иқтисодий беқарорлик, зиддиятларнинг кескинлашуви ва дезинформациянинг кучайиши шароитида Ўзбекистон журналистика, холис мулоқот ва фикрлар хилма-хиллигини ривожлантириш учун зарур шароит яратиш сиёсатига содиқ қолмоқда.

Афсус билан тан олиш керакки, бугунги кунда ҳатто анъанавий равишда демократия таянчи ҳисобланган мамлакатларда ҳам сўз эркинлиги ғояси кўпинча сиёсий, тижорат ёки мафкуравий манфаатлар босими остида қолмоқда. Очиқ журналистика ўрнини нохолис ёндашув эгаллаб, "сўз эркинлиги" тамойили ўзининг асл қийматини тобора йўқотиб бораётганининг гувоҳи бўлмоқдамиз. Халқаро ташкилотларнинг таҳлилларига кўра, 2025 йилда дунёдаги умумий вазият илк бор "мураккаб" даражага тушиб кетгани соҳадаги аҳволнинг тобора ёмонлашиб бораётганидан далолат беради.

Шу боис жамиятимизда журналистнинг профессионал меҳнати ҳурмат қилинадиган, факт ва ҳалоллик қадрланадиган, мулоқот очиқликка асосланадиган муҳитни сақлаб қолиш ва ривожлантириш айниқса муҳимдир.

Бу кунда журналистлар, блогерлар, муҳаррирлар, операторлар, техник ходимларга - ҳар куни маърифат ва ахборот улашиш, воқеаларни холис ёритиш йўлида хизмат қилаётган барчага чуқур миннатдорлигимизни билдирамиз.

Масъулиятингиз, жасоратингиз ва касбингизга садоқатингиз учун ташаккур. Сизларга янги ютуқлар, мустаҳкам соғлик ва ижодий илҳом тилаймиз!

Президент матбуот котиби Шерзод Асадов

@generalissimo_marshal

Наманганда ирригация тизими мансабдорлари миллиардлаб маблағларни ўзлаштиргани фош бўлди

Улар Сув хўжалиги вазирлиги томонидан “ақлли сув” жиҳозларини сотиб олиш учун 8,4 млрд. сўм миқдорда пул маблағлари ажратилганлигини билиб жиноий режа тузишган. 

Якуний суд ҳукмига кўра, М,А.га ўташ учун узил-кесил 3 йил муддатга мансабдорлик ва моддий жавобгарлик юклатилган лавозимларда ишлаш ҳуқуқидан маҳрум қилиб, иш ҳақининг йигирма фоизини давлат даромади ҳисобига ушлаб қолган ҳолда 1 йил 9 ой ахлоқ тузатиш ишлари жазоси тайинланди. А.Ж.га эса 136.000.000 сўм жарима жазоси ва ойлик иш ҳақининг йигирма фоизини давлат даромади ҳисобига ушлаб қолган ҳолда 1 йил 2 ой 6 кун ахлоқ тузатиш ишлари жазоси қолдирилди. Х.Хга эса иш ҳақининг йигирма фоизини давлат даромади ҳисобига ушлаб қолган ҳолда 1 йил 4 ой 24 кун ахлоқ тузатиш ишлари жазоси қолдирилди. А,Хга эса 2 йилу 2 ойга озодликни чеклаш жазоси тайинланди.

Батафсил

@generalissimo_marshal

⚡️ЎЗБЕКИСТОН ДАВЛАТ ХИЗМАТЧИЛАРИ СУНЪИЙ ИНТЕЛЛЕКТДАН АСОСАН ҚАНДАЙ МАҚСАДЛАРДА ФОЙДАЛАНАДИ?

📃 1. Ҳужжатлар тайёрлаш ва таҳрир қилиш
– Қарорлар, буйруқлар, расмий хатлар ёзиш.
– Мақола, пресс-релиз, дастур, нутқ тайёрлаш.
– Таржималар, лотин ва кириллга ўгириш.
– Ҳужжат мазмунини таҳрирлаш.

📊 2. Таҳлил ва ахборот тўплаш
– Катта маълумотларни таҳлил қилиш.
– Жадвал, инфографика, тақдимот тайёрлаш.
– Статистикалар, ҳисобот, таҳлилий маълумотлар тайёрлаш.

🧑‍🏫 3. Ўқув ва малака ошириш жараёнлари
– Таълим материаллари, тестлар тайёрлаш.
– Қисқа муддатли курслар учун ўқув режаларини тузиш.
– Менторлик, реферат, илмий изланишлар қилишда.

📑 4. Шахсий ривожланиш
– Касбий ва шахсий ривожланишга хизмат қиладиган воситалардан фойдаланиш.
– Хорижий тилларни ўрганиш.
– ишларни режалаштириш.

🧠 5. Фикрлар ва ғоялар ишлаб чиқиш (Браинсторминг)
– Лойиҳа таклифлари, шиорлар, ғоялар яратиш.
– Ахборот сиёсатида муносабат билдириш, медиа маҳсулотлар тайёрлаш.

@generalissimo_marshal

Ҳаётга муҳаббат – меҳнатдан бошланади!

Ғузор тумани Мустақиллик маҳалласида яшовчи иккинчи гуруҳ ногирони бўлган Атамуродова Холида деган аёл бор… У бахтни, ҳаловатини меҳнатдан - ўз томорқасидан излади. Ва топди!

