* * *

Хато қилдим, кўнгил сенга қулоқ тутиб,
Хато қилдим, сенинг изминг бошлади йўл.
Энди ўзинг юрагимга бер ҳисобот,
Энди ўзинг ҳаммасига жавобгар бўл!

Хато қилдим!
Тузатилмас хато бўлди,
Тизгини йўқ кўнгил билан адоватим.
Кўнгилгинам, қара фақат сенинг кўнглинг тўлди,
Юрагимга жабр сенга садоқатим!

Умр бўйи дарс ўқитди менга ҳаёт,
Қулоқ тутмай, билакс сенга бўйин эгдим.
Оқибатда томирлардан оққач фарёд,
Юрак шўрлик кўтаролмай қолди қаддин!

Ўзимники бўлатуриб ўзимга ёв,
Қанча қасдинг яна қолди қарорингда?
Юрак билан менинг фақат сўзим ўтмас,
Кўксимдаги сен хукмдор саройингда!

Хато қилдим, кўнглим сенга қулоқ тутиб...

14.02.2021.

Малика Тавфиқ

Bizdam aslo uzoqlashmang
@soginchim_umidim_baxtim_sen