صباح الخير للاشخاص الاقوياء، المُعتادون على تقلُبات الحياة، الصامدون رغم كُل شئ ،الذين يشربون القهوة سادة لأن حلاوَتَهُم لا تحتاج إلى سكر.
صباح_الخير🌸

ليش تجيبونه للحياه
اذا ماعدكم(بيت)
ليش تجيبونه الحياه
اذا ماعدكم(فلوس)
ليش تجيبونه للحياه
اذا ما ادخلنا (مدرسه)
ليش تجيبونه الحياه
اذا انتوا عدكم (مشاكل)

من اكثر الجمل الي اسمعها من شخص يحثونه على الانجاب .
هي انو الطفل يجي .ويجيب زرقا ويا
اني مو ضد الانجاب
بس المفروض انو تتوفر اله مقاومات الحياه
قبل ما تجيبلك طفل انو يكون الزوج والزوجه مؤهلين بامكانيات ماديه
واجتماعيه.ونفسيه واهم شي النفسيه
برأيي الامومه والابوه هوه الشعور بالمسؤليه اتجاه هذا الطفل من هوه وبعده جنين
الفكره مو والله اني اريد اصير ابو او ام
لا مو هاي الفكره ولا اجيب طفل على مود عندي مشاكل بيني وبين زوجتي ويحلها الطفل لا
ولا اجيب طفل على مود ارضي المجتمع
الي يكرر سؤاله عليه شوكت تخلفون
(الانجاب مسوؤليه)
مسوؤليه عن روح عن كائن حي عن كيان عن نفسيه عن شخصيه وكلشي متعلق بهذا الطفل
اي تقصير بحق هذا الطفل راح تتحاسب عليه بالدنيا وبالاخره .

وَلَوْ كُنتَ فَظًّا غَلِيظَ الْقَلْبِ لَانفَضُّوا مِنْ حَوْلِكَ ۖ

كل الافكار الي تدعم انك تكون وحيد وتعتزل الناس
والبعد عنهم غنيمة … الخ
هذه افكار مريضة !

الجنة من غير ناس ماتنداس بس انت اعرف تختار ناسك!
وصدكني الله يسخر ناس لناس والدنيا بعدها بخير
ف لو عندك افكار انك تبقى لوحدك احسن وان البعد عن الناس راحة اعرف ان افكارك مريضة وانك مختار ناس غلط لا اكثر ولا اقل

اختاروا ناسكم صح 🤍

وَآتَاكُم مِّن كُلِّ مَا سَأَلْتُمُوهُ ۚ

بعلم الطاقة كل نية ممكن تطلقها ممكن تجيك نيه معاكسة
التوكيد من تطلقه وانت بحاله طاقة منخفضة ممكن يجيك العكس

الا السؤال … راح يجيك الجواب يعني يجيك
لغة الكون هي اسأل تعطى

ورب العالمين يكول

وَآتَاكُم مِّن كُلِّ مَا سَأَلْتُمُوهُ

لذلك فقط من السؤال تكدر تخلق واقع جديد الك
وواقع انت ترغب بي
اني هواي اشياء بحياتي غيرتها فقط من خلال السؤال
يعني اسم الله جانت تصير كوارث وياي
اني بس اكول يارب شنو الخير بهذا كله
وحرفيا كل الموضوع ينگلب لصالحي ويصير كله خير
🫶🏻🤍



https://t.me/jiillvb
اشتركوا بالقناه

وَلَا تَنسَوُا الْفَضْلَ بَيْنَكُمْ

من ضمن القوانين الكونية هو انعدام الابدية ..
يعني ماكو شي يبقى للابد !

لذلك رب العالمين خلق الحياة مثل القطار ميوكف على احد ابداً
والناس يجون بحياتنا محطات
يعني مو شرط يكملون وياك للنهاية بكل المحطات !
هم رحلتهم انتهت وياك! ووجهتهم صارت مو مثل وجهتك
يعني ماكو ولا سبب يخليهم يبقون وممكن اذا بقوا يضيعون رحلتهم ورحلتك ويمشي بيك العمر وبعدين تكول اني ليش هيج ضيعت عمري !

