✅Ички ишлар вазири Азиз Анваровичга очиқ мурожаат!

Ҳурматли вазир, мен собиқ ИИО катта тезкор вакили капитан С.Қобиловман.

Бундан 10 йил олдин бир неча ИИО ходимларига нисбатан қўзғатилган жиноят иши доирасида гарчи менинг айбим бўлмасада, ишга қўшишиб, айбимни топа олмагандан сўнг амнистия актига асосан тугатиш ҳақида судга илтимоснома киритиб ишни тугатишган эди.

Ўша орада мен ишлаётган Транспортда хавфсизликни таъминлаш бош бошқармасининг Кадрлар ва Ўз хавфсизлиги бўлими ходимлари мени айбланишимни кутиб, олдиндан бўшаш ҳақида мажбуран билдирги ёздириб олиб бўшатиб юборди.

Шундан сўнг, суднинг мени амнистия актига асосан ишни тугатиш қарорини бекор қилдираман деб 10 йил югуриб, ахири оқландим.

Оқланганимдан сўнг ишга тиклашни сўраб шахсан Ички ишлар вазири Бобожоновга мурожаат қилдим. Бироқ, менга ИИВнинг бошқарма бошлиғи Ф.Абдиев отписка жавоб хати бериб, тикланиш учун судга мурожаат қилинг деди.

Нега мен судлар остонасида шунча сарсон бўлиб, оқланиш учун 10 йилимни кетказдим, тикланиш учун судларда яна қанча сарсон бўлишим керак?

Мурожаатларга муносабат шундай бўлгани учун бугун сизнинг қабулингизга шунчалик кўп одам борган, наҳот мурожаатлар ортида инсон ҳаёти туришини билишмайди?

Мен ҳарбий олий таьлим муассасасини аьло баҳоларга тамомлаб, капитан бўлгунимга қадар бирон марта интизомий жазоланмаганман, фақат тақдирланганман, шахсий йиғмажилдимни кўздан кечирсангиз, менга нисбатан бирор бир қораловчи маьлумотлар мавжуд эмас.

Мени хизматга тиклашингизни илтимос қилиб сўрайман, ҳурматли Азиз Анварович!

@generalissimo_marshal

🔘Вазир Азиз Ташпулатов 2 соат ичида 40 нафар мурожаатчи билан учрашган, яна 580 нафардан ортиқ одамлар навбат кутмоқда!

Ички ишлар вазири генерал-майор Азиз Ташпулатовнинг аҳоли мурожаатлари бўйича қабули давом этмоқда.

Шахсан вазир билан учрашишни истаганлар кўп. Навбат катталиги сабаб мурожаатлар йўналиши бўйича тақсимланмоқда. Айнан вазирга мурожаат қилишни талаб қилганлар йўналтирилган қуйи бўлимларга учрашишдан бош тортмоқда.

Вазир қабулидан чиққанлар “ҳал қиламиз”, “шахсан назоратга оламиз”, каби жавобларни олганини айтмоқда. Шунингдек, мурожаатчиларни телефон рақамлари олиб қолиниб, унга тегишли идора вакили чиқиши ҳам айтилмоқда ва ўша ернинг ўзида учраштирилмоқда.

Мурожаат бошланганига икки соат бўлган бўлсада, шахсан вазир Ташпулатов 40 нафарга яқин мурожаатчи билан учрашиб улгурган.

Мурожаатлар ичида тергов ишлари тўхтаб қолгани юзасидан, кредит, уй-жой масалалари ва оилавий зўравонликнинг жазосиз қолиб келиши каби муаммолар бор.

Шунингдек, афв этилувчилар рўйхатига киришни сўраб келган ёш болали оналар ҳам навбат кутмоқда.

Ички ишлар ходимлари томонидан босим қилингани юзасидан ҳам мурожаатлар талайгина.

@generalissimo_marshal

✅ЗЎРНИ КУЧИ ЯПАЛОҚҚА ЕТИБДИ❗️

🤦‍♂ Қашқадарёда қоида бузган BYD жаримаси Lacetti бўйнига илинибди. Сабаб BYD автомашинасида давлат рақам белгиси йўқлигими? Кимдир жарима тўлаши керакку барибир?!

@generalissimo_marshal

Ғузорда имконияти чекланган фуқарога амалий ёрдам кўрсатилди❗️

ЎзЛиДеП Ғузор тумани Мустақиллик маҳалласида истиқомат қилаётган биринчи гуруҳ ногирони Сафаров Ғиёсбекнинг мурожаатини жойида ўрганибди. Маълум бўлишича, у ёлғиз яшайди ва айни пайтда ишсиз. Аввалроқ Ғиёсбекка шу маҳалладаги кўп қаватли уйдан бир хонадон ажратиб берилган экан.

Актам Хаитов ташаббуси билан унинг қизиқиш ва имкониятларидан келиб чиқиб, маҳаллада пойабзал таъмирлаш устахонасини ташкил қилиш ва зарур жиҳозлар билан таъминлаш чоралари белгиланибди.

Бу чора-тадбирлар “Инклюзив жамият сари” лойиҳаси доирасида амалга ошириляпти. Лойиҳа имконияти чекланган шахслар учун ижтимоий тенглик ва иқтисодий фаолликни оширишни мақсад қилган.

Бундан ташқари, ўрганишлар давомида маҳалладаги ишсиз хотин-қизларнинг муаммолари ҳам аниқланиб, улар учун амалий ёрдам кўрсатиш режалаштирилибди.

Амалга оширилаётган бу ишлар имконияти чекланган фуқароларнинг ижтимоий фаоллигини ошириш ва уларни ҳаётда фаолроқ иштирок эттиришга ёрдам беради деб ишонаман.

@generalissimo_marshal

✅ “Митинг, йиғилиш ва намойишлар тўғрисида”ги қонун лойиҳасини белгиланган тартибда Олий Мажлис Қонунчилик палатасига киритиш 2027 йил октябрга режалаштирилмоқда.

Бу ҳақида Инсон ҳуқуқлари бўйича Ўзбекистон Республикасининг 2030 йилгача бўлган Миллий стратегиясини тасдиқлаш тўғрисидаги Президент Фармони лойиҳасида айтилган.

Маълумот учун, 2020 йил август ойида “Митинг, йиғилиш ва намойишлар тўғрисида”ги Қонун лойиҳаси муҳокама учун regulation.gov.uz сайтига жойлаштирилган эди. У Ички ишлар вазирлиги томонидан тайёрланган. Бироқ, номаълум сабабларга кўра қабул қилинмаган.

Конституциянинг 38-моддасига кўра, фуқаролар ўз ижтимоий фаолликларини Ўзбекистон Республикаси қонунларига мувофиқ митинглар, йиғилишлар ва намойишлар шаклида амалга ошириш ҳуқуқига эга.

Бироқ, ўша қонун йўқ. Тушунвоссилами?

@generalissimo_marshal