Фарғонада Ёшлар куни тантаналари катта концерт дастури билан якун топди

Фарғона шаҳридаги Ислом Каримов номидаги вилоят театр-концерт саройи очиқ майдонида 30 июнь – Ёшлар куни муносабати билан вилоятимиздаги таниқли санъаткорлар ва ёш истеъдодлар иштирокида катта концерт дастури ташкил этилди.

Вилоят ҳокимлиги ҳамда мутасадди идоралар ҳамкорлигида ташкил этилган тадбирга ўн минг нафардан зиёд фарғоналиклар ҳамда вилоятимиз меҳмонлари ташриф буюрдилар.

Муҳсин Мўминов, Отабек Муҳаммадзоҳид каби таниқли санъаткорлар, ашула ва рақс ансамбллари ижросидаги куй-қўшиқлар йиғилганларга юқори кайфият бағишлади.

Шаҳар узра порлаган ранг-баранг мушаклар дастурга ўзига хос якун бўлди.

Fergana.uz | Telegram | Facebook | YouTube | Facebook | Instagram | Twitter

Сирдарё ҳамда Самарқанд вилоятидан ҳоким ёрдамчилари ташриф буюрди.

Ўзаро манфаатли ҳамкорликни йўлга қўйиш ҳамда тажриба алмашиш мақсадида Сирдарё вилояти Сайхунобод тумани "Иттифоқ" мфй ҳоким ёрдамчиси Гулчехрахон Файзуллаева ҳамда Самарқанд вилояти Ургут тумани "Ширвоқ ота" МФЙ ҳоким ёрдамчиси Элбек Баратовлар Фарғона вилоятига келишди.

Фарғона шаҳар Сурхтепа маҳалласида тадбиркорликни ривожлантириш, аҳоли бандлигини таъминлаш ва камбағалликни қисқартириш борасида ҳоким ёрдамчиси Раьнохон Ходжиболаева томонидан амалга оширилаётган ишлар билан яқиндан танишишди.

Йўлга қўйилган янги лойиҳалар, тадбироклар фаолияти, яратилган янги иш ўринлари бўйича янги ғоя ва ташаббуслар билан ўртоқлашиб, ўзаро ҳамкорликни давом эттиришга келишиб олинди