سيد علي الجابري

*فاطمه العليله*
الوزن شيعتي
•••••••••••••
انه بنتك يبويه،، انه العليله
انعى ونحب يبويه. ودمعي اسيله
بويه سار الضعن
كل خواتي مشن
انه بنتك يبويه انه العليله
***************
بويه يبو السجاد تدري من بعد ماراحت الاضعون
هجمت عليه المصايب من دمه تجري العيون
بعدك الديران وحشه افراك الاهل لامايهون

بويه وحشه ومظلمه
من بعد اهل الغانمه
بويه ماعندي وسيله .، انه بنتك يبويه. انه العليله
✍الشاعره ام محمد الساري

*****************
من سره بويه ضعنكم روحي خذتوها ابركبكم
ليش يالغالي عفتني يبو اليمه آنه بتكم
ماكلت بنتي عليله منهو يرحمها ابنزلكم

امنين اجاني هالسفر
والدي ايطيح ابخطر
ابكه يابويه بعدكم دمعي اسيله
دمعي اسيله
✍الشاعره ام ليث المالكي
*****************
بوعلي وحشه ومظلمه بعدكم يابويه النزل
ليش ياروحي عفتني لفراگكم ما احتمل
خذتواخواني جمعهم حتى عبد الله الطفل

مااجه منكم خبر
لفراكم مالى صبر
دمعتي بالخد هطيله
بويه مو اني الجليله
✍الشاعره ام البنين
*****************
عفتوني يهلي بالنزل. سهمي عگبكم بس نوح
وحدي مريضه ياهلي. يسعر جمركم بالروح
ضليت محنيه الظهر. من عزمت عني اتروح

وحدي وتمنيت الموت
يلماتسمعون الصوت
وحدي ابنزلكم ياهلي. اصبح ذليله. اصبح ذليله
✍الشاعره ام عدنان سياحي
*****************
سارت ضعون الهواشم وانه هليت الدمع
صحت يهلي مودع الله وبيدي طفيت الشمع
هايعمتي التفتي ليه ليش عفتيني بوجع

والله ما صارت تره
بالنزل عدكم مره
البعد مابيه حيله دمعي اسيله
✍الشاعره العلويه ام رقيه
*****************
من رحت عني يبويه دموعي عالوجنات هلت
واشتعل نيران گلبي روحي من الهجر ملت
يالولي السفره طويله بالجبد اجروح خلت

بيه حسره وماتطيب
من رحت اه يالحبيب
انه طفله وذليله
صعبه اليفگد خلیله
✍الشاعره العلويه ام مرتضى
**********
تمت

تمـ بعون اللهتـــمـ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل 28شعبان
1441هـ
21/4/2020
نسالكم الدعاء🙏🏻