لذلك لكل علاقة صداقة او حب او زواج او حتى عمل او اي علاقة انت مريت بيها وانتهت وصعب عليك تتقبل النهاية
تذكر واستوعبها ترا هذه مو نهاية الحياة !
هذه فقط محطة وانتهت
وجايتك محطات احلى بهواي
ويه ناس يكونون مثل وجهتك

https://t.me/jiillvb
اشتركوا بالقناه

هوة كُله صوچ الطرف الثالث ، الطرف الثالث هوة الي دمر علاقتنا ، الطرف الثالث هوة الي خلانا نبتعد، الطرف الثالث و الطرف الثالث و الطرف الثالث ، زين احنى اليوم ليش دنچي و نذب اللوم فقط عل طرف الثالث ليش دنخلي الكلام فقط على الطرف الثالث  اوگي الطرف الثالث الكُل متفق انو هوة يخرب الطرف الثالث هوة الي ديدمر كلشي خلص تمام صح...لكن هوة مو اسوء و احقر من الي انطانا وعد و صدگناه ، مستحيل يكون احقر و اسوء من الي ضنيناه سند الي ضنيناه هوة شارينا ، لكن هوة كسر ظهرنا ، مستحيل يكون احقر من الي ما وفة بكل كلمة كالها و بكل وعد انطاه ، ماكو شخص اليوم الشخص الي گباله على شنو ديسعى ديحاول شيسوي ، احنى اليوم عدنا عقل و نعرف الصح و الغلط و عدنا عقل و نتذكر كل الوعود الي حجيناها كل الكلمات الي وعدنا بيها ، فا الطرف الثالث مستحيل يكون احقر من الشخص الي نكر كلشي و خلا و راح، راح وي الطرف الثالث ، ليش دنذب اللوم فقط على الشخص الي الي مو هوة الاساس بالخراب ، عامل بالخراب لكن مو هوة الاساس  ليش ما نذب اللوم على الشخص الي سمح للطرف الثالث يدخل و يخرب و يهدم كُلشي ، انطاه كل الفرص الي يحتاجها حتى يخرب  فلا تهرب اليوم من الحقيقة او تُخلق مُبررات انو فقط هوة الطرف الثالث لمن دخل انهدم كلشي ، لا ابدا لا تعرف كلش زين منو الي دمر كلشي صدگني تعرف كلش زين منو الي هدم كلشي

نفسياً
غالباً الرد المناسب لا يأتي في عقولنا إلا بعد أن ينتهي الموقف ونندم
والسبب لأن العقل يتوقف عن التفكير في لحظة انفعال الإنسان ( العقل لا يعمل تحت الضغط) لذلك درب نفسك على ضبط انفعالك والسيطرة على مشاعرك لحظة الموقف.

من اروع ما قرأت

لا تعطي الاحداث فوق ما تستحق ولا تبحث عن قيمتك في أعين الناس ..ابحث عنها في ضميرك فإذا ارتاح الضمير ارتفع المقام.. واذا عرفت نفسك. فلا يضرك ما قيل فيك! لا تحمل هم الدنيا فإنها لله ولا تحمل هم الزرق فإنه من الله ولا تحمل هم المستقبل فإنه بيد الله فقط احمل هما واحد كيف ترضي الله.. لانك لو ارضيت الله رضي عنك وارضاك وعافانك واغناك ..ولا تيأس من حياه ابكت قلبك وقل يا الله عوضني خيراً في الدنيا وفي الاخره.. فالحزن يرحل بسجده ..والفرح يأتي بدعوه
لن ينسى الله خيراً قدمته ..وهما فرجته..وعينا كادت ان تبكي فأسعدتها !عش حياتك على مبداً كن محسنا حتى وان لم تلق احسانا ليش لاجلهم بل لان الله يحب المحسنين..ارخ يدك بالصدقه رخى حبال المصاعب من على عنقك .. واعلم ان حاجتك الى الصدقه اشد من حاجه من تتصدق عليه .

‏ربي نسألك هدوء النفس وطمأنينة القلب وإنشراح الصدر  ،‏ربي نسِألك توفيقاً يرافق خُطانا  وحياةً مليئه بكل ماهو يرضيكَ.

مساء الخير حبايبي 🤍
مشتاقون 🥺

احب هذي الآية ( وخلق الأنسان
ضعيفاً )
الآية هذي مو ادانة للأنسان ، تعريف اله
الله يكول اصل الانسان مو القوة أصلة الضعف
فلسفة الأنسان ضعفه هو اليخلي يحب ، ويرحم ويتعاون
الأنسان لو امتلك القوة الكاملة محد يحتاج الثاني بعد
الي يخليك تروح لصديقك وكت الحزن مو لأنك قوي بس لأنك ضعيف ومكسور سابقاً مثله .
حتى العلم الي نفتخر بي هو وليد ضعفنا ، اخترعنا الدوه لأن نتمرض وبنينا البيوت لأن نخاف من البرد والحر
فالآية هذي تكلك لا تخجل من ضعفك ، هذا مو عيبك هذا سر وجودك .
الضعف هو اليصنع انسانيتك .

