قصيده ثكيله
لوفاة السيده زينب عليها السلام


انه زينب.. روحي مو موت الله ماتت هالمسيه
انه زينب.  روحي ماتت من اهد اهل الحميه

ريتهم هالساعه. يلفون يلفون
ريتهم غمضولي العيون العيون
انه زينب  انه زينب
••••••••••••••••••••••••••••••

انه زينب جنت هيبه بزود اخوتي
وينه  كفال الظعن ويسمعة صوتي
ريته  هالساعة  يجي ويحضر لموتي

افراكهم  لا ولله.. ميهون ميهون
ريتهم  غمضولي. العيون العيون
انه زينب  انه زينب
••••••••••••••••••••••••••••••

يمته يلفي الاخو راعي المروة
كلبي بحزان  بكه ليلة يتجوه
ليله انازع وينه لشوفته حلوه

ولدليل ليوم. محزون محزون
ريتهم غمضولي العيون العيون
انه زينب  انه زينب
••••••••••••••••••••••••••••••

جنت اتمنه يجي يحضر وفاتي
يكعد ابسدي ويجر ونه المماتي
تالي ماتالي الزمن خلص حياتي

فاتحة اعلية. ينصبون ينصبون
ريتهم غمضولي العيون العيون
انه زينب. انه زينب
••••••••••••••••••••••••••••••

ولله عازات الاخو مامنها عازه
محله فوك امتونه لو شال الجنازه
ولكلب بالحسره اظن كلش توازه

اجنازتي همه. اليشيعون اليشيعون
ريتهم غمضولي. العيون العيون
انه زينب  انه زينب
••••••••••••••••••••••••••••••

لاشفت عباس لا اسمع  ونينه
ماحظر بالدفنه ابو روح الحنينه
ولا اخوي حسين انادي خويه وينة

راية احزاني. يشيلون  يشيلون
ريتهم غمضولي. العيون العيون
انه زينب  انه زينب
••••••••••••••••••••••••••••••
اللهم عجل لوليك الفرج
مريم العبوديه اسيرة الاحزان 💔

https://t.me/gddaogt

قصيده ولائيه للامام علي عليه السلام


وصاني ابوي من الزغر بحب حيدره وصاني
هاي الولايه الطاهره.  وعله الصدق دلانــــــي
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ


وصاني ابوي مـــن الزغر بحب الرسول وأله
ولتهزك اقلام الفتــن كلمن كتب لبــــــــــــاله
جلمة علي اشگد والدي. بذكره شكثر تحلاله
ايگلي الخدم بيت الطهر. يبنــــي الف هنياله
ماعرف اسم المرتضى. كلمن اجــــه وعاداني
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ


وصاني ابوي من الزغر  عالمعرفه وعل الاحكام
يابويه لا تترك علـــــي ولطــــــم اله ودگ الهام
ولااتنسه الحره لمشة مجتوفه ويــــــــه الظلام
حيدر علي كنز العلم  مصدر معارف ولهـــــــام
يوليدي من تتبع علي. ابعمـرك ابــــــد  متعاني
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ


سير ابدربهم لاتزل  تلگـــه ابطريقك عبره
فوگ السراط وتلتقي بأمه لشفيعه لــزهره
كلمن يحـــب آل النبي  بارينه گــلبه ايسره
شمعة سعاده لو رحل  تضوي بضلامة گبره
اشكر الاهي او والدي  خــــادم علي خلاني
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ

سير ابطريقه واتبـــــــع  ولايهمك لمــا تابع
  اول علي الله نصب  مــانصباه الــــــــرابع
  بكل الأرض يعلم علي وحته بسماء السابع
  بجفه ردهــــــا الشمس  وخيبر بعدها قالع
نهج الصميدة المرتضى. هو استقم سوانــي
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ


وصاني گال المرتضى. بامــــر الالــه انتصب
هذا الفتح نصر النبي. هذا لمجنــدل مرحب
هذا علي الرد الشمس. هذا العرش بي رحب
هذا الزهَد من دنيته. بس للفقير استصحـب
رحمت علي گنز الفقر. ونار اعله راس الجاني
▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ▭𝅼▬ׄ
اللهم عجل لوليك الفرج
✍مريم العبوديه اسيرة الاحزان