خادمة الزهراء
ام محمد الساريhttps://t.me/gdsjnvd

*ليلة الجرح*
............الوزن هجري.......
~~~~
ياكرار ياكرار
الليله ليل القدر حانت راح بيه ننفجــــــــــــــع
الله يستر من فجرها العرش منها ينصـــــدع
وگلب ابو الزهره ابگبره ابهل المصيبه ينفجع
اويلي يازينب الحره من دمه تجري الدمع

الكون يصرخ بالعويل
طاح حمـــاي الدخيل
هذا وجه الله الجليل
*حامي الجار حامي الجار*
✍️الشاعر فالح العامري
❣️❣️❣️❣️❣️❣️❣️
الليله يابويه دخيلك لاتعلـــــي بالانين
كلبي يتفطر يحيدر من اشوفك يالحنين
تلوج من جرحك يغالي وانه بس
تجري العين
والله يمصابك يبويه زادلي الهم والونين
تبجي الارض وسمــه
وي جرح حامي الحمه
والدمع يجري دمــــــه
*مثله ماصار ياحامي الجار*
✍️الشاعره ام محمد الساري
❣️❣️❣️❣️❣️❣️
الليله عرش الله ينادي راح حماي الدخيل
تبجي عين السمه من دم اوضجت الجنه ابعويل
حتى اهل النار ناحت من بزغ فجره الليل
وهتف جِبْرِيل ابسمانه انطبر للهادي خليل

انهدمت اركــان الهدى
ابسيف اصحاب الردى
فرحت الليلـــــه العدى
*انطفت انوار‌ حامي الجار *
✍️الشاعر فالح العامري
❣️❣️❣️❣️❣️❣️❣️
كبل ماترحل يبويه وصي بيه وبالخدر
تدري بيه انه عزيزه اخاف ايام الغدر
لورحت عني اموت بعدك ماريد العمر
اخاف بويه ابكربله انولي من الشمر
اخاف بعدك انولي
بغربه ماعندي ولي
اصرخ احظر ياعلي
*بيوم الاخطار ياحامي الجار*
✍️الشاعره ام محمد الساري
❣️❣️❣️❣️❣️❣️❣️❣️
گصد للمسجد يصلي حيدر يحــــــي الذكر
عالم ابيوم المنيه علــــــــي ماراد العمر
راد ينطي درس النه انحارب اشلون الغدر
كبر ابمجراب عشگه انتظر راسه ينطبر

السيف صله ابهامته
دمه خضب شيبته
فزت ناده ابطيحته
*ارضه الجبار حامي الجار*
✍️الشاعر فالح العامري
❣️❣️❣️❣️❣️❣️
ليش يادهري اغدرتني تاخذ اغلى حبابي
بدت من جدي الماسي ونار حركت بابي
اصرخ ومحد سمعني ولايرد اجوابي
ثكلت انواع المصايب منها زاد امصابي

باب امي الطاهره
لسه بيه اموجره
انوب طبرت حيدره
*الصبري معيار ياحامي الجار*
✍️الشاعره ام محمد الساري
❣️❣️❣️❣️❣️❣️❣️❣️
امصيبتك بويه عليه اشد من يوم الضلع
اوبعد جبد الحسن انظر اونحر بالطف ينگطع
اوبعد اشوفن ابو فاضل عله الشاطي ينصرع
بويه من الباب عندي صار سلواي الدمع

اشلون ابگه ابدنيتي
بعد عينك واخوتي
ريت گبلك موتتي
*صرنه طشار حامي الجار*
✍️الشاعر فالح العامري
❣️❣️❣️❣️❣️❣️❣️
تمتتمـ بعون اللهتـــمـ بحمدالله ـــت
باقــــ✍ــلام خدام اهل البيت عليهم السلام
باشراف الاستاذ الشاعر فالح العامري
في رابطه مسلم بن عقيل 29شبعان
1441هـ
22/4/2020
نسالكم الدعاء🙏🏻

خادمة الزهراء
ام محمد الساريhttps://t.me/gdsjnvd
l

قصيدة بحق الامام علي ع
●●●●●●
اليوم ارتحل والينه
عگبه ايتام امخلينه

الايتام تصرخ بالباب
مهظومه ياداحي الباب

عبكه ايتام امخلينه