Бугун у ўз томорқасида қулупнай, лимон, турли сабзавотлар етиштиряпти. Шу билан чекланиб қолмади — паррандачилик билан ҳам шуғулланади: курка, товуқ, ғоз боқяпти. Ҳовуз қуриб 20 кг чавоқ ташлаган, бундан ташқари қорамоллари ҳам бор. Яқин кунларда 2 қути асалари уясини олиб келиб асаларичиликда ҳам омадини синаб кўрмоқчи.

Кеча шунчаки ер бўлган жой, бугун баракатли манбага айланган. Томорқадан унумли фойдаланиш орқали у нафақат даромад топяпти, балки ҳаётга, келажакка умид билан қараяпти.

Бир қатра меҳнат – бир дарё барака!

Ҳар кимнинг қўлидан келади. Фақат хоҳиш ва интилиш керак. Томорқангизга эътибор беринг — у сиз ўйлагандан ҳам кўпроқ имкониятларга эга!

Шунингдек, бугун Қашқадарё вилоят ҳокими ўринбосари Олимхон Рустамов, замонамиз қаҳрамони, соғ одамларга ҳам ўрнак бўлгувчи Холида опага - Президентимиз номларидан мотокултиватор совға қилди. Энди унинг меҳнати янада осонлашиб, даромади кўпаядиган бўлди.

@generalissimo_marshal

#eksklyuziv

АҚШдан депорт қилинган Ўзбекистон фуқаролари ватанга қайтарилди.

@generalissimo_marshal

Кўза кунда эмас, кунида синади. Боғчалар болалар ҳаёти билан ўйнашмоқда

Деновда ҳайдовчи 32 болани Damas'да ташиб, “рекорд” ўрнатди. У болаларни боғчадан олиб кетаётган бўлган. ЙТҲлар камаймаётган бир даврда, болалар ҳаёти бу шаклда хавф остига қўйилиши – боғчалар фаолиятига оид тегишли низом талаблари бажарилмаётганини кўрсатади. Мактабгача ва мактаб таълим вазирлиги ҳаракатга тушиш учун албатта бирор фожиа бўлишини кутиб ўтириши керак эмас.

📹 ВИДЕОНИ ТОМОША ҚИЛИНГ

@generalissimo_marshal

Болаларни мактаб ва боғчага хавфсиз бориб келиши ўзи таъминланганми?!

Агар таъминланган бўлса бу каби ҳолатлар рўй бермаган бўлар эди. Демак бунга талаб бор. Чунки, уларнинг ота-оналари ишда бўлади. Болаларини мактабдан олиб келишга вақт ажрата олмай қолишади. Натижада шу каби қонун бузилишлар содир бўлаверади. Муаммони топиб уни жазолашдан кўра, буни келтириб чиқараётган омилларни аниқлаб, уларга ечим топиш мақсадга мувофиқ бўлар эди.

Хорижий мамлакатларнинг аксарияти (АҚШ, Австралия)да бу маҳаллий ҳокимиятлар билан хусусий транспорт хизматлари ўртасида ҳамкорликни йўлга қўйиш орқали мактаб автобуси тизими йўлга қўйилган. Масалан, National School Transportation Association маълумотига кўра, АҚШда 480 мингдан ортиқ мактаб автобуслари 25 миллиондан зиёд ўқувчини ташийди. Германияда Euro 6 стандартларига мувофиқ двигателларга эга бўлган автобуслар маҳаллий ҳукуматлар томонидан жорий қилинган. Японияда кўп ҳолларда болалар мактабга пиёда ёки велосипедда боради, автобуслар ва микроавтобуслар фақат узоқда яшовчилар учун хизмат кўрсатади. Шунингдек, болаларга мактабга бориш ва қайтиш йўллари бўйича махсус дарслар берилади.

Ўзбекистонда мактаб ва боғча болаларини хавфсиз ташиш тизимини ривожлантириш учун юқоридаги тажрибаларни ўрганиш ва уларнинг ичидан энг маъқулини қўллаш орқали бу каби муаммоларни ҳал этиш самаралироқдир. Фақатгина жазолаш йўлидан бориш эмас, уларга шарт-шароит яриш керак холос. Натижада бу каби 32 талаб болани Дамасда ташишлар ўз ўзидан йўқ бўлиб кетади.

@generalissimo_marshal

Парламент трансформация бўлмоқда: сўл қанотга қарши ўнг қанотда блок шаклланяптими?

Сўнгги ҳафталарда Қонунчилик палатасида кутилмаган сиёсий динамика кузатиляпти. Қонун лойиҳалари энди шунчаки муҳокама объекти эмас, ғоявий тўқнашув нуқтасига айланяпти.

ЎзЛиДеП етакчиси Актам Хаитов парламентда кўпчилик бўлишсаям, сўл фракциялар қонун ташаббусларини блоклаётганидан хафа.

Қонунчилик бўйича қонун лойиҳаси ўтишига депутатларни ярми рози бўлиб овоз бериши керак(конституцион қонун бўлса, унданам кўп).

Актам Ахматовични гапларидан ЎзЛиДеПчилар бошқа ўнг партия билан блок тузмоқчилиги билиниб турибди.

Ўтган йилги сайловдан кейин биринчи марта партия етакчиси очиқча сиёсий стратегик блок ҳақида гапиряпти.

Парламентда ҳозир реал сиёсий жараёнлар кетяпти. Фракцияларни кейинги қадами нима бўлишини билиб бўлмаяпти.

@generalissimo_marshal

Саида Мирзиёеванинг янги Миссия ролигида Комил Алламжонов Президент администрациясида кўриниш берди.

@generalissimo_marshal