شبكة غزة مباشر

🔴أخبار_عالريق
✅️يكتبها / #أحباب_سعيد_الطويل

▪︎🖊️📓الثلاثاء 27 مايو، اليوم 71 بعد نقض الاحتلال لوقف اطلاق النار بغزة، 599 يوم من بداية العدوان على قطاع غزة، الله يصبحكم بالخير

▪︎قرابة 100 شهيد في غارات للاحتلال على قطاع غزة خلال 24 ساعة

▪︎مستشفيات غزة في وضع كارثي، والاطفال المصابين بيوصلوا منهكين بسبب الجوع قبل الاصابة

▪︎الاحتلال اعلن بداية تشغيل شركة توزيع المساعدات التابعة اله في رفح

▪︎قبل ما تستلم ممكن يسألوك شوية اسئلة، عنك وعن عيلتك وقرايبك وجيرانك، تفاصيل ومعلومات حتى لو صغيرة، يعني شغل عميل على بسيط هيك

▪︎ممكن ياخدوا ورقك وهويتك، ممكن يعتقلوك لو ما عجبتهم، ممكن ما يرجعوك ويحجزوك عندهم، عمرك ما تكون واثق، هدول يهود

▪︎المهم تطعمي ولادك، طبعا، حتى لو هتساهم تجوع ولاد الشهيد جارك، وولاد قريبك الاسير، واهل حارتك اللي ما عندهم حد رضي يروح زيك

▪︎خطة كل العالم بيراهن على فشلها لانها فاشلة اصلا، انت الوحيد اللي قادر تنجحها لو رحت واستلمت

▪︎شوية صبر والمساعدات هتدخل لكل غزة، مش بس لنقاط معينه، بدهاش حتى صبر، بدها شوية وعي واخلاق

▪︎وفي خبر جديد بالمناسبة، الاحتلال فتح معتقل جديد في شمال فلسطين، وفهمك كفاية

▪︎وما تحكيلي ما علي شي ليش اخاف، ليش هو كل الشهدا شو عليهم حتى يقتلهم الاحتلال!

▪︎هاليومين اعتراف الاحتلال بقتلاه شبه معدوم، مع ان الشباب يوم ورا يوم تقريبا بيقولوا انهم فجروا بيت او دمروا دبابة او عملوا كمين

▪︎طبعا بيكونوا مليانين جنود قتلى ومصابين، بس لا حس ولا خبر، لانه الجيش ما بده يطلع جدعون خايب وماكل هوا

▪︎اطلاق صاروخ من اليمن الليلة وصفارات الانذار لعلعت، وكل يوم شركات طيران بتلغي رحلاتها على اسرائيل

▪︎وفي الضفة تم رصد انفجار عبوة محلية على طريق استيطاني جنب قرية دير ابو مشعل شمال رام الله

▪︎800 خبير قانوني في بريطانيا بيطالبوا بوقف الابادة في غزة وفرض عقوبات على الاحتلال

▪︎امبارح كانت بلبلة كتير، صفقة ولا لا، مين وافق ولا رفض، الخلاصة الاحتلال رافض اي اتفاق فيه تعهد بانهاء الحرب

▪︎هتنتهي هتنتهي، باذن الله، والفرج قريب، ما تطولها انت بس باستعجالك وخضوعك للاحتلال وخططه، الصبر طيب..

ܩܒ߲ܩߺ𐬛𐭦ߺܘ߳ ܦ߳ࡋܩي ࡅٜࡅ࠭ݏࡉܦ߳ࡅ࡙ࡅ𐫥ߺي ✒️
וࡋܭוࡅ𐫥ߺࡅٜܘ߳ וࡋࡎܒܦ࠭ࡅ࡙ܘ߳ ܚࡅࡅ࠭ߺו ܭܒ߲ܭ✍️1️⃣

98 viewssana kojok, 07:09