"E-qaror"ning qiziqarli statistikasi:

Qaysi hududda eng ko'p hokim qarori yopiq holda qabul qilingan—Surxondaryo, Samarqand va Toshkent viloyatlari.

@generalissimo_marshal

Еб ичганини тўламай чиқиб кетаётган амалдордан пулини сўраган тадбиркор албатта текширувларга мубталодир.

©️Соққакаш Мансабович Суиистеъмолқилдиев

@generalissimo_marshal

“Enter engineering” xodimlari oyligi muntazam berilmayotgani haqida chiqayotgan xabarlarga yuqorida qanday munosabat?

@generalissimo_marshal

Oʻzbekistonliklarga elektron viza berish tartibi faqat Haj mavsumida toʻxtatilgan

Saudiya Arabistoni Turizm vazirligining maʼlum qilishicha, oʻndan ortiq davlatlar, xususan Oʻzbekiston va Tojikiston fuqarolari uchun elektron vizaga murojaat qilish xizmati vaqtinchalik, 23-apreldan 9-iyunga qadar toʻxtatilgan.

Bu sayohat yoki umra maqsadida qirollikka borib, noqonuniy Haj qilishni oldini olish uchun koʻrilgan chora sifatida baholanmoqda. Bu muddat ichida Saudiya Arabistoniga sayohat qilishni xohlovchilar elchixona yoki vakolatli viza idoralari orqali ariza topshirishi mumkin.

@generalissimo_marshal

Bugun Antikor rahbari Burxanov borgan Pskentdagi import mashinalarni tekshirish poligonining salbiy tomonlari haqida ChatGpt quyidagilarni ma’lum qildi:

1. Importchilar uchun xarajatlarning ortishi
• Tekshiruv, sertifikatlash va boshqa rasmiy jarayonlar importchilarga qo‘shimcha xarajat olib keladi. Bu, oxir-oqibat, mashina narxining oshishiga va iste’molchi (ya’ni oddiy odam) uchun avtomobil qimmatlashi bilan tugaydi.
2. Bozorga kirishdagi to‘siqlar
• Chet eldan mashina olib kelib sotmoqchi bo‘lgan kichik bizneslar uchun ortiqcha byurokratik to‘siqlar paydo bo‘ladi. Katta, qudratli firmalar bu tizimdan oson o‘tishi mumkin, lekin kichik importchilar qiynalishi mumkin.
3. Raqobatning kamayishi
• Import avtomobillarga talabni sun’iy cheklash orqali mahalliy ishlab chiqaruvchilarga “imtiyozli” sharoit yaratiladi. Natijada, mahalliy avtomobil ishlab chiqaruvchilarda mahsulot sifatini oshirishga kuchli motivatsiya bo‘lmay qolishi mumkin.
4. Sun’iy monopoliyalashuv xavfi
• Ayrim tashkilotlar yoki guruhlar bu tekshirish tizimidan o‘z manfaatlari uchun foydalanishi mumkin. Masalan, ayrim korxonalar tanlangan brendlar yoki yetkazib beruvchilarga ko‘proq imkon yaratib berib, boshqalarga qiyinchilik tug‘dirishi ehtimoli bor.
5. Subyektiv qarorlar xavfi
• Tekshirish jarayonlarida inson omili (ya’ni, subyektiv baholash) ta’sir qilishi mumkin. Agar nazorat yetarlicha shaffof va adolatli bo‘lmasa, adolatsiz xatti-harakatlar (masalan, korrupsiya) uchun zamin yaratilishi mumkin.

@generalissimo_marshal

Хусусий клиникаларда инсон ҳаёти арзонлашиб кетдими?..

Сўнгги пайтларда хусусий тиббиёт муассасаларида содир бўлаётган нохуш ҳолатлар мени жиддий ўйга соляпти. Нотўғри ташхис ва муолажа натижасида инсон ҳаётига путур етказиш ҳолатлари йил сайин ортиб боряпти, афсуски. Яқиндагина Фарғона ва Бухородаги хусусий клиникаларда содир бўлган ҳолатлар бу муаммонинг қанчалик чуқур эканини яна бир марта кўрсатди.

Энг ташвишлиси — рақамлар очиқ гапиряпти: 2023 йилда 67, 2024 йилда 94 (!), 2025 йилнинг илк чорагида эса 16 нафар тиббиёт ходими касбий хатолари учун жиноий жавобгарликка тортилган. Бу дегани, йил сайин тиббий беэътиборлик қурбонлари ортиб боряпти.