#قصيده للكاظم عليه السلام رباط هوسه

الكاظم بالشدد مايرد خطاره
تعنيته واريدن  منه  لبشاره

تعنيته و اريد مراد ينطيني
وصفه لعلتي وبيده يشافيني
لدكتور العلل مديت جفيني
[ شافيها  يالكاظم علتي ]

شافي علتي لطالت هوايه
يادگتور اجيت عليگ شجايه
عليك الكافل العباس ولرايه
[ يسمونه قاضي الحاجات ]


يلبيك المرض ماتعرف اسبابه
تعناله السبت وبحركه دك بابك
الكاظم مايردها مجرب احبابه
   [ تعناله. ليکرم ظيفه ]


يشافيها العلل اليكرم اضيوفه
مارد التعنه ابروح ملهوفه
نشد الرايه بالشباج وانطوفه
[  يسمونه دكتور لشيعه ] 


للكاظم. نروح السبت نتعنه
يالعدجن حوائج كومن انخنه
بمعصومه حميده ليله حلفنه
[ وسجليها الحاجه بأسمه] 


يمولانه اريدن منك النظره
محروم  لطفل بيدنك اتجبره
عليك ليوم ماتم بالحزن نقره
[   تنطونه لصاح دخيلك  ]


اللهم عجل لوليك الفرج
✍الشاعره مريم العبوديه اسيرة الاحزان 💔
غير مبري الذمه من يحذف الاسم وينسب الكلام له

قصيده لأم البنين عليه السلام رباط هوسه جنوبي

خوش ازلام  ربيتي يبدوية
واحدهم شجاع ومحله طارية
🎤🎤🎤🌼🎤🎤🎤
ربيتي وا نعم يربات السباع
واحدهم كلف ويزلزل الكاع
عون وجعفر وعباس الشرع
{ عياله   ياهو  ليوصلهم}
🎤🎤🎤🌼🎤🎤🎤
واحدهم كلف مايرضه بالعيله
هذا ابن  الهواشم  ابن الكحيله
هوسيله عدل بالله دهوسيله
{محلاها   الهوسه باسمه}
🎤🎤🎤🌼🎤🎤🎤
محله هوسته البارعه عيونه
وبالشدات ولحاجات تنخونه
هله بعباس  عدوانه يخافونه
[يخافونه   هذا ابن النيبه }
🎤🎤🎤🌼🎤🎤🎤
اهل نيبه ويخافوهم العدوان
محله ارباج  يالربيتي شجعان
هديتي لفاطمه اربعه  شبان
[نذروها  الارواح  الطوله}
🎤🎤🎤🌼🎤🎤🎤
نذروها الارواح انطوها. للحسين
وانطه  الكافل الجفين  ولعين
هلا.. برباج   يالحره.  ام البنين
{عباسج.  زلزلها الحومه}
🎤🎤🎤🌼🎤🎤🎤
هذا الوفه الخوه ومعانيها
ماخله أ خيته لهوه يمر بيها
اطلب حاجتي واتمنه  تگظيها
[شافيها  العله  الطالت ]
🎤🎤🎤🌼🎤🎤🎤
اللهم عجل لوليك الفرج
✍الخادمه المهدويه مريم العبوديه اسيرة الاحزان 💔
غير مبري الذمه من يحذف الاسم وينسب الكلام له

مريم العبوديه اسيرة الاحزان 💔✨أعمال ليلة الرغائب
1-صوم يوم الخميس
2-صلاة النية "نويت ان اصلي صلاة ليلة الرغائب بنيه رجاء المطلوبيه". من 12ركعه في كل ركعه تقرأ سورة الفاتحه1 وسورة القدر 3وسورة التوحيد12
بعد انتهاء الصلاة تقول 70مره اللهم صلي على محمد وآل محمد ثم تسجد وتقول 70مره سبوح قدوس رب الملائكه والروح وترفع راسك وانت جالس تقول رب اغفر وارحم وتجاوز عما تعلم انك انت العلي الأعظم ثم تسجد مرة أخرى و70 مره سبوح قدوس ربّالملائكه وروح وتسال حاجتك ولاتنسونه من الدعاء✨

.
ابو ذيات زائد نعي لهلال محرم

الهلال ابسمه الاحزان هل هل
ودمعي مو دمع نهران هل هل
اليوم الجيش بالميدان هل هل
ابچتل الحيود واني النار بيه


اهلالك حيل يذبح من يهله
ودمع بالعين غورگ من يهله
الثره بگبري من اموتن من يهله
الدهر ماخله اي واحد اليه


اهلالك يمرد الدلال ياهل
ودمعي يا يذوب الچفن ياهل
اتانيكم مثل شوغات ياهل
كطعتو ولا يمر منكم عليه

᯽⊱┈──╌❊╌──┈⊰᯽
نعي.......

