والله اللي صار يخليك تعرف قيمة كلام النبي ﷺ :

{ من أصبح منكم آمناً فيِ سرِبه، مُعافى في جسده، عنده قوتُ يومِه، فكأنما حِيزتْ له الدُّنيا }..

‏اللهم إنّا نعوذ بك من زوال نعمتك، وتحوّل عافيتك، وفُجاءة نقمتك ، وجميع سخطك.

يارب أحفظ كل أهلينا في شرقنا الحبيب

يارب طمنا ع خوتنا واحبابنا سمعنا عليهم الاخبار الطيبه

انتقل الى رحمة الله تعالى احد اعضاء روم قبيلة الأجواد. خوكم عثمان (دبل)

انا لله وانا اليه راجعون
اللهم اغفر له وارحمه ويجعل مئواه الجنة يارب العالمين.
ادعوله وسامحوه ياشباب

معاك في مصابك ربنا يسترناااا..
هلك نفزعوا بحد الجهد يا درنه..

باي وسيله..
امعاك ليبيا من الشط للحبيله..
احني هلك واجبنا وموش جميله..
عليك ياعزيزه ياعروس بحرنااا..
انتي هلك هلنا والانساب اصيله..
مصابك مصاب الكل ومسمرنا..
فقدتي وفقدنا ناس موش قليله..
يعوض عليناااا الله ويصبرنااا..
ماعندنااا غير الدعاء من حيله..
وبما فيدناااا نقدر الله يقدرنا..
ماتشبحي لمسووِل لاتشكيله..
هدوم دعمهم للي يبي ايدمرنا..
بياعة الوطن وهله شيله بيله.
عليهم القوول ايكدره خاطرناااا.

انا لله وانا اليه راجعون

عظم الله لك الأجر ياخوي مبتسم
غفر الله لهم ورحمهم واجعل مئواهم الجنة يارب العالمين.
ربي يصبرك علي مصابك ياخوي

المبتسم #خالد_العوامي
بلغنى ويوصى  وهوا يبكى ☹
انكم كلكم  تدعو بالرحمه لزوجتة واطفاله  وربي يلهمه الصبر وان اى حد يسامحه لو غلط فيه ياريت جميعا تدعوله واقسم بالله حاله مايعلم بيه غير الله
ان لله وان اليه لراجعون
✍☹ السويح

شهادة لله ياجماعة معاد قدرت نخشله الروم ولا اللودو.
كل مانخش نذكر فكلمة (هلا والله بالعيال) عالمايك
والله صدق اللي قال ماتعرف قيمة الانسان لعند تفقده
والله العظيم سيب فراغ كبير ماحد يقدر يملاه
الله يرحمك ويغفرلك ويجعل مئواك الجنة ياعتمان ياخوي ياصاحبي

في قلوبنا قااااااااعد كبير عزانا..
عتمان العزووز اللي رحل خلانا..
الموت خداته..
ومن سيل غادر هن اسباب وفااته..
يارب تغفر يا الله سيااته..
هاللي خبر مووته فجيعه جاانا..
ياارب جر لجنتك خطوواته..
وفي جنتك حطه حدوود امنانا..
خساره الموت الغاذره وازااته..
اللي كان في قلبه نصيب حنانا..
هالموت مااااعدت الا قطفاته..
ماعاد في الدنياا يصير لقاانا..
وماعاد نسمعوا صوته ولا امهاياته..
بعد غيبته الغاالي الدمع عمانا..
يارب في الجنه تكون حياااااته..
وبالصبر نحنااا يا الله تملاناا..
وجيب عزمها عيني اللي فقداته..
ياارب جيب الصبر وان ابكااانا..
ماااشي لدرنة وسااعته ناداته..
رحل صاار بين يديك يامولانا..
طلبنااك تحسب يا الله حسناااته..
ويااارب تقبل لييه كل دعانا.

يارب ترحمهم اعزااااااااااااز عليناا..
ويارب في الجنة الغوالي احشرهم..
ولله راانااا طيفهم ماااااااا انسينا..
ولا بالنا غاابن عليه صورهم..
هم حبهم مازال ساااااااااااكن فينا..
ربي العاااااااااالي برحمته يغمرهم..
ياما عليهم من دمووووووع بكيناا..
ياااربناااااا هاللي القبر حصرهم..
ويامااااا لهم كل الأموااااات دعيناا..
في النااااااار يا موولاي ماتصهرهم..
ويامااا طلبنااااااا كل مااااااصلينااا..
عن كل سيه يا الله تعذرهم..
لا اليوووم ليهم كل ماحنيناا..
تذرف مذاامعناا علي خااااطرهم..
لكن بحكمك يا كريم ارضينا..
ومنك طلبنااااا للنبي جاااورهم..
وأرحم اللي مناااا وفينا ولينا..
وبجنتك ياااااربناا بشرهم.

عدنا

السلام عليكم ورحمة الله وبركاته
مساء الخير

اعضاء ومشرفين وكل من حامل شعار روم قبيلة الأجواد
سيتم اضافة حرف (ᵈ) لشعار الروم
وهذا الحرف سيكون رمزا لشهيد باذن الله تعالى خونا (دبل) فعلى من حامل شعار القبيلة اخد الحرف واضافته وشكرا جزيلا للجميع.

واللهم اغفر وارحم كل شهداء مدينتنا درنة واسكنهم فسيح جناتك.

شوفوا اليتاما وأجبروا بخاطرهم..
راهي الصدقه عالأيتاام فضيله..
فدرنة يتاما عاد لو تنصرهم..
تررتاح في نوم النهار وليله..
دعاوي اليتاما وحق من صورهم..
عن خاطرك تقدر الهم اتزيله..
ويرتاح خاطر كل من سايرهم..
عليه ربنا يفتح بأي وسيله..
واللي بحنيته ايجي يغمرهم..
موازين حسنااته اتصير ثقيله..
وياسعد من في كربهم آزرهم..
ربي طريقه كلها يضويله..
وياسعد من يبعد اللي تقهرهم..
واللي قهرهم من الله ياويله..
وياسعد من عنهم ايزيح غثرهم..
مولاي عن قلبه الغم ايشيله.

فقرة: مدينتي درنة
𖤇ᵈ┊ الروم :قبيلة الاجواد
التقديم: سوما
التوقيت: 12.30