لطميه لاستشهاد الامام علي الهادي عليه السلام
************************
كوم وياي نعزي الزهرة بابنه الهادي

علي صوتك بالنحيب يالموالي ونادي

يازهراء ماجوره

يازهراء ماجورة
****************************
ضاف لجروحج جرح فوك الجروح
حتى بعد الموت سهمج يلزجيه النوح
كل ولد بمصابه ياخذلج الروح
بده نوحج من فكد ابوك الهادي
يازهراء ماجورة
يازهراء ماجورة
*******************************
ليش وعتب عل الدهر بكل وكت
مايمر يوم عليج الا لكليبج يفت
ليش كل هاي الماسي يازماني اتحيرت
يادهر بسك والله تعبيت افادي
يازهراء ماجورة
يازهراء ماجورة
********************************
يوميه وقتي وجابلي مصيبه شكل
عفيه يادهري عليك ابد ماتجل اولاتمل
جلبت بولادي لو مذبوح لو سم القتل
ارحم بحالي بعد ميفيد الدوه وشنداوي
يازهراء ماجورة
يازهراء ماجورة
*********************************
يالهادي يمه ياوليدي مرمراني يومك
من اجت وصلتني يالغالي ييمه علومك
شنو ذنبك يالعزيز زاد همي همومك
مثل الحسين ابغربته من بقى بالوادي
يازهراء ماجورة
يازهراء ماجورة
*******************************
روح ياطير الحزن للغاظريه
ورد السامرة وجاني بالرزيه
اولادي مظلومين ونفس القضيه
لان هم الحق وخصهم بالولايه الباري
يازهراء ماجورة
يازهراء ماجورة
*********************************
خادمة الزهراء
ام محمد الساري
https://t.me/gdsjnvd

تعالي وشوفي حالي شلون بعداج

وشوفي الزمن بيه اشعمل بعداج

انه مصبر يامي يوم بعدج(بعداج

البيت اظلم يالحبيبة عليه

ام محمد مباشر

قصيدة للسيدة زينب عليها السلام
بمناسبة وفاتها
###############

اه يزينب متي بالغربه وحيدة
اه يزينب عن وطن جدج بعيدة
لاكفل خدرج اجاج
ولاحبيبه الي معاج
متي بالغربه وحيدة وحيدة
«»»»»»»»»»»»»»»»»»»»»»
انتي من مثلج خلص عمرة بونين
فاركيتي احباب كلبج من سنين
لا ابو عدج ولاامج ولا الحسين
راح منج عز دلالج وحدج بغربه تموتين
لاتعتبين عله المشوا
تحت الترايب خيموا
امسيتي بالغربه وحيدة2
''«««««'«««««««««««««
اه منك يادهر وياها قاسي
ليل ونهارك كضت بالقهر كافي
ليش ماترحم دمعهه دوم جاري
صارت نحيلت جسم بس رسم باقي
بسك بهيدة وياها
شابت بعز صباها
تالي بالغربه وحيدة وحيدة
<!<<<<<<<<<<<>>>>
من اجاها الموت صاحت يادخيل
خلي اخواني يجوني ا بهدوة اليل
امتانيتهم من يجوني يسرجوا لخيل
انه بديره غريبه وياي من اهلي العليل
تعبته كربله
شاف من عدهه البله
وانه عكب اهلي وحيدة وحيدة
»»»»»»»»»»»»»»»»»»»»»
لويجيي عندي كفيلي شلون يغمض لي العيون
هو لاجفين عنده وسهم نابت بالعيون
ولحسين النحر دامي وجامد الدم عل الجفون
الحجر صايب جبهته حسين ابن سيد الكون
من حجر ابو الحتوف
شلون ينظرني ويشوف
كضه بالغربه وحيد وانه وحيدة وحيدة»

««««««««'««««««»»»»»»»»»

ايست وسترجعت ربي وبجيت
تلفتت يسرة ويمنه. ومالكيت
لا حبايب لاعشيرة ولابيت
انه بالغربه وحيدة وانتخيت
الناس كله استغربت
كالو مريضه وبعدت
ظليت انه وحيدة وحيدة
<<<<<<<<<<<<<<!<<<<<<

خادمة الزهراء
ام محمد الساري

قصيدة للسيدة زينب العقيله عليها السلام
00000000000000000000
('(وزن الميمر))

