Миллионлаб ёшларга унутилмас ва такрорланмас лаҳзаларни ҳамда кенг имкониятларни тақдим этган “Талабалар фестивали”да натижалар қандай бўлди?

Салкам бир ой давомида Ёшлар ишлари агентлиги, Олий таълим, фан ва инновациялар вазирлиги ҳамда бошқа ташкилотлар ҳамкорлигида миллионлаб ёшларни бирлаштирган “Талабалар фестивали” бўлиб ўтди.

“Контент72” ижтимоий видеороликлар танлови, “Жисмоний тайёргарлик синовлари”, “Қалқон” жамоатчилик гуруҳи ўқув йиғини, барча ҳудудларда ва республика миқёсида “Талабалар театр студиялари” танловлари, “Заковат” интеллектуал ўйинлари, “Қувноқлар ва зукколар” фестиваллари ўтказилиб, уларда жами 600 минг нафар талаба-ёш қатнашди.

Шунингдек, талабалар учун “БМТ модели” лойиҳаси, “Ибрат” дебат турнири, “Юртим қадриятлари” танлови, талаба ва магистрантларнинг илмий-амалий конференциясида 100 мингдан ортиқ, жами 700 мингдан ортиқ талаба-ёшлар фаол иштирок этди.

Фестиваль доирасида Олий таълим, фан ва инновациялар вазирлиги, Ўзбекистон маҳаллалари уюшмаси, “Ўзмиллийбанк” АЖ, АТ “Алоқабанк”, Савдо саноат палатаси ҳамда Ўзбекистон ёшлар иттифоқи ҳамкорлигида 21-23 май кунлари “Talaba Expo – 2025” кўргазмаси ташкил этилди.

Бундан ташқари, 3 кун кун давомида 700 та хусусий компаниялар ва давлат идораларининг бўш иш ўринлари ва замонавий касблар кўргазмаси, бизнес лойиҳалар портфеллари бўйича маҳорат дарслари, “Келажакка қадам” лойиҳаси доирасида муваффақиятли битирувчилар билан мулоқотлар ўтказилди. Бунинг натижасида 53 минг нафарга яқин битирувчи ёшлар қамраб олинди, шунингдек, 4967 нафар талаба бўш иш ўринларига йўналтирилди, 924 нафар талабанинг бизнес лойиҳалари кўриб чиқилиб, кредит ажратиладиган бўлди.

“Абитуриентлар куни” доирасида Тошкент давлат юридик университети, Тошкент шаҳридаги Турин политехника ва Инҳа университетлари, Тошкент давлат тиббиёт университетларининг таниқли битирувчилари ва уларнинг муваффақиятлари юзасидан ректорларнинг тақдимотлари ўтказилиб, 3000 нафар абитуриент қамраб олинди.

Қолаверса, “Талабалар куни” доирасида 50 нафар иқтидорли стартапчи ёшларни қўллаб-қувватлаш мақсадида “TalabaStartUp Pitch” танлови, 150 нафар иқтидорли ёшлар иштирокида “ТалабаТалант” креатив шоуси, 400 нафар фаол талаба ёшлар иштирокида мотивацион учрашув ўтказилди.

“Талабалар фестивали”нинг якунида Тошкент шаҳрида 20 минг нафар, барча ҳудудларда 600 минг нафар мактаб битирувчилари, абитуриентлар ҳамда талабалар иштирокида гала-концерт дастурлари ташкил этилди.

@generalissimo_marshal

Gʻofurboy O‘zbekiston Professional boks federatsiyasidagi lavozimini saqlab qoldi!

Bugun, 26 may kuni Toshkent shahrida bo‘lib o‘tgan O‘zbekiston Professional boks federatsiyasining navbatdan tashqari konferensiyasida Bilol Erkinov federatsiya raisi etib saylandi.

Shuningdek, federatsiya raisining birinchi o‘rinbosari sifatida G‘ofur Rahimov, o‘rinbosarlar sifatida Ziyoviddin Xojiniyozov va Umid Yoqubov saylandi. Federatsiya bosh kotibi sifatida Oybek Mo‘minov o‘z faoliyatini davom ettiradi.

Federatsiyaning Vasiylik kengashi raisi lavozimiga O‘zbekiston Kasaba uyushmalari federatsiyasi rahbari Qudratilla Rafiqov qayta saylandi.

@generalissimo_marshal