●●●●●●●

من يجبل اعلينه يبو حسين العيد

اول الناس انعايدك احنه انريد

شايل اودربه علينه جن صار ابعيد


ننتظره وكت الاذان
وحشه علينه رمضان

ظل الحزن عالينه
عگبه ايتام امخلينه

✍️ام عمار الصائغ

●●●●●●●

بويه اليتامه اليوم متعنيه ليك

يم بابك تنوح اوتون بويه عليك

مجبل عليها العيد واتنخي بيك

تريد الولي اليرعاها
يابويه لاتنساها

وتگول حيدر وينه
عگبه ايتام مخلينه

✍ام منذرالحجار
●●●●●●○
تدرينه مانحمل يبويه افراكك
وحشه تظل الدار بعد غيابك
لويجي السايل يالولي ودك بابك
محتاره شردكله
تتعثر بويه الجلمه
شال ومايجينه
بويه بهظم ظلينه

ام محمد الساري
●●●●●●●
تبجي وتنوح اعليك كل احبابك

ظل خالي يالوالي وحش محرابك
علينه يبويه والله طال اغيبابك
تريد اليحن اعليهه

شال الوصي واليهه
بويه بهظم ظلينه

ام مصطفى ناصريه
●●●●●●●
ظلت الروح امدوهنه بغيابك

الايتام كلها جت تون يم بابك

ظلت تون كلها عليه امصابك

جتي تنوح الايتام
والعين يعدك متنام

امعلمين اعليه يدرينه
عكبه ايتام مخلينه


ام زهراء الفاطميه
●●●●●●●

حيدر يبويه تضيع بعدك الايتام

اصيح وينك ياعلي ياظرغام

لوعتبت اعليك ابد لاماتلام

بيدك جنت تطعمها
والابو انت الها

راح الچان مسلينه
عكبه ايتام مخلينه
أمينة أم علي
●●●●●●●
المن نعايد بويه لو جانه العيد

بلكبر نايم والدرب صار ابعيد

الاحباب كلها اتعايدك بويه اتريد

تفرح تراها ابملكاك
واتاعيد العيد اوياك

جاترد يمته لينه
عكبه ايتام مخلينه
عقبة أيتام ما خلينة

مريم ام مازن من البحرين
●●●●●●●
تمت والحمد لله ببركة شاعرات ذبيح الغاذريه
‎

لَفِّرأّقِ أّلَأّحٌبِهِ🕊️💔


ګتّبِتّ فِّيِّ تّأّريِّخَ
2020/4/17
___

أّلَفِّرأّګ~~~~أّلَفِّرأّګ
هِدِمَ حٌيِّلَيِّ أّلَفِّرأّګ
_🥀___
طول يادهر افراګ الانحبهم

كلي وشوكت انطر ضعنهم

أيس لو الك ضنه تردهم

الأّشٍوِأّګ ~الأّشٍوِأّګ

زادت بيه الأّشٍوِأّګ


الأّفِّرأّګ ~ الأّفِّرأّګ

هِدِمَ حٌيِّلَيِّ أّلَفِّرأّګ

✍🏻أم ذو الفقار ألمانيا

____🥀______

مااگطع الضنه ابگه اتاني

بلجن لن يعودهم زماني

احن لعزاز گلبي يولياني

تشتاك تشتاك
لهلي الروح تشتاك

الفِّرأّګ ~ الفِّرأّګ
هِدِمَ حٌيِّلَيِّ أّلَفِّرأّګ

✍ام منذرالحجار
_🥀___


طالت غيبة أحبابي يدهري

وخلصته أبحزن وبلوعه عمري

نارأفراكهم بالروح تسري

حرأّګ. حرأّګ
دمع الحزن حرأّګ

ألفِّرأّګ~ ألفرأّګ
هدم حيلي ألفِّرأّګ

✍🏻ام زهراءالزيداويه

_🥀____

راحووأبعدوجنهم نسونه

أحباب ألگلب شوضيعونه

يطول أفراگهم ليش وجفونه

ألخلك ظّأّګ~ الخلك ظّأّګ
مشتاكه الخلك ظّأّګ

ألفرأّګ ~ الفرأّګ
هدم حيلي ألفِّرأّګ

✍🏻ام شهلاء

🥀_____

أنظر بس صورهم على ألحيطان

أعاينهن وأصبن دمع غدران

راحو واظلمت منهم ألديران

ألاشوِأّګ ~ ألاشوأّګ
تلهب بيه ألاشواك