زينب بكت حد الكبر مالومه
عله حسين يومن سلبوها اهدومه

////////////////////////////////////
جتهه المنيه ولكلب يلهب نار

لااخو يمه ولاابوها الكرار

راح كافلها ابن حامي الجار

ظلت حزينه وعذباها يومه

0000000000000000000

طلت وحيدة بعد ما عافوها

حرمة وغريبه بعيله كلفوها

تذكر الارجاس من سلبوها

خلص عمرة بكربله الميشومه

00000000000000000900
ودرب السبي خله بكلبه عله

لاوالي عدهه وبهظمه ادكله

بس اليتامى والحرم والثكله

يوميه تزداد الكلب يهمومه

00000000000000000000
جان كل يوم اليمر وتشاهد

ماكو مرة شبعت هظم وبزايد

والاخوه راحو والزمان يعاند

الحد الميه تلوعت مهظومه

0000000000000000000

تاخرت ياموت عني وبطيت

ردت موتي وي اخوتي تمنيت

شفت خالي من الاعزاز البيت

وحيرتي ياهو اليجب علومه

00000000000000000000
خادمة الزهراء
ام محمد الساري
اظهر سيدي طال انتظارك
https://t.me/gdsjnvd

قصيدة للسيدة زينب عليها السلام عند وفاتها وسؤال الناس عنها ولسان حالها يقول
^~~~~~~~~~~~~~~~~
هاي منين ماتت تنشد عليها
هاذي بت علي حيدر واليها
~~~~~~~~~~~~^
هايه ام الخدر هي العقيله
جبيرة ال طالب بالقبيله
من تحجي حكم مابيها ميله

(((ترباية حيدر معروفه)))
~~~~~~~~~~~~~~~~~
هاي ام الكريم والطيب والنخوه

يوميه المضيف يفوح بالكهوه

تهلي ابطيب للخاطر هي ارباث المروه

(((الخطار ايون ماناسيها)))
~~~~~~~~~~~~~~~~^
زينب هاي زينب والنعم منها

فهيمه وعالمة ربك امعلمها

مثالك للصبر زادت على امه
ا
(((بصبرها ام الخدر كل مشكله تحلها)))
~~~~~~~~~~~~~~~~~
يالتسال على زينب شوصفها

ماكو كلمه اتعبر وسولفها

الشمرة من علي والصبر من امها

((الزلم انهارت وزينب وكفت بالكلفات ))
~~~~~~~~~~~~~~~~؛
موقف بالطفوف اتسجل الهه

بعيال ويتامة حسين كلفه

مانامت ليالي الضعن حرسته

((زينب قائد عجبت كل الكون))
~~~~~~~~~~~~~~~~~
غريبه تموت تاليها

لايمه اهلها ولامحبيها

وسفه ام الخدر سكته المشيعيها

'(('ماجوها الخوان الهيبه))
~~~~~~~~~~~~~~~~
خادمة الزهراء
~ام محمد الساري
اظهر سيدي طال انتظارك
https://t.me/gdsjnvd

مشاعر ام الى ابنتها الغائبه ولوعة الاشتياق لهل لفراقها
~~~~~~~~~~~~~~~

يمه وينج كلبي ملهوف القاج

يمه وينج شنهو عني العطلاج
"
ان شالله خير

كلبي رف طير

ارد اسمعج يالعزيزة وسمع اخبارج
~~~~~~~~~~~~~~~~^
تعجبت ليش منج هل الصدود

اجي البابج يالحبيبه ورد اردود

اريد شم نفحات من عطر الورود

كلبي ولهان ويريدج

روحي يمه بلزمت ايدج

ارد اسمعج يالعزيزة واسمع اخبارج
~~~~~~~~~~~~~~~~~~~
عقلي ياخذني ويرد ليج ويروح

وكلبي مملي من غيابج بس جروح

كل مسيه اشوف وجهج الصبوح

جنه نسامر سويه

شغيرج يمه عليه

ارد اسمعج يالعزيزة وسمع اخبارك
~~~~~~~~~~~~~~~~~~~~
الله حط بالروح سوله تسال عليج

اكول بيني وبين نفسي لا بعد مااجيج

يجوز مليتي لقائي مني وخاف ااذيج

يمه كوليلي الصراحة

بعد عني بيه راحة

ارد اسمعج يالعزيزة وسمع اخبارج
~~~~~~~~~~~~~~~~~~
انه اكتبلج مباشر دون تحضير الكلام