الأنسان بحاجة للراحة شوية ، تستريح من الخوف ، من القلق من عناء التفكير ومن المعارك التخوضها بالتوازي .
ماتمنحك الحياة اكثر من المكتوبلك ومحد يمنع عنك شي مكتوب ، ف أهدأ .
تصالحك ويه ابتلائاتك الماتكدر تغيرها ، يبين الكلام سهل بس الحقيقة ماكو بديل .
إما التصالح لو يمشي بيك العمر بدون ماتلتقط أنفاسك وتحس بشي حلو ولو للحظات .
تعامل ويه الحياة بقناعة هي مو دار راحة ، مو للسلام النفسي المطلق ، ولا للطمأنينة المايشوبها قلق ، هي مجرد حياة ، لحظاتها تتبدل وأحوالها تتغير ، يمكن تضحك هواية ومرات ماتبتسم وبكل احوالها راح تمشي
انت تحتاج لوسادة يغفو عليها عقلك ، يرتاح وينفصل يمنحك لحظات من الأمان ، حتى تكمل الطريق .

أكثر عذر متوفر و متداول في علاقات الحب في مجتمع العراقي 😂💔

الأكتئاب مثل الضيف اليكعد بصفك ومايسولف ، تحس ماتكدر تتنفس بوجوده .
اليعيش ويه الأكتئاب مو ضعيف ، يُعتبر مقاتل بمعركة مابيها جمهور .
تشوفه كاعد من وكت بس مايكدر يفتح عينه .
مثل واحد شايل جبل بس الجبل هذا ما مبين
نايم على صدرك يمنع النفس يدخل والكلام يطلع
يضحكون طبيعي واكو ناس تشتغل وتسلم وتكتب الحمد لله بكل بوست بس بالليل مايريد يبقى بالحياة نهائياً
الأكتئاب مو ترف ، خطار ثكيل يكعد على روح الواحد بس مثله مثل اي خطار عادي يروح .
بس محتاج واحد يفتحله الباب ، بالكلمة ، والحب ، والصبر .

شهد تداوم بكلية أهلية مرحلة رابعة ، هالسنة جان تخرجها ، تحب واحد وخاطبها من المرحلة الاولى ، علاقة متبادلة من الطرفين الكل جان متوقع راح يتزوجها ، فجأة وبدون مقدمات راح اتزوج غيرها اتأذت واتعرضت لأقوى صدمة بحياتها ، بقت بغرفتها متطلع ومتقره ممستوعبة كل هالسنين وياه بالتالي طلع اختياره مو هي
يوم من الايام فات عليها ابوها للغرفة ،لكاها تبجي وبعيونها نهاية العالم ،بقت تحجيلة بالاخير كلها بنتي اسألج سؤال تجاوبين ب لو اي لو لا ، انتي قصرتي وياه ؟ كلتلة ابد ماقصرت وياه بشي كل عرض عاطفي او ارتباط ارفضه الخاطرة لأن جنت اريدة
ابوها كلها وفوكاها انتي متندمة ؟! مااعرف اذا الدنيا انكلب ميزانها وصار الميقصر هو اليحس نفسة خسران ،
الفيصل بأي علاقة او تعامل ويه انسان تجين تسألين نفسج قصرتي لو لا ،
رهانك على غيرك رهان خسران ، مو اَي واحد يستحق يأذيك ويهدمك، خلي حبك شرف الكل تتمناه وتريد تنوله
ماكو اَي مبرر يخليك تحكم على نفسك انت الطرف الأضعف والخسران ،
انطون تشيخوف كتب بمسرحيتة بستان الكرز على عصفور نايم على ظهرة بحقل من الحقول ورافع رجلي اثنينهن ليفوك ،شافه مزارع عجوز سأله : ليش هيج نايم ،؟
العصفور كلة سمعت السماء راح تمطر واخاف أغرك
المزارع العجوز ضحك ، كلة انت تتصور بذني رجليك الصغار راح تمنع المطر عليك ؟
العصفور جاوبة : على الأقل يفعل المرء مابوسعة ،
كلما تفتح گلبك للناس وغموضك يقل راح تنمل
لتستحي تكول بوجه واحد ماريدك بحياتي بعد لأن هو مااستحى من عافك وحدك،
الأم تريزا تكول ( هناك الكثير من الجوع في العالم ، ليس للخبز ، بل للحب والتقدير )

