{فَاصٌبِر صَبراً جَمِيلاً}

مُستحيلك عند الله هين .

راح يجينا وقِت ونرجع اقوى من قبل

شگد تعب لمن ماتلحگ ترتاح او حتى تبچي
وشگد صعب لمن مطلوب منك تسعى بيوم جديد بتعب البارحة اللي مالحگت ترتاح حتى ينزاح عنك ..
و ماعرف اذا الميخالف تكفي لهذا كله.. بس اللي اعرفه ومتأكدة منه انو كله محسوب ومتقدر♥️.

لمن يدك المنبة و تريد تنام شوي اكثر بس تقاوم هالرغبة وتگوم تسوي اللي عليك
لمن تريد تسد كتابك وتروح تسوي شي يونسك وهم تقاوم لحد ماتكمل المادة مال يوم ..
وبعد غيرها من الاشياء اللي تريدها بس توگف بعيونك احلامك وتعوفها

هذن كلهن محسوبات
مو بس دراستنا وتعبنا
هذن كلهن ضمن السعي والجهد اللي دنبذلة
و كلهن الله شايفهن النا وماراح يضيع شي منهن♥️.

صباح الخير
بعد گدامنا هواي من الايام الحلوة اللي متوقعين انو مراح نعيشها لان چنا بيوم سيء فـ كملو♥️.

دا أمر بـ أصعب أيام حياتي ، حرفياً مدا أعرف اليوم شلون دا يخلص ، نومي متقطع أحس لو أنام ربع ساعة گافية ، شگد هسة چنت تعبانة وبس اريد انام
بس من أوصل لفراشي واذكر بعد الي كم محاضرة يطير النوم ، اتمنى بعد گل هذا التعب أفرح ناسي ، افرح الناس الي تعبت هم وياي ، لان بگل مرا اتعب يجي ع بالي اهلي ينتظرون نتيجة تفرحهم, فـ دا اسعى حتى ارسم الفرحة بوجهم ،دائماً أگول اتعب تعب اليوم يختفى بضحكتهم بيوم نجاحي .

فـ اي أروح أنام لان الوالدة سمعتني رزالة وغدير كذالك ، تحسبنا لغيرهم فـ أخذ ستراحة ساعتين.

ميخالف على التعب اللي نحس بي
ميخالف لهذا التعب وميخالف لكل تعب

صُدك أشخاصنة الهم تأثير كُلش قوي علينا ، أجي وگلني تعب من يومي وبـ كلمة وحدة كفيلة تزيح تعبي وتخليني مرتاحة .

راح توصلين للشي الي تريدي حتى لو ياخذ وقت
‏حتى لو چنتي بطيئة بتحقيقة
حتى لو بديتي متأخرة
‏حتى لو ضيعتي الطريق من وقت للثاني
تگدرين توصلين اذا قررتي انو تكملين واني احبج♥️

ضَمّاد الرُوح😔♥️.

غدير ماعدها احجي بـ رقة أبد
واذا مو هيج الگلام تحس نفسها مَ تحبني

ههههههههههههههههههههههههههه معليكم بيها هاي شالعه كلبنا متقبل لا تنام ولا شي
بس لازمه الكتاب ذا مو هيج متنام

{وَاصبِرْ لِحُكْمِ رَبِكَ فَإنّكَ بِأَعْيُنِنَا}