شمايدور ابالي اكتب ماارتش بالاحلام

كتب ابفطرت مشاعر فززتني من المنام

هذا الج انه احس

والعبرة طاحت من امس

ارد اسمعج يالعزيزة واسمع اخبارج


مباش
ام محمد الساري
،~~~~~~~~~~~~~~~~~~
رد البنت لامها من قبل الشاعرة ام معصومه
~~~~~~~~~~~~~~~^^
انتي امي وتاج راسي

وانتي لأنفاسي هوه

اعتذر منچ يگلبي حيل

مجروحه ولاصحلي دوه

لطميه للعباس عليه السلام
. ((( الكفاله)))
(''(وزن ثلاث ترباع الشيعتي))
~~~~~~~~~~~~~~~~~
خويه موانت اكفلتني وين وعدك يالكفيل
جيتك اتعثر بجدمي انت. لحمولي تشيل
~~~~~~~~~~~~~~~~~
من اجيت وياك خويه انه اميرة مدلله
من انادي ابسمك انه انت تلاكيني بهله
اذا ماشوفك يغالي احس حياتي معلعله
ولله ضاخرتك يخويه اخاف من دهري يميل
~~~~~~~~~~~~~~~~~
الدرب كله يخويه عليك مشبوحة العين
خاف من ترمش ابلحظه ماشوفك يالحنين
بيني وبينك روابط الروحي ياخويه معين
انت كلشي ياعزيزي الدنيا كلهه والخليل
~~~~~~~~~~~~~~~~~
لاتودعني يغالي اوداعك يعذب الروح
اخافن اوداعك يخويه يفزز بكلبي الجروح
كلمه ماريدن اسمعه دكلي بامان الله وتروح
عباس مااكدر اشيله الحمل كلش ثجيل
~~~~~~~~~~~~~~~~~
وعد ونطيته لبونه ماتعوف اختك ابد
خله اديه ابين اديك وطلب منك العهد
كتله اخليها بعيوني وهذا من عندك وعد
جيت اذكرك خاف ناسي انت ياخويه الكفيل
~~~~~~~~~~~~~~~~~ علمشرعة نام يغالي انت وبعينك سهم
مدري اطلع السهم خويه لوالوذ من الزلم
كتلي شجابج يزينب شفتك وحيلي انهدم
كوم خويه ياكفيل ويانه باقي بس عليل
~~~~~~~~~~~~~~~~~
خادمة الزهراء
ام محمد الساري
اظهر سيدي طال انتظارك
https://t.me/gdsjnvd

تشيع العقيله
موشح
للسيده زينب ع
وين ابو فاظل يشيع الطاهره
بالغرب زينب اجنازه محيره

*************
ريت سبع الگنطره لخته یهم
زينب ابتابوتها عطر تشم
هذا ابو الفزعات منه والنعم
بيده هالليه گبرها یحفره
✍الشاعر فالح العامري

****************
خل يجي العباس يقره الفاتحه
وتعله اصوات الحزن والنايحه
بديرة الشمات صارت صايحه
زينب لاخوتهه ظلت ناطره
✍العلويه ام مصطفى الموسوي

***************
هاذ عباس الي دگ الهه الصدر
لیش ما یحضر لخیته شلعذر
خل یجي ایشیع العقیله ام الخدر
بیده لخته خل لحدهه یحضره
✍خادمتکم ام قاسم البوغبيش

********************
ريت حاظر كمر عدنان الشهم
يجي و يشل الجنازة من الزلم
هذا ابن حيدره منه والنعم
مكطعات ايده ويرجو المعذره

✍الشاعره ام محمد الساري
****************
اليوم يومك يبو الغيره والفضل
شيع ام الخدر وينك يانفل
هاي هيه البيك چانت تستظل
تدري حتى النعش هيه امخدره

✍الشاعر فالح العامري

****************
ادري من انخاك متقصر تجي
وانه ازامط بيك منك ارتجي
من بعيد اسمعت صوته الشجي
كال اجيتج الج عمري ناذره

✍ الشاعره ام فراس الساعدي

*****************
تمت

قصيده لمولاتي زينب ع مشتركه خاصه برابطة شاعرات اهل البيت ع
تحت اشراف الشاعر الموقر الاستاذ فالح العامري

علي اليوم وعلي باجر ومسنه
بغيابك ياعلي ضيم اليمسنه
احنه بيك مانار التمسنه
محبتك بالحشر هيه الهويه
✍مباشر ام محمد