مواقع التواصل بالعراق دمرت عقول الناس ، ماكو شي سهل ، ماكو شي اسمه احترام ومرونة وتقدير لموقف لازم تنزل الحاضر والغايب حتى تشوفه العالم انت مشتري وحده مو زوجة تصونك وتعيش وياها بستر وسعادة ، لازم تصعدين بسيارة تشوفيهم الحلقة على اغنية نور الزين حتى غيرج يضوج وتلبين تفاهة تفكيرج
لازم تمدح زوجتك كدام الناس وانت اصلاً ماتحترمها بالبيت ، لازم تنشرين الاكل السفري من صاج الريف ببيتج وانتي افشل ام وزوجة، لازم تنشر رسائل بينك وبين واحد مات وبالواقع جنت ماتديرله بال
لازم تنشر كلمتين من كتاب وتبين عمق ثقافتك الواصله واليختلف وياك تغلط على امه وخواته
الشك مالي گلوب الناس من وره الفضايح وعدم اخلاقية الغير ، مابقت لاثقة ولا ود بين البشر ، اليتصنع هو اليفوز واليبقى حقيقي تنفر العالم منه
وصار كل طرف ينتظر الطرف الثاني يخطأ حتى يتهمه بكتلة اسماء ومواقف يحس بأنتصاره بيهن
بيوت ادمرت وصداقات انتهت وموده راحت على مود بوست وردّ
نصيحة ، اشردوا ، ابتعدوا عن كل شي تحسه متنفس وهو بالواقع ياخذ من سلوكك ومزاجك وتربيتك
ارجع دك الباب على صديقك التحبه الماعنده متابعين والمايثير جدل ، امشوا واضحكوا وسولفوا
الضحكة الطالعة من الگلب مو على بوست تجامل بي واحد نكرة عالفيس
حبوا عادي واتزوجوا عادي وعيشوا وموتوا عادي
هذا العادي المايتثمن بس تفقده تبقى للابد مريض الفيس ومريض الانستغرام ومريض العالم الافتراضي وتكتشف نفسك بالاخير عايش داخل (بوست )جبير
وتنتظر اللآيك من الناس بالشارع .

الامتلاك كما يرى نيتشه ليس حرية بل قيد خفي
تشبثنا بالأشياء يربطنا بها أكثر مما نملكها نحن.
البيت يصبح قفصاً، والمال يصبح سجاناً، والحب نفسه يتحول إلى عقدة خوف من الفقدان.
وفي خفة كونديرا يبدو الإنسان وهو يكدس ممتلكاته أشبه بمسافر يحمل حقيبته بالحجارة كلما أراد أن يخطو خطوة نحو الخفة، شدّه ثقلها إلى الأرض.
ما نملكه في النهاية يملكنا، وما نظنه ضماناً للحياة،
يتحول إلى عبودية أخرى، ناعمة هذه المرة لكنها أشد قسوة.

صباح الخير 🫰🤍

ببالي جملة سمعتها من فلم قصير بولندي اسمه ظل بلا مرآة
يكول ( المضطهد حين يحرم من حقه في الحياة لاينتقم من جلاده ، بل ينتقم من نفسه )
الفلم يحجي عن رجل يكعد يومية الصبح يقيس الخسارات مو الأيام ، مايمتلك شجاعة القاتل ولا عزاء الضحية ، يبتكر طريقة غريبة حتى يقصي نفسه من الوجود ، يظل يطفي ضوايات بيته بالنهار ، يحط مرايته جوه السرير ويكتب رسائل اعتذار لبشر ماملتقي بيهم بحياته .
الفلم مايروي قصة انتقام ، يروي قصة استسلام انيق يبنيلك الأضطهاد من يتغلل بالروح يتحول لعادة يومية
شرب المي مستعجل ، النوم بجسد مشدود ، الأبتسام بدون داعي .
بالنهاية محد يكتل الرجل ، هو الينسحب من نفسه بهدوء يصير عبد لشهواته الصغيرة ، يلهث وره سراب الجنس ويكعد ساعات لازم موبايله يتابع مشاهير مايمتلكون انجاز سوى فضيحتهم ، يضحك وياهم ويتأثر بدموعهم
يصفك لأنتصاراتهم التافهة ، شاف نجاته بالحياة يستعير حياتهم الفارغة ،
هذا جان انتقامه الأخير من نفسه ، يعيش حياة انكتب بأجساد الأخرين بدون مرآة تخصه .

أسمعوها جيدا 👌

مساء الخير 🌹

تلك التي عندما أقف على أعتابها.. أراها إمرأةً تختزل كل النساء في حيائها .. حين ترفع حاجبيها تخجل المدن من عينيها ..

🫰❤️