يهلال بيك  اجم مصيبه
افكد هلي واصبح غريبه
ولكلب ظل  طافح لهيبه
وعميه عله الخوان عيني

᯽⊱┈──╌❊╌──┈⊰᯽

عيني تصدلك مغبر لفيت
كلي بكلب زينب شخليت
هلال النوايب كلبي سليت
يبجي الصخر ولله ونيني

᯽⊱┈──╌❊╌──┈⊰᯽

يهلال بيك انجتل الحسين
ممرود كلبي وصار  نصين
ماريد اشوفك تعمي العين
افكد اخوتي وكل بنيني

᯽⊱┈──╌❊╌──┈⊰᯽

افكد حياده بذيج الطفوف
يهلال بيك الوعه ولخوف
وكافل حَرمنَه إمكطع إجفوف
وناديت ماواحد يجيني

᯽⊱┈──╌❊╌──┈⊰᯽

ياهو ليجيني إوكِلَّهَا إنيام
الأكبر صريع ويمَّه جسَّام
يهلال بـيك إتبدت احـلام
ظلمه صبحت ولله سنيني

᯽⊱┈──╌❊╌──┈⊰᯽

اللهم عجل لوليك الفرج
✍مريم العبوديه اسيرة الاحزان 💔
غير مبري الذمه من يحذف اسم الشاعر
او ينسب الكلام له

قصيده للخوان 💔

شنهو لعطلك ياخوي
اختك ماتمر بيها

محله الأخو لو مرني
عن همي يناشدني
شنهو لعطلك عني
تعال وشوف زينب ولجره عليها
شنهو لعطلك ياخوي اختك ماتمر بيها

شلون انساها العشره
يخويه وفركتك مره
كلبي  عليك  شيصبره
يسباح الكلب ماتدري شبيها
شنهو لعطلك ياخوي اختك ماتمر بيها

اخوي وحكي اعتبنه
شنهو  لعطلك  عنه
خله بكلبي الف ونه
ياخال الولد لعيون عاميها
شنهوا العطلك يخويه اختك ماتمر بيها

نامت بالنجف العيون
ردنه ويانه ايضلون
خال لولد لا  ميهون
وسفه عيونهم  بالرمل  تاليها
شنهو لعطلك ياخوي اختك ماتمر بيها

اخوي ويحلات اسمه
عيوني عليك خل تعمه
نايم  ولكبر. ظلمه
بس تذكار منك صوره، احاجيها
شنهو لعطلك ياخوي اختك ماتمر بيها


غيبتكم تره اطويله
الهجر مابيه انه حيله
وينه  ليدفع  العيله
شواربكم وسف لتراب غاطيها
شنهو لعطلك ياخوي اختك ماتمر بيها

اللهم عجل لوليك الفرج
✍الشاعره المتألقه
مريم العبوديه اسيرة الاحزان 💔
غير مبري الذمه من يحذف اسم الشاعر وينسب الكلام له

قصيده للسيده زينب ع رباط هوسه

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ

وين تعطل الهيبه
وين اخونها النيبه
خبرو واحد يجيبه
باجر موت يلفيها

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ

نادت ياذخر دنياي
كطرلي يخويه لماي
تصيح بصوت يارواي
اختك هظم  غاطيها

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ

غاطيها  لحزن ولهم
خبرو اخوها لمشيم
وعليها لحزن خيم
تعال اسمع بواجيها

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ

رادت راعي لنوماس
بخوتها تشيل الراس
وينه تعطل لعباس
خبرو خل يجي ليها

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ

خبرو يحضر الحره
لبطل عباس مايدره
نعشها ياهوو ليحضره
الجنازه تريد راعيها

وين تعطل العباس
اخته خل يمر بيها
▬࣪▭𝅼▬ׄ▭𝅼▬ׄ▭𝅼▬ׄ
اللهم عجل لوليك الفرج
✍مريم العبوديه اسيرة الاحزان
غير مبري الذمه من يحذف اسم الشاعر وينسب الكلام له