ام محمد:
لطميه للامام الكاظم عليه السلام
##################
خلوه بسجن هارون
والسجان سد بابه

<<<<<<<<<!<<>>>>>>>>

طويله غيبته وبقعر السجون
من سجن السجن واهله مايدرون
دعائه دوم خلصني. يربي من سجن هارون
ادموم يسيل دمعه من العيون
ويخبر الشيعه الجمعه ملكانه
<<<!<<<<<<<<<<<><>>>
عليه الشيعه مشتاكه وتعبانه
تتنطرالملكه بروح لهفانه
ماكوخبر منك ليش مولانه
انطش ورد نفرح موسى لوجانه
ذاك اليوم عيد يصير لحبابه
<<<<<<<<<<<<<<<<<<<<
الجثه شايله اربع حماميل
وهوه ابن الزجيه وحامي الدخيل
مكيد بالحديد ودمه ايسيل
لاعنده عشيره نعشه اتشيل
ينادي عليه امام الرافضيه وهذا عنوانه
<<<<!<<<<<<<<<<<<<<<<<
سموه وجرمهم هذا مشهود
ومرمات اديه من ثقل القيود
جذابين مايوفون بوعود
من يوم الحسين ونكروا عهود
حربهم مو خفيه عله النبي واله
<<<<<<<<<<<<<<<<<>><
الكاظم بالكرم معروف
مايومه يرد ضيوف
ينهه ويامر بمعروف
انخاه بكلب ملهوف
ماخاب الكصد بابه
<<<»»<<<<<<<<<<<<<
خادمة الزهراء

ام محمد الساريhttps://t.me/gdsjnvd

اهلا وسهلا بمن انظم الينا
حياكم الله واهلا وسهلا بيكم
في منبر الزهراء

لطميه ثكيله لسيدينا ومولانا الامام موسى ابن جعفر عليه السلام
************************
قصتك مولاي ياباب الحوائج
ماجرت لاحد
بسجن خلصت العمر يابو الرضا الله ولحد
شنو ذنبك
شنو ذنبك
***********************
خلص عمرك وردة وردة وذابله بنص السجون

لاضوه تشوفه ولانسمة هوء تداوي الجفون

دمع مثل الشمع يجري خلصت ماي العيون

لاهل يمك تزورك وين ودتك الضنون

ذنبك انت ابن علي
طه جدك والنبي
مولاي ياباب الحوائج

✍ام محمد الساري
*؟*********************
دمعه دمعه خلص عمرك بالسجون ياامام

بعيد عن كل الاهل سهران ليلك
ماتنام

صادق ومخلص بدينك ماتهمك هل لاقزام

انت يامظلوم كعبه تعنتك كل الانام

انت ايه للفخار
صار الك كبه ومزار

مولاي ياباب الحوائج

✍ام محمد الحسناوي
************************
ليش طاموره السجن مولاي يبن الاماجد

خاف نورك يسطع وهارون يكرهكم حاقد

الضوه خصله بيه وي الظلمه ياسيدي يعاند

شما بقه هذا الظلام لازم الكمرة يجي يوم وتعاود

كلبك المكسور

للشيعه انت السور

مولاي ياباب الحوائج

✍ام محمد الساري
********************************
انت للحاجات باب وبالحوائج
يكصدوك
لان بيك الحاجة تكضي سيدي والكل نخوك

نظره منك يامامي وشوف حتى الغرب اجوك

مالهم غير الله وانت وبالمصاب يذكروك

سيدي اجبرالخاطر

بحظرتك تفتح سرائر

مولاي ياباب الحوائج

********************************
انه اجيتك يبوطلبه من ضمن هاي الجموع

كاصد البابك رجائي وناري تسري بالضلوع

علتي وجروح بيه وعلوجن تجري الدموع

من الوكت زادت الامي بعتبتك كاعد بعد مالي رجوع

اريدن حاجتي منك

تخلصه واكصدنك

مولاي ياباب الحوائج

ام محمد الساري
********************************

تمت بحمد الله من قبل خادمات الزهراء
ام محمد الساري
ام محمد الحسناوي

خادمة الزهراء
ام محمد الساريhttps://t.me/gdsjnvd

اه اه
مليت ادوس اعله الجرح
ورشه فلفل حار
موانه دم واللحم
موكلبي كتله حجار
ابلا سبب انهجر
والكلب يلهب نار
والعقل يروح ويرد
ويتوسل ومحتار
شنهو السبب ياترى
ورجع ودمعي انهار
مليت من القهر
ومااعرف اخذ ثار
خليني ماسامح بعد
والغي الحجي وكل اثار
مابيه حيل اتعبت
الذكرى تبقى نار