الفِّرأّګ ~ ألفِّرأّګ
مانتحمل أفِّرأّګ

✍🏻ام روكان الشمريه

🥀____

تراهوالموت وألفرگه سويه

أحبابي السافروبعدوعليه

أشوطالت ألمده وماكوجيه

وياګ وياګ

روحي راحت وياګ

الفِّرأّګ ~ الفِّرأّګ

هدم حيلي الفِّرأّګ

✍🏻ام محمدالساري

_🥀________

يتنطردليلي أشوكت يلفون

ذيج أحبابنه ماظن يرجعون

طال أفراگهم وعميت ألعيون

عأّلَرأّګ ~ عالَرأّګ
اظل اتوجه عالَرأّګ

أّلَفِّرأّګ♪أّلَفِّرأّګ
هِدِمَ حٌيِّلَيِّ أّلَفِّرأّګ

✍🏻ام مازن بحرين
🥀____
تمت بفضل الله باقلام شاعرات
رابطة ذبيح ألغاضريه
تحت أشراف
العلويه ام رقيه الموسوي
والتدقيق ام منذرالحجار
ولايجوزحذف ألاسماء
وِنَِّسأّلَګمَ أّلَدِعٌأّء🤲
خادمة الزهراء
ام محمد الساريhttps://t.me/gdsjnvd

قصيده بحق امير المؤمنين ع

وزن الموشح
..................

اليوم دين الله يون يحبابه

نصاب حماي الحمه بمحرابه

انصاب ابن عم الرسول
اليوم زينب وشتگول

صابه ابن ملجم ابد ماهابه

💧💧💧💧

صابه ابن ملجم بمحراب الصلاه

هاذا ابن عم النبي والاتقياء

سيف طاح بهامته وتنزف دماء

حزنت املاك السمه
وتنزف الهامه دمه

وزينب تون ماتحمل اغيابه

🖋️ام روكان الشمريه
💧💧💧💧

حزنت الاملاك كلها الطيحته

تخضب المحراب من دم شيبته

ماكمل بعده ولينه سجدته

طاح حيدرنه علي
اترجت السبع العلي

ياعظم ضربته براسه اصوابه

✍ ام منذر الحجار
💧💧💧💧

والله ياحيدر فجعنه مصابك

اليوم تلهب بالگلب يانارك

اشلون ابن ملجم تدنه وصابك

طاح ابو الحمله علي
وزينب المدمع هلي

اليوم تبجي اعلى الولي طلابه

✍ام مصطفى ناصريه

💧💧💧💧

اليوم مفجوعه الاراضي والسماء

والمنادي يصيح حي على العزاء

نفجعت الاسلام بهذا النداء

طاح ابو السبط الحسين
ونهدم سور الامين

كله تبجي للولي ولغيابه

✍ الحجيه ام علي البصره

💧💧💧💧

اليوم بصوابه عله الصوت بسمه

انطبر حامي الدين ينزف بالدمه

طلعت اهل الكوفه تركض لاطمه

لحگو بالمحراب حماي الحمه

اه ياعظم المصاب
صوبو داحي الباب

وين خل تحضر اليوم اصحابه

✍ام اسعد

💧💧💧💧

والله هذا اليوم ماردنا الك

لان دين الله من بعدك هلك

الطاغي ماعنده رحم يدنلك

ضرب حماي الحمه
عالارض سال الدمه

صوب الاسلام يوم الصابه

✍ام محمد الساري

💧💧💧💦💧💧💧

حزنت الايتام من راح الابو

ودمه بالمحراب سايل يالاخو

من سمعت الخبر گلبي صوبو

صوت بالكوفه عله
فجع گلب العايله

وخله دمع عيونهم سجابه

✍ام مازن بحرين

💧💧💧💦💧💧💧

تمت بفضل الله باقلام شاعرات
رابطة ذبيح ألغاضريه
تحت أشراف
العلويه ام رقيه الموسوي
والتدقيق ام منذرالحجار
ولايجوزحذف ألاسماء

خادمة الزهراء
ام محمد الساريhttps://t.me/gdsjnvd💦💧💧💦💧💧💦

قصيده لفراق الاحباب للامام علي عليه السلام على لسان عقيلة الطالبين زينب عليها السلام

الفراق
»»»»»»»»»»»««««««««««««««««««««««««
اريد ابجي على الغطاهم اتراب