Шу ҳолатлар фонида “Адолат” депутати Гулнора Абдувоҳидова Соғлиқни сақлаш вазирига депутатлик сўровини йўллабди. У хусусий клиникалардаги муаммоларни тубдан ўрганиш, ҳар бир шифокор хато қилган ҳолатни таҳлил қилиш ва бундай хатарларга чек қўйиш талабини қўйган.

Шахсан фикримча, бу масалада кўзбўямачилик ва формализм эмас, ҳақиқий ислоҳотлар керак. Хусусий клиникалар одамлар ишончини оқлаши учун лицензия талаблари ва назорат механизмлари жиддий кучайтирилиши шарт.
Ҳар бир шифохона, ҳар бир шифокор фақат одам ҳаётини сақлаш учун жавобгар эканини унутмаслиги керак ахир!

@generalissimo_marshal

РАСМИЙ МУНОСАБАТ
 
Ижтимоий тармоқларда муҳокамаларга сабаб бўлаётган "Enter Engineering Pte.Ltd” ва ушбу корхонага тааллуқли бўлган МЧЖларда иш ҳақлари тўланмаётгани ҳолати юзасидан Камбағалликни қисқартириш ва бандлик вазирлиги Ахборот хизмати ҳолат назоратга олинганини маълум қилади. Вазирлик Давлат меҳнат инспекцияси томонидан корхонада текшириш ишлари олиб борилмоқда.
 
Шу пайтга қадар бўлган шикоятлар асосида ҳам ушбу корхоналарда текширишлар ўтказилиб, меҳнат қонунчилиги бузилишлари юзасидан корхона раҳбарларига нисбатан маъмурий  чоралар қўлланилган.

Текширишлар давомида жами 39,1 млрд иш ҳақлари ундириб берилиб, 16,6 млрд сўм иш ҳақлари ундирилиши юзасидан кўрсатма берилган.

@generalissimo_marshal

Keyingi yarim dekadada tish davolatishga mamlakatdan tashqariga chiqib kelish boshlansa kerak.

Bugun tibbiyot muassasalari xususiylashtirib boshlanadi, ertaga o‘rtacha O‘zbekistonlik tibbiy xizmatlardan foydalana olmaydi.

Shundoq ham alternativ sifatida xususiy tibbiy muassasalar mavjud, xohlagan ijtimoiy guruh va segment borib ana shu eksklyuziv xizmatlardan foydalanishi mumkin. Lekin, umumiy jamoatchilik uchun soliq to‘lovchilar solig‘i orqali kompensatsiya qilinadigan tibbiy xizmatlar har doim ochiq bo‘lishi kerak.

Hamma poliklinikalarni xususiylashtirib yuborsangiz, hozircha arzonroq bo’lib turgan xizmatlar narxi karrasiga oshib ketadi.

Oldin ijtimoiy davlat deganda nimani tushunishimiz haqida konsensusga kelib olishimiz kerak.

UnitedHealthcare’ning CEO’si va Luigi Mangione keysi sog’liqni saqlash sohasini xususiylashtirish, tibbiy xizmatlar narxini irratsional ravishda shishirib yuborib ular sug‘urtalar orqali qoplanadi, degan argumentlarning tagi qanchalik bo‘sh ekanini ko‘rsatadi.

Bizda hozir tibbiy sug‘urta masalasi muhokama qilinayotgan vaqtda bu institutni aniq amerikacha model ustiga qurmaslik kerak.

@generalissimo_marshal

⚡️ Табибимнинг ўзи бемор...

Куни кеча ижтимоий тармоқларда  "Enter Engineering Pte.Ltd” ва ушбу корхонага тааллуқли МЧЖларда иш ҳақлари тўланмаётгани ҳақида видеохабарлар тарқалди.

Ҳолатга Камбағалликни қисқартириш ва бандлик вазирлигининг ахборот хизмати муносабат билдирибди. Айтишларича, Давлат меҳнат инспекцияси корхонада текшириш ишлари олиб бориб, меҳнат қонунчилиги бузилишлари юзасидан корхона раҳбарларига нисбатан маъмурий  чоралар қўллабди. Ходимларнинг 16,6 миллиард сўм иш ҳақларини тўлаб бериш юзасидан кўрсатма берибди...

Қойил. Тезкор муносабат. Аммо-лекин...
Айни шу вазирлик ҳузуридаги "Ягона миллий меҳнат тизими" идоралараро дастурий-аппарат комплексини бошқариш дирекцияси ходимлари мана икки ойдирки маошларини ололмаяптилар.

Хўш, вазирлик "томорқаси"даги мазкур ҳолат бўйича ҳам муносабат бера оладими ёки уларга ўз ходимлари ижтимоий тармоқлар орқали мурожаат йўллашсинми? Табибимнинг ўзи бемор экан, деб шунга айтсалар керак...

@generalissimo_marshal