لطميه للامام الكاظم عليه
السلام
*********
نون ونوح الك وبعالي الصوت
حسافه يبن جعفر طالك الموت
لا يمك بقى احباب
سجن وبديرة اجناب
نون ونوح الك وبعالي الصوت/*********************
الشيعه مناطرة. ياموسى تطلع
بدر ونشوفك وبسمانه تلمع
كريم بجوده حتى الخير يطمع
ونبجيك ابدمه وعيون تدمع
وينك يبن الاطياب
ربيع وماي خنياب
نون ونوح اللك و بعالي الصوت
***********
مو موعدنه يوم الجمعه ملكانه
فرحانين ننتظرك يمولانه
عل الموعد اجينه بروح لهفانه
كل شيعي نذر عمرة يملفانه
فرحنه والوكت طاب
نتلكاك للباب
نون ونوح الك وبعالي الصوت
************
وكفنه عله الجسر ورواحنه تلوب
حلمنه والاحلام اطلعت مكلوب
حلمنه انشوفكم وتنسر الكلوب
تاليه الامام بدمه مخضوب
والسجان جذاب
سمك يبن الاطياب
نون ونوح الك وبعالي الصوت
***********
بغداد اصبحت هليوم مرجونه
اسدهه عله الجسر خلي يشيعونه
هذا ابن الكرام العابره عيونه
شنو ذنبه و عدوانه يسجنونه
بعد شفيد العتاب
شاف انواع العذاب
نون ونوح الك وبعالي الصوت
***********
ياباب المراد وجوده معروف
أهل الكرم أهله وهوه موصوف
ابن حيدر علي وماتعرف الخوف
للموت عله دربك ابد منعوف
حفظنه السيرة بكتاب
من الظلام منهاب
نون ونوح الك و بعالي الصوت
***********
كل عام اليمر. نحي شعائرنه
وتظل للدوم ياموسى مجالسنه
تعلمنه الصبر منك تصبرنه
ناخذ من مناهلكم معالمنه
انت نعم الانساب
التبعكم ابد ماخاب
نون ونوح الك وبعالي الصوت
************
خادمة الزهراء
ام محمد الساري. نسالكم الدعاء
ام محمد الساريhttps://t.me/gdsjnvd

قصيدة للامام موسى ابن جعفر عليه السلام

*********************
اليوم الكاظمية ليش مرجونه
كالو مات موسى الترهب عيونه
********************
اليوم الشيعه كله عليك حزنانه
على كاظم الغيض وهذا عنوانه
راحم بالرعيه وحتى عدوانه
ونوا عله ابن جعفر يالتسمعونه
*********************
ونوا عليه ودكوا حيل الصدور
هذا الماقبل بالذل يشع نور
طامورة السجن سواه جبل طور
اخذ قدسيه منه الف خيعونه
*********************
خلص عمرة بسجن وعليه سدبابه
لااولاده اجو ولا يمه احبابه
ابعيدين عنه. اهله وصحابه
يون وحدة المجنه .وتدمع عيونه
********************
خلص نحبه الامام بسجن هارون
غريب ابوحده ويدير العيون
اليموت ايريد احبابه يحضرون
وخوانه اولد عمه يشيعونه
********************
يالرايد تكصده وعندك الحاجه
الكرم خصله ورثها العوده وجداده
جان الحسن يكرم حتى بعباته
من عنده ترد فرحان وكلهم يشهدوله
*********************
انه دكيت باب الرحمه والغيره
امشي عليك ضلع امك انه بحيره
طبيبي ايساني ورحت الغيرة
ارد الشفىه ودواي همه
مايعرفونه
*********************
خادمة الزهراء
ام محمد الساري. نسالكم الدعاء


ام محمد الساريhttps://t.me/gdsjnvd

قصيده لسان حال العقيله
#على_طور_قصيده_
#موسى_بن_جعفر_على_الجسر_گوموا_نشيعه
للحاج عامر الكاظمي
✭✭✦••┈•✭✭..✭✭✦••┈•✭