احبابي الي مشو واسدو الباب

مشو بغير الوداع
اياحلوين الاطباع

اريد ابجي على الغطاهم اتراب

«««««««««««««««««««««««««««««««««««
صحت بصوت بويه ردو للدار
عكب عيونكم اكليبي يحتار
بويه شعتذر لو اجاني خطار
شكلله يبويه وشنهي الاعذار

اذا كال الولي وين
ويطلب ابو الحسنين

اريد ابجي على الغطاهم اتراب
»»»»»»»»»»»»»»«««««««««««««««««««««
اظل ابجي على الماخذهم البين
مابطل دموعي وعمي العين
وين الكه مثلهم هلي الطيبين
شالو وبعدو ومدري الدرب وين

بعد ماعندي احباب
بس الدمع سجاب

اريد ابجي على الغطاهم اتراب
«««««««««««««««««««««««««««««««««««
اصدن للمكان البيه كعدنه
تشب ناري على اهل المحنه
ياحيف الدهر بعدهم عنه
عزار وعيشتي اوياهم الجنه

اصيح ابصوت ياحباب
يانسمة هوه الهاب

اريد ابجي على الغطاهم اتراب
«««««««««««««««««««««««««««««««««««
اظل امناطره وانتظر بالباب
وين الله ويجوني اغلى الاحباب
ترى طالت المده وطال الغياب
اظنهم نسونه .والسفر طاب

اهلنه فاركونه
راحو مااجونه

اريد ابجي على الغطاهم اتراب
«««««««««««««««««««««««««««««««««««
بعد ايس يكلبي مايجونه
ترى طالت المده وهم نسونه
بعدهم عذباني وضيعونه
هنياله الغمض ونامت عيونه

اظل امساهر الليل
بعد ماظل الي حيل

اريد ابجي على الغطاهم اتراب
««««««««««««««««««««««««««««««

تمت بحمد الله

خادمة الزهراء ام محمد الساري

خادمة الزهراء
ام محمد الساريhttps://t.me/gdsjnvd

🌙أخواتي الفاطميات 🌙

🌙فكرة رائعة لشهر رمضان🌙

كل إمرأةوهي تحضر( تطبخ) الفطور
كل يوم
تنوي الفطور( السفرة) حسب الإسم الذي في الجدول التالي:

جدول سفرتنا لشهر رمضان الكريم :

1 النبي محمد صلى الله عليه واله
2 مولاتنا الزهراء عليها السلام
3 الامام علي عليه السلام
4 الامام الحسن عليه السلام
5 الامام الحسين عليه السلام
6 الامام السجاد عليه السلام
7 الامام الباقر عليه السلام
8 الامام الصادق عليه السلام
9 الامام الكاظم عليه السلام
10 الامام الرضا عليه السلام
11 الامام الجواد عليه السلام
12 الامام الهادي عليه السلام
13 الامام العسكري عليه السلام
14 الامام المهدي عجل الله فرجه
15السيدة نرجس ام الامام المهدي
16 السيدة فاطمه بنت اسد
17السيدة زينب بت الامام علي
18 السيدة رقية
19 باب الحوائج الطفل الرضيع
20 مسلم بن عقيل
21 هاني بن عروة
22 خوله بت الامام الحسين
23 ابو الفضل العباس
24 علي الاكبر
25 القاسم بن الحسن
26 حبيب بن مظاهر
27 سلمان المحمدي
28 السيدة فاطمة المعصومة
29 السيدة خديجة
30 السيدة شريفه بنت الامام الحسن

حتى تكثر البركة في الفطور
ونسالكم الدعاء

ملاحظة

مثال اليوم الاول
تنوون السفرة للنبي محمد صلى الله عليه واله
وتهدون له الفاتحة 🙏🏻مع الصلوات ثلاثا

فكرة حلوة تعم البركة بالبيت طول الشهر.


إنشر تؤجر 👆👆👆