وينه اليخبر حيدره تيسرت بناته
مايرضه فاتح خيبرة والطيبه ذاته
********************--
كلوله زينب نادتك الحك عليه
بتك غريبه بكربله وشبعة اذيه
لااخو ضل عدها يرد ابن الدعيه
وراس ابو فاضل ع الرمح ينظر خواته
ام محمد الساري
********************
اگلوله احسينك وكع اوبالخيل ينداس
عالشريعه اتگطعن چفينه عباس
وانه العقيله امشي سبيه مهبطه الراس
والرضيع من العطش ذبلت شفاته

ام كرار
********************
راكب مهر بليل اجاها بكرب الخيام
ابعد يهل الفارس ملينه من الالام
احنه تروعنه حرم وصغار ايتام
انه ابوج اجيت اساعد العليل ومعاناته
ام محمد الساري
********************
حرگوا صواويني ما ضَل ستر ليه
حوافر الخيل ياعلي داست رقيه
ردت حاضر ياعلي بهاي المسيه
و تشوف حسين من تاهن بناته
ام كرار
*********************
ادري يبويه الصار ياولادي بيكم
هذا من الباري امسجل يبنيتي عليكم
اصبري يزينب الله هليلله حاميكم
ولمي عيال الحسين بويه وغالياته
ام محمدالساري
****^^*****************
ماعندي ابو ولاضل الي وليان
بيت بلا بشر بس تبچي حيطان
تون للأهل الدار و تنعى البيبان
بالون اخلص العمر ع حلوة
صفاته
ام كرار
*********************
كعدت من حلمه ادموعة تجري
لابويه ولاخويه الكفلني وين خدري
بقيت انه شسوي حايره بامري
بيت وصفه خالي يحيدرمن حماته
ام محمد الساري
✭✭✦••┈•✭✭..✭✭✦••┈•✭

تـ✍ــمـت بأقـــلام
#خــــــادمات_الـعتـره_الطـاهـره_ع___________________ آمٰ̲ہ ڪٰྀہٰٰٖرآر آلطۨہٰٰآئيِٰہٰ̲ھہ
ام محمد❥┊⁽ الساري♔ ♬ ◄
───✤◐►✍◄◐✤───
❌لانجيز حذف الاسم
خادمة الزهراء
ام محمد الساريhttps://t.me/gdsjnvd
✭✭✦••┈•✭✭..✭✭✦••┈•✭

البعض يخلط بين المبعث النبوي والاسراء والمعراج
وللتوضيح :
الإسراء والمعراج في شهر رمضان
والمبعث النبويُّ في رجب 
عدم التمييز بين (ذكرى المبعث الشريف) و(ذكرى الإسراء والمعراج) أوقع الكثيرين من جيلنا المعاصر في الخلط بين هذين الحدَثَين الإلهيَّين 
وها نحن نبيِّنُ الفرق بينهما 
تعريف المبعث
هو اليوم الذي بعث الله فيه محمد بن عبد الله (صلَّى اللهُ عليه وآله) {فِي الْأُمِّيِّينَ رَسُولًا مِنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ}.
تاريخه
وكان ذلك يوم السابع والعشرين من شهر رجب (27 رجب) قبل الهجرة بثلاث عشرة سنة وله فضلٌ عظيمٌ عند الله سبحانه وقد وردت في فضلهِ وثوابِ بعض الأعمال فيه عدةُ روايات فليُراجع كتاب مفاتيح الجنان/ أعمال شهر رجب.
تعريف الإسراء والمعراج
المراد بالإسراء والمعراج يومَ {أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى} وأراه من آيته الكبرى.
تاريخه
كان ذلك في شهر رمضان على التحقيق بعد المبعث النبويِّ ببضع سنوات.
المعراج المشهور هو معراج العجائب والآيات والذي كان ليلة الاسراء.
وإلا لم ينحصر عروج النبي (صلَّى اللهُ عليهِ وآلِه) بيوم واحد بل حصل مرات عديدة وفي بعض الروايات عن إمامنا الصادق (عليه السلام)، قال:عُرِج بالنبي (صلى الله عليه وآله) إلى السماء مائة وعشرين مرة ما من مرّة إلا وقد أوصى الله عز وجل فيها النبيَّ (صلى الله عليه وآله) بالولاية لعلي والأئمة (عليهم السلام) أكثر مما أوصاه بالفرائض.